—類投稿

#NSS愛情 [guest] 兩個星期前，有日放學同我嘅best friend 食飯，我突然嗨咗。於是，就同佢告咗白。成個故事好長，我完全係4日內心情大起大落。到之後個禮拜我地有其他嘅尷尬時刻。主要係我on9。笑 依家就淡咗。或者講我想淡，而我地幾年來都係靠我主動同熱情維繫關係。所以可能就係咁，佢慢慢變成我舊人或者故人啦

#NSS學業 [GUEST] 我，一個學霸，其實我都唔想稱自己為「學霸」，但其他人咁叫，我就坦然接受啦😌 冷靜，唔好揼我住，上述一概亂up🤣講吓笑啫，小妹主科差 小妹今年中三要揀科，但我科科啲成績都差唔多（除咗英文），我冇特別擅長嘅electives，亦都冇特別差嘅electives ，文理科都ok, 理科有七十幾八十分，文科因為齋背，容易啲有高分，有八十幾九十，但其實文理科名次差唔多。 我自己其實偏好文科少少，但又覺得理科出路好啲，而且我又唔係讀唔嚟，身邊成績好嘅人好似都係揀理科多。 所以我真係唔知揀咩科好，有冇過來人可以俾啲建議？🙇🏻‍♀️

#NSS愛情 [SPKC] Admin po IG plz 我鍾意左一個男仔五年 由中一入學果日就對佢一見鍾情左 我同佢在學校冇乜交流 佢甚至可能吾知我係邊個 但我一直留意住佢 成日會喺佢班房門口偷望佢 手機入面有佢好多張相 夜晚望住佢我先訓得著 幾個月前見到佢鋪限時動態話同左個女朋友分手 原先我諗住係一個好機會去接近你 但我見到你為左個女仔日日失魂個樣 我吾忍心去趁虛而入 見到你尼排終於move on到 終於見到你笑返 個人又開朗返 我都放心吾少 正當我打算去接近你既時候 竟然有人快我一步同你表白

#NSS個人 [GUEST] Helloooooooooooooooo 我就14歲 158cm 但從細到大都有一個問題存在 就係太瘦 T.T 相信都有人同我有差唔多嘅狀況（大概30Kg or less) 我每日三餐都喺食正常人嘅份量 但係我點樣食都喺唔肥 我屋企人都睇唔落眼 不停講阿女 你瘦到貧胸啦 每星期都吹我增肥呀啊啊啊 通常啲人食芝士會肥 but我唔鐘意食 一聞到就有啲想嘔（只係個人睇法）希望各位可以俾啲解決方法我 如果食芝士真係會好快肥 我maBey will try try

#NSS其他 [guest] 尋一起打排球的frd！辛苦💦admin

#NSS愛情 [GUEST] 暗戀係一件好辛苦嘅事，希望暗戀緊人嘅各位把握機會，唔好失去咗先嚟後悔，祝各位有好結果 by一位啱啱失戀嘅人士

#NSS文化 [沙田區中學] 唔知有冇中意詩詞嘅人，想一齊交流（可以玩埋飛花令👀🙈🙈🙏🏽 見到李白杜甫等等嘅詩人用幾隻字就可以寫出膾炙人口嘅詩好佩服，修辭好多好值得學習😭❤️當然背後仲有道理，例如陶淵明嘅「採菊東籬下，悠然見南山。」係想我哋要有平淡釋然嘅心…… sor for 1999 鬧細力啲🙏🏽

#NSS學校 [GUEST] 標題：今年嘅學生會真係好廢 如標題所講，我學校今年嘅學生會真係好廢，我今年f2，所以都知道一個正正常常嘅學生會係點，話說我哋今年得一個候選內閣，投票淨係投支持或者反對，競爭就自然少咗，亦都容易做當選 (始終有好多人都係想有學生會嘅) 至於佢點廢發，我就喺度講吓啦，政綱喺答問大會兩日前先派，仲要好多錯字，而且文句唔通順，嗰啲新活動介紹得一嚿嚿，都唔明佢講乜，後來有人喺secret page話睇唔明佢先出嚟解釋返，不過都係解釋得一嚿嚿，我真係好想問你哋學生會10幾個人點入嚟我哋學校㗎 (b1)，文句差到咁 佢有個ig page，不過除咗條宣傳片同佢哋當選之後影嘅合照之外就咩都冇，去google form提出意見又從來冇人覆，好啦佢可能暗中改善緊，不過我可以同你講我同埋其他同學提出嗰啲問題，佢哋從來冇改過囉，基本上佢哋當選之後就消失得無影無蹤，舊年個學生會每次有節日/ut/考試/學校特別日子/有特別事 (例如校服換季/photo taking等等)，佢哋都會喺ig出個post提同學或者同同學打氣，個對比真係大到呢 唔係淨係我覺得佢哋廢，我係排球隊嘅，所以識唔少師兄，佢哋話學生會嗰班人成績一向好差，而且成日欠交功課，嘩我聽到嗰陣真係呆咗，乜學生會唔係師弟師妹嘅榜樣咩，連學生會都欠交功課，咁我哋啲普通學生咪直頭可以曠課？學生會係應該服務同學，你而家當選之後就咁消失咗，咪即係話緊俾人聽你唔係有心想服務同學囉，你哋參選係為咗咩？係唔係為咗件校服上面可以扣嗰個su章？定係阿會長你想喺hall出邊嗰塊版度留名？(我哋學校hall出邊有啲版，有曬創校以嚟咁多屆嘅校長同學生會長嘅名牌 我只係想講，你哋扣得個su章喺件校服，就唔該做好學生會嘅本分，去認真咁服務同學，唔好un un腳唔做嘢 求post ig

#NSS愛情 [西貢區某一間] 鍾意人嘅感覺原來係咁 是咁的，小妹近呢幾個月鍾意咗一個同班女仔（叫A)，（冇錯係同性戀😶，你地覺得有冇問題？）之前冇試過同佢一班同埋只係見到面講一兩句嘢咁，係今年先同佢一班，為咗可以接近佢我比平時更加主動搵佢同埋講嘢，終於佢有幾次會主動搵我😶，有時我同佢加另一個同學講嘢，因為始終我都係今年先同佢一班，佢同另一個同學多嘢講過同我講係正常，我都會自己彈開，入唔到個話題。 我覺得佢好有魅力，落堂嘅時候會特登等埋佢，有時會唔敢同佢講嘢😂想同佢放學但係因為佢好多嘢做，有時唔得閒、有時同朋友放，最後都冇，因為佢住嘅地方同學校都近，所以佢幾遲走都比我仲有時間返屋企上堂，有個friend講話佢係鍾意女仔但佢話唔肯定係咪真，見到佢同其他同學有偈傾，我就有啲妒忌😂🥲，暗戀都真係幾辛苦，我有諗過學期尾先同佢講我對佢嘅感覺。（純粹分享，唔好屌🥲😂🙏🏻） Sorry for 1999 （希望可以擺到上ig page 嗰度🙏🏻）

#NSS個人 [GUEST ] 希望可以po igㅠㅠ 麻煩晒 小妹今年f4 我好鍾意同人比較 無論係乜都會比一餐 點解自己咁醜樣唔及人地 點解自己成績咁差唔似人地咁叻 點解自己社交圈子差過人 點解自己可以差到一個點 個大腦衍生左一個人格不停去鬧自己 但係我本體控制唔到大腦既諗法 只會不停接收呢啲從大腦講既野 但係當自己成績唔錯既時候 個腦會講 「你憑咩咁高分，你撞彩咋嘛」 我認為自己一文不值 我根本唔及人地 甚至唔配做人 因為根本冇人真係鍾意我 我咁冇用 我開始做出啲自殘用筆刮手既行為