—類投稿

#NSS學業 [GUEST] 我今年中四，我有讀ict同phy。就快要考ut，但係我完全唔知要考啲咩，亦都唔知會係點考，因為個老師(ict同phy同一個老師教）上堂悶到嘔，又喺度自己同自己講嘢，根本就冇人聽佢講書。咁我都想考好啲成績啦，係咪即係背晒啲concept就得？ Admin急啊！！可唔可以盡快post🥺🥺

#NSS學校 [順利某中學] 話說我哋學校啲老師個腦真係好有問題囉，某訓導(A)成日針對啲拍緊拖嘅學生，A成日揾佢哋其中一個(或者分時間搵曬)，好聽就傾計，難聽就審問，有個學生同A「傾」完之後喊咗半日。咁都算喇，唔止係拍拖，連普通傾計都會出事(同異性)。仲有我想問下喺學校附近嘅便利店食嘢有咩問題？有次有班學生喺便利店食完嘢企喺度開手機睇咗一陣，第二日A就喺早會叫人唔好逗留唔好打機，話咩影響學校形象，令其他人以為呢間學校啲學生曳，升中唔揀呢度咁，其他學校啲學生都係咁㗎啦，又唔見冇人揀？同埋食早餐冇犯規㗎，點解要畀你鬧？而家啲人鍾意影相呀，你唔畀佢哋係攞出嚟影相㗎咩？校規冇話唔比㗎喎 sorry for 1999 and 語氣有啲差 唔該 admin🙏🏻🙇🏻‍♀️🙇🏻‍♀️

#NSS個人 [GUEST] 16歲女第一次咁驚。呢排可以無端端咁喊，完全唔點食野，對咩事都好驚好驚，對所有野都失去哂興趣同信任。都持續左有兩三個禮拜。好驚自己出事，點好

#NSS愛情 [Guest] 近排發現我鐘意嗰個男仔Hide自己story (我睇唔到),但係我出igpost佢有like。 姐係點？我應唔應該繼續鍾意佢？ 利申女

#NSS個人 [GUEST] ❗其實想問下打字兼職個操作究竟係點❗ 小妹心血來潮想賺下錢買想要嘅嘢，諗到嘅就得打字賺錢 不過驚係D大陸人呃人，加上其實我一直都有個疑惑，點解賺到咁多，唔會蝕？仲有對方比份Document比我打返D字，我可以語音/scan⁉️乜咁搞笑😅 唔知大家有冇做開，邊間信得過、唔呃人？😥 可屌🤲🏻 唔該admin sor for 1999

#NSS個人 [GUEST] 鼻扁係咪真係除咗整容之間就冇得救🥲 小妹我個鼻扁到側面睇好似冇咗個鼻咁 但係我周圍啲friend個鼻都幾高 起碼唔會好似我咁扁 喺佢哋隔離企 都真係會好自卑。。。 我身邊啲friend個樣都幾好 個鼻又高 而我又樣衰 鼻又扁 有時都真係好驚佢哋會因為我個樣唔同我做friend 可能係我諗得太多啦 但係 你哋咁多位會唔會因為自己個樣冇其他friend咁好而自卑？如果有 你哋有乜提升自信嘅方法？ Sor for 1999

#NSS個人 [Guest] ( 長文 )唔好意思，唔該大家真係畀少少時間睇下。 我啊哥成日性騷擾我…….. 我今年 17，我啊哥 24，係我好細個嘅時候，大約 5/6 歲，佢成日都會無啦啦入房摸我……. 周身摸……. 我細個唔識，佢叫我唔好話畀阿爸阿媽聽，我就真係唔講，而家真係覺得自己好蠢。 直到小三/小四開始學嘅時候，先知道咁樣係唔啱，然後我就開始覺得自己好污糟………. 好唔鍾意自己……… 但係佢有時都會趁我瞓覺摸嚟摸去，直到我真係忍唔住大力推開佢，後尾我真係好抗拒，佢就冇再搞我。 有時候甚至連普通相處，我都好抗拒佢掂我，態度亦表明過我唔鍾意佢，但係當爸爸媽媽問咗我原因嘅時候，我唔敢講，所以成日都不了了之。 原因係，由細到大佢嘅學業都唔係幾好，加上成日闖禍，爸爸媽媽又好少陪佢，令到佢有少少心理上嘅缺失，講嘢成日講到一舊舊。因為佢咁樣，所以爸爸媽媽先畀多咗時間我，陪多咗我，唔想我變做第二個佢，加上媽咪一直覺得對佢有虧欠，我阿爸阿媽又唔溝通，佢哋成日嗌交，所以一直以嚟媽咪好多嘢都同我傾，同我商量，包括點樣處理啊哥闖嗰啲禍。 其實我心裏面有呢個結好耐，我冇同過任何人講，亦都唔敢同任何人講，喺人哋眼中，我一直都係開開心心，可以照顧好自己，解決好啲問題，冇任何抑鬱嗰種，甚至係一個好嘅訴說對象。但係其實我唔係，第一因為呢樣嘢，第二屋企人比好大希望我，成日希望我讀好書，大個出人頭地，可以多啲照顧埋阿哥，加上仲有啲朋輩壓力……… 因為咁樣，所以我一直都冇提到呢件事，將佢收埋係我心裏面嘅最底。 直到近排咪好興 staycation 嘅，我同屋企人都去咗，嗰間酒店個廁所係趟門，仲要係冇鎖嗰種。 咁嗰次我喺度沖涼，媽咪喺我唔知嘅情況下出咗去買嘢，間房淨返我同阿哥………. 嗰陣時我沖沖下涼就聽到出面有啲動靜，跟住我拉開個浴簾睇下，竟然見到我阿哥開咗對門，伸部電話入嚟影相，咁我即時反應係問佢做乜嘢，之後佢就收返埋部電話，扮冇事咁………..

#NSS愛情 [Guest] 其實我到而家中三仲鍾意小學嘅一個男仔會唔會真係好奇怪？ps我讀嘅係男女校。有冇同齡/差唔多年齡嘅都仲鍾意小學嘅人？因為我同朋友講朋友話我痴撚線有病ಥ_ಥ

#NSS學業 [CC] 小女今年中三，準備考第一次term test，已經驚到喊咗幾日，想問下點樣可以放鬆自己？d野好似永遠都入唔到腦咁，自己又有寫notes, 寫完又會背下咁，但係去到test個日就全部嘢都唔記得晒。真係好驚🥲

#NSS個人 [[GUEST]] 大家，首先道歉先，我作文成日肥肥哋再加第一次投稿，所以可能表達得唔好。sorsor~(,,•́ . •̀,,) 我打依段其實係因為我睇左「抑鬱症」嗰個post，我都好有感受。(講明先，我到依家都唔太理解各種嘅病) 我同我個frd由三歲左右已經識，其實我一直以嚟都好唔明點解我哋可以咁frd，我哋性格，愛好……都完全唔同，你外向，我內向，你係廚神，我係黑暗料理冠軍，你毀畫一流，我就有dd藝術細胞，你24個鐘都煲緊劇， 我就24個鐘睇ig加聽歌等，而唯一相同嘅就係bilibalabilibala講唔停，尤其係講是非。(um好似離jor題……sor)點解我哋咁frd…依條問題我哋諗咗咁多年都揾唔到個答案。 以前我哋兩個住得好近，可以成日都一齊玩，你去我屋企瞓，我又去返你屋企瞓，一齊蝦大人…… 直到有年發生咗d事，你搬走咗，我哋由每個禮拜見兩三次，變到每個月，甚至幾個月先見一次。嗰陣太細，我哋都好少聯絡到。而嗰排，每次見你，你d情緒情況都越嚟越嚴重。我嗰陣仲細，再加上個人不嬲反應遲鈍過人，我完全唔識你各式各樣嘅病。身為一隻豬仔嘅我只係知道我個豬仔frd變咗，我只係識諗究竟佢係咪驚會變咗隻乳豬。(sor我唔知我自己噏咗啲乜 再去到四、五年級左右，你個病去到最嚴重，超級影響到你嘅生活。嗰陣成日同你出街，我都真係好心痛，但係我唔識點安慰人，唔識點幫你，我只係識要陪喺你身邊，sor，我真係一隻豬仔。乁( ˙ω˙ )厂 其實你一直俾其他人嘅感覺都係個好堅強嘅女仔，但係我由件事前，過程，之後都好清楚，所以你好痛苦，我知道曬。umm咁其實真係無錯，因為你依隻豬仔好叻，可以喺火火火火火中心走出嚟，無變到乳豬(sor 我打d字有d獨特)。 到依三四年，你終於擺脱到個病。我想講，嗰段時間辛苦你la。 你成日都講同我傾真係幾好，因為我講嘢唔會就人，唔會因為我知你d事就會特別講乜乜乜……但係okok我真係完全唔識sorsor。 仲有仲有，借今次多謝下先，好多謝你，你生命可以無咗我，但係我生命唔可以冇咗你。我有好多嘢都係你教我㗎( •̥́ ˍ •̀ू )……我依隻傻豬仔先可以一步一步接觸到人類嘅世界。(好嘔心呀救命ok完la sor) 唔知你會唔會見到呢個post， 最後我想多講一句笑多d同陪我依位豬豬影多d相ar~~