—類投稿

#NSS個人 [yck] 點解我想要個真心朋友都好似好難咁 一直以嚟由幼稚園到f.1都有啲朋友 當初梗係以為所有都係真心啦 到f2嘅時候就發現佢地唔係當我係atm就係狗比人蝦先搵我嗰啲 到我屋企出現問題 比佢地知道咗之後全部走哂 想約個朋友陪下我都冇 連一個聽我講野嘅人都冇 望住啲同學放學就去搵真心嘅朋友食飯 我就自己返屋企 望住人地可以分享自己生活比真心朋友知好似好開心咁 而我無論開心又好唔開心又好 都冇人聽我講… 我聽過人講過一句說話 朋友唔需要多 有一個真心就夠 但係我一直都冇真心朋友 都未體驗過有人陪我癲陪我玩聽我講野嘅感覺

#NSS個人 [GUEST] 我係#NSS211110B 嘅樓主，本身英文名叫Hannah，但係因為同級已經有三四個人叫，所以諗住改。首先多謝大家俾嘅意見，想問下大家有冇一啲尾音係a音(na,la,ka,etc.)(唔係都唔緊要)、兩至三個音節、唔係好人叫嘅名可以推薦下？ Sorry for 1999 again🥲 Admin please po IG Thanksss🥲♥️

#NSS個人 [GUEST] Hello 大家好 第一次投稿 sor 1999 —————————————————————— 我有一班朋友 一開始係佢他4個玩先 我係後期先加入佢哋 我同佢地喜好差好遠 佢哋超級鐘意日本動畫 遊戲 而我完全冇興趣 所以我同佢哋無咩共同 我試過努力陪佢哋 佢想睇緊咩 玩咩 我都會跟著佢哋 我覺得好辛苦 所以大概玩左幾個月就棄遊 佢地有F1開始已經有個wts group 但一直都冇加我

#NSS個人 [新界某一中學] 我發現我阿哥真係痴左線,就係佢琴日唔見左個apple pencil 然後搵我找數。話說我今日返到屋企， 然後坐低食飯，佢就攞左我部手機就check藍牙連線紀錄，唔知咩原因我部手機就有佢個Apple pencil嘅連線紀錄（可能我之前問佢借過黎用) 。跟住佢就鬧9我話我攞左佢隻筆，明明係佢自己整唔見，我個陣懵左，我只係想坐低抖下姐，唔好緊搞我啦，然後佢就發脾氣：）。然後…就無然後了。呢啲野已經發生過無數次，佢真係好撚煩，又嘈9住曬，忍忍下都忍左十幾年。我究竟幾時先可以擺脫佢嘅魔掌。

#NSS其他 [GUEST =]？] 19歲甩頭髮甩得好嚴重😭。頭頂最上面嗰個位基本上禿咗，每次沖完凉梳頭都甩一堆頭髮，真係好恐怖。我仲好後生，唔想咁快變光頭，大家有冇咩方法可以救救小妹😭

#NSS個人 [某男女校] 唔知呢度有冇人聽過mbti呢樣嘢。我之前test過一次，結果就話我係屬於intp嘅人。近排我無意中發現一個關於intp嘅memes page，發現入邊啲memes講嘅嘢完全就係我咁嘅樣，都係好懶散 唔擅長同人溝通 鍾意自己一個，同自閉症差唔多。我發現自己同啲比較熟嘅人一齊嘅時候，就好放心咁講嘢，亦都會幾幽默吓。但係當我一同啲唔太熟嘅人被迫一齊嘅時候，就會連基本打招呼都講唔出口，完全唔夠膽同人對視。 上網搵過其中一個intp嘅特徵，就係話因為鍾意思考所以唔洗點溫書，數理科目成績都會係幾好。而我平時成績都幾好，但係因為太懶散所以都幾唔穩定，我驚喺我成績唔好嘅時候會俾人話淨係識死讀書但係都仲咁差，驚會比人笑，但係事實上我讀書嘅時間可能就連佢哋嘅一半都冇，純粹係我唔夠膽講嘢，所以上堂先好靜，令人誤會我係死讀書。。好多老師都成日話我好聰明，其實都好困擾，因為都深知自己唔係聰明嘅人，純粹鍾意思考，但喺變通或者理解能力方面就仲係好唔掂，但咁樣比人讚我驚俾人覺得我因為咁所以就好囂張而唔同其他人講嘢，但實際上只係因為我太驚，唔夠膽同佢哋講嘢。 其實我真係好享受得返自己一個嘅空間，但就成日比其他人又或者親戚話我唔合群，以為我係問題少年（都差唔多係），好多時我都想靜靜地自己一個人，會舒服好多，但無奈呢個世界就係都要逼人社交，有無人明我，其實內向撚真係好L麻煩。 sor for 1999

#NSS其他 [某學校] sor for1999先 hello各位，呢個個問題可能會有啲奇怪，不過小妹嘅阿媽話佢有個朋友（下稱x）因為同人一夜情冇做好安全措施所以有咗個bb，而我阿媽就叫我畀啲好嘅方法可以令x減少負擔嚟撫養個bb。 咁我聽到嗰下係覺得「關我咩事呢又」不過x喺我細個嗰陣照顧過我所以我唔畀啲建議可能唔係咁好啦，所以我就講攞撫養費或者做墮胎手術blablabla諸如此類啦（因為x喺大陸然後大陸墮胎好似合法）。 不過阿媽話「唔好啦佢會唔捨得gar」「你覺得嗰個男嘅會畀撫養費咩」嘅理由而唔接受呢啲方法，其實墮胎都有啲殘忍不過我14歲炸真係冇啲乜想法囉。 我原本都唔想繼續講有咩理由不過我阿媽話如果有啲乜好嘅方法會畀一百蚊我，而我宜家就為嗰一百蚊而奮戰，請求各位地球北半球南半球亞洲歐洲美洲澳洲北極南極香港新界九龍嘅朋友提出啲可以令x減少負擔嘅方法，你地嘅big brain moment到咗啦，為咗令x可以減少負擔（為咗我可以有一百蚊）請各位幫吓佢🙏 仲有記住帶dumdum或者食避孕藥🙂

#NSS家庭 [GUEST] 我成日都會係到諗點解要係我 點解要係我面對呢一切 我今年F6但係幼稚園甚至係小學時候嘅事 到而家對我嘅影響仲好深 印象中我嘅童年回憶都係同貧窮有關 細個住過劏房，小學時候爸爸爛賭差人大耳窿 淋紅油、電話騷擾、貼大頭相、去婆婆屋企瞓覺、父母離婚…….. 基本上我嘅童年生活就 好似香港電視入面嗰啲家庭倫理劇咁 小學嗰陣我以為自己嘅家庭好正常但其實唔係 後來爸爸同媽媽因為返咗教會信基督 爸爸決心戒賭戒煙又同媽咪結返婚 當我升中學嘅時候已經再冇俾人追數嘅經歷 所有事都向好嘅方向邁進緊 明明我應該覺得滿足但係我淨係覺得好唔公平 點解要係我面對呢啲？ 點解其他人係洗衣粉廣告入面嘻嘻哈哈嘅家庭 而我就係政府戒賭宣傳廣告入邊嘅家庭？ 點解屋企人可以走出黎但我唔得？ 我一直扮演緊一個乖乖女 因為我知道屋企唔可以再出現其他問題 但我好攰，我好似好乖一直冇闖禍努力讀書 但我真係好攰，我甚至唔知自己點解要咁乖

#NSS個人 [Family link] 如果大家被家人迫去down應該都知Family link呢個app係有幾克人憎，乜app都唔比用，又唔可以down嘢。總之所有嘢都要管住曬。所以喺度問下大家有冇乜解決或者破解方法，買過部電話就冇可能㗎la，一個月零用得2百蚊……

#NSS愛情 [Guest=]] 大家好！又係我 #NSS211109D 板主。話說上次 admin 好快就出咗 post，真係超級無敵感謝！比個心你❤️ 前情題要：請稍移玉步至 #NSS211109D 係咁既，我睇完大家D留言之後，好似打咗雞血咁，喺果晚衝咗上 A屋企痴餐。A見到我之後，露出尷尬嘅神情。佢隨即將自己鎖左入房門，並聲稱自己一 D都唔肚餓，決定唔同我地食飯。A媽聽完之後表示好嬲，拜託我將佢捉返出黎。 我當然應承咗，立馬走到佢間房前，敲佢道門，話 auntie 見佢快 D出返黎。佢唔理我，而我繼續敲門。我跟住就用 Whatsapp send 咗句：「先生，我有野同你講。」藍 tick 三秒後，房門緩緩打開。 佢問我：「有咩要同我講？」唔知邊個比勇氣我，我話：「嗱，我淨係講一次。上次嘅事好對唔住，因為我完全無諗過你竟然會鐘意我。仲有就係… 我都幾鐘意你。」講完之後，A呆左，我都呆埋。救命呀媽咪！我居然講咗出黎la！「所以… 你都鐘意我？」「係呀得未？出去開飯la。」A終於露出笑容，尸口巾佢真係好撚可愛！！然後我地就喺曖昧嘅氛圍中進食，不過唔重要所以skip