—類投稿

#NSS學業 [GUEST] 各位2022dser，有啲嘢想同你地講。 睇到好多dser都話好大壓力，我明白嘅，因為我今年都考dse，但我同你地唔同嘅係，我係retaker，我上年已經考過一次。我想分享下呢一年嚟我嘅感受，呢篇唔係打氣文，我唔會同你地講博盡無悔呢四隻講到爛嘅字。 我上年考完，best5係2x分，唔算高，但夠我入U，但好可惜嘅係，我其中一科core冇3322。呢個時候，我嘅選擇就係1.retake；2.asso；3.離開香港。因為家庭原因，離開香港係當時嘅我做唔到嘅，所以我得返頭兩個選擇，最後，我抱住嘅心態就係，小朋友才做選擇，我全都要。如果retake衰咗，asso都可以做水泡，最後都入得返u。我曾經以為呢個係好明智嘅選擇，但後來我發現我錯咗。從來唔係handle唔到嘅問題，係當你冇逼到自己去絕路嗰陣，你都唔會真正博盡。我從上年9月開始hea，asso功課係交齊，但我成日走堂，冇聽過書，dse都冇掂過。我要講個事實比你地知，asso真係易過dse，唔係內容上，係唔會一試定生死，一份asm衰咗，之後都有得追，講個例子，我有份asmB+，最後嗰科grade係A。dse一次衰咗，就下年再見。我係去到4月頭先開始溫dse，我唔止retake一科，我想博高啲分，所以retake咗幾科（詳細唔自爆），去到今日係18號，大家都知係一定溫唔切。最pk嘅係，asso嘅4月係最L多test同asm，我而家日日都趕緊deadline同埋做pastpaper，所以我絕對明有幾L大壓力，我日日都好L想4（費事比ig ban，唔打隻字出嚟） 講咗咁多，我唔係想同你地講我有幾辛苦，都唔係叫你地衰咗dse就去讀asso，我想講嘅係，其實你總有一日要努力，只係幾時嘅問題，你而家唔努力，以後都要努力，以後就唔係你話到事，係被逼要咁做，你唔會有得揀。同埋你唔係一個人，好多人同你一齊suffer緊，攰就抖下訓一覺，你真係冇必要而家就博盡，你可以以後先，但你總有一日要博盡。同埋過來人忠告，如果你真係好不幸，唔可以直入U，asso同dse唔好全都要，唔該揀一個，揀邊個自己諗，唔好聽人講。最後，呢個世界好多勁人，我喺asso見到好多屌打我幾條街嘅人，佢地每一個都比中學名校band 1仔更加勁。都有好多好勵志嘅故事，例如dse根本冇去考，出咗嚟做嘢做咗幾年，之後去讀foundation diploma，再升上asso，之後gpa爆4上返三大。都有屋村中學band 3仔，入咗asso之後上返U，first hon畢業，而家做緊我lecturer。dse真係唔係全部，輸咗唔代表你係loser，以後的確仲有機會，但係嗰啲機會都係要你好努力好努力先搶到返嚟，都係嗰句，講第三次，你而家唔努力，或者有啲嘢限制咗你，令你發揮唔到，唔緊要嘅，以後都會有機會，你總有一日要努力。 今年嘅情況大家都知，都明白，即使你真係失手，都冇人會怪你。唔好當自己聖人咁，要諗咩令屋企人，令老師失望，在乎曬身邊人感受，你已經承擔咗好多，有啲嘢可以放低下，大家都只係17，18歲，咁靚嘅年紀，應該放肆咁向前跑去，耶穌都要成30幾歲先釘十字架（如果我有講錯啲咩歡迎指正，我唔係基督徒唔識咁詳細）耶穌就話係聖人，你只係普通後生仔，17，18歲，你有資本，都有時間，你輸得起。如果最後贏咗，咪恭喜曬，最後輸咗，再嚟過囉。條路迂迴過人都冇所謂，其實會令你睇多咗嘢，識多咗唔同嘅人，認識多咗呢個世界。透過呢啲經歷，你會明白到自己真正想要嘅係啲咩。每個人要行嘅路都唔同，每個人都係獨一無二，其他人冇權利去Judge你，你即管做自己，得返幾日，如果你想嘅，就向前衝啦，如果你已經好攰，就抖下啦，人生仲有好長，你冇必要而家就用曬所有活力。 唔經唔覺廢up咗好多，好似冇乜point咁，但都多謝你睇到呢到，如果你有咩問題想問嘅，關於升學，關於asso，或者retake，邊間U邊科好，可以留comment，我可以解答嘅都會盡量答返你，如果admin幫我po ig嘅話🥹 辛苦曬admin，都辛苦曬所有嘅dser，包括但不限於2022。冇咩事我出返去做paper先🫠

#NSS社會 [Guest] 想回應一下 #NSS220417G 我喺呢到並唔係想講你曬命，覺得你係唔係曬緊命嘅都係因人而異。 但我想講嘅係，冇錯，社會就係咁唔公平。「清貧嘅生活可以過得好精彩」，但有幾多窮人真係覺得精彩？有幾多人為左食餐飯而努力揾錢養活家庭？為左生活，不斷挨苦，食唔食到一日三餐都係一個煩惱。 點解會有仇富心態？點解有人會想成為有錢人？唔係就係因為佢哋經歷緊痛苦咩？佢地用嘅每一蚊都好珍惜。 未曾試過做窮人又點講得出口「清貧嘅生活可以過得好精彩」，諗得太美好，應該叫叫精神嘅人生，定累透嘅人生？尊重故然重要，但需要更多嘅係體諒。多一分體諒，多一分包容，都係尊重嘅一種。貧人嘅心情作為一個有錢人，我相信好難感受到，嘗試代入一下？睇下我哋嘅世界，我哋只能抬頭望向山頂，而你，如今係喺山頂俯瞰我哋。

#NSS個人 [Guest ] Hiiiii 小妺係三月疫情最嚴重嘅時候同屋企人一齊移咗民 因為係喺疫情最嚴重嘅時候走所以有好多遺憾例如冇好好同同學朋友出街見面 有好多想去嘅地方都冇去 好多想食嘅嘢都未有機會試 而家去到一個新嘅國家 朋友又冇 學又未返 更加因為唔熟悉當地而冇得出街每一日留喺屋企 而家見住香港嘅疫情冇咁嚴重身邊嘅朋友亦都開始出街 每一次見到朋友喺香港玩都好羨慕 有時仲會自己偷偷地喊 雖然知道移咗民去一個新嘅國家可以得到更加好嘅教育 有更加多嘅機會見識會更加廣 但係都好掛住香港好掛住香港嘅嘢食好掛住香港嘅朋友屋企人雖然唔知道下一次返香港係幾時…….同時亦都好驚下一次返到香港嘅時候啲朋友完全唔記得晒我 亦都好驚香港變成一個我完全唔認識嘅地方

#NSS社會 [情景題] 篇野有啲費 會有曬時間 但都想問下咁多位 情景：你已經入咗去大堂到，距離屋宇大堂門口十幾二十步個到你見到有個阿婆（有少拐下拐下 可能係身形問題以致睇落有呢種feel)同阿叔（個阿叔睇得出真係身壯力健個啲 同高），50-60歲大約，各攞住個袋野，睇個樣又唔係話好辛苦 但都幾大袋，如果你見到呢個situation，你會唔會幫手開門？ 開：因為都有一段距離 又唔太近 又唔係遠 一直開住，會唔會造成佢哋嘅負擔？（壓力？）因為佢哋會趕住咗入嚟之類 唔開：嗯？ Sor for 1999

#NSS家庭 [Guest] 是咁的，小弟真係好唔明白點解係咁。 小弟一直都鍾意打機，但係最近開始鍾意返PUBG 但係我老豆老母就一直都唔俾我玩PUBG，我真係好唔明白點解唔俾我玩。我問佢哋點解，佢哋就話我驚我識埋啲唔好嘅朋友。但係我想講，我已經中三，好唔好我自己識分辨。我哋仲因為呢件事嘈咗好多次，我真係唔想再嘈落去。 有冇人可以俾啲建議，thx

#NSS學校 [Guest] 其實香港嘅教育制度有無問題？定係我問題？ (⚪旗袍學校) 啱啱個暑假本身plan主要溫書而唔係做功課 因為之後返學其實無咩時間可以溫書 加上一年其實好快過 dse真係好快嚟到 你會覺得一年仲有排啦 但係呢間學校入大學嘅機率幾低 10%三大 30%八大 完全同banding唔成正比 所以唔多唔少都有啲壓力 想開始準備 但係呢個暑假…… 本身通告出咗一個list講曬嗰級做咩功課 點知補課兩個禮拜 唔係有quiz就額外比功課 仲要每日起碼額外加兩份功課 有種無遵守承諾嘅感覺 老師仲可以笑笑口話少功課 叫我哋每日溫書溫起碼7個鐘 對我嚟講 我覺得溫書比功課更好

#NSS學校 [GUEST] 大家好，我係一個有重度抑鬱症同懷疑係思覺失調嘅學生。平時返學考試考全級頭十，同學都知我癲癲地。除咗精神病之外，仲有其他長期疾病，經常出入醫院，今年(2022)去醫院日數爭少少就多過喺屋企過夜嘅日數。想喺度問下大家意見同發洩自己嘅感受。 經常會發生幻聽幻覺，會聽到一堆人叫自己去死、飲酒(vodka, 本身鍾意飲vodka，但係因為會撞藥，又會比人送返入psy ward，一入就幾個月)、撞牆、𠝹手，呢堆聲會不停講嘢，一講就半個鐘。有時仲會睇到唔同死屍嘅樣，或者自己吊頸死個樣。可能大家會覺得恐怖，但係我可能比較冷血，好鍾意睇死屍、解剖，或者睇人死嗰一刻。成日會有個虛擬嘅對象同我傾偈，一傾又半個鐘，搞到我乜都做唔到，有時仲會同佢鬧交。 呢啲症狀一到考試測驗就好困擾，想專心讀書又讀唔到，大家覺得我係學霸，但係我今年成年張report card係0分，冇考到試，因為精神病入咗psy ward。 Point 1 Suicide 我好想自殺，但係每次都死唔去，企跳、啪藥、自殘、一次過飲一堆酒全部試過。自殺未遂嘅時候唔想入醫院，想去火葬場燒咗自己，當然唔可行，又比阿媽強制送入醫院。呢度「強制」嘅意思係要見法官，比法官判入去psy ward，有拘留嘅意思。有一次法官問我知唔知錯，傷害自己係唔啱something like that，我第一句就問個官「點解我嘅生命嘅意義要由你決定？只係因為我未夠18歲？你只係一個法官，你唔係法官你就乜都唔係。唔通人到17歲又364日同18歲生日個心態會突然間成長？18歲有人可以唔成熟，17歲又364日有人可以成熟過18歲嘅人。我嘅生死應該由我決定，子非魚焉知魚之樂？」。個官冇講嘢，佢掉低咗一句珍惜生命就判我入去。唔知大家認為生命應該由邊個去決定呢？ 生命去向呢個問題我纏繞咗我好耐，好辛苦。想死，又會覺得連累咗身邊最愛我嘅伴侶同朋友，佢哋唔應該無端端受傷害。唔死但作出想死嘅行為，又會傷害到愛我嘅人，佢哋會心痛。唔死、唔傷害自己，我覺得好辛苦，唔想留喺呢個世界，浪費資源。我究竟可以點做…大家可以話我self centered，我知我好selfish… 最後想講多句，大家對depressed 嘅人唔好講be happy, everything is okay, the

#NSS個人 [Guest] 之前見到有個投稿係關於九龍塘別墅 其實我認為樓主有錢就係有錢佢只不過係陳述事實，佢全篇文章亦都冇大規模咁樣寫佢屋企幾有錢，同埋其實樓主14歲仲好細個眼界冇咁廣闊好正常，但係人哋好有禮貌同埋好尊重，完全冇貶低過其他人，其實我唔明點解你哋情緒會咁激進成日屌人老母，講真清貧都可以快樂呢句嘢係成立，你望吓之前嗰啲屋村都過得好快樂，自問我自己都唔係好有錢都係香港平均家庭收入，只不過係而家啲人好想同人比較，當然我唔否認啲真係好窮好辛苦，但係只不過係佔好少數，同埋講真樓主有錢又唔係佢嘅錯，你只能說佢投胎投得好好，如果你話佢係因為曬命所以你想屌佢，其實曬命係需要含有貶低嘅成份先算成立，有錢就要比你屌？佢有冇好誇張咁樣描述佢屋企，佢只不過概括講咗，講真窮咪努力賺錢，好多人都慘過你，佢哋老竇老母都努力過先咁有錢或者你即刻去死再去投胎，如果唔想嘅咪努力賺錢

#NSS學校 [GUEST] 我班上嘅同學唔係話好有錢，但係除咗我之外全部都住私人樓。之後復課學校會派檢測包比攞綜援、半津、全津既人，我就攞緊半津，一諗到全班同學望住我嘅異樣目光就訓唔著😢

#NSS愛情 [Guest] 我唔知我咁做算唔算係為咗愛情而放棄友情 長文謹入 話說小妹有一個超級好嘅閨蜜(關係同親姊妹差唔多)，咁我就佢啊A啦，但係因為一件事我哋已經冇再傾計(甚至可以為係絕咗交) 其實發生喺上年， 同我嗰個閨蜜識咗一個男仔(點識就唔講喇)，咁就叫個男仔做啊B啦，之後我同A都成日約B出嚟一齊玩, 慢慢我發現我鍾意咗B,睇住佢同A玩得好開心, 我有時都有啲呷醋(但係暗戀過人嘅人都應該知道呢啲叫做冇名份嘅呷醋), 所以我只可以扮到都好開心。 終於有一日我忍唔住就同個男仔表咗白，原來佢都鍾意我哋就一齊咗，(因為驚會有啲尷尬)。 本身我同B都想瞞得幾耐就幾耐, 但係原來A一早知。 令到我想同佢絕交嘅原因係A明明一早知B做咗我男朋友, 但係佢仲要係咁約B出嚟，呢啲都算啦，但導火線係有一日假期，A又想約B出嚟玩(冇問我，B講我先知)，仲要用啲勁嗲嘅語氣 。 之後我就決定唔睬佢。 但係我同A讀同一間學校日日都要見，所以我就決定原諒A，仲要係我同佢道歉嘅, 因為佢應該唔知我知道咗佢其實知 B係我男朋友，所以佢就唔知點解我會嬲咗佢，但係梗係冇可能去返以前嗰種感情，之後唔知點解佢又冇睬我啦。 到而家我都唔知我當初嘅決定係啱定錯， 唔知你哋會唔會覺得我為咗個男人而放棄一個咁好感情嘅朋友係唔值得。我身邊有啲朋友話唔值得，但係我已經同佢講咗對唔住， 而家係佢無啦啦唔理我，我都唔知點好。 大家有咩意見就cm下啦 屌細力啲🙏