#NSS愛情 [Guest] 由細到大我就自認一個佔有慾好強嘅人。 一直都唔鍾意借人啲嘢，好似一定要拎係手先會安心，借人哋啲嘢成日好擔心。 初戀f2識，f3係一齊，我唔覺得我自己係一個鍾意呷醋嘅人，但係我真係接受唔到佢陪我嘅時間咁少，除咗學業之外仲要擺咁多時間喺人哋身上我完全接受唔到，包括佢嘅朋友屋企人。 我del咗佢通訊錄所有人(當然除咗我)，我話我唔希望有其他人同我一齊分享佢，包括佢嘅同性朋友異性朋友，我見過佢屋企人，當我見到佢同佢阿媽關係咁好嘅時候真係勁想將佢哋拖開，好憎有任何人靠近佢。 之後三個月就散咗，佢話我唔識尊重佢，但我自問有尊重佢嘅所有決定，出街食飯全部AA，傾偈話題都好融洽，我只係接受唔到佢咁人哋有其他關係姐。 後尾我啲朋友就話係我佔有慾太強，但係正常人唔係都會咁咩？我鍾意佢，唔通我仲比其他機會比佢同其他人講嘢？
#NSS愛情 [Guest] 近排發生咗啲嘢，都令我都幾煩嘅(事先聲明關於男仔+愛情)純粹想發洩一下… 咁事主我就A0嘅，由細到大都讀女校,所以係0 guy frds…事緣近排attend一啲嘢就開始有guy frds~而咁就識到我嘅crush🤍(still A0 ing)(稱佢為A)而我仲識咗B & C(guy frds)A B C係好好好朋友～ 咁我就有曬呢三個人嘅ig所以都成日係ig傾偈👍🏻咁傾得最多就係B因為我真心當佢係朋友所以完全冇避忌嗰啲嘢🤣我當初以為佢都真係當我係普通朋友…點不知有一日我個bff(女)(稱D)偷睇到我同B嘅對話佢就覺得B鍾意咗我當初我係唔信嘅..點不知機緣巧合之下D & B做咗朋友而B話俾D聽B真係鍾意咗我!!!!咁因為我一直覺得唔係所以就問吓B究竟係咩一回事點不知佢就同我表白左…我拒絕咗( ´Д`)y━･~~依家佢死纏爛打(明戀!!!) 而我都有同開C係IG傾偈嘅咁傾吓傾吓佢就同我表白😅當然又比我拒絕咗而佢都係死纏爛打嗰種嘅…（明戀) 而我同A！關係越嚟越好狂chatttttt(依家開始疏遠B+C,同A更加close)但係其實都唔知A鍾唔鍾意我…ps本人我絕對唔會收兵(暗戀？） 其實而家真係唔知點算好…有冇高人指點？sor for 1999 tks
#NSS愛情 [Guest] 小妹今年f.2 鍾意咗個男中史老師 話說我今年D班，佢係E班班主任 我本身都鍾意歷史，所以有少少期待 但係一開頭佢掛住鬧人，都唔教書，搞到我有少少討厭佢 之後啲同學開始乖，佢就開始教書，我冇咁討厭佢，因為佢都教得幾好，開始有啲鍾意上佢堂 大約一星期之後，我有條問題唔係好明，之後我就去問佢，佢一解釋我就即刻明咗，令我開始有少少佩服同埋敬仰佢。事後我有任何疑問都會去問佢，我同佢啲接觸多咗，開始對佢有少少好感 唔知點解有啲同學開始ship 我同佢，我一開始都覺得有啲嘔心，因為嗰老師已自認係三十幾歲，但係過咗一陣都覺得接受到。然後我前排喺度諗，我係唔係真係鐘意佢，又發現好似係。因為我有時見到佢同啲女老師一齊，會有啲妒忌，而且我早會時都會一直望住佢，上堂更加唔使講。 然後我最近喺度諗，要唔要同佢講我鐘意佢。我知對佢嚟，我只係一個學生，同佢冇可能，而且佢都冇可能鍾意我，因為佢係教中史，有可能係遵守儒家思想—學生要尊師重道，不可以越界，但係我真係好想佢知道我好喜歡佢。而且我同佢講咗之後，個consequence好大，佢有可能會避開我，又或者要見家長、開除…… 所以我到底應該點？應唔應該同佢表白？要點同佢講？ 求admin 幫 post
#NSS愛情 [GUEST] 話說我同ex分左手差唔多3個禮拜 同佢分手嘅原因係因為佢係基督徒我唔係，然後佢日日係到講要我陪佢出席個啲宗教活動。即係我唔介意你係基督徒，但係你成日要我陪你出席聚會咁你想點先😅 仲要講左句「我唔會同唔係基督徒嘅人結婚」咁即係點先？咁又同我一齊？😂 最後因為呢件事最後分左手，本身以為再見亦是朋友啦，佢叫我block曬佢所有嘢但我都照做啦，但係佢仲成日dm我其他ig acc 喺度話原來係我想繼續玩，同佢一齊都係諗住玩。 其實分左手就嚟成個月啦 點解仲要煩住先？叫我block佢個個又係佢😅，返轉頭鬧我個個又係佢，究竟佢想點？