#NSS愛情 [係咪可以唔寫都得😂] 小妹最近考慮緊表白 但係又好驚會衰 請各位睇吓我有冇可能性 嗰個男仔下稱A 我同A由F1開始就熟㗎啦 大家都係同一班friend入邊。A對我間中會有啲好貼心嘅行為同埋對我都幾好嘅，我講嘅嘢佢會記得。但係有時A同我傾得好開心，有時又會同左其他人傾偈(我自己一個喺後邊。所以我就覺得A啲行為好飄忽，觸摸唔到A諗緊啲乜嘢。 咁睇上面都會覺得其實A對我都幾好呀～但係有一個問題就係A有同其他女仔friend好close咁傾偈，同埋嗰個女仔喺A心目中都好似佔有幾大嘅位置。A好似平時講咩都第一時間會諗起佢。 所以咁多位覺得我有冇可能性呢？定係佢似係鍾意嗰個女仔呢？ Sorry for 1999
#NSS學校 [mkqc] 雖然件事都已經過成個星期左右，但因為之前太忙而冇時間去打呢篇文，首先希望大家可以花少少時間睇曬佢，唔好見到咁多字就碌走，同埋都希望知道我係邊個嘅同學唔好tag我出嚟，唔該晒大家🙏🏻 入正題： 我係一個f3女學生，嗰日我嚟緊M， 返學到地理堂之前嘅空檔時間一直要搵老師就冇時間去換M巾(好佩服我M巾咁吸得)， 到地理堂嘅時候我已經有種感覺好似就快漏咁，因為真係太耐冇換，所以我就舉手問Miss可唔可以去廁所，地理Miss話唔得，可能佢以為我要痾尿，就叫我忍吓，仲話我咁大個女忍吓都唔得，但我覺得我真係唔係頂到幾耐，於是我再舉手問多次，佢都係唔比，仲叫我答啱問題先比我去，我呆咗一陣冇理佢，之後同隔離位女同學討論應該點算好， 就喺電光火石之間，我做咗個大膽嘅決定，就係直接同Miss講我想換M巾，雖然都猶豫咗一陣，不過我最後都係講咗，仲要當住全班嗌出嚟，個Miss望住我，冇訓著嘅同學都望咗過嚟，個Miss都係堅持要我答啱問題先可以去，但條題目我真係唔係好識，加上我個位偏後，睇螢光幕有少少辛苦，好彩勝在平時冇乜點得罪人，隔離有同學細細聲提水，我先去到廁所，於是我喺後門走(一嚟方便二嚟唔會阻住前面嘅同學睇)，但點知Miss佢叫我行前門，我唔知點解，可能佢惱羞啩 去完廁所之後已經咁啱到轉堂時間，我喺課室門外見到Miss，地理Miss就捉住我嚟問話，同我講做乜小息唔去，我解釋返比佢聽，佢叫我同嗰個老師講話比我去廁所，仲叫我自己安排好時間去廁所（黑人問號？？？），之後應該講咗1-2分鐘啦，佢就叫我返入班房（我全程微笑對佢，入返班房都有講唔該Miss） 入班房之後有啲同學都問我佢同我講咗乜嘢，有幾個仲話我好勇敢(苦笑) 我極度懷疑佢係唔係因為自己冇得嚟，因為佢睇落都似係更年期嘅煩躁女(阿)人(婆)，而且成日都因為一啲雞毛蒜皮嘅嘢去記人名扣人分，我真係好想知道個Miss個腦到底用乜嘢做 好多謝睇到呢都嘅各位睇到呢到，唔該曬大家🙏🏻，多謝各位
#NSS學業 [杏壇中學] 辛苦admin了，求po ig🙏🏻 大家好，小弟而家form5，2023dser，英文底子頗差，其他成績都算可以。 讀左一年高中，有幸form4 嘅時候俾新老師教，勉強明eng paper3 要做乜嘢，勉勉強強攞到四成，負碌合格，不過predict得2。 轉眼過咗一年，升到form5，俾咗個老屎忽教，成績即刻好似食咗屎咁插水，而家連搵point,分段,甚至話係連格式都唔明，上埋google 搵，乜__野，全部都係教時間分配，對我完全冇幫助。 唔知咁多位大佬有冇啲咩經驗可以分享俾小弟知，又或者有冇啲咩建議可以做，先謝各位，你哋都係一個好人🙏🏻🙏🏻 P.S部份文字語音輸入可能會有錯，不過我有加標點，所以我覺得我自己好叻(誤 Sor for 1999
#NSS學校 [Guest] 大家覺得我應唔應該轉校？ 說話小妺讀咗呢間英國中學三個月，間學校冇香港人，得我一個，我覺得好唔開心，真係好孤獨，依家臨近考試，我就無論小息定lunchtime都自己一個坐喺library溫書，真係完全去到一人之境嗰隻，寧願慳返啲時間溫書都覺得好過同frd（英國local 同學）一齊，因為根本同佢地一齊其實有一半都聽唔明…仲有好似同佢哋有層隔膜（？可能因為大家背景經歷唔同（？ 我覺得咁樣返學真係好悶好苦燥，所以想轉校，聽講呢間學校比較多返香港人，但問題係呢間離屋企好遠，來回要成三個鐘可能仲多少少添，而依家嘅學校15分鐘就到。我諗咗好耐到底返學係求快樂定係成績呢，我知道時間真係好重要，但係我咁樣讀落去真係唔開心，魚與熊掌不可兼得，如果係大家嘅話大家會點做？ admin po ig pls thanks
#NSS個人 [GUEST] hello~♡︎ 小妹今年f.2，但係喺中學一個熟嘅朋友都冇。 咁嚟講下自己先啦，其實我不嬲都係比較怕羞嘅人，唔太鍾意同人溝通，每日小息都係自己一個坐喺個位到睇書做功課，雖然我喺中學以外都有個小學朋友，但係喺學校真係邊緣人一枚🥲雖然有啲同學都知道我唔鍾意講嘢，成日撩我傾偈，但係我只係會覺得佢哋好煩，好想遠離佢哋。 而且我成日都好怕尷尬。有時自己一個喺條街度會覺得自己係異類，覺得其他人喺度望住自己，所以淨係識揼低頭玩手機。又有試過，因為好怕自己一個喺canteen 度食嘢，而匿咗喺廁所度食lunch 。或者係會因為一啲好微細嘅動作而覺得自己好奇怪，甚至會自言自語咁鬧自己🥲。 加上學校啲老師喺上堂嗰陣好鍾意叫啲同學分組，咁我又唔敢出聲，所以每次都一定係俾人剩低嗰個，其實呢種感覺真係唔好受，每次都好想喊。 當然啦我有嘗試過反省自己，係咪做咗啲咩令人唔鍾意我，唔想同我做frd 。亦都試過叫自己勇敢啲，講多啲嘢，主動啲。但係我真係做唔到🥲。 多謝花時間睇呢篇文嘅你🤍sorry for 1999🥲
#NSS個人 [GUEST] Admin po ig thx 小妹13 F2 自從上年個個都自己出街 我之前唔知原來咁多人可以放左學周圍走 認真我唔算係嗰啲咩乖乖女唔出街 我都好想自己出街 我成日比阿媽管住 每日淨係自己返學放學補習 然後放學返嚟咩都冇做 冇試過自己一個行街 即使係同frd去都要問過阿媽 但係最後佢都係唔比🤷🏻♀️ 如果要出去就要同佢去 即係同家長出街 自己兩個「細路仔」就唔可以 上個禮拜我測完驗啦 諗住同frd約去迪士尼（我+我個frd+我frd個阿媽）諗住有家長我阿媽會比我去 但係點知都唔俾 佢嘅藉口係話我自己照顧唔到自己
#NSS個人 [Guest] 辛苦曬admin，想po ig唔該🙇♀️ 第一次投稿有d緊張，可能有錯字，sor for 1999 小女一直以黎都有一個好罕見ge病，小學三年級左右已經有，到而家f5已經就黎十年，聽醫生講係牙床太細，d牙係入面壞死，結果細菌入左骨搞到骨髓發炎之類ge野（我覺得識我ge人睇到呢度應該認得我，真係唔好黎搵我，我希望冇。。。） 每一次發炎都會勁痛，成個人痛到冇曬精神，夜晚瞓著又痛醒，消炎藥同止痛藥已經唔知食左幾多，小學個陣仲做過兩次手術，全身麻醉個種，但一路斷唔到根，隔一兩個月就痛起碼兩個禮拜，成件事非常痛苦。醫生話冇計，唯有食消炎藥，或者等自身免疫力強d會自己好翻（我：……）我係睇開瑪麗醫院ge牙科，其實都有試過睇其他醫生，但都冇用 問題係升到f4f5之後d功課考試ge壓力越黎越大，因為就讀ge學校都算係叫幾好，本身已經好多野做，但牙痛ge次數完全冇少到，每次發病已經痛到想死，仲要頂住痛去趕功課溫書，真係覺得好辛苦，甚至有陣食止痛藥係完全冇用，根本集中唔到精神 有陣會同frd講自己ge情況，但畢竟冇乜人會有我呢d病，我又唔想成日掛係嘴邊，佢地都好好人，會關心我，但我唔想搞到frd同屋企人擔心，又唔知同邊個講好，所以想投稿發洩一下……而家就話驚係擔心學校考試，下年仲要dse，遲d仲要讀大學或者翻工，如果之後一直咁樣痛落去我真係唔知點算好 其實平時如果冇發病基本上就同普通人冇分別，我平時仲要係個d幾外向ge人，一病就變左個人咁樣，好似個d更年期ge阿媽咁樣，真係好乞人憎，但我又控制唔到自己，都唔知點算好，好迷茫，我都知冇人幫到我，我純粹係申下，如果令你唔開心ge話我深感抱歉 唉