—類投稿

#NSS社會 [GUEST] 我見好多人都有投稿關於移民嘅事٩(ˊᗜˋ*)و所以我都想發表吓言論 小妹今年09 兩個月之前成家一齊移民咗去英國 臨走前肯定會有啲不捨 但係起碼要知道屋企人大費周章去另一個國家嘅目的 想我地讀好書 有好嘅將來 唔係去旅行咁簡單 雖然語言溝通肯定有障礙 俾啲信心自己一定要克服(〃▽〃) 呢件事唔係難事 嚟到一個全英文國家 自己自然都會想拉近人與人之間嘅距離 平時買嘢嘅時候可以留心聽吓當地人講嘢 睇吓英文電影都好有幫助架！ 我講呢啲都係想幫吓啲準備移民嘅人 唔好俾太大壓力自己 英國係一個幾好嘅國家‎‪( *´꒳`*) 人地所講嘅種族歧視暫時我完全未聽過 大家都好友善 見到鄰居嘅時候打吓招呼咁 俾人感覺親切少少

#NSS社會 [GUEST] 豬隻在城中逐一消失 昨日在北角 今日在鰂魚涌 牠們一隻一隻 迷失了路途 四處閒遊 牠們一隻一隻 闖進了禁區 大禍臨頭 人類普遍怯懦 一旦遇見豬隻 便如臨大敵 先發製人 一擊 二擊 三擊 不求活捉 只求了結 牠們驚叫 逃亡 無力反抗 最後倒地身亡 人類終究地位崇高

#NSS個人 [Guest] 凜冬將至，只見窗外帶點蔚藍的大空不見一點氣息，唯獨穿着我校校服一男一女站在六月菊樹旁，像是在説些什麼。 『是告白嗎？』 聽説，冬天是戀愛的季節。然而，男方卻沒有受到冬天的眷戀。 「我們的關係只不過是普通朋友吧？」女方輕描淡寫地直述了她的看法，伴隨而來的只有女方急步離開的腳步聲。 前一陣子才卿卿我我的他們，只過了幾分鐘，他們的故事便畫上句號了。 人世滄桑，正因於此，我總是沒有勇氣踏出自己的舒適圈，面對自己。 「喂~ L，你在發什麼呆，趕快走吧(｡-_-｡)」 他叫A , 是我的朋友，亦是我暗戀的人。 特別的是，我跟他都是男的，現世的眼光彷彿就已經宣判了這場亳無意義的愛戀是注定失敗的。 儘管如此，我還是情不自禁地喜歡上了他—— 一個做事粗心大意，但經常幫助我、陪伴我的他。 剛踏入志學之年，本身亳無理想的我巧合地跟他成為了朋友，無所不談。他做事很有衝勁，旦凡測考，定必用功讀書，亦同時鼓勵我，不許我放棄之類的，慢慢地A把我將讀書這件事添加了新的意義，也許是看著他全神貫注的模樣令我着迷吧。 我曾想過，鼓氣勇氣向他坦白。 但一想到他可能會離開我，一想到他託異的表情，一想到他可能會説那句「對不起」…….. 我卻步了。 因為我怕孤單——所有人會因為我喜歡男性而孤立我，更害怕失去A—— 那個散發著孩子氣，能貫徹自己理想，我所喜歡的A。 現在此刻，只要能看著他，聽著他叫我的名字，我就已經很幸福了。只望那一剎那能成為永恆，長存心中。 暗戀一個人其實也很好，對嗎？ 寒風凜冽，漫漫長夜，窗外朦朧月色似我心中的無奈。弱小的我只能在胸口緊緊作疼之時，抱著日漸益的思念，任憑夜色淌入早已抱緊的無助雙膝。或許，這是上天給予我的懲罰吧。

#NSS其他 [YKH] 希望所有女性男性都好好保護自己❗❗❗ 我俾跌打店嘅一對父子非禮過，中一嗰時我膊頭正親去慈雲山室內運動場對面嘅一間小跌打鋪睇跌打第一次我阿爸帶我去，因為我係女仔阿爸怕尷尬嗰啲所以冇同我一齊入去睇。對父子要我換衫，但佢哋有出去(有窗簾嗰啲)。我換完就叫佢哋入嚟幫我手睇下隻手啦，睇下睇下佢哋隻手越嚟越低，最後佢哋摸到我心口胸尖上面，我覺得好唔舒服，但我得一個人唔咁講。返到屋企我都唔夠膽同屋企人講，之後兩次我都迫阿媽同我去睇，但內心好唔舒服所以去咗睇西醫。去到今年中四終於忍唔到痛楚，都知道自己要去睇醫生先同屋企人講返，阿媽一聽到好嬲，佢話：由細到大都同你講過有唔舒服一定要講！ 但其實我唔係第一次遇到咁嘅情況，上年中三我返學坐巴士俾人偷拍，但個時我返到學校即刻同學校講，學校幫我打咗畀家長放學就去咗報警(警察話最好學校當時即刻報警)，但捉唔到嗰個人😖。所以我依家唔太相信警察，但希望大家遇到啲咁嘅事一定要搵人幫手，唔好同我一樣去到咁耐先講出口，會對自己心理健康唔好，同埋想有人幫手都太遲，所以我依家有啲抗拒男性。加上最近好多性侵犯嘅案，我睇到好唔開心同唔舒服。 希望大家永遠都唔好自己一個係唔熟悉嘅地方，因為其他人對你做個咩冇人知，最好有朋友或家人。最後，保護好自己❗保護好自己❗保護好自己❗ sor for 文句唔通順同錯別字 Thx Admin，都多謝大家睇到呢到🙇🏻‍♀️

#NSS文化 [荃灣區B1中學] i love china❤️🥰 相信有唔少人都俾呢個標題吸引咗入嚟睇，大家收返起把長刀先，唔好插我住 – 是咁的，小妹09年，仲係讀緊中一。返學嗰陣啲同學大多都係似普通話溝通，唔講仲以為我返咗大陸讀書，只不過係以廣東話教書咁解。 – 而我亦都發現有唔少同齡嘅人都係以普通話溝通，寫殘體，玩抖陰，用微信等等嘅。身邊亦都有唔少嘅朋友被洗腦。平均十個有八個人都係鍾意寫殘體，玩抖陰…而且竟然仲有人戇居到連「武漢肺炎係外國傳過去中國，之後冤枉中國」呢啲咁荒謬嘅理論都相信，衰啲來講嘅話其實呢啲真係冇經過大腦講出嚟嘅說話。 – 現時有勁多內地人走過來香港讀書，高form嗰啲樓層同低form嗰啲樓層其實都差唔多都可以以「天地之別」去形容，你起碼上高form嗰啲樓層都會知道其實自己仲係身處喺香港，但係不過落返低form嘅樓層唔講仲以為自己去咗大灣區讀書… – 我亦都聽到有唔少嘅人話我哋09「全部」墮落晒，全部都已經大陸化俾人洗晒腦，咁其實的確好多人已經俾人洗咗腦，的確亦都有好多大陸人，不過我相信有唔少09嘅人仲係清醒的。 – 我打呢篇文都係純粹想發洩吓，我亦都知道自己文筆差到極點同埋可能會有錯字，講得9588同埋1999，唔好意思。 – 最後嘅一句，真·香港人加油。

#NSS個人 [Guest] 小妺今年中三 讀緊一間港島嘅女校 唔知大家係同朋友相處嘅時候會唔會同我有同一個問題 就係好驚自己會令到人哋唔開心 即係咁 有一次我post左我朋友嘅相去IG 然之後佢全日都冇覆我 我就好驚佢嬲咗 但係其實人哋根本冇嘢 純粹嗰日忙所以冇覆我 但係我就驚咗全日 又或者 平時每講完一句野 都會好驚人哋會唔會唔鍾意 然之後就搞到我嘅性格越嚟越內向 少咗講嘢 想知道大家有冇啲好嘅解決方法 因為呢件事都困擾左我幾耐 Sorry for 1999 and thanks

#NSS個人 [Guest] 大家身邊有冇一啲好八婆嘅朋友 咁我就有一個friend 本身其實都同佢幾啱傾 我哋兩個都係內向嘅人 但係唔知點解 最近佢識多咗啲朋友 就多咗講嘢 外向左 亦都變得八婆咗 例如 如果我識咗另一個新嘅朋友 佢就會講嗰個人嘅是非 慫恿我同佢絕交 第一次我就信咗佢 同左我個friend絕交 話晒一個係識咗好多年嘅朋友 另一個係新嘅朋友 我梗係信返識咗好耐嗰個朋友 因為佢又話我識嗰個新朋友好變態 鹹濕 搞到我都唔係好想同佢傾偈 但係事實上根本唔係咁 佢純粹係想令到我冇朋友

#NSS個人 [guest] 小妹 14歲 中三 鍾意玩但冇friend 陪我 咁我自己本身就係一個內向嘅人啦 但係其實我都好鍾意同啲朋友傾偈或者約出街玩 但係鑒於我好內向嘅關係 未試過主動約人哋或者同人哋傾偈 本身都有幾個好好嘅朋友 但係佢哋全部都移民 依家淨返我一個 係我而家個班入邊 我基本上一個人都唔識 我的確有嘗試過去討好下人哋嘅興趣 令到我哋有相同話題 但係作為一個唔追星 唔煲劇嘅人 的確好難融入到佢哋 搞到我而家每次要分組做grp project 都好驚 因為冇人同我一組

#NSS學業 [Guest] 小妺今年f3 將要揀科 但係有少少struggle 咁我就啱啱考完第一次測驗 成績都唔錯 接受到但唯獨是數學接受唔到 數學我fail 左 但係其實自己數學本身都唔係話超級差 仲要對數學係有興趣 有諗過揀M1 但係礙於我嘅成績關係 我絕對揀唔到 但係因為小妹大個咗想讀藥劑或者牙醫 （其實最想讀MBBS 但係應該冇可能）如果揀咗 M1 好似比較有利 有試過同老師講我自己想揀M1 但係個老師唔覺意笑咗一聲 令到我而家唔係好敢去講自己想揀M1 我依家都開始操數 希望考試可以考好啲

#NSS個人 [GUEST] 小妹今年十四歲，就有個朋友識咗11年，由幼稚園識到而家，一直以來都當佢係最好嘅朋友，小學嘅時候相處都唔錯，但係自從到咗中學，佢好似變咗。 小六到中一嗰段時間，因爲要上中學，所以其實小妹阿媽都逼得我幾緊，又成日鬧我，而且學校都成日俾人嫌煩、醜，加上青春期可能容易有抑鬱情緒傾向，小妹當時嘅情緒就長時間都好失落，我本來諗住搵佢傾訴下啦，結果佢話我好似大陸嗰啲黑化小朋友，玻璃心，好有病。其實我都只係想搵個人做下樹窿嗻……我一直當佢最好嘅朋友，估唔到佢會噉諗我。 又過咗一年，我嘅情緒終於正常返啲，但係有時候都會同佢傾訴下，但係佢唔會理我。雖然佢唔理我，其實我覺得朋友之間有唔開心嘅嘢，傾訴係好正常，亦都無再介意佢以前覺得我玻璃心，而且我都成日氹佢開心，希望可以將呢段關係填補。 前嗰排有段時間好忙，冇乜點同佢出去玩，都冇乜點氹佢，而且心情有啲差，就冇乜點理佢，點知佢wts直接block咗我……唔知係咪我太玻璃心，好唔開心。 最近一堆人約出去玩，因爲我有事所以要提早返屋企，返到屋企打開wts發現，有位同學私信我，話今日同我個好朋友傾偈，其實我嗰位好朋友覺得我好煩，有時候喺度散發負能量，真係唔想理我。嗰刻我真係喊出嚟…… 各位覺得呢？ 同佢識咗成11年，當佢係最好嘅朋友，最好嘅朋友之間……傾訴好唔正常咩？ 情緒人人都有，同好朋友傾訴……好惹人煩咩？ 而且我都冇諗過，原來佢係咁諗我…… 我應該點做……令佢冇咁討厭我？