—類投稿

#NSS個人 [Guest] 最近搵了一個物理老師，然後我跟他說 我有一天要成為另一個霍金，然後，他跟我說在癱方面就有機會，我覺得十分離譜，霍金先生是物理界的鉅子，怎麼可以這樣說他呢？

#NSS個人 [GUEST] 男仔唔可以驚金絲貓㗎？（一種對人類無害的蜘蛛，好多frd以為係一種貓） 小弟住喺村屋，難免會有啲昆蟲入屋，住咗差唔多一年都冇見過蛇同老鼠。但係上個月尾發生左啲好恐怖嘅事，就係我洗碗嘅時候有金絲貓喺我隻腳到爬，一開頭冇乜感覺，我開始feel到自己隻腳有嘢，之後見到佢超恐怖😱即刻猛咁fing佢落地下。最後我用消毒酒精噴死佢（嗰陣時我真係嚇到啞咗，冇大叫同扮淡定） 經過呢一次事件後，我真係好驚住係村屋🫠不過好彩因為某啲原因要搬屋，小弟真係好開心🥹不過仲有排先至搬☹️所以依家得閒會執屋。正正就係執屋，阿媽話要空氣流通，要開窗，小弟間房係有蚊網嘅，但係開窗要拆咗佢先開到，可能趁我開窗嗰陣時，有隻金絲貓入咗我間房。一開頭我都唔知嘅，之後喺度執地下啲嘢嘅時候想偷懶😑就趴喺張床到玩手機。正當我企起身嘅時候，隻金絲貓突然跳咗出嚟，下 嚇到小弟衝去廁所到拎咗支消毒酒精諗住噴佢，但係佢喺我床到，所以我落唔到手。中間經歷咗佢係我啲公仔、我張被、我個枕頭同埋佢跌咗落地下嘅追逐戰之後，最終佢捐落我張床底💀小弟真係好燥底同時十分驚，嗰晚仲諗住喺廳度瞓，搞到我間房好似有生化危機咁🤧 好啦，今篇文重點嚟啦。今日我係碗嗰陣時，條友又跳出黎嚇我😐我丟低手上啲嘢之後想噴死佢，但係又走咗。我打電話畀我阿爸，我同佢講：「爸，屋企又有金絲貓啦，點算啊？」佢好唔耐煩咁講：「我依家唔係屋企點幫你啊？同埋佢冇害㗎，驚咩姐。你大個㗎啦，你又係個男仔，驚咩嘢姐，你唔好一有困難就搵我求救，你自己唔識解決問題嘅咩？」喺呢度我想講，其實你哋會覺得我喺度小題大做，但係一個對金絲貓有心理陰影嘅人，對住自己嘅恐懼係一件會奔潰嘅事。BTW令我最燥底古月嘢就係佢話「男仔乜嘢都驚，好冇用囉！」咁每個人都有佢驚嘅嘢，冇分性別同年齡。 小弟第一次投稿，文法欠佳，敬請各位見諒🙏🏻🙏🏻🙏🏻

#NSS學業 [GUEST] 我的時間管理真係好差 我平時冇動力溫書、減肥、同埋做功課， 時間管理又好差， 朝早同晏晝就攤喺度睇手機， 夜晚先喺度趕功課， 我用咗好多方法都擺脫唔到拖延， 次次都做deadline fighter， 搞到我壓力越嚟越大。

#NSS家庭 [Guest] 唔知大家知唔知幾時可以正式返暑期工/兼職？ 其實我小學嘅時候老竇有一次因為賭馬而喊住返屋企，因為我細個好驚，所以都喊咗好耐…阿媽一直幫住老竇還錢，日日都好節儉，所以應該差唔多還哂。但係阿媽不嬲都唔想我知呢啲嘢，所以我都係有陣時偷聽返嚟… 但係今晚我有聽到阿媽叫咗老竇入房，好似鬧緊佢，有聽到咩之後10年要點過、好擔心唔知咩咁，搞到我好驚，明明自己想幫手但係都無能為力😢😭。我真係好驚，所以一夠歲數想即刻幫手幫補家計，希望佢哋生活舒服啲，唔好因為錢嘅嘢而係咁鬧交😢😢😭 （發洩吓同埋想聽聽其他人點睇）

#NSS個人 [Guest] 我到底應唔應該道歉？ 我前兩日換季執衫見到條裙，係我中一嗰陣用個frd(下稱A) 啲錢買返來。我記得嗰陣時去小食部買野食，見到A 個銀包有張$500 就話佢好有錢，搶走咗放學走去買條裙，跟住約出街嗰陣仲特登問A 覺得好唔好睇。 依家諗返起其實都已經欺凌，我之後無道歉，件事好似無發生過咁。 我依家同A 超級frd，佢對我好好（會幫我整筆記丶請我食野之類），感覺都唔記得咗呢件事。老實講，如果唔係見到條裙，我都唔會諗起呢件事，所以我到底應唔應該同A 講對唔住？但依家提起咁突然好似好奇怪，而且都算勾起我哋之間既傷心事？希望大家可以俾啲意見我🙏🏻 sor for 1999

#NSS愛情 [GUEST] 我同我ex 分咗大半年，佢一路都係咁搵我，係咁搵我啲朋友。就算我block咗佢，佢都再開新account 嚟dm我，其實真係好困擾，想問下有冇解決方法。唔該曬。

#NSS文化 [KT SCHOOL] «論宗教» 我覺得大部分宗教始終係用來控制/限制人心嘅一樣工具,唔係話個個教會/宗教都係唔好,而係好睇個教會嘅理念/規則（例如十誡）&入面班人（尤其是係話事個幾個） 濫用宗教真係大把例子,同埋宗教（西方宗教）嘅存在真係冇乜意義（政治用途不包括在內） 「宗教導人向善」：洗鬼你導咩？小學常識冇教呀？你屋企人冇教你？ 「宗教使人有目標」：例如？傳播福音？叫人盲目等待一個冇人知佢會幾時來既救世主？頂你個肺你當月經呀？ 「信仰能賦予你生存的意義」：人類生存既意義,一個咁多年都冇一個真正答案嘅命題俾你一句耶穌愛你,真主保佑你搞掂？會唔會兒戲左小小？ （唔好意思我激動左小小） 而點解我上面括住西方宗教呢？因為我覺得亞洲有D宗教（其實者係道教&佛教）嘅哲學思想對我哋處世係有一定既幫助/啟發 以佛教為例,主張輪迴、因果、人生是苦的,而因果呢個概念我係非常之有同感｡你種下善/惡因,得善/惡果,係非常公平,而且你係現實中係驗證得到（唔係話你信就得救,唔信就食得屎咁樣） 道教就係融合左「陰陽」&孔子學說既宗教,「一陰一陽之謂道」,「道生一,一生二,二生三,三生萬物」呢兩句應該都略有耳聞,而道教的「道」係「宇宙萬物的本原和主宰，無所不在，無所不包」,好虛幻,但其實你只取其陰陽之說就夠,因為道教除咗我上述既思想之外,其他思想/理論都非常之膠（成仙,練丹, mind-blowing) 而我上述呢兩個宗教同西方宗教唔同嘅係有自己獨立嘅思想,雖然道&佛都有各自自己的宗教人物,但佢哋唔係全L部問題都擺耶穌/真主/彌賽亞上枱 最後想帶出嘅係唔好信一個人/形象（耶穌etc),而係去出個道理,個思想,一個你係呢個宗教以外嘅地方難學到嘅野 頭盔:我並非在推廣無神論,而係我覺得宜家個幾個宗教D神/宗教本身唔掂 頭盔2:我Chinese paper 2 炒左（利申:下年dser)

#NSS愛情 [guest] 小弟已經中三 最近有一晚突然記得返起一件事： 小六嗰陣我有份搞校園電視台 有一個細我一年嘅女仔都係入面拍片 成日都有同框嘅機會 令到我當時有少少好感 但總係會俾「年紀」「身份」呢樣野限制 因為無佢嘅聯絡方法 所以之後就不了了之 我亦都覺得只係小學雞嘅愛情 無擺係心度 亦漸漸唔記得咗 事隔幾年 早幾日突然夢到我同佢係埋一齊 原本都忘記得七七八八嘅嘢突然好清晰 發現自己原來仲對佢有好感 亦早已唔係小學生嘅「鐘意」 可惜一切已經嚟得太遲太遲 。。。 我知可能會覺得我過度ff 咁都希望你哋可以屌醒我!!! sor for

#NSS其他 [GUEST] 呢排睇返以前8,90年代嘅男明星，真係好靚仔。 外國：leonardo dicaprio, johnny depp, jude law, brad pitt, keanu reeve(私心覺得leo係世一靚仔）木村拓哉，尊龍，金城武， 本地：張國榮，黎明，陳冠希，郭富城，古天樂，鄭伊健，梁潮偉，周星馳 其實仲有好多我講唔哂，上面呢啲係我最有印象既，佢地擺埋一齊唔會覺得係一樣樣，分唔清邊個打邊個，而係每個都有自己嘅風格，每個都有佢靚仔嘅地方。同埋佢地做戲或者唱歌都係好勁，唔會唔嗲唔吊，甚至有部分係呢兩樣都好掂，所以真係抵佢地以前紅到癲。雖然宜家個個都已經老哂，唔再係以前青靚白淨咁樣，但係多咗種成熟，成陣佬味出哂嚟。 當然啦，各花入各眼，可能有人會講宜家嘅審美觀唔同，無得比，無問題既，我有我既睇法，你有你既睇法，我只係想分享下我覺得以前嘅男明星好靚仔嘅睇法。Anyway，多謝大家睇我呢個白卡花痴到呢到，如果大家覺得以前有邊個男明星都好靚仔，歡迎留言討論，我都想J̷知道 Sorry for 1999 THXXX ADMIINS 圖Link: https://ibb.co/3YRFPC0

#NSS個人 [Guest ] 而家本人是中一，我有個最friend嘅女仔係小學認識，之後friend到去中學，我同佢唔同學校，本來一直都可以同佢溝通到，或者傾偈，我同佢嘅關係係可以就嚟去到閨蜜嗰度/好朋友. 但係最近我係完全同佢Deadair ，平時起碼每日都可以ig call,但最近喺冇嘢傾到一個點，即係我唔知道係咪因為唔同學校嘅問題啦，都有可能唔係…然之後我係同佢做朋友感覺有少少壓力？即係我同佢講嘢嘅主題我要謹慎咁樣去思考，雖然佢係我最好朋友但係我好驚我講錯嘢之後導致冇朋友做.即係佢就同我講佢好開心，同我一齊講乜嘢話題都可以. 我本來都以為係，有一次因為我玩得太過於開放，我同佢嘈交..自此之後我唔夠膽玩得太開放，同佢傾偈嘅話題都要就住佢，因為我真係好驚冇咗呢個好朋友，但我又好想同 佢傾偈… 想問一問大家有咩方法可以解決下….？ （sor for 1999)第一次投稿，屌細力少少🥲