#NSS個人 [GUEST] 本人f2，見到之前既post，都想分享下，琴日放學返屋企嘅時候遇到壞人，而我嗰陣同緊人message，突然行緊即時候有個大約四五十歲既阿叔行埋嚟問：「小妹妹有冇10蚊？」我已經覺得好奇怪，前面仲要好多人等緊馬路，咁我梗係無理佢，想行開，但係佢就有種想唔比我走嘅感覺，好彩後面好位阿姨行過而我就走到，咁我就去等馬路想盡快沖走，點知嗰個阿叔去問另一個應該同我一樣大睇緊電話等緊馬路同我有少少距離嘅女仔有冇10蚊，我一直望住驚嗰阿叔會唔知做乜，好彩綠燈我同嗰個女仔到即刻快步行走，其實嗰陣有好多姨姨同埋啲阿媽拖住啲小朋友，所以我就知嗰阿叔係壞人，分享出嚟希望各位小心啲，亦唔好好似我咁掛住message
#NSS學校 [GUEST] 小妹懷疑自己鐘意咗個女老師 首先個老師form1係教我中文，嗰陣時自己都幾憎佢，因為覺得佢教得好差，畀好多功課，仲試下當面鬧過佢，但上到form2之後就發現有老師仲衰過佢，咁都只係後悔form1嗰陣點解冇好好珍惜，但可能因為我成績都幾好，佢竟然冇嬲我鬧佢，仲揾我幫手做嘢……所以就覺得佢好好人，然後見過佢除口罩嘅樣都覺得好靚女 之後就開始想喺學校可以見多佢幾面，又成日睇佢last seen ，又想多啲幫佢手，想同佢傾多計 但其實佢已經好男朋友，所以我都係收返埋，普通師生關係就算喇，純粹想喺度抒發下，多謝大家聽我廢up🙇🏻♀️
#NSS個人 [［GUEST]有冇人同我一樣日日都喊] 其實我一直都為咗呢個問題困擾咗好耐😅 大概2年之前我就因為屋企經濟問題，由獨立屋搬去公屋，然後開頭都好地地。直到住咗幾個月開始，我就日日喊。 我唔知自己喊咩，但我就係好想喊。 然後去到考試嗰排我日日喊，喊到有時會打自己。 考完試之後既幾個月我又冇事，直到前幾個開始我由日日喊。每次做自己有興趣既嘢就會喊，甚至誇張到上上下堂都想喊。有次上堂個老師叫我答問題，然後嗰排屋企隻寵物死咗，我就唔識答，然後突然偷偷地喊。 我有試過搵人同我傾，但係我唔知要同佢傾咩，我又講唔出自己係為咩喊⋯然後我屋企人都唔知呢件事，我都唔想比佢哋知。於是搞到日日都會懷疑自己係咪社會寄生蟲，差唔多日日都想去死。 其實我都唔知可以點做了 麻煩大家睇到呢度sry for 1999🙏🏻
#NSS個人 [GUEST] 想問一問大家其實男仔身高係咪咁重要？小弟今年中五但身高只係得162😓 覺得好冇自信，仲要讀男校個個都高我一個頭，連啲師弟都有九成九高過我，我因為咁好自卑，自從中二就患上抑鬱症，覺得一定好少女仔鐘意我，我又唔係特別靚仔或者有D咩才能，樣樣都一般般，真係好冇自信，自己都發覺精神健康差咗好多，成日傷心到喊，去過醫院check點解咁矮發現生長板塊已經閉合曬(即係完全停止長高或只得0.5cm 鬆動），所以覺得好絕望，身高只係達到平均女士身高😢 想知有冇其他男仔同我一樣咁矮或者女仔重唔重視男仔一定要高？ sor for 1999
#NSS其他 [大埔其中一間中學] sorry for 1999🙏🏻 我想喺借呢個page同我個frd講啲嘢 (交代返 我係有MDD同BPD 同埋一啲原因所以我會成日推開身邊重要嘅人 但唔係真係想佢走 同你冷戰咗差唔多就嚟3個月 我喺密友po嘅你全部都有睇但就係唔覆 我知道係我唔好。一次又一次令你傷心 對唔住。我唔係一個好嘅朋友、閨密 我淨係諗住唔想你擔心所以推開你 但我冇諗過原來喺你眼中我真係咁重要 真係好對唔住。我知傷害就係傷害 但我真係唔想失去你 你對我嚟講真係好重要。比所有人都重要 好多人同我講。你唔值得我而家咁 我全部都冇理會。因為曾經係你叫我相信你 曾經係你話會一直喺度。唔會走 你話唔會好似佢哋咁唔要我。拋棄我 你應承過我話唔會走㗎 我亦都應承過你話只要你唔走我都唔會走
#NSS個人 [Guest] 有件事困擾左我好耐 由小學5、6年班開始，到依家中二，我一直比情緒控制住我，一時又好開心，一時又發晒脾氣喊晒咁，當我一情緒到嘅時候就做咩都做唔好。同過學校啲濕9社工傾完，都係乜用都冇。最大問題係我唔敢同屋企人講，因為同咗佢哋講，佢哋就一定會傳到通街都係，好擔心第時個個都用有色眼鏡嚟睇我。但我好想搵方法解決，上網搵過啲臨床心理學家，個個都好貴。睇過社會福利署個page，一到打電話嘅時候，我就完全唔敢講自己嘅情況，到最後就直接cut線。我好想知有咩方法可以幫到自己，我自己都知道一直咁落去都唔係辦法，但我真係冇勇氣同其他人講。 雖然我知喺度講唔係辦法，但係我好希望你哋可以俾到啲方法我解決😭 Admins pls po IG thx!
#NSS學業 [GUEST] 麻煩晒小編 可唔可以po一po😢 小妹第一次投稿，請大家多多指教。 最近小妹煩緊升學問題，希望有人可以為小妹提供一下意見🙈 我成績唔太好，但將來想升讀有關幼教嘅科，預自己未必考得上八大，所以揾定後路先。 想請教一下hkbu sce degree ，EdUHK hd, OU degree 邊個比較好(有其他覺得好都可以比下意見)，因為睇過一d人分享話幼教依家偏向degree化,但又話EdUHK個名係行內較好，所以想了解有冇行內人士或者讀呢幾科嘅人可分享下🙈邊個係行內名聲比較好，同埋邊間grad容易d揾工？ 然後，想問如果小妹最後考完成績夠分入一d比較低分嘅八大科目(而自己又唔討厭又唔介意讀嘅科)，又有hkbu sce degree offer (因為小妹暫時偏向呢間)咁小妹應該讀八大個d科定hkbu sce好?😢因為考慮到八大好似個名聲比較好 但如果讀左八大唔係幼教嘅科,grad左之後想入行幼教係咪就要重新再去讀幼教degree先可以揾到工,定係手持一個其他科degree再讀個幼教hd就可以易d揾工(考慮到話幼教degree化，唔清楚係其他科degree都可以定係指嘅淨係幼教degree) 最後，想問有冇讀hkbu sce degree
#NSS個人 [GUEST] 小妹今年form3，咁我就覺得我有強迫症，對自己啲字好大嘅要求。 有時我做功課啲字寫得唔係咁好，又或者話係有少少唔整齊， 我就忍唔住一定要抄過一次。有時可能塗曬份嘢，亦都有時係重新print過一份嚟做。作文嘅話呢個問題更為嚴重，我分分鐘要抄5次以上。咁我有寫notes都係要抄十幾次先至有一份滿意，所以因為用得太多時間最尾可能索性唔寫。 因為咁樣，我做咩都需要比人哋做都好多嘅時間，搞到我都好辛苦。人哋做完功課都可可以做在自鍾意做嘅嘢，但我做到夜晚1點都未做完，仲要冇時間溫書，成績長期合格邊緣。 因為呢個問題，搞到我好崩潰。我好想改變，但係都係咁….. 有冇人可以救下我(つд⊂)