—類投稿

#NSS個人 [GUEST] 有冇人可以幫下我… 由細到大，我都有一個問題就係… 小妹啲頭髮真係少到冇人有(;´༎ຶД༎ຶ`) 就咁講唔係太具體，但數據係唔會呃人嘅：我條馬尾嘅周界…得7.1cm 我一直都因為呢件事而覺得好自卑，加上因為我生得矮，所以我同人講嘢就會好驚——因為佢哋會見到我頭頂 而且因為呢件事，我啲朋友都成日笑我，話我禿頭、叫我去植髮、改我花名，仲成日同我炫耀佢哋啲頭髮有幾靚同幾多，雖然我成日都係笑笑帶過，但其實我內心真係好唔開心…因為呢樣嘢唔係我控制到嘅 所以，希望咁多位可以幫下我，我頭皮係算油性嘅，有些少頭皮問題，希望有同類人可以分享佢哋嘅經驗，幫下可憐的我ಥ_ಥ (btw我係07既) PS我真係鼓起左好大嘅勇氣先講出嚟，希望咁多位唔好笑我啦… admin po ig thxxx 送粒糖俾你🍬辛苦晒٩(˃̶͈̀௰˂̶͈́)و

#NSS個人 [GUEST] 小妹我今年f3 好想同人訴下苦 由f1 開始我個人性格開始大變 又好少朋友 我變得好驚主動向人開口講野 會焦慮個隻 有野唔識都唔敢問人 唔係覺得冇面 係真係好驚 就連係主動同屋企人/同學講野都一樣唔願意 成日都覺得自己講既說話都係好多餘 「唔洗講啦，都冇人在意，邊個會理你自己啊」 成日都諗緊呢句野，搞到我好內向，唔識同陌生人溝通 但我真係唔想咁樣… 我好抗拒同屋企人出街，同朋友出街既時候都好唔自在 我唔係想宅係屋企 但係成日都諗 「人地明明自己玩仲開心，我去咪仲尷尬」 我唔鍾意出街，出街好辛苦 就算出去，成個人都好唔自在 每分每秒都想快啲返屋企 成日都宅係間房

#NSS學校 [School] 我迷失左，唔知點算好，小妹而家中三，本來暑假有幾日要返學，然後d朋友(本來我哋3個一齊玩開)好似對我愈來愈冷淡，到而家11月，佢哋2個就同其他2個同學更friend，每次老師話分組，我都好主動問佢哋，但係佢哋又問唔知又或者叫我問埋其他人，個個都係咁樣，但佢哋有問題就問我，我真係唔知佢哋係點諗，我真係當佢哋friend，想同佢哋玩，我又唔敢同佢哋講，而家好似班上面冇朋友咁，個個人都有小圈子，融入唔到，真係好大壓力，想搵人傾又怕比父母知，都唔知點算好！ 不喜勿噴 Sor for 1999

#NSS學校 [fml] 唔該某啲腐女幻想嗰陣可唔可以唔好講出嚟.. 事源身邊都有幾個同學平時都鍾意BL，咁我對呢樣嘢就冇咩所謂，你唔搞我我唔搞你。 但係！！ 請唔好咁大聲討論邊個係S邊個係M，你幻想我冇所謂，但你唔好俾我知呀嘛！！ʕ•ﻌ•ʔ ​​​ 仲要P埋我同某個男仔嘅相上去嗰啲漫畫，最重要嘅係！！你識唔識P圖㗎！！幅相勁核突！！(＞﹏＜) 多謝大家睇到呢度 ≧ω≦ 重點都係希望大家講還講，唔好俾當事人知✔️ Bye～

#NSS學校 [bbss] 話說我地學校有個張姓既普通話老師，佢真係好撚柒，仲好撚甚。係到「大家好，我是張XX老師」，仲要把聲好基。仲有用普通話講「我超喜歡喝珍奶的」， 把聲都係好基。 我哋全班聽到都想打佢一鑊 純粹有少少發洩 sor9

#NSS愛情 [XXXXXXXX中學] 小妹係3年前結束咗推持3年既單戀(被拒絕),講真我一啲都唔後悔表白同埋已經真心放低咗,係如果對方依家話中意我都會拒絕個種。呢3年嚟,我都有遇過幾個令我好心動既人,但係就只中意幾日之後就冇咩feel。我明明已經放低咗佢N年,點解到依家都係好似冇辦法中意人 Sorry for 1999

#NSS個人 [guest] form4 讀女校 話說小學係男女校 升到中學就係女校 原本都覺得冇咩特別 冇咩問題 照聽書照上堂 啲人話會唔會唔習慣冇男仔一齊上堂 原本都完全唔覺 唔知由form3開始 開始覺得讀女校勁dry 但又冇咩途徑可以識到男仔 成個contact一個男仔都冇。 最近鍾意咗個男仔 懷疑因為我唔識同男仔社交 個機會就白白走咗 不過呢個都唔是我好concern嘅事。 我見到有啲人讀男女校 男仔同女仔勁friend 我真係完全想像唔到點解男同女可以做到咁friend,但又唔係鍾意佢（我之前都覺得好正常，但我依家真係代入唔到） 見到佢哋一大班男同女咁玩 真係勁羨慕😢😢。 依家嘅我真係勁驚男仔

#NSS愛情 [Guest] 上網識左個人 之後先知佢有女朋友 但自己已經沉咗船點算🥲但其實個男本身都拍左好耐 我哋而家嘅相處就好似frd gum 屌嚟屌去） 佢之前有同我講過同佢女朋友拍得唔開心 我可以點做 我覺得我個身分好矛盾..斷絕聯絡？但係真係好難🥲

#NSS社會 [GUEST] NMSL老鐵禾中立有咩問題? 各位好又係小弟我上次打長文嗰個。 sorry又做標題黨， 相信大家都睇到#NSS211107F 唔洗講我睇到大家咁熱烈討論緊係開心到飛起啦。 因為我又又又有機會打篇長文出嚟啟發下大家。 冇錯呢篇又係長文， 講TLDR嘅全部都係ON9。 癈話唔多講直接入正題 1:何為偽中立何為港豬？ -港豬 -偽中立 -歷史與虛假的繁榮 2:反抗者同共產黨冇分別？ -“冇分別”論 -對政治無知的人享有民主？ -敵人、阻礙者、NPC -“鍵盤戰士” 中立（英語：neutrality），是指不偏袒任何一方，對任何一方不表明任何態度和行為，處在任何對立事物中，任何對立事物不會對中立事物產生相互關係。 在事物的選擇之下，不作出任何選擇，不會任憑自己的思想傾向任何一方。在思想行為上，如果對於事物具有大於並等於二個趨向，根據客觀事實需要，中立不會偏向任何一方，擁有自身獨到思想處於各個事物中間且不干涉不做出任何具有偏向性行為。from wiki 文中提及到中立對任何一方不表明任何態度和行為。 咁問題係你表達出“不耐煩”又或者係“兩邊都唔抵支持”，其實呢啲唔叫中立。因為兩者都對任何一方表達咗自己嘅態度。

#NSS個人 [GUEST] 最近去咗外國讀書，Science堂有個女仔幾好，對佢頗有好感，但係而家交流僅限上堂傾幾句，我想問佢攞ig, 有咩方法可以自然d問佢攞