—類投稿

#NSS個人 [GUEST. 覺得好大壓力 好似全世界都冇一個人支持我] 小妹今年F2 成績唔算差 學校有Band1中 有玩開田徑同音樂 但係屋企人就成日都勸我放棄 平時做功課同測驗考試嗰啲成績都唔算太差，有中上，但係阿爸阿媽啲要求都好高同思想好古老，成日都覺得考到全級頭10先係成績好 唔合格=入唔到大學，但係佢哋又完全唔會理我 關心我 同鼓勵我 就連我啲朋友同老師都睇得出我有心事同開心嘅嘢嘅時候，我啲屋企人都係唔會睇得出同理我，平時淨係識得喺度講啲風涼說話同串我 。我而家基本上一個禮拜日日都有嘢學，但係我學緊嘅嘢全部都係我自己揀要學 ，亦都係我嘅興趣同唯一嘅快樂，但係前排我比多咗好多比賽但係每次都因為唔夠經驗同狀態唔好而令到比出嚟嘅成績唔係太理想，但係之後嘅訓練我都有繼續努力。但屋企人淨係識得喺度講「學學學，學乜嘢？玩運動同音樂幫到你學業？再咁落去你真係變一個廢柴，成績又搞唔掂，點得掂？」「你唔係唔知你嘅水準喺邊 比咁多次賽仲有啲乜嘢分別？」「不如你放棄啦好冇」我每次聽到呢啲說話都會好傷心，覺得好大壓力，同係咁懷疑自己嘅實力。佢哋睇到嘅只會係我嘅唔成功同失敗，永遠都唔會睇到我嘅成功同努力。每次比賽佢哋都唔會同我加油，就連同我去比賽都嫌煩，前排真係幾乎每一日都好似完全控制唔到自己咁匿起間房到喊，覺得完全冇人支持我，我都有認真咁諗過係唔係真係自己唔係好掂或者廢 係唔係真係要放棄等嘅呢啲問題，但我好清楚咁知道我而家做緊嘅所有嘢全部都係我鍾意同有意義嘅嘢 就算過程係好辛苦，我都願意去做。但屋企人真係成日為咗我要玩田徑同音樂而嗌交，我有嘗試同佢地坐低慢慢溝通，但係我講嘅嘢佢哋永遠都唔會認真聽 淨係識得企係佢哋嘅角度度諗，而家我都俾佢哋鬧到開始懷疑緊自己 係唔係真係好廢 係唔係自己唔識分配時間 係唔係真係要放棄等嘅問題。咁究竟係我嘅問題定係佢哋嘅問題？ sorry for

#NSS愛情 [guest] admin po ig please 小妹今年f3,因為家人嘅決定,下年就要移民去英國讀書。 從中一開始，你就一直陪住我玩，我去邊，你就去邊。 雖然我地周不時都會因為d小事鬧交，但好快就好翻。 但時間耐左，我發現我對你已經唔係得朋友嘅感覺。 我地已經相識左好耐，妳心入面嘅辛酸苦楚，我都能理解。 就算妳因為怕丑而唔想講，喺呢場遊戲你我都義無反顧。 唔好問我點諗，用眼看清，用心細聽。 就算我去左英國， 我永遠都唔會放棄你， 永遠都唔會令妳失望， 永遠唔會背叛拋棄妳， 永遠唔會整喊你， 永遠都唔會同妳講再見， 永遠不會講大話傷害妳。 希望你可以等我，Astley。

#NSS個人 [guest] 我好似對自己有少少 Body ashamed 我今年14歲，form3，女，正值青春期好著重衣著外表 我身高162左右啦，肥又唔係肥瘦又唔係瘦(開學度50kg而家應該重咗2/3kg)，手腳都算修長，皮膚都白嘅，但因為膊頭好橫(42cm)所以著乜嘢衫都好似好奇怪 阿媽成日話我肥，但我計返bmi我係正常，雖然我屋企人都係肥低我喺屋企算係瘦嗰個，但都係覺得好唔開心 但點解我平時除咗pe堂之外都有去做帶氧運動，都係肉肉地（肚腩同埋我手嘅上臂比較明顯） 睇住d同齡人著衫著得好靚又識襯衫，身材又幾靚，真係好羨慕 我應該點做，我好自卑，或者我啱乜嘢風格系列嘅衫，唔該晒大家

#NSS學業 [GUEST] admin po ig plz!! 大家好，小妹今年f3，讀緊band1頭中學，成績係中間咁樣啦，但有啲科成日好似坐緊過山車咁🥲 有陣時聽到啲同學講自己幾多幾多分就覺得自己係零，永遠都比唔上佢哋，高分過你嗰啲又會同你講你個分都幾好啊🥲 慢慢就好大壓力，但係我父母係非常好嗰啲，永遠唔會逼我，只會鼓勵我。但係當我聽到呢啲嘢我又會有壓力，我會覺得考得唔好好對唔住佢地，睇到佢哋失望覺得好心痛😭純粹想搵人取吓暖，有冇人都有呢種對屋企人唔住嘅feel？

#NSS學校 [Guest] [Part 1] 大家好，小弟今年移民咗嚟英國，今日我請咗假唔返學，因為有啲唔舒服。突然間好想寫篇嘢出嚟發洩（+分享）吓。而家係夜晚11點半，我係完全瞓唔著，而家越諗越多嘢。 – 唔知點解，我feel到自己唔返學好似仲舒服啲添。不過我都知㗎啦，自己怕羞，喺學校完全係一個被動嘅人。我嗰級淨係得我一個香港人，黐住一個香港人去識朋友係完全冇可能嘅事，學校仲有分upper school 同 lower school，明明見到upper有港人都……算9把，冇乜機會見。其實我真係好想同啲人frd啲，但係我始終都係衝破唔到心理關口。 – 我有嘗試過去主動啲去識朋友，但係啲人又唔係好show我。有一次我同啲人企埋一堆，佢哋喺度傾計。過咗5分鐘之後有一個人插入嚟，同我say hi，嗰班友其中一個人先話”oh I don’t even know you are here”。嗰句嘢hurt到爆，過咗成個月我都仲清清楚楚記得個畫面。 – 由嗰次開始，我已經下定決心要搵第班”frd”。term break嗰陣時同另一個同學熟咗啲，佢請我去佢屋企（btw我係 #NSS211019C

#NSS個人 [GUEST] 啲朋友出哂pool 寡人今年中三 我之前叫班friend去吃飯 都一定會去 自從 佢哋一個二個都有gril friend 後 我從此以後 變得十分孤獨 一次 難得可以叫出來吃飯 一個「叮」聲 「我有野做，吾食。走先。」 走咗 唉，我可以點。。。

#NSS個人 [guest] admin Po ig thx 小弟中三，好靜，又唔識同人溝通。同同學傾大家都有睇嘅綜藝劇集，好開心同人講咗幾句之後就接唔到落去，搞到人哋好尷尬。明明我好鍾意嗰套劇集但好多時dead air，又唔知點樣無止境咁傾落去，靜咗幾秒之後對方先好尷尬開新話題。但我都有好熟嘅朋友，同佢哋相處就完全唔尷尬，係咁講唔停好放鬆。最弊都係唔識同陌生人相處，轉數慢同埋出嚟演講真係好緊張。上年有一次英文即席演講，自己預備3分鐘之後老師就抽咗我出嚟講，我隻腳震晒。明明我喺張紙度寫嘅嘢多過我隔離啲同學，理論上應該講得豐富啲，而且英文都係我擅長嘅科，但一出到去淨係識讀我張紙寫咗嘅嘢，當然就講唔夠時間啦，老師叫我其中一個point再講多啲，我淨係識er er er I think er…. 勁尷尬。真係好想增強我嘅說話技巧，因為唔識講嘢呢樣嘢真係好輸蝕。我記得我中學面試小組討論次次都係衰到語言障礙咁。我知道要練多啲，但應該點練呢？喺屋企對住牆講又好似冇乜嘢，但好多人望住我嗰陣就驚。有冇人可以俾啲建議我thank you

#NSS個人 [GUEST] 我真係咁肥？ 我167cm 55kg 成日俾frd笑肥，成日話我圓潤嘅臉龐，豐滿嘅身材，又話我點解有咁多肉，係我面前笑我條腰粗，大大聲係我面前笑我，我聽到佢地講野已經黑晒面，其中一個frd仲笑笑口問我：「XX 你聽唔聽到我地講嘢啊」有一次，好大風喇，佢哋又係到話「XX，你體積咁大，同我哋做肉盾啊，幫我哋擋風」「XX，減吓肥喇，你條腰真係有啲粗」「一排冇見，又肥咗喎」「你咁豐滿嘅身材，一睇就知道好有錢」諸如此類，我每日都聽到，佢哋成日咁樣話我，我真係好唔開心。 佢哋每一個星期總會有一兩日係到笑我，我唔出聲，唔代表我唔介意，我真係好憎人地話我肥，我每晚諗起佢們曾經對我講過嘅説話都忍唔住喊，但係聽日又要對住佢哋繼續笑笑口，我真係好肥咩？我自認我係正常身材，我BMI都係正常範圍，但係佢哋成日話我肥，搞到我好自卑，我真係唔想再繼續同佢哋做frd，但係我淨係得佢哋呢幾個傾到計嘅frd，我驚同佢哋絕交之後，冇人同我玩，我真係受唔到日日被人話肥…… 我可以點做？ 圖Link: https://ibb.co/6rd88Pq https://ibb.co/89dN3Xj

#NSS愛情 [Guest] 對唔住 我欠你一個道歉。 希望admin可以post ig，當係比我懺悔嘅機會，對唔住。 你中意我，其實已經好耐之前。以前中意我嘅你，會成日關心我、喺我面前出現、成日笑、好開心，會同我講生日快樂、考試加油、關心我嘅一切。可惜，當時嘅我只係覺得煩厭，甚至覺得你嘅付出好好笑，好on9，唔明點解有人可以咁蠢，盲目為一個唔中意自己嘅人付出又唔計較，成日同人嘿嘿哈哈喺背後笑你，你明知我唔中意你，都要繼續中意我。不過對我嚟講，你嘅出現、關心已經令我習慣咗，但因為果時嘅我覺得你中意我就預咗無回報㗎啦，一切都係你自願，我就覺得一切係理所當然，無對你有任何表示，繼續冷淡對你，繼續好enjoy你嘅討好。 後來，你唔知係sense到我嘅冷淡，定係知道我只係當你兵、笑你，定係咩原因，你開始離我而去，我心入面好似有啲嘢唔見咗咁，覺得好唔自在，有時會留意下你點解有咁嘅轉變，但係發覺我再無喺你口中或者身邊聽到關於我嘅嘢，我望你嘅時候你唔再望我，我就知道，你已經唔再中意我。 唔知點解我好唔甘心，特登做啲嘢引你注意，例如特登望實你，你同人講嘢會插話，同你參加一樣嘅嘢，或者有啲好引人注目嘅行為，希望令你繼續中意我、理吓我。原本我以為我只係中意“你中意我”，但後來有人提起你個名，我個心跳得好快，震左一下，我先發現原來我中意咗你，但係咁又點呢，無論我做乜嘢，你已經唔會再中意我。 我知道自己好pk，唔知你有無討厭我，不過討厭我都唔緊要，i deserve this，係我自作自受。我有好多野想同你講，不過已經無機會，你再唔係果個成日喺我面前出現嘅開心果，已經靜、成熟左好多，如果係因為我帶比你咁大傷害搞到你有呢個改變，對唔住，可唔可以喺我面前做翻一個開心嘅小朋友？ 失去咗，先了解你嘅好，而家再無人會好似你咁關心我、愛我，我覺得後悔莫及，好空虛，先知你帶咁多快樂比我。其實我知道一切已經太遲，如今我哋嘅錯過，都係由我對你嘅冷漠、唔珍惜開始，我唔知點解以前會覺得愛一個唔愛自己嘅人係一件可笑嘅事，所以不斷踐踏你，而家風水輪流轉，報應落喺我身上，先發覺其實中意一個人係無錯，真係願意放低自己，盲目為佢付出而唔計較值唔值得，雖然可能係有少少傻都好。 睇住你越嚟越靚，越嚟越好、叻，卻再唔會為我停留。我知我為你帶嚟好大傷害，甚至係好難磨滅嘅烙印、陰影，我知我令你好唔開心好消極，對唔住一直以來對你嘅冷淡、卑鄙嘅行為，都唔奢求你回頭再中意我、望我一眼，但係，你可唔可以原諒我？ 最後，我愛你。

#NSS個人 [GUEST] 我真係咁肥？ 我167cm 55kg 成日俾frd笑肥，成日話我圓潤嘅臉龐，豐滿嘅身材，又話我點解有咁多肉，係我面前笑我條腰粗，大大聲係我面前笑我，我聽到佢地講野已經黑晒面，其中一個frd仲笑笑口問我：「XX 你聽唔聽到我地講嘢啊」有一次，好大風喇，佢哋又係到話「XX，你體積咁大，同我哋做肉盾啊，幫我哋擋風」「XX，減吓肥喇，你條腰真係有啲粗」「一排冇見，又肥咗喎」「你咁豐滿嘅身材，一睇就知道好有錢」諸如此類，我每日都聽到，佢哋成日咁樣話我，我真係好唔開心。 佢哋每一個星期總會有一兩日係到笑我，我唔出聲，唔代表我唔介意，我真係好憎人地話我肥，我每晚諗起佢們曾經對我講過嘅説話都忍唔住喊，但係聽日又要對住佢哋繼續笑笑口，我真係好肥咩？我自認我係正常身材，我BMI都係正常範圍，但係佢哋成日話我肥，搞到我好自卑，我真係唔想再繼續同佢哋做frd，但係我淨係得佢哋呢幾個傾到計嘅frd，我驚同佢哋絕交之後，冇人同我玩，我真係受唔到日日被人話肥…… 我可以點做？ 圖Link: https://ibb.co/6rd88Pq https://ibb.co/89dN3Xj