#NSS個人 [GUEST] 身邊好多朋友去曬英國 或者準備去英國 仲有人想開關就去日本/加拿大讀 但其實我想去韓國留學好耐 想知道有無係轉去韓國 想了解關於韓國留學方面但身邊完全無人去/了解🥲 本身無追開韓星 都唔係劇睇得多先去（都可以算係…係睇youtube好多韓國高中生有拍vlog 就算係普普通通日常生活我都唔知點解好嚮往好羨慕 上網搵好似都淨係得話語學堂/大學留學（其實本人睇左好多解釋 都唔太明語學堂係咩定義 係補習社定係想去韓國留學就要讀左呢舊先？ 同埋成績方面其實都唔太自信+我唔了解佢地收生標准 我本身係f5留級 今年重讀f4 成績都算比舊年進步好多但認真唔係好 學校應該band2c 想問如果有人係中學就去韓國讀可唔可以俾d意見🙇🏻♀️🙇🏻♀️🙇🏻♀️sorry for1999
#NSS學校 [西貢區某間中學] Admin 幫幫手po ig please🙏🙏🙏 小弟f.2,f.1嘅時候同兩個同班同學好friend,但係上到form2嘅時候,因為篤咗其中一個人冇做功課,所以同其中一個人開始有牙齒印,然之後有一日我返到課室嘅時候,我成件風褸都係粉筆擦印,但係當時同我有牙齒印嗰個都仲未返到課室,咁所以我就懷疑係另外一個人,因為係得佢哋兩個會搞我同埋會搞啲咁無聊嘅嘢,所以我就篤咗另外一個同學比老師(我知其實咁樣做係有啲唔啱嘅,因為始終唔確定係咪嗰個同學)咁老師之後就搵咗佢,佢就當然唔認啦(我到依家都唔知真相係點),咁老師都冇對佢做啲乜嘢嘅(冇任何處分同埋懲罰淨係話咗兩句),咁亦都係因為呢個原因喇,所以搞到兩個都有牙齒印,老師搵完佢嗰日嘅放學,佢走咗過嚟打我,摑咗我成兩三巴,但係佢打完我之後我冇同老師講因為我唔想搞到件事咁複雜(之前都有試過無原因咁樣兜嘢踢落嚟,但係都係嗰句啦我冇同老師講),但係從此之後佢就同另外一個同我有牙齒印嘅同學一齊搞我,得閒無事又踢下我呀打下我呀,上堂又言語bully我,咁直至到早幾日佢哋搞我櫃桶(其實我當時唔喺課室,係因為有個人用緊我個位,之後用我個位嗰個人同返我講我先知),之後用我個位嗰個人就叫我上去搵訓導主任,我一開頭都唔想嘅但係佢同我講其實佢哋之前都搞咗你咁耐喇(佢哋開咗幾個ig account嚟鬧我,我忍咗好耐我都冇講過嘢,想冷處理),不如你一次過講曬畀訓導主任聽,我諗諗下又好似啱,所以就懷住一個忐忑嘅心情上去搵訓導主任,見完訓導主任之後就話第2日再處理因為佢哋兩個就走咗啦已經,咁去到第二日訓導主任就搵咗佢哋兩個,同埋搵埋我同另外一個都畀佢哋蝦過嘅人,一齊當面對質,咁傾完一大輪嘢之後,訓導主任就話咗佢哋兩句,之後就完喇,冇任何處分,連缺點都冇,但係訓導主任叫佢哋delete曬所有ig account(截至我投稿嘅時候我都仲未見到一個account delete咗,佢哋兩個齋block咗我) 其實我本身心諗,又打我又網絡欺凌又言語欺凌咁樣,應該點都會有個缺點啦,冇缺點都應該會話畀家長聽喇,點知淨係話兩句就算,雖然訓導主任都有話如果佢哋繼續咁樣對我嘅話,會話畀家長聽,嚴重嘅話會報警, 但係我又覺得咁樣都仲唔夠嚴重咩,但係訓導主任有同過我屋企人傾過,屋企人事前亦都知有人喺學校欺凌我(原本諗住寫信俾學校但係畀我叫停咗,因為我冇諗住佢哋兩個咁厚顏無恥,唔理佢哋都繼續bully我,仲要喺訓導主任面前扮曬無辜,乜都唔認,所以先叫停咗),不過我睇多個零兩個月佢哋如果都仲係欺凌我嘅話,我一定會話畀訓導主任聽,至少話畀家長聽都好,係囉成件事就差唔多,感謝各位睇到呢度嘅人,Thx Sorry for 1999
#NSS學校 [guest] 我真係唔開心！ 我知我呢幾日睇落好似玩得好自在，好唔在乎，好似無咗你都可以過得好開心咁，但其實唔係啊！我鐘意同你相處，鐘意陪你食野丶去玩丶行街丶傾計，無論做咩都好，只要同你一齊，對我來講都係重要既時光。 冇咗既校園生活仲係好似缺少咗啲咩咁，一啲都唔完整，唔係我想要嘅野。 但最近我哋之前既氣氛好似變得有啲尷尬，你唔再對住我笑丶唔再向我分享你既生活丶甚至唔再俾我捉住你隻手了！曾經喜愛主動挨住我膊頭休息既你亦都不復存在了。相反，逃避丶冷淡丶矛盾成為咗我們這段關係的代名詞。過分重疊既生活圈子令我喺呢一段時間收到無數次詢問「你同一心係咪嗌咗交？」「你同一心最近發生咩事？」面對一個個突如其來既關心，我真係好想答佢哋「我哋無野啊！係你誤會咗咋！」，但其實最清楚呢段關係已經搖搖欲墜丶岌岌可危既人，係我。 本以為只要兩個人都有心，想要維繫呢段關係，咁樣我哋根本唔會變得疏遠，唔會去到依家呢一個情形，可惜世事難料，我哋雙方都有責任，既然決定咗要重新開始，咁我哋兩個要反思，都要改變。 一方既遷就同付出顯然唔係可持續既良好關係，由聽日開始我會努力，希望你都會 大家比啲祝福我同一心啦！
#NSS愛情 [GUEST] 小妹f3😬😬 最近鍾意左個我哋班嘅男仔,佢勁高185cm,今日勁sad佢個朋友分組拉走佢😭😭本來佢願意同我一齊一組嘅😭😭我唔會原諒個男仔成日鬧我今日仲阻住晒😑😑😬但我想講幫我問佢佢細佬會唔會入呢間學校嘅時候………….佢居然話佢可能移民……….thinking…..我好驚………我每日都幻想未來😔😔但真係好驚佢走😩但如果我表白可能朋友都冇得做😓😓其實都係算啱啱熟因為大家今年先同班……….我鍾意你😣😣😣 但其實我自己係去嘗試move on所以先咁…………..冇辦法 之前嗰個已經有女朋友🥺🥺 Sor for1999 輕屌😬😬 圖Link: https://www.google.com/imgres?imgurl=https%3A%2F%2Fdata.marry.com.tw%2Fimg%2F2019%2F07%2F16%2F156324001118914100.jpg&imgrefurl=https%3A%2F%2Fwww.marry.com.tw%2Ftopic%2F2823&tbnid=yk_r0Ks7gz4ImM&vet=1&docid=-yC0Qv33I3mQ7M&w=897&h=898&itg=1&hl=zh_TW&source=sh%2Fx%2Fim
#NSS學校 [GUEST ] 我求求admin post 下，因為我真係唔知可以點。。。🙏🙏🙏 大佬啊，你想點啊？同留班生咗Friend都有罪？🤔🤔 是咁的，小妹由細到大都比較外向，D friend 唔算少，人缘唔算大差，但係近呢幾年，唔端端變得好內向，唔想主動識人，所以我以前D friend 都有問我究竟搞乜春，但係我自己又覺得唔乜嘢。 近呢兩個月，識咗好多留班生，因為佢哋好好人，所以我都幾鐘意同佢哋一齊玩。跟住呢排我阿媽問我：學校有咩新friend啊? 我咪答族咗佢嗰班留班生個名lor 阿媽又話：邊個嚟ga, 未聽你講過佢哋嘅？我咪答佢話佢哋係留班生，跟住阿媽之後嗰3日都比個dirty look 我， 好似我有罪咁。又話要我同嗰班留班生有距離。🤦♀️🤦♀️ 咁我都唔辦法，咪聽阿媽講，distance 一下佢哋，之後過咗幾日，D 留班生friend又無端端嚟Unfriend 我。。。 佢哋話因為我distance得佢哋太多，除非我唔再同佢哋distancing，如果唔係，佢哋就Unfriend 我。🤦♀️🤦♀️（好小學雞）
#NSS個人 [GUEST] Re：#NSS211123E 我係樓主，回應返啲cm先😂睇到啲cm真係笑死我😂 排第一最好like嘅cm，咩又係靠自己揾錢 理撚得人？咁我答你喇：我篇文係我自己睇法，你理撚得我？又係到cm？cm嗰個岀黎解釋下？但唔好話咩個cm係你睇法，理撚得我啊？你係鬧緊/回應緊我架😂 之後我想講嘅係，被人強上當然唔係自己揀，但被人強上完去唔去揾可信任嘅人(eg家人、老師、社工etc)去報警絕對有得揀，岀po只係想講叫女仔/男仔要對自己負上責任。仲有，我當然明白唔係人人都有能力幫人補習，我指幫人補習都只係個例子，我都有舉其他兼職例子架。如果原po主真係講到情況好嚴重好急用錢嘅，點解唔揾社福機構幫？可以好快批到應急錢。利申返：申請過。同埋原po主都講到自己咁急用錢，又點解會買名牌？ 至於其他人話我鬧原po主？sor真係冇咁嘅意思😂唔該唔好過份解讀本人意思😂如果你覺得我有鬧佢，咁係你嘅事，唔信就算，亦唔需要你信😂佢有佢睇法，我有我睇法，當然睇緊嘅你都有自己睇法。屈我鬧佢cm話咩憑咩鬧佢嘅，咁我想問你：咁你又憑咩鬧我？🥰更何況本人為樓主，我都冇鬧佢，我自己咩意思我好清楚😀 當然，原樓主佢自己想/被迫用性賺錢都好，我真係唔係鬧佢，畢竟個身體佢嘅關我鬼事咩😂難聽啲講句，如果佢不幸染上性病嘅話，關我鬼事咩？同樣地亦都唔關你地試，除非係過佢僱主或者發生過性行為喇😂我岀po個目的只係提醒佢同其他人一樣，不論咩原因都好，都要為自己做過嘅事負責任，同埋唔好害到其他人(eg唔好傳染其他人)就得喇。 以上只係我睇法，唔再覆喇～
#NSS個人 [GUEST] 大家好，我有啲人際關係嘅問題想大家畀啲意見我🙇🏻♀️ — 背景:我,A,B,C四個原本好frd，但自從A被分咗去其他班之後A同B,C少咗一齊玩,而我就依然keep住同A聯繫(A亦有識到新朋友同男朋友) — 事件:分班一年後B因屋企因素要移民，變咗得翻我可以陪C,但A向我抱怨希望我陪佢，令我開始有啲煩惱。冇幾耐，我發現C患上咗心理病，想多啲陪佢，但佢亦因呢個病而冇翻學一排，喺呢段時間入面A有陪住我，等我喺學校唔好咁孤單。 隔咗一個學期，C嘅情況有好轉，開始返學，形成咗A,C互不溝通、我同其中一方講嘢就會冷落另一方嘅尷尬局面，我有各自問過佢哋係咪唔鍾意對方或有嗌過交，但佢哋否認。我知道一開始難免會有啲尷尬，但呢種情況已經持續咗1年半，佢哋依然冇踏出一步，我見到原本好frd嘅兩人變成咁樣好唔開心。 此外，C前排有想自殺嘅情況出現令我好擔憂，而A並唔知道C嘅狀況，但冇經C同意就話比A聽唔係咁好，同C講呢件事又驚令到佢更唔開心(佢問過我”點解A有男朋友同咁多朋友係都要搵我”之類嘅問題，我真係答唔到佢，好不知所措)。 — 佢哋兩個都係我好重要嘅朋友，我唔想冷落任何一方，但我真係唔知可以點做，要修補關係？定係揀其中一個？希望大家可以比啲意見我🙇🏻♀️ — Sorry for 1999 感謝admin🙇🏻♀️💦 希望抽得中
#NSS個人 [GUEST] 小妹今年form 3 (=ﾟωﾟ)ﾉ心裏面一直有個問題唔夠膽講出嚟 其實係咁嘅，小妹每當見到有靚仔就會好唔自在，可能係因為佢靚仔所以怕羞？！但問題係， 見到佢手上面嘅手機唔係iPhone 比較新嘅型號 或者冇咩新型號嘅電子產品 ，就會即刻冇晒feel ，此為其一個怪點 其二，小妹同時間鍾意好多個人，例如係班上面見到邊幾個男仔成績比較好，同埋夜晚都唔錯就會好想喺佢哋面前表現自己，有意無意都會想撞到佢哋，同時見到隔離班有邊啲靚仔都會好似咁 但係一旦我知道佢哋成績又差返嘅時候，或者過咗一排 我就會即刻好討厭佢哋，但當佢哋又再成績好返 又會回復返之前嘅狀態 請問咁樣嘅心態係咪好有問題？