#NSS個人 [南區某間女校] 我其實係唔係唔適合打籃球？ 是咁的，小妹今年F.1，入左籃球隊（我係初學者）咁我自己就諗住努力練習，以後打籃球就可以打得更好。我有個同齡嘅同班同學，打籃球好勁，我亦都好鍾意睇佢打籃球。咁我本人比較肥，比較自卑，近幾日好似覺得自己好似俾人鄙視俾人嫌棄咁樣。嗰日教練叫我地入夠100球斷左重新黎過，而我就喺入到56球嘅時候斷左，搞到全部人都黑晒面，好多人望著我，連我最好嘅朋友都好似有小小唔開心，我真係唔知點算。再之後啦，教練叫我地用一個指定嘅流程去陸續射波，但係我本人理解能力比較差，成日做錯嘢，所以成日搞到亂一亂。 我其實都好鍾意打籃球呢個運動，但係一諗起自己係個籃球隊入面唯一一個唔識打籃球嘅女仔，仲要又肥理解能力又差，前幾入先跌過落地下，我就開始覺得好大壓力，我滿足唔到隊員嘅要求就會俾無數個黑面對住，我其實都唔想..雖然我都鍾意打籃球，但係為左唔好影響啲師姐同埋朋友嘅情緒，我係唔係應該quit左個籃球隊佢？ 篇文有小小長同埋表達能力唔好敬請諒解🙇🏻♀️
#NSS愛情 [[Guest]] Admin pls po IG 🙏 本人今年F.3, 由小學四五年級開始鍾意左一位同班既男仔，事緣個時我係班上既形象唔係幾好，俾人杯葛，但佢一直都喺我身邊支持我，鼓勵我，企喺我個邊，知道我個日生日又唱生日歌，成日稱讚我，同我有講有笑，大家都算幾熟。因為我地學校係一條龍，所以升到中學依然喺同一間學校，但之後個幾年就冇再同班過。可能以為我五年級既時候做得太過明顯，搞到啲同學好似都feel 到我有啲野，我估佢都知。呢三年嚟，我一句說話都冇同佢講過，每次見到面我都會好尷尬，冇勇氣開口。我一直以為隨著時間既流逝，我可以慢慢忘記呢啲回憶同感情，我以為只要我對第二個男仔有好感就可以放得低，唔會再留戀。但當我見返佢，受到佢既message，我一樣會記得以前既事……我身邊啲frd都同我講，叫我唔好浪費時間喺一段唔會有結果既感情，但我真係放唔低。每一次我回想起以前同佢玩既時候，我真係我後悔，好後悔點解當時唔做好啲，俾個好印象佢，當時我人緣又唔好，成績又唔算突出，到而家有轉變既時候，佢就睇唔到。以前我覺得咩都係理所當然，日日都可以同佢傾計，冇咩特別，但而家，我竟然會因為可以同佢講一句野已覺得好奢侈。 話咁快就已經過左5年，其實我知道佢應該唔會鍾意我，但係又唔想放棄，亦唔甘心放棄。一路見到其他朋友同自己心儀既男仔表白，我真係好佩服，我自問冇咁既勇氣，亦唔敢想像如果失敗之後我地會點，但係我真係好迷茫…… Sor for 1999 Thanks Admin ❤🙏
#NSS學校 [GUEST] 我係一位即將畢業的中學生，突然想同大家講下我地學校 ge 6uo 老師。 第一，中二至中三所謂的”普通話老師”。 佢係我中二至中三時的”普通話老師”, 但係佢d普通話真係差得好離譜，完全唔知佢係點樣通過個考試。佢講錯嘅普通話真係太多，所以我只能列出幾個作為例子。例如，默書ge普通話拼音是[默mo(第四聲)書shu(第一聲)，但係佢會將依個拼音讀成”摸書”，二十六ge六(liu 第四聲)會讀成中文字ge”撩”。仲有一個係係高form傳落妮:普通話嘅士多啤梨應該係讀成草莓, 但係佢會直接譯士多啤梨嘅發音。雖然知道佢有機會講到咁，但係真係唔想相信。因為我覺得依啲都係一d好基本野，身為一位老師無可能連呢啲都唔易。另外，有一次有其他老師妮課室睇堂。有一位挫係我後面ge老師，佢d普通話講得好標準,佢突然間問我佢平時d普通話係咪都係咁樣講架？我默默咁樣點左頭。另外，佢啲衛生意識好差，有一位識得嘅老師，佢個位係依位”普通話老師”隔離，佢話佢個位長期都係好亂，而且會有螞蟻同曱甴。有一次，個”普通話老師”知道佢生咗小朋友之後，送咗個公仔俾佢，但係佢唔咁囉俾個女挽。 第二，新妮ge副校長 佢係喺其他學校過嚟嘅，佢好注重英文教育。成日迫啲學生講英文，又會突然間捉學生同佢傾計。仲搞左好多學術學會例如中文學會同英文學會。雖然知佢係為我哋好，但係佢真係太過急，所以我地好多人都唔鍾意佢。中五下學期考英文口試果陣，佢喺我嘅評分老師，我果陣時仲等緊佢同我地開考，跟住有一個係佢教ge學生，見到個副校長喺佢嘅評分老師之後，即刻掉頭走，連試都唔考。 以上就係我學校ge 6uo老師。唔知各位睇到我篇投稿ge人，你哋學校有d咩6uo ge 老師。 唔介意ge可以分享下。