#NSS文化 [Mfs] 澄清聲明 有關今天下午在數學課上發生了一件令許多同學嘩然的事宜需要澄清。可能大家只聽到某同學說本人以粗言穢語回應他的答覆，卻不曾問過本人事件之實情。我發誓，我在事件中，我沒有說過一句粗言穢語。我為以上無中生有的事件深表遺憾，也為有關同學之誣陷行為為之髮指，請有關同學自重。 說粗言穢語不但有損自己的品德形象，而且是不尊重自己的表現，同時更令其他人受傷。若要别人尊重你，請先學會尊重自己。 為何為引起其他人的注意之一己私利，而損本人的品格、聲譽？此看似損人利己之舉，卻破壞同儕關係，最終不也是自招損失嗎？ 經一事，長一智，我希望知悉事件的所有同學明白事理，學會安分守己，說合宜、有益於人的話。 古哲有云：「謠言止於智者，清者自清。」我希望大家在開玩笑的同時，顧及當時人的感受，三思而行。 如果大家不再散播此謠言，並能以此為鑑，本人就不作追究。 最後，我在此重申，我在事件中並無向身邊的任何人說粗言穢語。請各位學會待人接物中最基本的尊重。 Hkl
#NSS愛情 [GUEST] 我而家F3,小學中學都係女校,其實由5年級開始已經確定咗自己係bi,加上之前都有鍾意過女仔,所以今次其實都係幾肯定自己真係鍾意佢。佢係F2同班識嘅,本身我喺嗰班都好少friend,佢係一個我同佢傾到計嘅同班朋友,本身有共同興趣,之後慢慢熟咗,亦都知道咗原來佢都係bi,然後開始對佢有feel,例如見到佢同其他同學傾計會唔開心。但唔知係咪我嘅錯覺,佢有時都幾關心我,例如我有時有啲呆滯嗰陣佢都會問我咩事。之後F3,我同佢唔同班,開始疏遠咗,我暑假嗰陣對佢其實係淡咗,但之後返學又有返feel,直到有日,我同咗佢表白,但係佢又冇好明確拒絕我,之後嗰日係有少少尷尬,之後又好似平時咁。 我而家唔知點好,我鍾意咗佢成年,但有少少曖昧又好似唔係,我究竟應該點做？ Admin pls po ig thxx🙏🏿
#NSS愛情 [Guest] 這裡先說，本人習慣打書面語，請多多見諒🙏🏻 本人中四，是頗忙的一年，本來想要專心讀書，但是好像喜歡上了隔壁的同學。 我以前也有試過喜歡人，應該也很清楚喜歡的那種感覺，有試過被人拋棄，做過代替品，也有試過被人玩弄感情。後來有一次，我暗戀上了一個人，我們是在網上認識的，但是後來發現當我跟他一起玩，好像有一點奇怪的感覺，才明白了「愛」這種感覺。但是呢，其實那個人是有對象的（我之後才知道），所以我也知道我該放手，但是我也用了好久的時間才走了出來。 之後很久一段時間，我也沒有再喜歡任何人。但是最近我發現我好像喜歡上了隔壁的男生。他不帥（我感覺這樣說有點好笑），成績不太好，但是不知道為什麼，在他不小心靠近我一點點的時候，我居然有那久違心動的感覺?! （我承認我眼光可能有問題😂）那種感覺真的太久違了，一開始讓我有點不知所措，就想著我那三分鐘熱度，說不定心中那團名為愛情的火苗，很快就熄了呢? 但是我發現我居然會開始嫉妒…他呢，是個常常環繞在女生身邊的男生（非渣男也），可以說是混入了女生團裡的男生，也會不知不覺對女生很好（應該是不知不覺吧）。所以他常常都會跑去跟別的女生聊天，當然他們都是認識很久了，我呢~則是剛剛認識他不久的女生，我知道我也沒什麼資格，但是我居然嫉妒了…那種感覺真的好奇怪，甚至可以影響我一天的心情，btw我真的覺得我這樣好變態而且好可怕。有一句quote真的挺能表達我和他的關係…朋友的名義，對他又有戀人的感覺，實際上又毫無關係。 問題來了，請問一下，大家覺得我應該如何面對這份感情？應該等待那股感情慢慢變淡？暗戀？放棄？感謝。 如果知道我是誰，別說，別在這裡或者學校問。萬分感謝啦！ Sorry for 1999
#NSS愛情 [SMCESPS] 我由細細個就識左一個女仔 佢個名好靚 叫做巴黎 唔知由幾時起 我鍾意左佢 每次就嚟見到佢 心入面都會好興奮 每次見到佢嘅笑顏 心入面就會莫名地好滿足 每次佢同我講嘢 心入面會好緊張 甚至連普通嘅對答都會令我心跳加速 不過亦因為我由細就識佢 又經常會喺同朋友傾計嘅時候無意咁提到佢 令到我嘅朋友成日都會起哄或者傳我地嘅緋聞 雖然我喺其他人面前都會扮到好憎佢 但係每次我地比人傳緋聞 我都會扮到惱羞成怒咁 跟住跑去廁所 整理好因為竊喜而染紅嘅面 先翻翻入課室 亦因為我驚比其他人發現我對佢嘅感情 我會習慣性咁將其他人嘅秘密爆出嚟
#NSS文化 [Guest] 關於同性戀/雙性戀這檔事 同性戀(homosexual)，雙性戀(bisexual) 相信大家都一定聽過呢兩個名詞㗎喇，而因為最近對呢嘢有研究所以想同大家分享吓我嘅睇法 同性戀即係對自己嘅性別嘅人有好感甚至係鍾意佢啦，雙性戀就係對同性或者異性都有好感或者鍾意佢哋，只要符合佢哋理想嘅性格就不論男女都ok 而因小弟我非常鍾意睇sex education啦(真係好好睇btw)，再加上身邊都有對同性/雙性戀唔同睇法嘅人，所以促使我有以下嘅睇法喇 其實同性戀/雙性戀者喺香港係被受歧視嘅，因為香港係一個較為傳統嘅地方，唔太鍾意新思維，就覺得佢哋好噁心，好核突，但其實佢哋先至係令人討厭嘅存在 以我老豆老母為例，我老豆覺得雙性戀人士好噁心，覺得一係鍾意男仔一係鍾意女仔，是但揀一樣；我老母就覺得同性戀人士好可恥，甚至之前新聞上面講話有一個同性戀人士被刺殺，佢話嗰個人抵死(我父母都係基督徒，我都係) 我嗰吓心唸「哇，咁都講得出嘅」即係雖說我自己都係基督徒，但係我完全冇歧視同性戀者甚至覺得佢哋好噁心，就因為佢哋自己無法控制自己嘅性取向，所以就要歧視佢哋？正因為佢哋嘅價值觀同自己唔同所以就歧視佢哋？其實佢哋都只不過以為自己先至係正常嘅存在，將自己嗰套嘅思維放落人哋身上，就覺得人哋唔係正常人，我覺得呢啲人先係最黑人憎。 雖然係咁，我討厭嘅只係我父母對於同性戀/雙性戀嘅價值觀，我都係好愛佢哋嘅👍🏻 所以你哋咁多位唔好以為自己先係正常人，大家都要接納唔同睇法嘅人 sor for 1999