—類投稿

#NSS個人 [女校] 題目: 我覺得我不能沒了我的西史miss admin pls po ig (我需要解決方法🥲 小妹今年f.4，是個認為自己是個Pan. 首先請原諒我要用書面語寫，因為我的朋友們經常說我的語氣很容易認。 這個西史miss是今年新進學校任教的，第一天上課的時候我已經覺得她很有吸引力了。其實小妹學校本來就有幾個學生們都公認的「靚女老師」，她們都是那種仙女or氣質上的美，看多了都會覺得有點膩。但是這個西史老師的美是很可愛很清純，對我來說是特別的。一開始我只是經常很期待上她的課，很想見到她。到後來我覺得我即使沒有她的課我也需要見到她，不然我的心好像總缺了一塊似的。她現在就像我的良藥，一看到她我的所有煩心事都會消失，可同時她也像毒品，我一天沒見到她就會整個人專注不了，頭痛胃痛等等的不適也會隨之出現。我現在快要考試了，我很想專注在溫習上，可是我現在滿腦子都是她。我希望我可以解決這一切，我該怎麼做?

#NSS個人 [skhlmcss (吾好出名please)] 覺得好辛苦 講返小小背景先,本人係一個中五學生,由中一一個人都吾識,到依家叫做揾到一班傾得下偈嘅「朋友」,分別係同學A、同學B、同學C、同學D、同學E&同學F。 大家大概中三開始玩埋堆、中四開始熟絡起嚟,直到疫情開始網課,大家會係wts吹下水,一直都好好。 但係自從今年恢復面授,我發現同學A吾鍾意同學D,好明顯咁杯佢,咁我太天真啦,我希望大家可以keep friend,吾好零舍杯其中一個人,真係好難有一班朋友可以成班人一齊玩。 我吾迫其他人同我一樣諗法,我覺得俾人杯好慘(自己經歷過),我會陪同學D傾計、陪佢玩,但係漸漸地我發現大家除左有個大group之外,另外有一個係淨係冇咗我&同學D,好明顯㗎!當成班人傾計嗰陣時,佢哋話睇wts啊,成班人攞部電話出嚟睇,係得我&同學D收吾到,咁心照啦,明面上淨係杯同學D,但係我覺得自己其實被人杯埋一份。 我本身好努力咁想同佢哋做返friend,但係我發現大家會私下約,完全將我隔絕在外,我想約佢哋一齊玩嗰陣時佢哋又話約咗人但係好得意喎另外嗰頭佢哋又會一齊出去食飯&玩。 當佢哋有需要嗰陣時,就即刻會同我做返friend喎。其中同學B&C又會同我傾計但其實杯埋一份。 望住佢哋玩嗰陣我其實喺度諗,嫌我煩咪直接開聲囉,咁樣杯法辛苦我又辛苦你哋,需要我嗰陣就同我傾計玩好聲好氣,唔需要我嗰陣?行開一邊算啦。 自己一個人嗰陣就會諗點解個個人都咁假,呢頭同你好老友,個頭喺度講你壞話,係我太天真覺得朋友就係朋友,一路都想維繫到呢段友情。 自覺自己平時喺其他人面前好樂觀,但係其實好怕孤獨,打出嚟舒服曬。 我好想屌醒自己,但係又唔捨得呢段友情,麻煩各位屌醒我🙇🏻‍♀️ 多謝大家耐心睇到呢度 文筆唔好,諗到乜嘢就打咗乜嘢 如有錯字,煩請各位見諒🙇🏻‍♀️

#NSS學業 [某band 1 中學] 如果我表達得唔清楚，希望能夠原諒下我中文唔合格。 我今年讀f1，小學成績係經常全級第一嗰啲，但上到中學就變成中下，好多科唔合格。可能就係咁所以有啲學習壓力。 話說有一日，一切都好正常，我都係如常返學。咁我哋學校要一朝早交電話，唔係就會記缺點，嗰朝我唔記得交電話，所以就放咗喺書包。 小息嘅時候，我個人突然好似夢遊咁，控制唔到同唔知自己做咩，冇意識自己做緊啲咩。印象中，我突然收好書包，攞咗部電話出嚟開機。正常情況下，我當然唔會咁做，因為我唔會想被人扣分。班長問我做乜攞部手機出嚟，印像中，我好似話: 攞出嚟咪有囉。跟著就冇印象啦。 跟著我唔知點解咁落咗地下，仲差啲出埋學校門口。但就喺嗰時又唔知點解上返去。 小息完咗，我個人又正常返，就好似個靈魂返嚟個身體上，但係就已經對頭先發生嘅嘢冇乜印象。 上堂嘅時候，我就突然間好想喊，跟住就同老師講我要去廁所，跟住就係廁所喊咗兩堂。 想問吓究竟點解我會咁？有冇人有類似經歷？係唔係因為我精神有啲問題？係唔係有壓力先會咁？我究竟應該點樣做？點樣避免再次發生？應唔應該去見社工？ 如果你知我係邊個，希望你唔會爆我個名出嚟，多謝你睇到呢度，希望你能夠解答我。

#NSS個人 [GUEST] 知道你地唔係醫生,但希望有經驗嘅人可以解答下我嘅問題。文章內容可能有啲嘔心/奇怪。 我懷疑自己嘅趾甲有倒甲嘅輕微症狀。唔知係咪以前剪趾甲剪得太短，最近我腳指公嘅腳趾甲好難剪，啲甲好似嵌咗少少落啲肉到，啲角位又剪唔到。上網查過有可能係肉包甲/倒甲。 我知道之後有啲驚，因為如果真係有呢啲病，以後嚴重咗會好難處理。我有試過同屋企人講，但佢地好似當我講笑咁無理到我。我又上網查過啲倒甲治療，睇過啲ig shop都好貴。我明白醫病要用大筆錢好正常，但係我一個中學生真係俾唔起呢啲錢。再者我只係懷疑自己有病，想問下人都問唔到。 希望有經驗嘅人可以俾下意見我可以點做啦。因為我真係唔知邊度可以搵到人幫我睇下隻腳，同埋真係有病嘅時候可以去邊度治療。感謝大家嘅幫忙🙇🙇Sorry for 1999

#NSS學校 [S_cc] 利申本人初中 今日我想講 啲垃圾老師😀 唔係唔教書 就係人品有問題 以下係我咁多年以來冰山一角嘅例子 (每個point代表一個老師)： 。某 non core subject 嘅老師 成日喺我哋一日要交曬十幾份deadline嘅時候 先畀啲無關痛癢 但係又嘥時間嘅垃圾我哋做 隔離班明明已經一早派咗 但係佢係都要等到最後一秒(即係齋吹牛 冇學術成分嗰啲) 仲要上堂成日講佢個女(其實關我哋咩事) 。某core subject老師日日上堂喺度吹水 又唔教書 文言文淨係掂一掂

#NSS個人 [山區學校] 大家覺得一個禮拜得$100零用恰唔恰當？🥲 – 今年f1，一個禮拜有$100，我一日嘅車費要$14.2 (巴士+地鐵)，八達通每次我係入$50，咁嘅話一個禮拜我得返$50用嚟做其他嘢/食飯 咁計嘅一個月得$400 車費一個月要$312.4 扣除車費我成個月（係成個月唔係一個禮拜！）得返$87.6 – 有時frd約我出去食嘢我都唔敢去 覺得自己得嗰幾十蚊喺銀包好羞恥，我怕畀佢哋因為咁而笑我 見到佢哋有幾百蚊喺銀包真係好羨慕 – 如果我叫屋企人畀$150一個禮拜過唔過分？🥲 我文筆唔好 講嘢1999唔好介意🙏🏻🙏🏻🙏🏻

#NSS愛情 [GUEST] 520不快樂 話說今日就係520 咁本身呢就同佢去西九龍嗰邊嗰個自由空間嗰邊睇日落 但係我哋落咗車行過去嘅時候 佢就已經係度喊三喊死 又話好曬好熱好嬲 其實我都體諒佢今日的確曬 因為嗰陣時已經5點幾 坐多一陣就差唔多睇到日落。 但係呢佢就話 坐係度好無聊 仲要坐好耐 就提出話去荃灣行下仲有得歎冷氣 之後就一齊去咗荃灣啦 到咗荃灣之後行咗一陣商場就去咗海邊惗住睇日落 （差唔多係重頭戲） 我哋坐係個涼亭度 之後隔咗一陣就有一班13-14歲嘅靚仔靚妹坐係我哋隔離 其中入邊有一個女仔著黑色裙 睇落去都幾靚女 咁我男朋友就話啦：都幾靚女 要唔要add 咁我就梗係唔肯啦

#NSS個人 [Guest] 小妹第一次投稿 可能有少語句不通順🙇🏻‍♀️ 今日我爭啲跳樓，我企係30幾樓屋企嘅窗戶位，企咗半個鐘，我係度諗點解我唔跳？ 其實冇咩事情發生，只不過一直都不太知道點解我要活著，然後好似已經體驗咗好多人生嘅事情，未來都好似也冇咩特別事情會發生，生命中冇咩期待，加上呢排好似好多人都放棄生命，有少少鼓勵咗我（我知個諗法好怪 😶 之前有陣好痛苦嘅時光，我有借自我傷害令自己感覺好啲。宜家好返咗啲，但係我都有被頭先嘅諗法嚇親，原來有得跳，我似乎真係會跳。 我唔知呢件事情嚴唔嚴重，因為好似大家都會有咁灰嘅時候，所以咁嘅諗法我都唔知係咪嚴重。 所以想開post問下意見啊 Thankk yooou🙇🏻‍♀️🙏🏻

#NSS愛情 [Skhtst] 小弟今年f3，明明小學嗰陣都好地地無乜野。一上咗中學之後，我就識咗個frd，我地都幾熟下，有一日小息嘅時候佢就過嚟攬住我，搭膊頭，摸我心口(好似摸緊胸咁)，咁我自從呢下之後就同佢成日摸嚟摸去，好似喺度搞gay咁。 f2上學期嗰陣，本身大家都當對方係普通frd嘅女仔同我表咗白，我嗰陣唔知比咩反應好，我心諗我對佢其實都有少少feel，不過好似唔應該咁快拍拖，但我嗰陣冇拒絕到佢，我話會考慮下，最快都要f4先一齊。 直到f3嗰陣，我都係同我嘅gay對象&嗰個女仔同班，我同我嘅gay友今年玩得仲癲，就連上堂都成日喺度攬嚟攬去，小息嗰陣就仲癲，喺度插嚟插去，其他人見到都忍唔住笑，但我地就玩得好開心。 但當我放所謂嘅暑假之前，我察覺到嗰個女仔完全冇點理我，明明f2嗰陣佢都有搵我傾計，放學都會whatapp傾計，但一上到f3嗰陣佢對我越嚟越冷淡，基本上冇點講個野，大家嘅關係越嚟越疏，已經連續好多日無講過野。我一直好想問返佢咩事，但我又無呢個勇氣。 我覺得好似係我成日搞gay搞到咁，想問各位而家我應該點做🙏🙏

#NSS愛情 [GUEST] 是咁的，小妹今年16，識咗個男朋友(下稱a)，拍冇幾耐，差唔多半年。 a有一班best friends係男女班(女多過男)。初初識佢嗰陣都知佢哋超frd，日日都見到一齊放學。唔熟佢嗰陣都羨慕佢哋嘅友誼嘅，但係一齊之後我就越嚟越介意a嘅女性frd嘅存在，成日覺得佢哋癡好埋。我哋未一齊嗰陣佢哋放學會成日上a屋企食lunch/假期嗰啲成日一齊出街 (呢啲係a後尾同我講)。後尾啱啱一齊嗰陣佢哋都會有時一齊約去a/另一個男仔屋企玩，嗰陣次次都會sad好耐，冇一齊食飯嘅時候就返屋企訓覺 (有時同自己frd食啦，有時真係懶)。咁佢都話同我一齊之後好少同佢哋食飯出街，我都哦佢嘅。畢竟佢哋識先過我，熟先過我，何況好朋友都係咁相處ga啦，宜家都係性別唔同啫。 有被ex hurt過嘅經歷，所以好驚異性朋友的存在，好小事都可以介意。 ​有個女仔frd好似同佢特別埋，a話佢都特別了解自己，會互相傾心事。有時都會好驚佢會唔會搶走a，因為未好熟a之前成日覺得個女仔中意a哈哈哈。 ​而且佢哋都真係好close，我知frd會成日開bibibubu，但係異性好友成日一齊講性問題(佢哋會問對方關於性嘅嘢(不是科普，單純了解對方對呢啲嘢嘅睇法))，有時又要cue埋我 (你哋講咪算囉，我又冇興趣叉隻腳埋嚟)，a仲試過當我面話佢另一個女仔朋友淫…(me just like ?.?) 我都有同a傾過，佢都話佢盡量俾更多安全感我，我份人鐘意收收埋埋，之前嘅上述事情我打咗篇大長文發洩(以上冇全部提到n不詳盡)，佢後尾睇到篇文都有安慰我(我其實打過兩次長文)。 ​有一次我哋call緊，(本身chat都cue到佢女性朋友)。突然，我講錯嘢搞到a唔開心，跟住a突然打咗一細段字嚟，可能係因為兩次長文，a覺得佢講咩我都係咁lum佢(? 嘅一細段大致係：「點解我咁努力同佢哋劃清界線你都睇唔到？點解我做咩你都係咁lum我？」(我唔記仇的，佢嗰陣打咗啲乜我唔太清楚) 我嗰陣睇到唔知點解忍唔住就喊出嚟，明明我都唔想成日care呢啲嘢，我都好努力控制自己唔好咁小氣，佔有欲咁高。嗰陣就好崩潰，喊到成個癲婆咁，佢就喺call到聽住我喊，然後又一齊喊。 嗰下，​我同佢道歉，and話我以後都唔cue佢哋。後嚟我真係做到喇，亦都唔知點解，突然就好似睇開曬咁，冇再因為小小事呷醋，成個人寬容曬 (好事嚟嘅，邊個想日日因為垃圾事咁down) ​不過佢近排又同另一個女仔frd咗._. 嗰個女仔感情遇到啲問題，開始同a傾得多(大家都是同班) 然後這該死的醋灌滿成個人again，又有返之前佢同佢嗰班異性好友的sad感覺(???我要抑制自己腦袋裡的unhappy Qnq