—類投稿

#NSS其他 [guest] 我原本23號有日約咗4個同學去op玩,但因為人數得五個人,但op嗰個黃色過山車一行得四個位,但我同其他三個人唔係好熟,而我嗰個fd又係嗰啲人緣超好既人,我驚嗰日我會做咗空氣.而且op有好多過山車都係二人座位/四人座位,我驚我會一直都係自己一個人坐過山車.我唔知點算.

#NSS個人 [九龍某學校] 我好攰，好厭倦生活，唔想生存 Sorry 1999 +中文唔好 +發洩+第一次投稿 (請讀全文🙇🏻) 我好攰，我真係好攰 我不論精神同肉體上都好攰 對於世界，政治，社會，學校，家庭，甚至個人嘅嘢我都唔想再理 嗰世界實在太大喇 我今年Form 3 已經好厭世，但係我知道哩個只係個開始，跟住嚟嘅嘢一定會被比我而家所經歷緊嘅嘢要更加差 我唔想繼續生存落去，因為我生存落去只會更加辛苦，因為我生存冇意義，我嘅存在喺出於一個意外。 佢哋話我好廢，冇貢獻，嘥米飯。如果唔係佢哋嘅話我點會喺度？ 如果有人同我講我聽日會死，我唔會抗拒。 我真係好攰。 (利申: 唔係想死，純發洩) 再次sorry 1999 (多謝google translate

#NSS個人 [GUEST] 以下絕對係真人真事,純粹分享出來比大家笑下 ──────────────────── 咁就話說小妹生於一個“單親家庭”(我以前係咁認為的),我以前就會問阿媽爸爸係邊度,點解人地都有爸爸我無,然後媽媽就會同我講我爸爸去左一個好遠好遠既地方工作,好耐之後先會翻來,我嗰陣得兩三歲,我就真係信左,咁翻到學校都會同人講我既爸爸係好遠既地方工作,老師聽到就會沉默咁望著我“炫耀” ───────────────────── 然後到我大個左,我都大概明白,爸爸應該就離開左/同媽媽離左婚,有時媽媽望住爸爸張相發呆既時候我就會同媽媽講“算啦,爸爸在天之靈會保佑我地,”媽媽每次聽到都呆曬,我嗰陣就以為媽媽好傷心。係學校既時候我都會故意避開同父親有關既野,或者將我爸爸寫成英勇犧牲既消防員/警察 ───────────────────── 然後就到左轉折點啦,小妹既爸爸翻左屋企！ 嗰日得我一個係屋企,我聽到有門聲以為係阿媽翻來,然後抬頭一看發現係個男人,仲要同我阿爸一樣樣,我嗰刻以為自己撞鬼,直接向後撞親個頭,個男人就即刻扶起我然後講出我個名 “……” ok然後我同佢就好尷尬咁坐左係客廳等阿媽翻來,之後阿媽翻左來就勁熱情咁擁抱左個男人,我除咗震驚無話可說,然後阿媽就拿住佢平時看嗰張相同我講我爸爸翻來啦。救命我真係反應唔過來 ──────────────────── 我宜家諗起都好尷尬,我以前仲要好似好懂事咁話爸爸離開左然後幻想爸爸係咩超級英雄,原來我爸爸真係去左一個好遠既地方工作🙉🙉 圖Link: https://ibb.co/9rjRB6Y

#NSS學業 [Guest] 嚟近就嚟翻翻學，真係覺得好焦慮 小妹喺外國讀緊yr9。自從移咗民之後情緒一直有好大起伏唔穩定。但近期就變得越嚟越嚴重…… 我地學校term break唔似香港咁會比功課，所以放假基本上係唔使做學校野。學校亦唔會講定下個term會做啲咩，所以我地都冇辦法預習定。但係我正正就係因為咁覺得好stressed… 一個Term break為期兩星期，講真我真係冇咩點做野。有時睇下電視、睇下手機、做下小手工咁就一日。時間真係過得好快，做下呢樣嗰樣又已經夠鐘瞓覺，令我感覺好guilty，好似冇乜做啲meaningful 嘅野就咁樣好pointless咁過咗一日。 跟住嚟近又要翻翻學，因為冇乜點做過野，感覺好unprepared 同埋覺得未ready，唔想咁快又要做下一個term嘅野……成日都覺得自己虛度光陰，但第二日又覺得好unmotivated 去做任何野……有好多時候會因為自己嘅inability而喊、覺得好唔開心，又會因為嚟到呢度嘅人際關係而苦惱。所以希望大家可以比啲意見based on motivation techniques 同點樣可以唔exaggerate自己嘅情緒。🙏🙏🙏

#NSS學校 [GUEST] 首先我要多謝admin出post 今年f2，小妹最近有個煩惱，我完全冇動力做功課。 個個friend依家都係要趕功課，而我就日日hea，睇YouTube，打下機咁。不過我係完全冇開始過做功課，因為唔知應該點開始，或者咁講，我係逃避緊。 之前上zoom完全冇專心過，所以好多嘢都唔識做（你可以話係我抵死，不過真係好難專心⋯⋯ ) 我依家好擔心下年會點，因為f2已經係最hea嗰年（我表姐講嘅），我都認同。尤其係數學同埋科學，下年科學仲要分成phychembio 我真係好頭痛⋯ 再加上今年開始左追星，又要買專，留意住idol嘅posts，活動 或者係幾時回歸咁。呢啲已經係我依家日日會做嘅嘢，買賣啲卡，等郵差派信，loop歌⋯⋯ 功課呢樣嘢？已經完全消失左係我嘅生活入面🥹 我成日都好想做，但係我有冇呢個動力去做。 其實會唔會係我嘅問題定係點🥲 我真係覺得好辛苦🙏🏻 sor for 1999…

#NSS社會 [sgss] 睇過好多人係nss secret po負面post，我個人係好正面既，我雖然唔清楚你地個個咩背景，我都清楚家家有本難念的經，但係我都想比你地個提示，遇到不公平而你捍衛到既野，請你捉實自己既權益，每個人都係屬於自己既，一個個神聖既靈魂，我地所受到既委屈只會令我地變得更加強大，希望你地唔好俾唔開心失落等心情停咗自己腳步，我唔識得你地，但係我知道你地都係得既！如果都係positive唔起嚟，強力建議你地睇排球少年同火影忍者，入面幾主角都係細細個冇資源，冇俾人睇起，到後面慢慢強大。大膽啲！查拉圖斯特拉如是說入面既查拉圖將人類一生經歷既階段分為駱駝，獅子，嬰兒，超人。你地有興趣可以睇下😂我唔識講嘢，但係我真係好想鼓勵嗰啲失落或者停滯不前既人，你地諗下，一個人只有一次機會用自己獨特既靈魂活係世上，咁唔係應該要瀟灑走一會人間咩？挑戰下啲新事物，豐富下自己，你要好好珍惜，尊重同埋愛你自己，你並不孤單。嗰啲羨慕人地有錢嗰啲人，唔好再羨慕喇，本人出生平凡，中下產階級，我都有羨慕其他人有錢，識得好多名牌既時候，但係好彩我仲年輕，依家初中就嚟高中，我知道如果我再唔變既話我就會比人拋棄比人淘汰（我想做一名外科手術醫生，然後同我地同學開小賣部店）然之後就係同家人出事既朋友仔，你地與其係家人背後鬧，咁不如當面講出問題！個個大人套路都係一樣架啦！我地要搶先佢地一部，講出你地想講既野，唔好驚比人鬧不孝，佢地唔尊重你在先，你都冇必要繼續道歉，家人都唔例外，而且家人之間更加應該要溝通，每次既鬧交我相信都係有意義既，最後我想講，機會一直都係我地身邊，等住我地發掘，而我地係呢個優勝劣汰同埋唔公平既世界入面，保持進步之餘仲要保持正面，同埋就係人生就好似調味料，有酸甜苦辣鹹鮮，如果淨係得甜既話，唔係會好唔健康咩？😂❤再講多次本人真係唔識得講嘢都唔識得鼓勵人，希望有人可以從本文中得到啟發，計我話人生既意義就在於獨特，活出自己，人就好似作文考試咁，限時內寫盡自己文筆寫一堆豐富既字上去，一夠鐘，就一切都結束，你由一張白紙去到一張充滿栩栩如生又豐富既黑字係張紙上面到咗時間夠咗有人嚟收你份卷（命），幫你批改你既一生。點樣先寫到好既人生？多啲參考人地靚既“作文”😉提早擬定呢篇野應該點寫！加埋自己既文筆😋你仲唔係最閃耀既自己？有興趣想同我傾計或者傾心既人可以係nss secret comment🙈希望dm可以更加正能量鼓勵到你地。希望以後唔好咁多負能量既文章，更多既係講自己有既叻，有咩值得改進，或者想多謝，讚揚邊個，peace and love既世界好難打造，但係地區我地嚟打造😉

#NSS個人 [Guest] 點樣可以開解下我 小妹中三讀緊新界女校，人緣唔差，交友圈都廣，人地眼中都覺得我多FRIEND 。 呢三年日日都有Friend一齊搭地鐵返學放學，但係有時未必約到friend一齊放學，所以就會即刻約其他friend一齊放學(因為我驚冇人同我一齊放，會喺其他人眼中覺得好似冇乜friend咁，尤其是全班一齊放學，見到其他人有friend一齊放嘅時候你要自己一個走，就會覺得人地認為你好奇怪)，但係自己好清楚自己放學真係唔代表D乜，係件好正常嘅事❕❕❕❕❕都有好多同學自己放學，但我就係冇勇氣自己放學。又就開學，我又開始驚。 可能大家會覺得好低能，但係對我黎講就好大件事。 希望大家會明白我講乜 都煩擾左我好耐 唔該晒各位。

#NSS個人 [guest] 小妹係麥當勞原味炸雞愛好者 但係啱啱整好嗰啲先好食 麥當勞員工知唔知道通常幾時開始炸🥲

#NSS愛情 [Guest] 係咁嘅，小弟今年form3，有一個拍左年幾拖嘅女朋友，但我地嘅相處方式其實都稱唔上係拍緊拖，我地嘅情況其實有少少複雜，我同佢係form1個陣識嘅，個陣我地就成日一齊打機傾計，但個陣我仲未鍾意佢嘅，只係當佢係frd。但係後來可能日久生情，我係form2個陣就同佢表白左，估唔到佢真係會同意，個段時間真係好開心，我個陣真係好鍾意佢，雖然佢身材又唔係特別好，樣又唔係特別靚，但我就係鍾意左佢。 但係後來拍左拖一段時間之後佢都只係同我send下msg傾下計，咪話出街，就連傾電話都好少有。我問過佢原因，佢話過係因為屋企管得好嚴，唔比拍拖，咁我就咁就算。後來我真係頂唔順，咁樣拍拖根本連網戀都算唔上，所以我就問過佢到底想點，佢就話要我等佢等到大學先拍拖，依家做住frd先，當時我係同意左嘅，因為我其實本身都冇咩桃花運，而且又真係鍾意佢，所以就同意左。直到最近… 我遇到左一個女仔，我同佢係遊戲裡面識嘅，佢個樣又生得唔錯，而且又細我一年，讀緊form2，我地又互相都有好感，所以就成日一齊玩，但我覺得我同佢好似仲close過我女朋友，但我又唔想俾人吊住咁多年，我亦都唔想同女朋友分手，我覺得我咁樣一腳踏兩船好似好渣，btw我女朋友其實都有個男閨蜜，佢地仲成日一齊玩，我只係因為我女朋友越黎越少理我，同埋佢都冇咩主動搵我，所以我搵左個「女閨蜜」黎陪我，其實我咁樣算唔算渣，同埋我應該要點做先好，要唔要分手，定係同條女撇清關係？我呢排真係好亂，希望大家俾下意見。 Sorry for 1999

#NSS其他 [Guest] (唔該admin po ig) 啱啱喺ig度睇到有人討論緊關於金錢嘅事, 講得難聽啲即係出嚟間接曬命. 個post大概話嗰個樓主聲稱自己唔係有錢人, 但聲稱自己住九龍塘別墅、名牌任買, and then仲有講埋啲門面說話整到自己好似好謙虛咁. 雖然我唔知該名樓主嘅main point係咪喺篇article 嘅後半part, 但according to my own opinion, 佢嘅main point係喺article 嘅前半part, 即係喺度曬緊命. 雖然話我嘅消費能力可能比佢更為所欲為, 但顯然我唔係想來呢度講我自己嘅事.