#NSS社會 [Guest] 關於最近嘅殺豬令 想分享吓我嘅意見 其實我覺得如果佢哋已經出現咗喺市區 咁就應該要殺 但如果只不過係喺啲鄉交或者好少人嘅地方 咁就有得佢哋 因為都唔會威脅到人 你唔去搞佢嘅話佢都唔會無端端攻擊你 但係人多嘅地方就特別危險㗎喇 我亦都覺得冇辦法可以喺市區呢啲多人嘅地方同佢地和平相處 我哋班上邊有稍微咁樣頭嗰一下票 都比較多人同殺豬呢樣嘢 亦都有啲人覺得唔應該殺 但其實真係好奇怪 唔同意嗰啲人明明自己都有食開豬 但係而家就唔俾人哋殺 我覺得好假囉 如果今日你真係咁善良咁有同理心 咁你平時都應該係一個素食者唔會食肉 假若係呢啲人我都真係respect 因為我自己做唔到 喺網上邊有好似見到好多人反對殺豬 但係又係咪真係個個平時咁愛護動物嘅呢
#NSS文化 [No 純分享] 純分享 我係一個中四嘅學生，係香港出世同長大 身邊語言環境同母語就梗係喺廣東話啦 但係都識講小小台灣嗰邊啲國語 隨着呢兩年見到學校好多低form嘅同學不停咁用普通話溝通 見到近年社會不停打壓到廣東話文化 就算係中國都係 廣東話已經越嚟越少人識 就算撇除政治因素 廣東話係我哋香港固有文化 點解中國大陸嘅學生落到嚟香港讀書 仍然要用普通話溝通呢 點解唔嘗試融入當地文化呢 正如如果你要到韓國/日本讀書 當地都會要求你掌握佢哋嘅語言 考完當地嘅語言測試 先會俾你去讀書 咁點解嚟香港讀書就唔需要掌握我哋嘅語言先呢 點解唔設立一個廣東話嘅測試呢 而家越嚟越多人講普通話 平時聽到啲人傾偈係咁用大陸啲潮語 香港潮語又唔識得幾個
#NSS愛情 [Guest] Admin可唔可以po ig，因為我真係好辛苦，希望大家可以俾d意見我 我同ex分手已經有幾年，係因為性格不合，我哋一直keep住朋友關係，分手以後佢有不斷搵我講嘢暗示想復合，但我覺得既然可以相處就唔會分手啦，加上佢曾經俾綠帽其他ex戴俾人唱通街，我唔太認同佢嘅行為，所以冇接受到，都幾清楚表明自己唔想同佢拍拖，分手之後佢又有男朋友，同時一直搵我講嘢，分手後又話自己中意其他男仔，我覺得佢已經唔係中意我，就放低戒心繼續覆佢。冇耐前佢同我表白，我都幾震驚，明明不久之前仲話中意其他男仔同其他男仔happy，我唔知點答，惟有拖延話遲啲先算，但係佢不斷情緒勒索我要我接受，我想拒絕但係怕hurt佢，我應該點做，成日糾纏我真係好煩，明明已經講咗我唔中意，想淨係做fd，你話你中意我好辛苦，我俾你中意都好辛苦 中意未必一定要佔有同糾纏，如果真係中意，就唔會忍心佢覺得辛苦啦 Thx admin
#NSS愛情 [某女校] 大家好,我鍾意咗我個好朋友,想大家俾下意見我應該點做>< 我鍾意嘅女仔玩音樂嘅,叫住佢A先。我由細到大都打排球,之前聽A講過佢鍾意玩音樂嘅人,話好charm,我聽到有小sad,覺得佢唔會鍾意我☹️ 我係呢年先識佢,佢以前生活係點我都唔清楚,淨係知佢到依家都好掛住個ex , 聽人講佢因為個ex變咗好多,但我唔清楚,好似一提起佢個ex佢就會想喊,我好心痛同時又唔可以做啲咩,佢係一個好好嘅女仔,唔值得為咗一個人失去自己。佢同我講好掛住個ex嗰陣,我好想永遠保護佢唔令到佢再受任何傷害,我係咪鍾意左佢？ 我同A上堂坐得好近,所以佢成日都同我傾計。我哋就咁成為左好朋友,日日黐埋一齊,同佢相處有一種好特別嘅感覺,佢好得意,唔係人地話嘅好惡。有次我頭髮亂左,佢叫我企喺度唔好旭,認真地幫我整返好,同佢對望當下心動左,好想咀啖佢uwu（有d變態對唔住😖 可能一直都係我自作多情,A淨係當我係朋友。我有暗示過佢,用開玩笑嘅語氣講我鍾意你,佢笑一笑就完左個話題。我地有時會同對方講肉麻嘢,唔知佢係唔係真心講架呢？佢會呷醋嬲下我,我唔知點做,佢嬲嘅時候好得意,好似BB咁,係咪氹下佢就得？我好在意佢嬲d咩,好在意佢係唔係真係有嬲到。我驚表白會做唔到朋友,更加驚會錯過佢。我應該點做呀大家😢 麻煩admin post ig啊 唔該曬admins and everyone ❤️❤️
#NSS學校 [GUEST] 讀civil engineering有個基佬纏著我 話說我讀civil engineering 特別多基佬，我身邊就有一個，佢year one 正正常常，無咩特別，特別內向，而且好好人。之後就瀨嘢啦，佢由sem2開始奇奇怪怪，好鐘意對啲熟人落手，有時候一齊食飯，佢話鐘意左一個人，但聽佢講完，發現佢好似講緊男人，心寒一寒。 佢成日好鐘意跳舞，參加跳舞學會。佢成個基佬流程係： 1瘋狂wts，打電話俾你（你係到做緊咩，你仲咩唔聽我電話？） 2 同你食飯 （日日搵你食飯，你假日都要瘋狂煩你想同你食飯） 3 食完飯之後自拍 （即係無啦啦行過黎同你自拍，完全反應唔切） 4食完飯自拍完要逼你睇佢跳舞（我最近參加左果跳舞比賽，你不如睇我跳舞俾意見） 5 當你開始嬲唔想理佢，佢開始跟蹤你，一路跟到你翻屋企 6 最終最終最終必殺技，佢見你block 佢wts，電話，ig，之後就會發癲，瘋狂搵你啲朋友，叫你朋友俾聯絡方法俾佢，甚至用死亡來要脅你，要你解封佢所有通信。（就算你報警，同學校講，同社工講，佢都係會繼續煩你） 所以尼條友係變態架！！！ 2
#NSS社會 [某九龍區女校] hi大家好，我係上次果個09 #NSS211117D 大家嘅留言我都有睇，咁首先好多謝你哋支持我嘅諗法，不過當中有一兩個留言我想回應一下。 有人話我逢中必反： 我可以話俾你聽我絕對唔係，我甚至驚如果我同大家講我有時有用淘寶會俾人鬧(大家唔好嬲🥺) 但我好相信大家討厭嘅唔係中國，唔係中華文化，而係xx黨，中國政府，香港政府，同某啲冇禮貌嘅大陸旅客。 其實我覺得中華文化一直都好值得學習，只不過係俾少數大陸人影衰咗中國同埋華人。 再講，嗰啲日日講普通話嘅「香港人」，我認為已經唔止政治嘅問題，而係身份認同嘅問題。大家都係香港人，點解香港人同香港人講嘢要用普通話呢？ 就好似如果你係一個潮州人，為咗溝通方便而用普通話我明白亦都理解，但係你絕對唔可以完全唔識潮州話。 // 我明白大家都有自己嘅諗法，我唔會去質疑其他人嘅諗法，而我亦都只係表達一下我嘅感受。希望大家會同意我講嘅嘢啦😔 唔該晒admin
#NSS個人 [Guest] 第一次投稿sor for 1999💦 長文慎入（可以選擇唔睇 我今年中三，小妹我其實一直都有情緒問題 其實簡單咁講我小學六年都成日俾人欺凌，其中一年好細個嘅時候有同屋企人講過，但係屋企人冇幫我解決冇安慰我，淨係講咗句「咁你唔好理佢咪得囉」到而家都記得好清楚。之後我就冇再分享自己啲嘢俾屋企人聽，然後狀況一直都唔係咁好，唔開心又唔識同人地講，淨係識將呢啲唔開心收埋晒係個心入邊，又唔敢喺屋企喊，所以就一直屈住啲情緒，我亦都冇試過將自己過往嘅事比任何人聽。 同埋呢個情緒好影響我嘅日常生活，我成日失眠，搞到上唔到堂成日瞌眼瞓，之後又比老師話，又食唔落飯，一日一餐，身高154cm 連40 kg都冇，集中力又不足，成日又冇動力。我仲記得中一嗰時有一次忍唔住喺學校情緒失控，仲嚇親班主任，果次之後就一直keep住見社工，班主任都好好一直都會留意住我嘅狀況。但係唔知點解個情緒好似越嚟越差，仲開始自殘，成隻手都係疤痕。中二嗰陣班主任同個社工都打咗俾我父母，當然佢哋已經知道左我鎅手，但係佢哋冇諗過要帶我去睇醫生，仲叫我唔好成日做埋啲「無謂嘢」，聽到佢哋咁講都唔知應該講咩好….不過都預咗佢哋會咁 直到而家，我嘅狀況都係一直差落去，雖然我每一次鎅完都會有啲後悔，有時社工問我，我都會主動交番啲「危險物品」比佢，但係過咗冇耐又忍唔住買，因為成日都諗住呢樣嘢想做，就算冇唔開心都已經開始想做，搞到而家一唔鎅手就好辛苦，甚至已經冇晒開心嘅情緒，每日都笑唔出，曾經仲多次諗過跳樓，有一次有一個師兄見到就拉返我落嚟，不過呢個師兄好好我希望佢唔好同老師講，佢真係冇同老師講。加埋同同學嘅關係都越嚟越疏遠，我成日都自己一個趴喺張枱度，又唔同人哋溝通，其實都好難受。 最難受嘅係人哋問我點解唔開心，但係我完全唔知道點解自己唔開心，淨係識答「唔知道」，因為由頭到尾都冇發生啲特別嘅嘢令我唔開心，我係同咗呢個情緒共存，佢無時無刻都喺度影響緊我，甚至我已經唔知道自己係咩情緒，我分唔到，我果下係空洞嘅狀態，超級辛苦 所以我都希望可以尋找幫助，好多時候好多嘢想做但係力不從心，啲老師都話明明我有能力都問我點解唔去做，不過都好想問吓我而家可以點樣，有冇辦法可以不在父母陪同之下去見精神科醫生？ plz po ig🙇🏻♀️ thanks Admin