—類投稿

#NSS個人 [GUEST] 大家都知早排好多人都確左診，而我就係其中一個。但我只係用快速測試知道自己係陽性，冇去政府果啲機構度做檢測。果時都係爆得最勁果段時間確診，未有果啲咩快速測試上報平台，所以冇上報。咁問題就黎，黎緊疫苗通行證就話要打第三針，而我而家返緊嘅兼職都要求員工喺5月31號之前完成接種(冇可能唔返兼職，因為要自己交學費，屋企人唔會幫手比)。如果有康復者就可以6個月之後再打。但係因為我冇確診嘅證明所以係咪要打第3針？我係2月尾中嘅，如果我5月尾打，相隔都只係得2個幾3個月。想問下如果冇政府岀嘅陽性報告亦都冇上報係咪就一定要打第三針？或者有冇其他途徑可以再申請豁免書？另外如果康復同打第三針只隔2個幾3個月對身體嘅影響係咪好大？

#NSS其他 [Guest] 小弟前幾日凌晨喺屋企廚房開燈諗住斟杯水飲（屋企個斟水機放左喺廚房）一開燈就見到好幾隻識飛既曱甴，即刻覺得好噁心，殺又殺唔死🥲佢地真係爬太快，咁我諗住斟完水熄返燈返房繼續溫書啦，當睇唔到，點知溫溫下書見到有三隻細曱甴喺書枱到爬緊，仲要有隻喺床到，我即刻嚇到飛起，想知佢地點解殺極都仲有，佢地生少啲bb得唔得😭唔想同曱甴共存 大家對曱甴有咩睇法🧐

#NSS其他 [GUEST] 有冇人發覺屯馬線通車之後啲廣播變得好難聽，同以前西鐵好大分別 廣東話死氣沉沉feel 普通話好似就死、要斷氣咁 英文發音直頭變得好唔似英文(sor for 1999)

#NSS家庭 [Guest] 是咁的，最近屋企人身體好似差咗，我哋想帶佢哋去做全面身體檢查，但唔知邊個好。 我哋上網搵，見到勁多選擇，完全唔知邊個好，所以想請你哋幫手，如果你哋有經驗有諗法，希望可以話比我知。 我有搵過美邦醫學體驗中心，網上話佢係熱門，推薦頭三，但我睇有啲評論係態度差同埋機器設備唔太好，所以唔知好唔好 香港港安醫院-司徒拔道，我唔知佢得唔得。我諗住係揀眼科檢查套餐和致健計劃 如果嗰一個身體檢查裏無包含視力檢查，我就會另加一個檢查套餐 如果有其他更好意見，希望可以話比我知(｡･ω･｡)ﾉ Thxxx 小妹我中學生，未有太多資金，一個人大約只可以4000-5000左右 Sorry for 1988

#NSS愛情 [GUEST] 小妹就快移民，唔知應唔應該表白好… 係咁嘅～我有個鍾意咗6年嘅男仔，叫佢A啦～ 我同佢小學二年級開始識（我三年級開始鍾意佢，而家f2） 我哋二年級到四年級都算frd，但係由五年級開始，我哋班啲男仔變咗完全唔同女仔傾計，嗰陣時我有諗過同A傾計，但係我冇見到有女仔同男仔傾計，所以冇搵佢，驚啲人覺得我好奇怪🫠🫠我哋嗰陣時真係要講嘢嘅話都唔會超過一分鐘;/ 不過我哋wts有班grp，所以我有佢電話 小學畢業之後啲男仔開始用ig，我follow咗A，佢冇follow我（佢唔follow任何人🥸） 畢業之後小學聖誕聯歡會嗰日我同A都有返去，我哋一句嘢都冇講🙈但係我有見到佢喺咁望我（唔知係我太樣衰太奇怪定我望佢佢先望返我><）同埋嗰陣時咁啱企喺佢隔離，聽到佢個frd好似話咩「xxx(我個名)follow咗你ig喎」然後A話「嗰個佢黎㗎原來」之後我個frd話去廁所，我就陪咗佢去，就冇聽到佢哋講嘢lu～ 嗰日隔咗大概兩個禮拜之後，A突然remove曬全部followers，仲喺bio寫”everyone don’t follow me” 我唔知佢係咪唔想我follow佢，但驚我發現佢remove我，所以就索性全部follower remove曬（？） 我本身諗住放棄，唔再鍾意佢，但係有時會無啦啦諗起佢(´-ω-`) 上個禮拜小妹生日，佢突然間喺wts同我講happy birthday，我嚇到痴咗線，之後嗰幾日仲突然成日搵我傾計，我開心到日日發夢都見到佢∠( ᐛ 」∠)＿ 仲懷疑佢係咪鍾意我🫢 不過阿爸琴日突然間同我講6月就要移民，之前阿爸都講過會移民，但係我冇諗過係咁快(´･_･`) 我唔知A feel唔feel到我鍾意佢，我都希望A鍾意我，到底我應唔應該表白好…😫 多謝你哋睇到呢到，唔知各位靚仔靚女可摸耳俾啲建議我呢(*´ڡ`●)

#NSS文化 [[GUEST]] 可唔可以咪撚再用「樓主」呢個詞？ 中國term嚟㗎，求下你哋香港人咪撚再用啦好嘛？ 「樓主」出處(資料來源出自於香港網絡大典)： 樓主一詞意思為一個題目或帖子的發起人，由大陸論壇傳入香港，在台灣叫作原PO。起源是因為貼子的第一篇文章（即發起人）多數都在一頁的最頂，而其他人的回文令文章好像一座樓，位於最頂的文章發起人就順理成章成為樓主。在大陸網民聚集的討論區內，樓主一詞常被簡寫為LZ，此簡寫來自樓主的普通話拼音「Lou Zhu」。香港的討論區也普遍接納了「樓主」此一用詞。 又話要守護香港本土文化，而家守條命咩…… Sor for 1999，麻煩Admin po ig, thx!

#NSS家庭 [GUEST] 我尊敬你，因為你係我長輩，但唔代表你可以一次一次咁恰我 講返少少背景先，喺兩三年前，我老竇為咗退休有層樓可以住，不顧全屋企人嘅反對，堅持要我哋同阿嫲住。就係因為咁，我被迫犧牲自己同阿嫲同一間房，而佢就成為全屋最大贏家。 你哋可能覺得同一時間房瞓啫有咩大不了。但係我想講，因為我阿嫲以前長時間獨居嘅關係，再加上好鍾意儲垃圾，我間房大半都比佢霸咗之餘，仲要嚴重被佢影響到。我天生個鼻係好靈敏（人哋永遠聞唔到，我聞到嗰隻），同埋瞓覺好易被周圍環境影響到。但自從同佢同房瞓，我每晚都被陣老人味同埋白花油影響住，戴2個口罩先得。最慘係，作為dser，睡眠質素係十分十分重要，佢每晚瞓覺都開口講嘢，有時仲尖叫。終於度瞓到個時，佢三、四點幾起身⋯一起身就喺房到執嘢伴隨住啲十萬個膠袋聲仲有行路tab tab聲⋯想瞓安穩覺實在係來之不易！！ 仲有，我哋屋企講明食飯期間係唔準有聲（包括講嘢丶食嘢jap jap聲）。阿嫲一嚟就打破曬所有規矩，佢仲耐唔耐都噴啲嘢落飯餸到，超噁心！超無禮貌！！之後有同老竇講返，希望佢希望叫阿嫲注意返少少啦，但阿爸就話「一家人怕啲咩口水啫，佢都未嫌棄你，你有咩資格嫌棄佢！你好唔孝順！」我心唸冇嘢啊嘛？！唔知係咪咁，我就比阿嫲針對咗。 講難聽啲，佢人前人後兩個樣嚟。之前有次暑假好熱成30度，正常人都忍唔住要開冷氣，開咗冇10分鐘就突然同我熄咗。仲喵嘴喵舌咁同我講「我好凍吖嘛」，但嗰時佢仲著住超薄嘅短T。我就同佢講「你凍就著返件長衫，再唔係就著件褸囉，你咁多衫又唔著。」可能知自己鬥唔過我，喺我阿爸面前扮曬蟹，流曬眼淚咁講「我好凍吖～個孫唔比我熄冷氣，唉算啦算啦⋯家和萬事興，唔好為咗咁就嘈啦」我真係反咗個白眼！明明我咩事都做錯，但偏偏比人鬧比人兜巴星又係我，又話我唔尊敬長輩，叫我抄弟子規⋯⋯ 唔淨止我，好幾次我同阿媽都勸佢唔好執返垃圾筒啲嘢食返，咁樣唔乾淨唔衛生，出發點係為咗佢好。但係佢唔領情，仲話我哋想佢快啲死，早啲拎遺產等等⋯⋯⋯ 想講我真係好委屈，明明每次我都冇做錯事，但每次都係我出事。就只不過係因為孝順係傳統美德，所以做細嘅只可以被長輩恰？！尊敬係雙向，我尊重你嘅生活習慣，跟住你四點幾起身；但係唔該作為長輩嘅就唔好仗住年紀大就欺壓我哋班細。 我唔知係唔係個個家庭的長輩都係咁定係我太敏感。呢兩年，除咗我阿爸，屋企個個都越嚟越睇佢唔順眼，每次都係因為佢而差啲令到條家散咗。我唔知仲可以做啲咩，想徵求各位嘅意見！！ thx

#NSS家庭 [😢😢😢] 有冇人會覺得自己屋企人好似弱智 小妹個家姐今年17歲 但行為得嗰3歲咁 佢平時會喺我上Zoom嗰陣唱歌，仲要勁大聲，全屋都聽到勁嘈 佢成日喺度bang門，之前我間房嘅門俾佢搞到鎖都壞左，依家開閂門超級唔方便 又成日會喺屋企卡住啲路，扮打籃球喺度卡位咁 屋企本身已經細 佢又肥又喺度卡住曬，有時我趕時間叫佢借開下都唔聽 佢仲係卡住勁耐阻住我做嘢，有次佢就直接阻我成五分鐘喺走廊企(因為佢都幾大力又重又喺度煩撚住曬，真係人都燥 依家我準備緊五月個UT，但佢煩到咁又唔聽人講，可以點算好😢😢😢😢😢

#NSS學校 [Guest] 我係男仔，但係我把聲有啲似女仔…（有啲女仔會稱為正太音？） 因為呢個原因令到我俾人話係乸型 我真係唔理解囉，把聲又唔係我自己選擇嘅… 我係咪應該轉學？ （希望可以po上IG💦）

#NSS文化 [[GUEST]] 是咁的，我有個諗法想邀請各位一齊討論下。 今時今日香港文化逐漸被剝奪，較多年輕一代會選擇用普通話嚟交流。我認為我哋應該要保護香港本土文化，但係隨住時間嘅流逝，我開始意識到一個問題。 好多香港人講嘢會中英混合，雖然英文都係香港嘅法定語言，加上現時唔少中小學都會用英文嚟教書，但平時聽到啲人句句都中英文混合哂嚟講(呢度只針對每一句說話都會中英混合)，多多少少會覺得其實保護香港本土文化係咪只係香港人用嚟對抗本土文化漸漸內地化嘅口號。 希望大家可以理性地參與討論。唔好意思，我表達能力同邏輯性好弱，求輕力啲鬧。 Sorry for 1999! 麻煩哂Admin！