#NSS學校 [GUEST] 我個friend自從有拖拍 就變到勁重色輕友囉 話說小弟F2 自從我個friend出咗pool就變到勁重色輕友。我本身身高唔係特別矮大概160咁上下成日俾人串我矮仔，其實我已經俾人講到慣咗俾人笑吓冇乜所謂，但係我個friend條女勁離譜，每次見到我都叫我死矮仔或者叫我飲多啲牛奶，嗰陣時候認真勁嬲我心諗你得閒講吓咪算囉使唔使日日喺度講！之後我串返佢一兩句跟住佢都冇乜嘢啦，但係我個friend聽到之後就勁大力咁揼落我度，我心諗乜料，使唔使咁，為咗條女就要做到咁樣？我本身想鬧佢，但又唔係咁夠膽因為我唔係好想失去左呢段友情。
#NSS個人 [Guest] 是咁的，小妹係個好惡劣嘅完美主義者，脾氣唔好，又成日將自己逼到崩潰。有d時會突然大嗌，暴躁嘅話會亂咁鬧人，再唔係就打臺打自己，呢d都係我發洩嘅方法。當然呢d都係喺屋企先會發生，對外我會為咗顧及形象，變到好好脾氣好好人咁（真係有人咁讚過我），會唔俾自己有任何污點，完完全全係個雙面人。咁至少之前我都會有咁強烈嘅情緒波動，但係升咗上f4之後，啱啱嗰d發洩行為我都冇再做過，然後我嘅心變到無時無刻都好重。睇YouTube嗰陣睇到好笑嘢我會不自覺咁笑出來，但係個心又冇放鬆或者輕飄飄嘅感覺。今日因為瞓過龍去唔切補習，俾阿媽鬧話我唔識分配時間先會乜都做唔好，但係其實我為咗溫ut做學校嘅功課，又要做補習社嘅嘢，每日都搞到好夜，頭痛加眼瞓到諗唔到嘢先去休息，跟住唔小心瞓著，連鬧鐘都冇較。我好崩潰，喊晒口咁款，但係個心完全冇心碎心痛嘅感覺，反而係有種無所謂啦嘅感覺。我覺得我咁嘅情緒有d問題，但係唔係抑鬱想自殺嗰種，但係又唔夠膽同人講，因為我唔鍾意將自己所有底細講晒俾人聽，加上我覺得就連阿媽都唔想理我咁仲有邊個會理我情緒係點？我係一個好惡劣嘅人，同朋友相處從來唔表露真心，所以講真我係冇朋友，而且我都唔會埋怨。我一直覺得乜都靠自己已經好夠，所以身邊一直冇其他人，但係我都係頂唔順加好迷惘，所以想同大家訴苦加諮詢下。我知我呢個人好賤格，想屌柒我乜都好，我都好多謝你睇到呢度。我表達能力勁差，如果大家睇唔明，希望大家當係睇咗個笑話就算。 Sor for 1999 Admin pls po ig thx
#NSS個人 [Guest] 點樣先可以有自己嘅才能 （希望抽中我🙏🙏🙏） 大家好,小妹今年form2,成績好差,冇樣嘢叻 我五歲開始學芭蕾舞,十歲嗰時發現自己越跳越衰,覺得自己連累曬成team人,所以我就冇跳芭蕾舞 我有小學一年級開始學笛子,跟住考咗個四級,由中一開始就開始冇玩,因為學校冇中樂團,加上小妹屋企本身都窮,根本冇錢畀我出去報興趣班 之前暑假我阿媽啲friend介紹咗個學鋼琴嘅人畀我阿媽,我阿媽同我講’不如你搵下鋼琴啦反正唔使錢’就係咁彈咗兩個月,覺得自己好廢所以又放棄 我小學四年級嗰時入咗學校嘅幼童軍,因為本身成績都比較差,所以冇畀老師特別睇好,因此嗰啲咩小隊長呀升旗手呀根本冇我份,就係咁hea下hea下,小六畢業之前幼童軍生涯咩都冇做過 我小六嗰時入咗另外一個制服團體,入到呢一兩年係有做過嘢,大概三四個月前,制服團體啲’上司’ 叫我整一份fun day嘅 proposal,整咗一個月最後俾人話份proposal成pat屎咁,冇人睇得明,同埋玩制服團體都要步操,成team人就係得我一個步操最廢,我真係覺得我連累到佢哋,甚至想退出 嗰一刻我真係覺得自己好廢,我發現我自己做咩都做唔好,甚至連才能都冇,所以點樣先可以搵到屬於自己嘅才能？ 多謝admin po出嚟🙏🙏🙏
#NSS學校 [港島某校] 我feel到自己被人遺棄左 小弟我本身有少少社交恐懼 本來小學嘅時候就係一個隱性邊緣人 （表面上好似好多人同我講野但係全部都係問我攞功課答案，冇一個係放假會約出嚟玩嘅） 去到初中時候好彩有幾個好熟嘅朋友 間唔中都會約出黎玩 我諗住我地應該至少會friend到畢業 但係經過呢一個疫情之後升到高form 全部人都好似變左普通同學 佢哋都各自搵到新嘅飯腳同friend 得返我自己一個仲原地踏步搵唔到新朋友 又唔好意思約返佢地出嚟玩 我仲feel到佢地有意避開我 我睇住佢地成日同新嘅friend一齊 考完試同放假約出去玩 自己就一個人冇人理 「一個人原來都可以盡興」係一個最大嘅大話 當你嘅生活試過由邊緣人變做正常人 然後再慢慢睇住自己做返邊緣人 嗰種感覺真係好辛苦 我試過自己一個食lunch 同埋搵新嘅朋友但係都唔成功 反而仲令到自已回憶起
#NSS家庭 [guest] 咁多年我一直懷恨在心 2016年我中六，我問屋企人攞錢報名靠dse，3000蚊，佢冇俾，明明俾得起但偏偏唔俾，話我係垃圾，讀黎無咩用。之後報名jupas，佢200蚊佢又唔俾，話我一定入唔到大學。成日係到話我之前成日打機，一定入唔到。之後我求老師同親戚幫我俾，我先有讀去考，老師仲話我唔聽話，一定激嬲屋企人先俾我，老師一直鬧我。 之後dse考完，我去翻part-time，一個鐘50蚊，問我係唔係開始翻工，要俾家用，一個月俾左1000。 之後2017dse放榜，夠分入hku engineer，留位費5000，佢唔俾。老豆一個月3萬，阿媽一個月都2萬，俾唔起？我之後問學資處借錢交學費，我同佢地講好，我只會俾中學畢業家用，唔好問我攞太多錢。佢地仲話我不孝，你地有錢買野，食放題，無錢幫我交學費，我有做錯？我打算還完學債搬出去住，以後唔翻黎。
#NSS個人 [GUEST] 辛苦admin🙇 大家好，我係一個f6女仔，f5的時候我鐘意咗個男仔(A)，係同班同學。 佢對我好好，我亦都feel到佢鐘意我，但A同曾經性騷擾過我的男仔(B)係朋友。 – 件事是f2的時候，我同B係前後枱，佢成日都會搵我講野，有時候仲會半開玩笑地扯我頭髮，我冇點介意。直到下學期，B開始愈來愈過分，借住執嘢等等摸我胸摸我手，令我好唔舒服，鬧咗佢，佢就冇再試過。 呢件事到依家仍然令我好難受，但只係得我同B知，冇人幫到我。亦冇人知道B係呢種人，A都係。 – 我依家見到B都會行埋一邊，但係B經常會搵A出去，我唔想A同呢種人一齊。當佢叫B同我打招呼時， 我真係好想喊，但我要點同佢解釋？我唔知。 – 因此希望大家可以畀啲意見我🙇感謝。