—類投稿

#NSS學校 [GUEST] 文長，sorry for 1999 同 中英合集 小女F2 讀女校，最近我班兩位同學同隔離班一位同學參加咗一個關於科技嘅比賽，只不過佢哋d行為我真心接受唔到囉。 是咁的，聽聞佢哋整咗嗰AI去參加比賽，對於電腦都感到有興趣嘅我都想去問吓好奇吓咁。我班兩位同學(以下簡稱A同B) 同我講佢哋無做過嘢，又話其實係一位老師幫佢哋做咗成個project。我以為A同B講笑，於是我就問咗隔離班嗰位同學(以下簡稱S)，S就話係自己一個人用dialog做嘅，於是我就覺得S好勁。 之後有一次我同A同B whatsapp，偶然提起S，我話佢好勁，但係A同B就話S其實唔識電腦，又話佢哋3個只係做Q&A, video咁嗰d嘢，AI嗰part全部比老師做。 其實呢，真係唔明點解比老師做都可以參加比賽囉。即使assume A同B講笑，S 真係自己一個做晒，咁A同B參加呢個比賽有咩意義？因為我同A B 一齊上電腦堂，真心佢哋真係一睇就知佢哋電腦skills好一般，冇可能可以整到個AI出黎，就連AI嘅原理等都唔知。而且講真一句我都有懷疑S，畢竟一個F2可以自己係短時間內整一個AI係一件possible but not probably 嘅事，有老師參與都係reasonable，但係真心唔信佢自己整晒囉。不過由於我同S唔係太熟，可能佢真係電腦天才，我都冇證據，所以focus 返係A同B先。 由於我都有參加過呢類比賽，都曾經遇過一d出去揾人做project嘅team，亦因而有不愉快嘅經歷，所以令我對呢種「作弊」行為好討厭。A同B

#NSS家庭 [guest] 想大家幫手諗辦法解決呢個問題 小弟今年中二 13歲 有個7歲嘅阿妹 阿媽偏心，好錫阿妹。唔知係咪呢個原因，個妹開始係咁蝦我、打我、語言攻擊我⋯我阿媽都唔理，但係我反抗就比佢鬧到pk。老豆都試過鬧個妹，但係佢係咁駁嘴，管唔到。我真係就黎比佢搞到癲。有咩方法可以解決到呢個問題？

#NSS愛情 [Guest] 小妹今年f.2 鍾意咗個男中史老師 話說我今年D班，佢係E班班主任 我本身都鍾意歷史，所以有少少期待 但係一開頭佢掛住鬧人，都唔教書，搞到我有少少討厭佢 之後啲同學開始乖，佢就開始教書，我冇咁討厭佢，因為佢都教得幾好，開始有啲鍾意上佢堂 大約一星期之後，我有條問題唔係好明，之後我就去問佢，佢一解釋我就即刻明咗，令我開始有少少佩服同埋敬仰佢。事後我有任何疑問都會去問佢，我同佢啲接觸多咗，開始對佢有少少好感 唔知點解有啲同學開始ship 我同佢，我一開始都覺得有啲嘔心，因為嗰老師已自認係三十幾歲，但係過咗一陣都覺得接受到。然後我前排喺度諗，我係唔係真係鐘意佢，又發現好似係。因為我有時見到佢同啲女老師一齊，會有啲妒忌，而且我早會時都會一直望住佢，上堂更加唔使講。 然後我最近喺度諗，要唔要同佢講我鐘意佢。我知對佢嚟，我只係一個學生，同佢冇可能，而且佢都冇可能鍾意我，因為佢係教中史，有可能係遵守儒家思想—學生要尊師重道，不可以越界，但係我真係好想佢知道我好喜歡佢。而且我同佢講咗之後，個consequence好大，佢有可能會避開我，又或者要見家長、開除…… 所以我到底應該點？應唔應該同佢表白？要點同佢講？ 求admin 幫 post

#NSS學業 [Guest] 我係一個中二學生。我間學校中二就要揀科，我大學想讀醫，但係我數底差，其他科冇問題。大家覺得我可以點揀科。Thx🙇🏻‍♀️🙇🏻‍♀️🙇🏻‍♀️

#NSS學校 [GUEST] 小妹今年F2，認識咗一個新同學，下稱A。 A好活潑開朗，人緣好好，待人有禮，但係我覺得佢好變態😰 自從十月起，A成日撲過黎想摸我個胸，趁我上堂注意力集中嗰陣偷偷摸我頭髮、大髀，甚至攞走我嘅冷衫同文具攬到實一實。 我同佢講咗唔好咁，因為我好驚人地摸我。 但係去有講d咩“你好靚女、好可愛”“你個胸好大” 就算佢係女仔，我都接受唔到。 佢見到我同男仔講野（其實係sci堂groupmate黎嘅，傾緊實驗嗰d野）就係班上面講我溝仔。 我同佢講唔好咁，佢當冇聽到，話比老師聽，佢話純粹開玩笑，老師都話咩同學之間嘅事佢唔明。 我要點先可以擺脫佢，佢真係好煩。 sorry for 1999

#NSS愛情 [Guest] 之前玩咗個課外活動識咗個女仔 個活動已經完咗 互fol左ig 但玩活動嗰陣冇講過幾句 求辦法可以進一步發展 Dm 佢hi be frd 係咪真係有用😀 求有經驗嘅Ching指路 Sor for 1999

#NSS學校 [Guest] 我說我哋學校勁痴線，前嗰幾日早會上面副校話有個阿婆投訴我哋話因為我哋撞到佢，好咁撞到佢係唔啱。跟住副校就話嚟緊放學佢會喺學校附近，睇住我哋點樣行，仲要強迫我哋同佢打招呼 🙄。我想講嘅係我哋行嗰度係條巷，咁老師企喺中間係咪阻住條路呀。間學校係咪有問題，我哋放咗學之後都係靠左行㗎喇。副校仲話呢個情況（睇住我哋點樣行）維持住兩個禮拜喎，其實我哋都係正正常常咁行點解仲要佢睇住呢？ 唔知有冇人間學校係咁㗎呢

#NSS學校 [Guest] 有個人 我好記得隔離班同我講過， 有一次有兩個人喺實驗室打爛咗支勁脆弱嘅test tube ，跟住佢狂鬧人，冇關心過有冇受傷。 我個friend個friend仲同我講佢分唔到cell wall and cell membrane 仲要我哋泊好哂D登：chair 最勁仲要寫佢嗰班係excellent …。個friend仲同我講佢話隔離班可愛。但係少少不滿就鬧人。 這個老師行嗎？ Cscscssorry for 1999@thx admin 👨‍💼

#NSS個人 [GUEST] 小弟今年中六，2022年考DSE，想喺大學讀動畫。以下係小弟嘅JUPAS Programme Choices嘅Band A1至Band A3： 1. Band A1: HKBU – JS2370 – Bachelor of Communication (Hons) in Game Design and Animation 2. Band

#NSS家庭 [Guest] 其實係咪真係人之初 性本善？ 話說有日我撞親隻腳 個膝頭哥腫曬 我跛下跛下咁返到屋企 細佬（2歲）一見到我就指住隻腳喺度大笑 佢仲要啱啱學識講嘢 跟住佢就斷斷續續咁話：哈…抵死…哈哈哈 人真係性本善？ 計我話人本身就係睇人仆街最開心