—類投稿

#NSS個人 [英國學校] 今年第二年係英國讀書，但係我一個朋友都無。 舊年Y9 同四個英國人「玩」開，但係佢地一直都無當過我係佢地既朋友。我每一日都好似隻狗咁跟著佢地行，佢地就當我透明，一直都唔理我，好似佢哋睇我唔到咁。我都有嘗試同佢哋傾偈，但係佢哋每次嘅話題都係關於佢哋之間嘅嘢所以好難插入。 今年Y10 其中兩位英國人自己走埋一邊喺廁所吸電子煙，另外嗰兩位就各自搵到自己嘅朋友。個friend group 就係咁冇咗。今年佢哋仲衰，我企喺佢哋面前佢哋當我唔喺度，好似睇我唔到咁。我都有嘗試搵新朋友，但係佢哋已經有自己嘅朋友圈子好難加入。同埋大部份嘅人傾偈都係講人哋是非，我覺得呢啲人好難相處，好難熟。 而家我每日小息嘅時候係班房坐喺自己個位度等小息完，有時有班人都會喺班房度傾計，如果有其他人入咗嚟佢哋都會同佢打招呼，但係我一入嚟佢就扮睇我唔到。我之前食lunch都係自己一個坐，飯堂啲枱全部都係七人枱，我自己一個人坐跟住其他人都圍埋一齊傾偈，笑。啲老師經過都會用奇怪嘅眼神望住我。每一次食飯我都好難受。今個星期我完全冇食lunch，我寧願自己一個喺班房坐都唔想比人哋咁樣望住我。 可能啲人覺得好奇怪，但係我都唔想。我只係想有一個真心朋友，我有嘗試但係都搵唔到。 其實我做錯咗啲乜嘢？ 點解一個朋友都搵唔到？

#NSS學校 [GUEST] （篇文可能有少少長 請大家唔好介意） – 小妹今次係代表自己同其他兩位好朋友嚟講吓我哋一位好無禮貌同好麻煩嘅好朋友（而家已經絕咗交） – 咁話說我哋同呢位好朋友（暫叫L）已經識咗7年有多，不過到咗中學先做咗好朋友。小學嘅時候L算係一個會尊重其他同學嘅人，但上到中學佢就開始變到好冇禮貌，例如L會搵我哋嘅舊相去整wts sticker，就算我哋叫咗佢唔好send同delete咗啲stickers，佢都照樣唔理，仲要變本加厲，整多幾張。 – 除咗呢樣，佢仲成日屈人哋請食野，人哋話咗唔想請，佢就搶人八達通，自己攞去拍卡，日日都淨係針對我哋其中一位（暫叫A），每日都拉我哋去小食部逼A請，次次都要佢帶錢，A刻意唔帶錢佢就鬧A。 – 仲有，佢仲要特登去我哋父母嘅facebook同埋小學學校校網摷晒我哋全部細個啲醜照攞嚟整sticker，就係為咗取笑我哋。 – 除咗呢啲，佢仲要成日為咗啲少少嘅嘢，就好暴力咁打人手臂/背脊，踢我哋隻腳同拉我哋隻手/校服裙嗰條裙帶，搞到我哋啲裙帶鬆晒。（認真真係幾痛下，有陣時返到屋企俾佢打嗰啲位置都會有少少紅） – 有一次我哋想叫佢幫手喺網上代購買啲嘢，我哋其中一個（暫叫E）俾咗錢同埋運費，咁佢就應承咗幫佢買。啲貨運送期間，通常喺小息嘅E都會想留喺度做吓功課或者溫下書，但係佢就會不停喺E嘅班房門口大嗌佢個名（其實佢真係好撚煩）。L見E唔出來就用E叫佢代購嗰啲貨黎威脅佢，同E講:「你再唔出嚟我就退咗你件貨！」，當然E唔想佢退貨，咁佢咪出嚟囉。但係呢個唔係一日嘅事，因為佢日日都用件貨嚟威脅E，件貨一日未到，佢都繼續咁樣威脅E。 E心諗：「哇頂我俾咗錢㗎？？我仲要比多幾個%唔知乜9附加費（手續費？），但係你就係咁係度要脅我？？」過咗一個禮拜，件貨終於到咗，大家都諗唔到L竟然會繼續用件貨去威脅E，同E講話：「雖然件貨到咗香港，但係你繼續唔出嚟唔陪我我都唔會比件貨你。」 ？E俾咗錢㗎 佢叫L幫佢代購，咁樣威脅E真係唔應該囉 跟住E攞咗貨之後嗰日嘅嗰個小息，L喺度威脅E叫佢買嘢食比L因為佢幫咗E代購。jm9??? E明明俾晒錢，係可能有幾日冇陪到你，你唔單止要用件貨嚟威脅，仲喺度逼E買嘢食俾你？你唔肥都難啦😅 E叫你幫佢代購係因為佢唔識同埋唔熟網上買嘢嘅程序，見你成日喺網上買嘢應該有足夠嘅經驗咪叫你幫佢買囉。 – 唔單止咁，L仲成日笑人成績差，有一次A測驗唔合格，L就喺度曬命自己全班第一，話A好廢好垃圾，你自己叻咪算囉仲要喺度曬命，搞到A傷心左幾日。

#NSS愛情 [Guest] 我今年F.3，我疑似鐘意左一個男仔。 我哋其實係小學已經係同學，但係嗰陣同佢只係普通同學，唔了解又冇feel咁。後尾升左同一間中學，F.2開始同班。F.3 一開學佢就坐我隔離，我嗰陣先發現原來佢幾好傾，好幽默，但係嗰陣因為我閨蜜坐我後面，所以大部分時間都係同佢傾。 過左兩個幾月調位啦，我又同佢坐附近，今次佢坐我前面(其實勁好笑，佢起碼有170，我得15x，但係個老師話佢上堂唔專心，死都要佢坐我前面😬)咁我附近又冇咩人熟，咪成日同佢傾囉，傾傾下又真係好開心，有次佢唔舒服冇返兩日，我嗰兩日真係過得好慢，成個人down左，佢一返嚟我又開心返曬。 我同佢平時相處係感覺到佢對我有好感嘅，成日都會係到關心我，又教下我數學，有次唔知冇意定有意掂到我隻手，佢勁開心。有次仲要我啲friend 係到起哄問佢鐘意邊個，佢唔知點又講左我嗰名😐 但係問題就嚟啦，我其實係上中學之前應承左自己唔會拍拖，但係我依家又咁對佢有好感，我覺得我再咁落去真係唔得，加上就嚟揀科我真係好想俾心機讀書，但係我成日再會諗住佢。究竟有咩方法我先可以真真正正咁放低佢，真係唔想影響學習😭

#NSS愛情 [GUEST] Admin po ig please 🥺 小妹而家中五，鍾意咗個男同學。 我每次同佢講野都會好開心，而且我又夠膽同佢對望，唔知點解有人話唔夠膽望暗戀嘅人對眼。 Google話對方鍾意你就唔怕有身體接觸，而佢又真係掂過我前臂膊頭嘅位置，呢啲時候都令我心如鹿撞。 有一次我好大膽地㩒住佢個頭(just for fun)，我哋都笑得好開心，跟住佢「報復」我，呢下令我呆咗，但我反應唔可以太大，所以就只係喂咗一聲。 但暗戀總是苦澀的，我又唔係佢邊個，我見過佢同其他女仔傾偈，有啲熟嘅會「打人」(大家應該明呢個打人嘅意思)，我每次見到，內心都會好唔舒服。 暗戀一個人就係犯賤，永遠唔覺得對方有錯，所以我唔信佢係所謂嘅「中央空調」，即係狗公。 最近佢好似緊張我嘅感受(send message方面) 佢試過以為自己hea覆(其實佢send乜比我都會開心到發癲架啦😂)，跟住佢解釋話自己攰先會咁，仲有不停say sorry。 我唔可以淨係默默吞下百感交集嘅感受，冇話要比咩意見我，只係想睇下comments同埋有冇人屌我(唔該冇)

#NSS個人 [GUEST] Pls po ig pls thx urgent 小弟呢排download 左 Minecraft 玩到好沉迷 唔溫書 搞到時間表亂晒 唔做功課 考試就嚟 我可以點樣自律？ Thx all

#NSS文化 [SSC] 真係唔明點解我個班啲人 好少人講廣東話 我嗰班有5成ABC 有3成大陸人 得個五個香港人 我嗰班真係好恐怖囉 小息啲人一係講英文一係講普通話 全日一句廣東話都聽唔到 啲ABC同大陸人完全唔識講廣東話 我間學校真係大din 🤯 啲人完全堅離地😰 連Mirror都唔知係咩 就算你唔鍾意都好 正常你睇新聞都會知啦 香港嗰啲潮語有冇人明 好心尊重返廣東話啦 感覺上香港文化好似比啲人逐漸侵蝕緊 撐 廣東話 廣東話 世一 再係咁落去我真係會轉校🤬

#NSS愛情 [Guest ] 小妹今年06，話說我有少少懷疑自己到底係咪bi 其實我小學時係冇咁樣覺得嘅，因為我有時都會睇吓啲男明星跟住覺得啲男明星好有型，都係一般嗰啲追男明星嗰啲行為。然後會有暗戀嘅男仔，但去到六年級嘅時候識咗一個女性朋友A平時成日一齊玩好似糖黐豆咁。平時我哋嘅行為就比起普通朋友更加親密，開始唔知點解我好似覺得對佢有好感。返緊屋企會諗起佢，會掛住佢，回想每日同佢一齊嘅時間。然後翻睇我哋嘅合照，就好似暗戀佢一樣。但係因為我對佢有好感 嘅時候都臨近畢業所以時間過耐咗畢業之後我都再冇搵佢。到咗嗰陣時其實我都仲暗戀緊個男仔，但係同時我又唔知點解好似暗戀A咁。 但我上咗中學之後又遇到另外一個女性朋友B，上咗中學之後我比較內向冇好主動識朋友所以主要都係得B，同埋一啲唔太熟嘅朋友。慢慢因為升咗中學所以會約朋友出街，我間唔中會約B出街。跟住我就發現我哋平時嘅行為就好似我同A相處一樣，搞到我好似好花心咁又一次對女性朋有好感。但今次比之前更令我動心，平時我會FF下，如果我哋拍拖會點，會有咩情景。但同時我同暗戀嗰個男仔相處嘅時候又會有少少好感同動心。我覺得自己好花心，但花心得嚟。又好似有某部份（B）我係唔應該將個心擺喺佢度。我應該點好？🥲 圖Link: https://ibb.co/mtGVjWL

#NSS愛情 [GUEST] 男朋友好似想分手 小妹讀緊f3，f1的時候識左個男朋友一路同佢同班 我f3生日的時候係9月平日正常返學 一返到學校朋友比禮物比到7788 佢行過嚟話禮物後補因為唔得閒去買 當日嘅下午話一齊去食完午餐先返屋企佢又話想做功課冇食到🙄 事發後過咗已經兩個月 佢份後補禮物都係冇出現 其實事後諗返有兩個月暑假冇可能唔得閒去買 最后佢連近排兩周年都唔記得 又係話唔得閒去買禮物🎁 其實佢搞咁多嘢係咪想專登分手？ （本文十分無聊對唔住浪費咗咁多時間）

#NSS學校 [九龍城區某 bandtwo尾中學] 低from 生活 小學個陣 真係好期待中學生活 見到啲中學生勁開心放學出去玩 真係好羨慕 但係上左中一真係完全毁滅晒 嗰啲男仔女仔都好心機 俾人bully 開group 鬧我 單親家庭所以有公主病 然後得我一個兄弟姊妹 所以錫晒我 諗盡辦法整死人 上zoom一直cap人丑照 唔指一張 仲要身為班長 帶領女仔bully 日日黑面 日日** ****

#NSS愛情 [GUEST] 小妹今年F4，上個星期上堂唔小心同一個男同學（唔熟，冇乜講過野）對視到，然後個心好似抽左一下咁，心跳加速，對人哋對視唔會咁，宜家見到佢就會好緊張，我係咪鐘意左佢？