#NSS其他 [Guest] 隔離位奇怪的男同學 我哋學校係唔同科會去唔同班上堂 有一日無意之間喺地下執到一本好細嘅簿仔 因為唔知邊個所以就執起黎睇 但係上面冇寫名就打開咗第一頁 就開始見到好奇怪嘅嘢 我打開嘅時候大概見到有三四頁左右係以日記形式記錄低我嘅一舉一動 至於我係點樣推測嘅就係有一日我病咗然之後落咗去sick room 所以我好肯定日記上記錄嘅係我 另外佢仲mark低咗平日對話講嘅嘢 包括我有咩朋友我嗰日上堂做咗啲咩 我睇到嗰陣震驚左一下覺得好恐怖 就放返係地下 然之後我隔離位男同學執返起本簿收埋喺褲袋 我知道咗呢件事之後好驚覺得好恐怖好似好冇私隱咁 然之後唔敢同佢有任何對話同接觸 仲有成年要同佢一齊坐唔知點算好
#NSS愛情 [Guest] Hello,希望大家可以俾啲意見我😞 到底應不應該放棄? 小妹中四,有個感情較淡的frd(下稱A) 而我鍾意的男仔(下稱B)同A好frd 仲有以我所知,淨係我個班都已經有幾個人❤️B 隔離班都有好多人鍾意B 而且B異性緣好高,好多女仔friend❤️🩹 A同B小息嘅時候玩到好埋😢 會互相喺度打打鬧鬧咁,但係我知佢哋玩緊 會鬥test的分數邊個高D咁 跟住會請野飲,我知呢D都係普通friend會做的野 但我見到真心會吃醋(前提是A知道我鍾意B） 我覺得A無乜點理我感受/可能我唸多左😖 不過anyway,我覺得B真係好charm 同nice,好吸引,反正就是好難放棄 不過都因為A同B的友情而覺得好傷心💔 覺得佢哋好似couple😭 應唔應該放棄B?或者有無方法可以令我快點放棄B? Sorry for 1999🙏🏻多謝睇曬;) 圖Link: https://ibb.co/3zybLyQ
#NSS學校 [guest] 求admin請post IG 🙏🙏 前幾日我個數學老師無端端鬧全班話有人抄功課同埋成日都遲交功課；佢仲話佢睇得出我哋有冇抄功課同埋抄邊個嘅功課；威脅我哋話如果繼續咁就唔改我哋啲功課。有時我有啲唔識嘅就會借同學啲抄 (通常都係一兩條），而我唔夠膽問去邊個唔好交同埋抄功課，派返時點知佢打咗問號，因為我有陣時抄錯嘢，發生咗兩次。（我有一次仲抄咗成張WS 因為冇時間) 我唔知點解而家個心唔舒服，超驚，本身其實都ok 佢，但而家反而驚咗佢，驚佢係話緊我。我只係form 1，唔想得罪老師（數學老師係我嘅班主任），我而家覺得我個數學老師好憎我，定係我自己諗多咗 pls give advice 🙏🙏🙏
#NSS個人 [Guest] Hello大家~ 喺呢度我想同大家講下我自己幼稚園嘅人際關係。 我今年f4~呢次係我喺呢個page第二次嘅投稿。 – 其實我好想講 移家見到身邊嘅人有自己嘅好知己好朋友都會好羨慕妒忌 因爲我由細到大都冇咩朋友 幼稚園嘅朋友, 我記得有3-4個好frd嘅，我亦記得大家曾經都有鬧交嬲過對方但最後都係和好。但當然, 幼稚園喎:) 隨時間流逝大家都冇揾大家。 小學嘅朋友，由p1-p6都係嗰幾個。都係經歷好多正常友誼會發生嘅事~有啲好早認識之後曾經分開最後和好；有啲本來好close但吵架後就已經冇聯絡；亦有曾經唔鍾意對方但最後成為升上中學前唯一一個keep in touch 嘅小學同學。 到到移家中學。神奇地，有人由幼稚園到中學都同我一間。幼稚園嘅幾frd到小學就唔熟，再到中一因爲再遇就frd返一段時間。但中二後因爲各自唔同班就已經好耐冇真正面對面交流。由中一嘅好多朋友，轉眼變到移家嘅一無所「友」。如果話只係喺學校較常交流嘅係有好幾個；但真心嘅係一個都冇。而且，其實同佢哋亦唔係特別close:) – 我亦喺ig上面認識到唔少嘅frds, 大部份都係追星frds。不過都係嗰句，始終唔係特別close亦唔係好真心，當有地方去就行埋一齊，到你需要朋友嘅時候，佢唔會喺你身邊。 – 我係好想好想喺學校有個真心嘅朋友，但當我真係想同某啲人frd嘅時候，人哋其實已經有好多好朋友喺佢身邊，仲有一個好大嘅問題，就係我唔夠主動。另外我亦都唔知點開話題。 我每日第一個打開手機嘅app係ig，都冇咩嘢睇。好多時係我做主動去嘗試揾ig嘅frds傾下計，但冇人真係會成日都揾我傾計。我好似傻咗咁每日等人去主動同我傾計，令到我都覺得自己嘅生存冇乜意義，我亦成日諗自己係冇朋友嘅人。 其實我真係好簡單，只係想有幾個真心嘅好朋友。
#NSS個人 [TLGC] 小妹今年13歲，身高163cm體重57左右，bmi正常，但係之前我有個都幾熟嘅frd知道我嘅體重之後就叫我減肥，我就答佢：「但係我bmi正常wor」然後佢就答我：「乜你覺得57kg係正常？」其實佢之前都有話我肥㗎啦，話過我係「肥豬」🥲🥲雖然我知道佢唔係有心想hurt我，但其實我心入面係覺得尷尬嘅。最唔開心嘅係佢之前試過攞我另一個同我一樣高嘅frd（仲要幾靚）同我比較，話我重佢差唔多10kg。當時嗰個靚女朋友都喺度，令我覺得好尷尬。各位覺得我使唔使減肥？我之前小學嘅時候係過重，其實已經由過重減到正常，但係我真係好介意嗰個frd攞佢自己158cm42kg嚟同我比較…(;´༎ຶД༎ຶ`) 大家可摸耳畀我一啲小小建議｡ﾟ(ﾟ´Д｀ﾟ)ﾟ｡ sorry for 1999(• ε •)
#NSS愛情 [GUEST] 陳逸朗，我好多謝你 多謝你將我喺絕望到救我出嚟 多謝你願意接納我 多謝你讚我係好女仔，從來都冇人讚過我 1年前，如果冇你嘅出現，我到而家都會畀班死八婆欺凌，所以我好多謝你 你同我講「唔使care人地點諗，喺我眼中你係一個好好嘅女仔」喺嗰一刻我就已經愛上咗你，從來冇人同我講呢啲嘢，人人都話我係靠樣搵食嘅雞，話我扮抑鬱，係得你肯信我有抑鬱症 我想死嗰陣係你阻止我，鼓勵我搵多啲興趣，陪我傾計、食飯、打機，你知嘛？我每一刻都諗緊你，好期待見到你同你講嘢 有一次我要食藥，班八婆搶走咗我包藥，係你幫我攞返嚟，陪我去搵社工，但係因為咁班八婆開始搞你，我嗰陣真係好心痛，明明你唔使做到咁，你每日陪我傾計我就已經好多謝你啦 我愛你 只要見到你嘅笑容我就已經會覺得好開心，我原本有考慮過轉校，但係遇到你之後我淨係想每日都可以見到你 但係你呢排開始避開我，打電話畀你又唔接，我好驚 我知道我係做咗少少錯嘅嘢，但係我真係好妒忌，我見到同你由細玩到大嘅女仔可以日日都黐住你，我真係好羨慕，我好羨慕佢可以同你分享秘密， 了解你嘅一切， 點解我唔係佢， 我好驚我會冇咗你，我真係好驚 所以我先至日日騷擾你嘅best friend 我同你表白嗰陣，你拒絕咗同警告我唔好騷擾佢 我知我係有少少錯， 但係我唔咁做遲早都會冇咗你 自從呢件事之後，你已經好多日唔接我嘅電話啦， 每日見到你你都淨係同我say hi，
#NSS愛情 [[GUEST=]] 小妹我今年16歲，讀緊女校。而佢（下稱 A）就係讀男校嘅。我同 A嘅阿媽係 frd，勁 frd果隻，所以我同 A可以話係由細玩到大。 細個嗰陣，我地成日痴理一齊，理所當然地成為咗大人口中嘅「小情侶」，「天生一對」，直到三年級為至都仲處於一個咁嘅狀態。小同學八掛問我有冇鐘意嘅人，我第一時間個腦都係飄過 A 嘅樣。但到咗四年級，我地開始疏遠。雖然都仲係成日見，但就唔會再拖住對方隻手，唔會再交頭接耳，坐車果陣都唔再痴理一齊，A開始淨係同我細佬仲有佢細佬玩。 可能係因為大個咗（？），我同佢都下意識咁少咗搵對方。到咗中學，情況亦未有好轉。雖然我地屋企之間只有一分鐘（可能都冇）嘅路程，但基本上冇見過佢。加上我又入咗女校，同男仔嘅溝通能力簡直係直線下降。每次見面，我都係以一個好mean 嘅姿態對佢以掩飾自己怕羞。我地嘅關係到底點解會由坦承相見變得遮遮掩掩？ 前果排，我地兩家，加埋另外兩家人一齊去行山。我同 A 最大個，加上處於青春期，為咗唔同父母一齊尷尬咁行，我地不約而同咁快步行，遠離人羣。山上好靜，又得我地兩個，氣氛變得好曖昧。「哈哈哈，今日天氣好」我率先打破咗僵局，到底點解我要咁做！？好尷尬啊大佬！講D野，比D聲來聽下 la好冇？好彩 A接咗句「係囉，藍天白雲咁，行山最啱 ga la。」一段奇怪嘅沉默再次出現。我同A你眼望我眼，又望下美麗既風景。大佬，依家仲邊有心情睇風景？我內心無聲地吶喊。 喺呢個時候，果堆蝸牛，啊唔係，係我地屋企人and 朋友先啱，終於爬到上嚟。佢地嘅到來，為我同 A之間嘅沉默畫上咗句號。雖然經歷咗 D如此尷尬嘅事，我好明顯仲未學精。我地落山嘅時候，我依然係同 A一齊快步行。係，係我犯賤，點解我又要咁做？當然，空氣又再次凝固。今次A主動挑起話題，講下學習方面嘅野。我讀文而佢讀理，加上我地兩個都係所謂嘅「學習狂魔」，自自然就開始請教對方，簡直係不亦樂乎。