—類投稿

#NSS愛情 [唔講得唔得🌚] 我對一個男仔有好感咗幾年啦，但係我一直冇表白或者明示，只會成日偷望佢 唔表白嘅原因:我同佢唔熟，唔會傾計(坐得遠冇機會) ，講嘢最多得兩句，eg只係可能阻住佢行路講句sorry🙂而且我同佢完全冇send過whatsapp或者signal個d(但係其實我地同班咗幾年，仲要讀嘅科一樣，係咪好神奇) 我係一個唔識同男仔相處嘅人(讀緊男女校，不過身邊全部都係女仔fd) 而佢都係同佢班兄弟玩多。不過，佢班兄弟同佢同某兩個女仔好熟，而我又同個兩個女仔好熟，但係我又同佢班兄弟唔熟XD 所以我有時可以透過個兩個女仔同佢接觸下 咁問題嚟啦，我發現其中一個女仔好似對佢有少少好感，我開始係到諗如果我繼續鍾意佢係咪會阻住人地發展，同時又搞到自己傷心呢 自問真係完全冇勇氣同佢表白，個個女仔又多fd(男女都係)，又靚女，人緣又好，人品又好，而且成績都偏高，又多人溝。但係我除咗成績好過個個女仔之外乜都唔係，自認樣衰，冇人溝，超級內向被動，又唔識同人相處(特別係男仔) 我係咪應該都係專注返讀書，唔好再鍾意人？但係我又想拍下拖有個心靈寄托🤧 P. S. sor for 1999

#NSS學校 [後面的男同學] 係啱啱開學既時候座我後面既男同學經常踢我張櫈，本來我已經提咗佢 佢都繼續踢….anyway 前排佢突然之間whatsapp我 問我佢唔可以做佢女朋友😅我當然冇覆到 第二日返到學校嘅時候佢傳咗一張紙仔畀我 寫住「做我女朋友ok嗎？」😶 有冇應承到亦都沒有任何表示🙃 佢又自己喺張紙度寫咗我個名同埋箭咀同意🙄 而家全班都知。。 我再同佢講返我。唔。同。意！ 佢由嗰一刻開始 一日針對我 侮辱我 我一擰轉面就話我on9🥲

#NSS學業 [[Guest ]] 第一次投稿，文筆唔好，請多多原諒。 小妹最近升上中一，我學校算係Ban2A~2B有好多嘢都要比其他人更努力或者做多一倍先得，例如其他人溫書可能用2日就ok，但我係需要一星期或者好幾日溫。我宜家晚晚都溫到好夜，仲要宜家整病左自己，好辛苦同大壓力。請問大家有啲咩方法溫書或者有咩方法可以令自己冇咁大壓力?

#NSS學業 [Guest] 說話考試 大家好，小妹今年F3。呢個問題已經有左好耐，就係説話考試。每當我考説話的時候總係會被評講得太細聲加內容唔夠。係小學的時候，老師仲係比得鬆手所以都會攞到50～70嘅分數，但係而家中學，老師每次評分都係比最低分嗰格比我。雖然我好想改善呢個情況，但係到考嘅時候我都會太緊張，腦袋一片空白而講唔到D咩，最差嘅情況就係一句野都講唔出。家人淨係得嗰句加油同講嘢大聲D，所以想請問大家有咩改善方法。 （第一次投稿，sor for1999)

#NSS學校 [GUEST] 我有時真係好睇唔過眼學校某6個人 明明喺學校就喺度蝦我嗰班某個抑鬱症患者，跟住又聯埋其他人排擠、針對佢。 然後其中2個人就假情假意喺啲負面投稿講「樓主加油」 真係好討厭，明明就唔係真心想比加油，就喺度扮晒野，咁樣好好玩咩？？

#NSS個人 [GUEST] 唔該晒admin🙇🙇 大家好，小妹今年F3。 我份人比較內向，識既朋友少，自從今年6月，我唯一既好朋友移民之後，我喺學校入邊就已經冇乜朋友。原先我都只係諗，「只不過又過返以前冇朋友既生活啫，有咩大不了」嚟安慰自己。但當我見到人人都有朋友既時候，睇到個個同學都俾老師讚，比老師重視既時候，突我一個坐喺度，我竟然會寂寞同羨慕，我個心竟然會乸住乸住。 由小學到而家，啱傾既朋友十隻手指數得曬，樣又唔係突出，成績又唔係好勁，又冇乜長處，每次老師對我既評價都只係「乖」一隻字，所以老師都唔會太關注我，我都已經習慣曬，明明同以前一樣，但我而家覺得好似比人拋棄、比人忽視咗咁樣，明明我有愛我既家人，點解我唔知足，仲會有咁既感受?好痛苦，我而家先發覺，原來我都想有人讚，我都想有人關注，有朋友。我唔想比人拋棄。 同我同年齡既人，全部都有夢想，有人生計劃，有目標。突我一個，冇夢想冇目標冇計劃，咁我有咩生存意義同價值?我諗唔到。種種既因素，近排又UT，我壓力好大，我真係好唔ok，我好想同佢哋講，但係當我睇到阿爸放工翻嚟，腰酸背痛，阿媽做到手指都損埋，阿爺仲成日㷛湯俾我地飲，我唔想佢地擔心，每晚只可以喺訓覺既時候喊 ，又唔可以發出聲，真係好辛苦，點算? 篇文長氣過頭，表達欠佳，多謝大家睇到呢度🙇🙇

#NSS學業 [不透露] (唔該admin po ig萬分感激！請刪除括號這段話) 有冇中六嘅同學仲好似我而家咁hea緊?每次想溫書都無從入手，一份卷都未操過。又驚遲啲唔夠時間溫、操卷。唔知點算好…… 希望各位俾D意見我(大家嘅comment我都會睇㗎) 圖Link: https://ibb.co/ThpVnPn

#NSS個人 [guest] 小妹讀緊b2a某中學f4，我以前比較開朗，所以都識到唔少朋友，但後來經過一啲事後變得自卑，甚至有社交恐懼症，唔夠膽主動同人講嘢🤥。 我地學校係f1-f3同一班，f4-f6同一班。近排升上f4後發覺以前識啲朋友開始同佢地班上嘅同學熟，甚至小息都會一齊去廁所，但我而家喺班上唔夠膽主動同人講嘢，就一個朋友都搵唔到，開始擔心以前嘅朋友因為我而家太悶而遠離我，最後得返自己一個過埋依三年。由於我成績一向比較好，有時都會招來妒忌，所以好想入到間好大學後搵返一啲志同道合嘅朋友，去報復，但噉樣卻造成咗好大嘅壓力，好似一失敗咗就會俾人笑噉。究竟我應該點做🙏🏻

#NSS學業 [htc] 想問下大家有乜提升oral能力嘅方法? 小妹今年f4,雖然係讀英文中學但英文能力唔好，自己又懶唔鐘意睇英文書同片，所以識嘅vocab好少。最近就要oral exam，每次上英文堂都勁驚oral practice,尤其係group discussion, 每次我都覺得同組嘅組員唔知我講乜，我自己講英文又卡point又唔多識嘅vocab又唔多，仲要我每次都好緊張。我意識到唔可以再逃避佢，但係我真係唔知從何入手去克服佢。想知大家有乜方法可以提升到oral能力？🙏🏻 Sorry for 1999

#NSS家庭 [GUEST] 好心唔好以為自己大曬 次次都係咁 一有人去廁所就叫人哋 等你沖完涼先 結果自己又唔沖涼 喺度做其他嘢 好心你就唔好叫佢等啦 反正你又未沖涼 咪畀佢去咗廁所先囉 又話自己好快沖完 結果沖咗勁耐 好心你就唔好以為 自己返工攰就大曬啦 我哋做完功課温完書唔攰？ 想去個廁所都要 等你做撚曬啲嘢先得 你喺呢個屋企唔係大曬㗎