#NSS愛情 [TCSS] hello大家好小妹今年f.5, 最近同級入面一個男仔一齊左，佢好鍾意打codm。事源係咁，佢最初話廢吾緊要至在陪下佢叫我下載，好啦咁我下載左，但係打到好廢係咁死。佢見我打到咁就叫我吾好打(我第一次打槍game)，喺度係咁話我廢。我話咁不如一齊打傳說(小妹打左好耐，都算勁，佢都有打不過吾勁)，之後佢話吾好因為我勁過佢。其實男仔係要點先會同女朋友一齊打機？勁得濟又話傷自尊心，廢又覺得係拖累，吾打又話”你睇下人地女朋友幾好呀陪仔打機” 希望各位俊男美女可以解答下小妹🙏🏻. 有得罪嘅話小妹係度同大家講句對吾住🙏🏻🙏🏻 Sorry for 1999 Thx admin🥰
#NSS學校 [GUEST] 是咁的，今日上中史堂，阿Sir竟然攞住個茶壺入去課室，上面仲要放咗個茶餐廳紙杯。我哋見到嗰陣已經好驚訝，點解會有人攞住個茶壺嚟教書？唔通走過嚟嘆茶咩。 跟住佢就繼續教書啦，落堂前10分鐘，佢突然之間話好口渴。佢攞出佢嘅紙杯，然後將嗰壺茶倒落去，跟住攞起個紙杯，好舒服咁飲咗一啖。「呀！」再飲一啖，「呀！！」佢一共飲咗三啖。然後放低個杯，話：「普洱真係好好飲啊！」之後我哋成班黑人問號，而佢竟然再飲多啖先放返好佢壺茶。咁就浪費咗1分鐘。 我真係好好奇而家上堂嗰陣可以嘆茶嘅咩？下次預埋我哋啦！我哋都想試吓你啲「好正」嘅普洱㗎。
#NSS個人 [葵青區一間中學] 住葵芳嘅人希望可以小心，頭先我遇到壞人 我投稿呢日係11月23日下午5點54分，頭先我喺葵芳葵安樓同葵德樓之間遇到個唔知係色狼定拐子佬嘅人，頭髮到膊頭帶黑色眼鏡，偏瘦，唔算太高（我估有160到165）嘅男人，佢行過嚟問我係唔係食嘢，問我住邊問我而家去邊，我當然唔答佢，我以為佢會走開，點知冇，佢一直跟住我，我開始驚，我急步行費事跑會刺激到佢，然後即刻入大門，佢見我想入去，佢嘗試拉翻我出嚟，不過唔大力，所以我都入到去，我一入去即刻同咗保安講，我唔知會有咩後續發展，同埋我唔清楚佢係咩人佢想做咩，不過我好希望大家可以好好保護自己，唔單止女仔，大家都要，如果有人住附近的話盡量避免自己一個行d少人嘅路，希望大家睇完可以加強保護自己嘅意識，唔好有呢d事輪唔到我嘅想法，因為危險好可能一直存在 admin pls post ig
#NSS學校 [x中學] 唔知點解無端端諗返起間on 9小學,想呻下 記得嗰陣放學嘅時候如果冇家長接嘅話就一定要跟大隊(即係老師帶住一堆同學放學,然後於目的地解散)從來都唔可以自己放學,即使到咗小五小六依然要跟隊放學cls。如果畀佢發現咗你自己放學(即係唔跟大隊)就會強迫你跟番大隊,兼且打電話畀家長加記名一個頂佢個肺,而家諗番都覺得變態🙃其實放學條路真係一啲都唔危險,好開揚,好多人行,完全唔明白點解要跟大隊???你話小一至小三呢啲低年級跟大隊都正常呀,但係上到五六年級都仲要跟大隊真係好奇怪囉🤷仲有我間小學好特別,連遮都唔可以帶,你冇睇錯呀,係連遮都唔可以帶!!?!cls而每次落雨都好唔開心,因為冇人接,所以就要跟大隊🥲就算好大雨,都強迫我哋跟住大隊返目的地。而每次都好趕咁,一放學就要開始行,好似趕住去投胎,等啲雨細啲先行都唔得,而最過份嘅係帶隊嘅老師就有遮用,但我哋同學就冇🙃唯有著住雨衣淋住傾盆大雨,非常狼狽地返目的地cls,返到去嗰陣全身已經濕曬😭而曾經有人帶過遮,然後訓導主任見到就話佢,我當時真係心諗wtf呀,個同學都四年級啦,連遮都唔畀帶??!?而且學校強逼同學每日帶雨衣,唔帶畀人發現就記名一個🖕😃🖕我真係憎死你呀麥主任(我哋嘅訓導主任)向你哋反映過都唔理,無良。 除咗呢個之外仲有啲更無良嘅嘢,呢個麥主任係負責睇住啲風紀,然後當時我就係風紀啦,而我只不過係四年班,就畀人編排咗小息去睇住班五年班,仲要係成績同品行比較差嘅一班😃其實有冇諗過我嘅感受呢?根本就管唔到,班人曳到死,仲要個個都高過我同大過我😃😃😃好心你編排邊個人管邊班都編排得好啲,有心啲呀,至少唔會編排一個小四嘅人去管一班小五,仲要係最曳嘅一班🙃不過好彩我之後都辭咗職,因為實在忍受唔到,事緣係我除咗小息要管呢班小五之外,平時早會之前(都有差唔多45分鐘,我諗係畀啲同學返嚟準備下心情咁啦)風紀一定要最早返到,呢個好正常,因為風紀不嬲都要早啲返去處理校務,所以我都好接受。但問題係我嘅工作係要企喺校門嘅附近,睇住啲同學,邊個曳就去管佢或者記名。但問題係每日都企45分鐘,企完之後隻腳已經痺哂,根本就有病囉,係咪可以每20分鐘搵同學調下更,等我同其他同學可以休息下呢?不過我都唔係最慘,大約8個同學係直情係要企喺個校門出面,啲老師一行到入校門,個個就一致同老師講:「X(老師的姓氏)老師早晨。」然後再鞠躬!!!或者啲同學每日咁做已經麻木曬,啲聲線呀語速呀動作呀全部都整齊到一個點,佩服🙇其實痴線嘅咩,而家你哋訓練軍人呀🤣有時你入學校之前真係要做好心理準備,突然之間有個老師行入嚟門口,跟住班風紀就好有力感講呢句加鞠躬,你未預備好真係會畀佢哋嚇親😂😂但其實諗深一層佢哋真係慘🥲我暫時只可以講住咁多先,如果大家有咩唔明可以喺留言區度問我,我會用一個冇人知道嘅帳號一一> @hi_09876fd 去盡量答大家嘅問題💝將呢間無良小學嘅衰嘢一一揭穿🤗
#NSS學業 [GUEST] sor for 1999🙏🏻 小妹今年中四 ，中三個年明明考得幾好，但最近兩次Geog test都炒炒地(爭幾分唔合格嗰種)， 佢入面啲mc都係CE嘅，但係上網搵淨係搵到答案無題解，個老師又唔會解mc🤧。我見 math chem bio youtube都有Herxxx Wong嘅片。想問有冇人知道邊度有定geog嘅定係一定要去補習?話說其實我啲內容全部都識但係就答唔中point🥲，想問下大家有冇推薦嘅geog補習🙏🏻，希望大家幫幫手thxx🥺❤。 同埋唔該曬admin~ 如果可以嘅話希望可以po IG🙇🏻♀️
#NSS社會 [Guest] 而家呢個社會嘅價值觀真係越嚟越扭曲 以社會事件為例 兩年前社會都仲會理性思考 會諗吓成件事嘅事非對錯 但係近年啲人根本唔會理發生咩事 見到新聞有某幾隻敏感字就起哂槓周圍_ 根本唔會理邊個啱邊個錯 _咗先算 又唔會諗下po主睇完啲cm後會有咩感受 抱住一種「佢點諗又唔關我事 橫掂網上講嘢都唔使負責」嘅心態 其實咁樣見到某啲字就_ 同五毛有咩分別 又或者而家啲後生 唔講政治 淨係人生價值觀都已經扭曲哂 成班啱啱上中學嘅𡃁仔 晚晚流連喺街 叼住支煙以為自己好型咁 啲女仔就一啲都唔愛錫自己 做ptgf 甚至出嚟賣 越早破_就越威咁款