#NSS個人 [Guest] 我係唔係有社恐？ 小妹今年f3 有幾個都幾friend 嘅朋友，f1嘅時候一齊去玩都好開心，但係由今年年中開始我好似唔鐘意同佢哋去玩，開學之後會作一D藉口唔出去或者出到去完全唔出聲，好緊張同焦慮，唔敢有眼神接觸，我好驚俾人發現緊張面紅之後俾人笑。走嘅時候不停諗係唔係我出糗或者搞到個場面好尷尬，成日都覺得係呢啲社交場合都俾人排斥。我會好唔想成為全場嘅焦點或者唔想人哋擺注意力係我身上， 就算喺條街度佢好似覺得每個人係咁望住我，成日都好驚會出醜，心理壓力好大。搞到每次同朋友出街，會好唔舒服，好想走。慢慢開始避開嗰啲嘅社交活動，就算應承咗都係臨出門口前好唔想去，等朋友嚟嘅時候個心會跳得好快同埋手震，唔知佢哋會唔會排斥我或者笑我，呢個情況越嚟越嚴重，搞到我成日都會好緊張同好想喊。 我都有同其中一個人補習，兩個人都可以好正常咁溝通，但係多過兩個人就會好緊張同個心好唔舒服。我有諗過有社交恐懼症，但係唔知係唔係。如果係嘅話我都唔知點同屋企人講，同其他人講嘢好似好尷尬，想知我可以點做🥲。
#NSS學校 [Guest] 我今年中六 以前中一同一個女仔好frd 之後中二開始唔同班開始疏遠 不過偶爾講下野比我個感覺都係好開心一D都唔尷尬我都當佢係比較重要嘅朋友 但係之後佢比人欺凌 搞到有好多種情緒病 多次試過自殺 但係我除左佢有情緒病之外咩都唔知(我對其他人同其他班D野唔係好關心 所有人都知嘅八卦永遠隔幾個世紀先知 情緒病就係佢自己同我講我先知) 我係最近先知佢唔同班之後比人欺凌 然後我覺得有D後悔 如果我個陣努力同佢講多D野 陪佢多D 我就會知道佢比人蝦 佢係咪就唔會搞成咁 佢幾年前已經轉左學 我以為只係關情緒病事 最近我想揾方法同佢講翻野 可能佢會好D 但係手機已經無左佢電話 亦都唔知佢IG係咩。。。我打呢篇野只係想講下我嘅後悔 Sor
#NSS社會 [Guest] Admin plz op ig🙏🙏🙏 唔知依家仲有幾多人識倉頡/速成呢？ 小妹今年F2，小學嗰陣因為阿媽話「唔識打字第時出嚟社會好蝕底㗎」就逼我學打字，一開頭學就梗係打到龜速咁款，到依家打慣咗就打得仲快過手寫（講真真係當阿媽逼我打字w 利申唔係吹水:P）啲同學一聽到我識打倉頡就好似發現新大陸咁，但其實喺呢個咁資訊性嘅社會你點都會用到電腦打字，第時出嚟做嘢、寫report，唔通又淨係依靠手寫板咩。當然，我身邊都有好多人用緊大陸啲普通話拼音，所以同親佢哋text唔多唔少都會夾雜啲書面語同殘體字（唔係歧視👌）咁樣除咗打字冇咁自由之外都搞到好似講普通話咁，遲下如果淘汰埋倉頡嘅話就真係普通話everywhere:) Sor for 1999
#NSS個人 [GUEST] 小妹今年f2 近排好想學返鋼琴 由小一開始學咗六年，升中為咗學業而放棄咗，因為實在冇時間再學落去，同埋嗰陣咁啱冇乜心學，諗過之後同屋企人講放棄咗 一直都有留意鋼琴嗰啲嘢eg. yt 見到啲youtuber彈得好好 自己心裏都希望自己可以好似佢哋咁 自由自在彈琴 我覺得咁樣會好舒服 好放鬆 但係之前個老師實在好嚴 每堂都比佢鬧 我實在冇心學落去 只係嘥錢 屋企又唔係有錢 冇咁嘅必要 其實我想繼續彈琴 無奈屋企冇位擺部琴喺度 加上屋企人一直希望我專注學業 一早想我放棄鋼琴 更加唔好話買部琴比我 我真係好想彈返鋼琴 學返實在冇可能
#NSS學校 [校園欺淩] 可能你地會覺得好小事啫,唔好喺度小題大做,但我都想你好好咁睇完呢個真人真事。事主我今年中二,成績係最頭個d人,而我學校有好多人睇我唔順眼,成日都覺得我啤住佢地,又行到成個大家姐咁,無料扮四條咁la,我本身就唔係咁睇care人地點睇我,直接佢地開始變本加厲。我係由中一下學期開始比人咁對我,本身都只係班上幾個人喺度講埋曬咩死八婆ar,呢個世界咁多人死又唔見你死,直至兩個月后la,佢地係叫埋隔離班d人一齊喺小息果陣圍我,佢地個眼神係想打9我咁,可能你睇到呢到會問,點解你唔同老師講？就話説,我有個fd就同老師講我地班有欺淩行為,我地班主任就on9嘅,直接搵果幾條友出嚟閙,閙完之后佢地梗係唔gur la,佢地就一致認為係我報串,但真係唔係我做,佢地之后就唔止喺學校咁對我la,放咗學之后,佢地就圍喺校門,我一出到嚟就大叫死臭鷄出嚟la,我都當聽唔到la,之后我地學校就有個秘密網,佢地就日日喺上面投稿我,閙我,我都可以扮到咩都唔知咁,因為我唔想再比佢地咁玩發,我上面咪有講到我有個fd就同咗老師講嘅,今次呢件事,佢都有講到比老師知,但個老師就單獨搵咗我頃就話咩你唔睇咪唔知lol,我成個人係？咗,咩叫做我唔睇就冇事,咁就算我唔睇,佢地返嚟咪一樣照講,我仲比學校話係問題學生,仲見我家長,同我老母講叫佢好好咁教女,我心諗wtf,而家明明就唔係我錯,點解仲可以話係我錯。 因為呢幾件事都搞到我自己精神出現咗問題,要返醫院見心理醫生,我亦唔希望因為呢件事而搞到自己有精神病。如果你而家係好憎一個人,成日喺背后話佢,吹佢,希望你可以停止呢個行為,因為當事人同我一樣,都係好難受。
#NSS學業 [GUEST] 是咁的，小妹今年F3，多咗phy chem bio，啱啱完UT，已經派左幾科，全部肥晒，有D已經好比心機溫都肥，今年小妹自認已經比起中一中二個陣上堂專心咗，抄足筆記，我本身讀書好差，係完全唔係讀書嘅材料，所以肥已經覺得冇乜嘢，但我有個男仔frd，佢係上堂鍾意搞怪個D人，聽書就睇心情，UT 個幾日一直打機，到派成績嗰陣，佢高分過我，我當下無言咗，識咗佢好耐，我可以好肯定佢唔係個D表面話冇溫但背後狂溫書嘅人，佢係真係冇溫過，但都好過我，有冇人可以解答到點解，同埋我想要D溫書方法🙇🏻♀️再咁落去下次考試都唔知點搞，ThankQ ThankQ🙇🏻♀️
#NSS愛情 [GUEST] 男仔係咪真係唔鍾意mean mean地嘅女仔 是咁的 小妹係講嘢有啲mean但係唔會太過火（E.g.有frd睇唔到一啲野我會話盲？去驗眼個啲）應該唔係太過火？（如果係嘅話可以講低）因為我平時同女仔frd都係咁講嘢都冇事（我啲女仔朋友都係咁） 見到好多網上面嘅男仔都話鍾意溫柔體貼可愛嘅女仔，好少話鍾意mean mean地、直接嘅女仔，我會唔會一世都拍唔到拖🥲之前嘅拍拖我都唔敢好直接、好放鬆嘅講嘢，好驚講錯野。希望大家可以比下意見我 利申比人抄過牌，啲唔熟嘅女同學都話得意靚女（可能因為我矮），男仔就冇問過，不過我覺得自己一啲都唔靚一啲都唔得意