#NSS家庭 [Guest] 長文慎入（純發洩 小妹第一次投稿，有咩講得唔清楚嘅話，希望大家體諒🙏 係咁嘅，小妹屋企同一個親戚係鄰居，親戚最近出差，咁啱我哋又要搬屋，所以就暫住喺親戚屋企。 而親戚屋企對面嘅鄰居呢，就有一對老人家、一對父母同一個細路，佢哋全日都會開住道門（夜晚瞓覺除外），再加上佢哋講嘢超大聲，個細路又成日嘈，咁樣持續咗好多年，搞到我喺屋企經常聽到佢哋係咁嘈，我覺得咁都算喇，咪當唔好彩囉，反正佢哋買咗嗰個單位，都唔會搬走。 咁今日呢，我阿媽聽到出面好嘈，就開門睇下佢哋搞咩，原來係個細路喺走廊玩滑板，而個老人家搬咗張凳喺出面睇住細路玩，完全唔覺得咁嘅行為會影響到人。我阿媽就同佢理論，因為我阿爸番夜工，朝早先番屋企，所以當時喺度瞓覺，佢哋咁樣真係嘈到我阿爸。 我阿媽好有禮貌咁同佢講：「唔該可摸以細聲啲，入面有人瞓緊覺」，個阿婆就探個頭喺度睇間屋，唔知做乜9，之後就問：「之前個住客呢？」我阿媽見佢喺度八卦就冇理佢，繼續叫佢細聲啲，而個阿婆又問同樣問題，就咁到第三次提醒，個阿婆就話：「咁你閂門咪得囉！」之後就帶個細路入屋。 WTF點解香港會有啲咁嘅人，好似自己住得耐就大晒，可以唔理其他住客嘅感受，嗰兩公婆又係，連最基本嘅家教都冇就學人生仔，一日到黑淨係識嘈嘈嘈，喺度浪費地球資源，成家都咁自私，竟然冇一個人覺得咁有問題，我無法想像個細路大個之後會變成點…辛苦晒我親戚咁多年對佢哋嘅忍受🤧 sorry for 1999
#NSS個人 [寶馬山上面嘅一間學校] 咁多位大佬早晨，小弟（f.2）第一次投稿，篇文好長，麻煩大家唔好屌9我，sor for 1999 我而家極度懷疑自己有「精神分裂+人格分裂+躁鬱症」。 但我係同學，朋友面前都表現得好開朗活潑，基本上只要佢地開口，能力範圍內我都會幫。無論佢做咩都好，點唔到底線就無所謂，佢地眼中我基本上係個咁嘅人。 但其實我係俾屋企人鬧大嘅，每次我做d咩唔合佢地心意就會鬧。小學差d殺死咗我（真係流哂血，不過個陣係暑假，無人知)，f.1又黎多次，我老豆永遠就係用暴力解決問題，我老母每次都話忍下就好，我真係唔知可以忍到幾時。 每次我想出街，即使係去圖書館溫書，佢都唔會俾。零用錢一個禮拜50，自己搞掂早午餐。。。 我呢排膊頭成日突然痛，去醫院check過無事，醫生話好大機會心理問題引起嘅，但當然我同老母講係去練波佢先俾，呢件事佢完全唔知情。 上網（專業個d e.g.健康局，not google）測過，結果係重鬱症+雙重人格，我真係唔知點算。 我溫書集中唔到，做乜都專心唔到，每次唔開心都係習慣性帶起耳機，聽下歌就算。但我老母話如果今次考試結果全部試卷無80%以上（每份卷分開計，但用下腦都知無乜可能），咁我以後都唔可以再聽歌，我相信如果無歌聽我好快就會崩潰。 每一日我都係度驚，係度震，但其實根本無野好驚，完全唔明點解自己咁驚，有時可能係人地無心嘅一句野，可能係詐騙電話，可能係唔見野，係震度完全做唔到野，筆都攞唔起咁滯。 好多謝咁多位大佬、師兄師姐睇到而家，我知呢篇文好長，浪費咗大家時間，真係唔好意思。 sor for 1999 To admin (呢part唔使po) 可唔可以快dd出呢個po，麻煩哂
#NSS愛情 [擁有幼稚園、小學及中學的一條龍混合性別教育學校] 是咁的 小妹今年f.3鍾意咗個男仔 我f.2嗰陣已經識佢 佢係我鍾意嘅嗰type人 文文青青嗰啲 而家嗰個男仔同我唔同form 因為我哋兩個都佛系 所以平時WhatsApp都少講嘢 覺得佢好遙遠 觸不可及咁 我都唔知佢係點諗我 我對佢又好似有少少暈船 好容易少少嘢就聯想到佢 所以我而家應該係主動啲去搵佢 定係放低佢呢
#NSS社會 [HFC HOFUNG COLLEGE] [果個人係唔係有問題？真係報警？] 有一日放學之前上體育堂,突然間學校入左救護車,完全唔知發生乜事,之後又見到form 2最黑人憎嘅人(簡稱叫肥仔) 放咗之後了解,有一個李姓同學,用手cool左佢一下頸,然後佢就嘈住要老師報警(老師真係報左) 我聽到之後都覺得好有問題,cool一下頸就要報警？個老師真係報左… 件事仲未完,過左兩日,我先知道李姓同學俾警察帶過去講野,原來肥仔返屋企之後講左俾佢阿媽 佢阿媽真係報警 我淨係覺得好有問題囉,cool一下就報警,你覺得你比人bully,搵老師解決應該會好好多,應該唔喺去報警(佢完全冇傷口,可能因為佢肥,我甚至連痕跡都見唔到) 會唔會有少少浪費警力？ 講下個同學點解黑人憎 1.完全不解人情,最基本嘅玩笑都接受唔到,講下佢肥話被bully… 2.完全接受唔到粗口+超級鍾意報串 嗰啲人費事同佢講野之後唔小心講粗口,費事俾佢舉報所以唔同佢講野,佢又話人孤立佢 3.校長simp 之前有一排話個校長撞死左隻貓 佢見到任何有關校長負面野全部舉報 不過好彩老師冇乜理佢 4.老師面前扮乖/cute 真心想講,一個男仔扮cute真係好嘔心 5.之前有一個事件叫「你踩到我隻鞋」 佢收功課嘅態度超級差,派功課都一樣,有一個性格暴躁嘅人因為佢態度好差咁收功課,再加佢一直報串全班,真係忍唔倒,就會踩一下佢隻鞋,結果佢又講,又講人bully佢
#NSS個人 [開學嗰陣識咗嗰好煩嘅人，唔想繼續同佢做friend，我應該點算？] 是咁的。我一開學見到佢，佢其實冇乜朋友，小息都係自己喺班房做功課。我當時好on9，以為佢係比較文靜、好相處嘅人。我放學見到佢同我返屋企嗰路差唔多，第二日就喺小息問佢可唔可以一齊放學。咁佢都同意咗，嗰下我都幾開心，但當時仲未發覺嗰陣先係惡夢嘅開始… 嗰日開始，我就日日同佢傾得都幾開心，日日小息都搵佢傾計，由於越嚟越熟，佢同我一齊去canteen買嘢食嘅時候，無啦啦打一下我塊面。我黑人問號，做咩無啦啦打我。咁佢可能係唔小心啦，我就冇將呢件事擺心上。 點知佢越嚟越過分，佢日日都嚟打我嗰腳/面，就係因為佢前一日打機打輸咗，跟住就搵我出氣，有時仲唔止打一下…最近我小息都冇搵佢玩，佢亦係個唔主動嘅人，所以都冇嚟煩我，我唔同佢玩嘅日子真係過得好安靜(開心)。咁我平時都有同佢一齊放學，係咁以hea下佢，同佢講廢話就算(避免氣氛尷尬)。但經過我兩日冇同佢一齊放學，我以為佢有改到，唔會打我嗰啲。ok，我又諗多咗😅，我行埋過去搵佢一齊放學，又打我，話我好多日冇搵佢，佢用普通話講：「逆子，你多少天沒陪我了」內心十萬個dllm😃好好地廣東話係咪唔識講。我真係反晒白眼，真係求下佢可唔可以改下個習慣，怪唔知得佢冇乜friend😃 我已經唔想同佢做朋友🤮我想知有咩方法可以救下我/治下佢