#NSS學校 [某Band3中學] 希望抽得中我啦 是咁的，我哋學校有兩個候選學生會，喺早前已經通過咗投票啦係A學生會，然後呢B學生會就一直都唔憤氣啦，跟住自己輸咗之後呢，成日都喺度亂講野啦，覺得自己唔係學生會只係普通學生，就一直都做壞學生嘅形象啦。 例如喺學校扮受傷要去搭lift，喺自己個人IG亂咁鬧人，用IG亂咁post嘢，成日都出去慶祝(唔係生日嘅日子都要慶祝)名義上係候選學生會嘅聚會，但係實際上根本都唔齊人，淨係佢哋自己圍埋一堆自己幾個人，但係都仲要tag返自己候選學生會個IG然後鋪出嚟嘅嘢呢都喺度暗串緊對面。嗰陣時仲話人哋學生會係靠手段贏返嚟嘅 雖然有兩個候選學生會總會有呢啲咁嘅鬥爭，但係我唔明點解B候選學生會要用學校嘅身份去做埋啲咁嘅嘢。作為學校嘅學生，雖然自己都就嚟畢業，但係覺得佢哋如果用學校名義去做埋啲咁嘅嘢真係好失禮，我想咁樣公開係因為，既然佢哋都唔怕羞咁不如直接公開。加上佢哋已經輸咗，仲好似搞到自己乜嘢都唔知自己好委屈咁，但係實際上自己做好多嘅手段去屈對面。
#NSS社會 [GUEST] 點解唔鍾意Gay就等於歧視佢哋?我真係唔明點解而家啲人會玻璃心到咁。 話說我之前見到一個post話佢個人接受唔到gay，然後啲留言就個個都鬧佢，又話佢歧視，又話佢停留咗係清朝等。最離譜嘅係有個人叫佢唔好叫男同性戀既人做gay，我真心諗唔明叫gay嘅人做gay有咩問題。唔通叫黑色皮膚嘅人做黑人又係歧視? 其實我對gay嘅情侶冇反感 ，但就接受唔到發生係我身上(即係我唔係gay)，但根據而家社會嘅諗法，我已經係歧視，我已經係唔尊重佢哋。即使有人真係對gay嘅情侶反感，但其實根本都唔係問題，因為性取向應該係自由嘅。最好笑嘅係，話啲人歧視gay 嘅男/女，佢哋都唔係同性戀。我真係好好奇如果有個同性戀嘅人同個班人表白，佢哋仲會唔會咁冷靜同人講道理。
#NSS個人 [Guest] 小弟一直都有個幾friend嘅朋友，但係一啲事我哋嗌咗交。 我係F1嘅時候已經冇乜朋友，佢算係我頭幾個識嘅朋友，平時一出街食飯睇戲都會搵佢再加多幾個朋友，不過佢（下稱A）好乞人憎，成日都話咩輸咗抄牌，又影埋我啲黑圖PoIG，整埋啲唔知咩Fans Club，我已經叫咗A好多次唔好再post任何相上去佢冇理我。前幾日我約咗我遊戲嘅好朋友(女,下稱B)出去食飯，依家啲遊戲都有嗰啲情侶機制，所以我綁定咗。我諗住呃吓阿A話我同B解除咗關係，佢居然第一時間係搵阿B叫佢唔好理我搵佢一齊，我當佢係兄弟，佢當我係契弟，笑咗。我同佢講返成件事係我呃佢之後佢就鬧我仲要講埋啲粗口。 想問吓大家究竟係我嘅問題定係A嘅問題？我係唔係應該同佢道歉？見到面尷尬應該點算？ (求Admin post🙏🏻) 圖Link: https://hkchecss-my.sharepoint.com/:w:/g/personal/s20057_catholic_choihung_edu_hk/EWxSPNchKHFLo_WmA4zWPtEBusyqYbUpPxuHzJ3WylDvqw?e=Jb2aWG
#NSS學校 [GUEST] 第一次投稿有錯請大家見諒（長文慎入 望版主post🙏 我究竟有咩問題… 小妹今年F.4，入學嘅時候一個識嘅朋友都冇，直到而家都係一樣，我覺得自己係有社恐，每次有人同我講嘢嘅時候都會好驚，心跳加速，手震，但又要扮都冇事咁，即使對方冇惡意，明明同家人或者以前嘅朋友講嘢嘅時候可以講到好大聲，但答問題嘅時候我明明覺得已經講到好大聲，但其他人都好少聽到我講嘢，而我認為自己喺人哋眼中應該唔會覺得我係社恐。 有一次活動嘅時候導師問我班嘅同學對我嘅印象係點，佢哋話我高冷，但其實我真係好想答佢哋但係唔知點解會好驚，自問我返學都冇做D咩會令人討厭我嘅嘢，每日返到課室都係坐自己個位做功課溫書，小息同午膳都一樣。 到左今年，我都係一如往常咁返學放學，我以為自己可以繼續平常咁過多兩年，但係現實始終唔會咁平凡。小妹有睇開GL/BL（我唔會歧視）咁啱俾我班上面既人知道咗，表面上係冇咩嘢，但係背後佢哋就係咁喺度話我，有一次喺廁所我聽到佢地話我係未鍾意女仔嘅，佢哋又唔會直接問我，表面上又扮到好有禮貌咁，但有時候又會扮睇我唔到，D男仔又成日笑我，話我係未鐘意女仔，咁之前都有大叔的愛， 我都見佢哋有討論，咁唔通佢哋會介意？我都唔明自己做錯啲咩，本來已經唔鐘意返學，加上自己家庭方面父母都唔理自己，學業成績又不太好，我都有同父母講過我可能社恐，但冇人信，依家我好唔想返學，感覺好大壓力，希望大家可以比少少意見我，點樣可以解決或者舒緩壓力🙏非常感謝
#NSS學業 [Guest] Hi大家好, 小弟而家喺一間頗有名氣嘅中學讀緊書由於自己喺學校嘅成績都算突出,所以對DSE嘅分數都有要求。而而家都開始為自己未來打算,例如U讀咩科。我自己就有大概嘅方向,就係Hku bio medic 同 hku pharm。而其實個人來講我認為自己對biomed 會有多d興趣, 但係其實現實d咁考慮, pharm 出嚟嘅起薪點都頗可觀，相反地biomed 出嚟好似冇pharm咁可觀。所以我想問其實biomed出嚟係咪真係好似其他人講乞食科,同埋出路如何。 同埋想問下其他有呢兩科嘅U (例如CU and poly), 係咪同Kong u 比 係咪有差距(例如出路或者課程),因為我見d收分都有少少差距. Thx
#NSS家庭 [GUEST ] *長文慎入 小妹今年f2，前幾年開始發現我老母好缺愛。 講少少背景先，小妹屋企有個細佬（同父）同埋大我十年嘅家姐（異父），喺小一嘅時候父母已經離咗婚，阿媽喺之前都同另一個人離過婚，佢平時又成日出去返工，我明事理嘅時候家姐已經搬咗出去住，於是我由小學就已經開始識煮飯。 到小五嗰年大概十月，發現阿媽晚晚都喺度傾電話仲要笑笑口咁，一開始我以為佢只係識到新朋友，但係到同佢傾嗰條友出現喺我嘅生活我才發現唔對路。稱佢為A，睇佢嗰樣最多都只係30歲，大陸人。其實我一開始係接受唔到，雖然我阿媽都叫我可以唔使叫A做爸爸，但係我真係唔識點同佢相處。之前被迫返大陸，A嘅父母都要求我叫A做爸爸，之後佢仲搬咗嚟香港同我哋住。嗰陣時真係勁噁心，一邊要用普通話同佢交流，一邊又要接受呢個突然多出嚟嘅「爸爸」，有幾次我諗過問fd嘅父母去佢屋企瞓算。 到咗今年佢哋之間似乎出現咗裂痕，開始成日嘈交。聽佢哋嘅對話可以得知A用咗我阿媽嘅錢（應該都幾多）唔知做咩，嗰陣時我成個人呆撚咗，因為當初我阿爸就係洗咗我阿媽二十萬賭錢佢哋先離婚。自此之後佢哋幾乎就日日嘈，直至呢件事發生之後我先真正開始憎佢。 有一次小妹凌晨五點聽到出面有嘈交聲，因為我同細佬仲要返學，就諗住出去睇下發生咩事同埋叫佢哋安靜，點知出到嚟見到嘅又係令我呆撚咗嘅畫面：A攞住熱水壺作勢打落去我阿媽個身度。我即刻驚到尖叫問佢做乜，點知佢問我認唔佢做阿爸，我成頭問號。原來聽A講我阿媽又搵男人，嗰陣我真係又驚又無語，你哋之間嘅所謂感情拉埋我落水做乜9？阿媽喊住叫我返房瞓覺，之後嘅事我已經回憶唔起，只係記得我起身嘅時候我阿媽隻眼仲係紅嘅。 再後來A已經返咗大陸，阿媽都係咁催佢還錢，唔知咩原因我阿媽而家都冇同佢離婚，但係可以睇得出我阿媽有呢個諗法。 當我以為佢嘅感情事已經告一段落，到今個月佢又令我翻白眼翻到就嚟上天花板。佢最近又開始日日WhatsApp同傾電話，同樣又係傾得好開心，而且仲特別聽今次呢個人話，今朝佢叫我幫手搞呢個人apps之類嘅嘢，又話好重要乜乜乜，我搞緊嘅時候佢仲喺隔離望實我。 雖然我阿媽平時煩係真心煩但係始終係養到我咁大嘅人，我知我無權干涉佢嘅感情，但係我唔想見到佢重蹈覆轍，唔知各位可唔可以話俾我知我可以點🥲 Sorry for 1999 Thx admin