#NSS愛情 [GUEST] 男仔係咪真係唔鍾意mean mean地嘅女仔 是咁的 小妹係講嘢有啲mean但係唔會太過火（E.g.有frd睇唔到一啲野我會話盲？去驗眼個啲）應該唔係太過火？（如果係嘅話可以講低）因為我平時同女仔frd都係咁講嘢都冇事（我啲女仔朋友都係咁） 見到好多網上面嘅男仔都話鍾意溫柔體貼可愛嘅女仔，好少話鍾意mean mean地、直接嘅女仔，我會唔會一世都拍唔到拖🥲之前嘅拍拖我都唔敢好直接、好放鬆嘅講嘢，好驚講錯野。希望大家可以比下意見我 利申比人抄過牌，啲唔熟嘅女同學都話得意靚女（可能因為我矮），男仔就冇問過，不過我覺得自己一啲都唔靚一啲都唔得意
#NSS愛情 [GUEST] 小妹f5，話說開學嗰陣有個好靚仔嘅男仔（下稱A) 坐我隔離，本身我同佢係完全唔識，連名都唔知，後來相處咗一個月到覺得佢份人諗野好得意，數學好掂而且好有教養，仲好高添，咁又高又靚仔人品仲要好嘅自然多人溝啦。 咁我地班有個校花（超靚嗰種ig女神），聽講佢追咗A好耐，A有拒絕佢，而且好似由細識到大，所以佢地同另外一啲common frd好老友，成日一齊吹下水果種。 我同A稱唔上係朋友，但係有一次我發燒好唔舒服趴咗喺度瞓，佢走埋嚟問我：你介唔介意我掂下你額頭睇下你有冇發燒吖？我話唔介意，跟住佢隻手好輕咁摸落嚟，佢好軟好香，咁個下我就心動咗（太飢渴少女劇場上線）🥲 有一次我手機唔記得熄，仲要喺正訓導嗰堂響，果陣全班望住我，我嚇到差啲跪喺訓導面前叩頭道歉，跟住佢即刻衝出嚟擋住我，話冇嘢呀倒瀉水咋嘛（咁啱我張檯擺咗支水）然後啲人就一齊話係吖係吖倒瀉水姐 ，繼續上堂啦，屌，我嗰下心動到痴線。（對唔住真係太飢渴😀） 平時我唔識做數佢會主動走埋嚟教我，會企喺我後面望住我份卷睇我做數，笑住咁問我係咪唔明。試過成堂唔上就係因為教我一題數。（救命顯得我好蠢） 我成日跌筆，一堂跌10次果種（勁煩哈哈），佢真係跌10次執10次。佢係超級直男嗰種，校花姣佢姣到出汁佢仲要俾啲勁直接嘅反應，有次校花將隻手擺入佢褲袋到，勁嗲同佢講話好凍，有冇冷衫。我心諗：嘩，係男人都會扯旗啦，LM睇A點樣將校花撲低咀落去先～～點知佢縮開話：唉呀你凍咪自己熄冷氣囉。本身喺隔離諗住睇韓劇劇情上演嘅我見到真係直接wtf咗，屌，佢一係gay，一係就真係木頭。 我見A同好多女仔都會傾偈，但係佢好似從來唔會同女仔有身體接觸咁。之前佢同一個女仔講嘢果陣唔小心掂到個女仔都即刻講sorry。咁我有次試下同佢講嘢嗰陣輕輕同佢有身體接觸睇佢咩反應，點知出乎意料地佢冇抗拒，仲挨返埋嚟。 試過放學見到佢同校花兩個人一齊行去補習，個距離真係唔講得笑，十足啲三米安全酥酥distance咁，當時我同我個frd傾緊電話，佢聽到我把聲就另轉頭企喺度，我咪試下行埋去R下水吹咁囉，點知佢成段路都係望住我同我企得好埋咁聽我鳩噏（諗返起都覺得自己好尷好煩，唔熟都格硬攞啲嘢講咁😃），而校花就自己一個企前面篤機。 慢慢我就發現我自己鍾意咗佢，開始想每日見到佢。但係問題來了，佢同校花好熟，而我連佢whatsapp都冇搵過；佢同校花會一齊食飯補習，但係冇同過我食飯（好囉都係好事嚟嘅，唔洗除口罩嚇人）。 最近佢話佢有鍾意嘅人，而且喺我地嗰班。雖然啲人話佢好明顯對校花冇feel, 但試問一個女神主動嚟溝你，邊個男人唔鍾意吖……🥲而小妹自問唔係女神，但係都有俾人讚靚女。我唔知點好，我而家真係日日夜夜都諗緊佢同校花表白會點，甚至連發夢都夢見佢同校花一齊……校花本身喺其他學校有男朋友，但係好似聽講因為想溝A而分咗手。我唔知A當我係普通同學定係我自己自作多情，因為佢對個個都好有禮貌。利申平時份人好摺，男人絕緣體咁，我應唔應該去馬試下主動啲呢……… 唔好意思吖打咁長，sorry for 1999，求屌醒🙇🏽♀️
#NSS愛情 [GUEST] 小女今年f.3，鍾意咗個同班嘅靚仔（A)，但係有另一個女仔（B)都鍾意A，而我自問又唔靚，仲少肥，B成績又好又上年同A同班，一定熟過A同我。 據我所知B同咗A表白，但答覆就未知，又有上年同佢哋同班嘅人話佢哋兩個拍緊拖，我就覺得唔似😰我其實f.2已經有留意A，今年開學冇耐嗰陣，鼓起勇氣搵咗A傾偈，而我哋到而家都有keep住傾，都傾得幾開心，但係返到學校就真係冇乜點一齊傾過計，每次見到A同B一齊都勁心酸。有次我同A行近少少，又俾B啲frd喺度討論，B又啤住我，勁恐怖🥶 全班都知B鍾意A，我真係好難出手。雖然我平平無奇，但係我真係好難得咁鍾意一個人🙁想問下大家覺得我應唔應該主動啲🥲
#NSS學校 [Guest] 大家好，小妹今年F.1，有啲嘢想向大家請教吓。 小妹就讀嘅學校有位男老師(A)，佢係我哋嘅班主任。最近佢好偏心一位隔離班嘅女同學(Y)。 首先，喺九月尾開始，A一直會放學時候，特登經過Y嘅班房。經過嘅時候，仲會同Y揮手，有眼神接觸。第一次，我都覺得冇嘢，師生之間打招呼好正常，但係之後每日都會，就開始覺得奇怪。 (好似上個禮拜咁，我同frd 係班房執緊野，跟住A無啦啦會係我同埋Y嘅班房出面，來來回回上落起碼四五次，我frd問A咩事跟住A話自己買支嘢飲，但係A講嘅時候係勁口窒… 而家將所有時間埋一齊覺得好有嫌疑 ) 其次就係A上堂會差別對待。上Y果班嘅時候，又用佢自己個iPad比佢哋嗰班睇MV，又係度玩；上我果班嘅時候，正係講worksheet，講功課，而且喺我哋homeroom嗰陣時淨係會坐喺佢個位度，唔理我哋。我成日以為係Y成績好所以先至偏心佢，不過聽Y班嘅frd講其實都唔好得去邊。 我覺得最離譜嘅係尋日。因為就黎萬聖節，A就黎派糖俾我哋嗰班，亦都去咗Y個班。放學嘅時候，Y就同佢啲friend講A特登送咗一盒糖同埋Y鍾意嘅男團嘅卡俾Y。 本身冇諗咁多，不過將所有嘢加埋一齊就覺得怪怪地，覺得A真係好偏心佢。同埋我琴日知道嘅時候真係好唔開心，因為A係我哋嘅班主任，但係佢淨係理Y，我覺得好唔公平…. 希望大家可以俾啲意見同諗法，唔該晒🙇🏻♀️ Sor for 1999 感謝大家同admin