#NSS個人 [GUEST] 純屬個人意見: 我覺得冬天着短褲/裙上堂簡直反人類設計！ 我本身個人就易凍親，吹一陣風，手手腳腳即刻凍到紅晒。我間學校無論春夏秋冬，上體育堂都只可以着件短袖運動服同短褲上堂，永遠都唔可以着條長褲上堂，條長運動褲係為咗着返學，無其他用途。仲要唔可以着冷衫或着運動jacket。之前12度，上體育堂，咩褸都唔可以着，我隻手同腳係被啲風吹到紅晒，仲有啲痹。同老師講，佢要我照上堂，又唔可以着褸，上完堂，隻手同腳仲紅緊，我永遠記得呢件事。 今日係10月18號，唔算凍但係清涼，20度，我着住條校裙係課室凍足幾堂，隻腳不停喺度震，仲有啲痹。而家20度就咁樣，都唔知遲啲冬天十幾度點算好！我條冬季校裙已經買長左，但係都係仲有啲位會露出嚟。我想講冬天啲風會喺裙底吹上去，再加上隻腳露出嚟，冬天着校裙係一種折磨！！所以我好討厭着裙，無論冬季定夏季。我真係好羨慕男仔冬天可以着長褲。
#NSS個人 [GUEST] 大家好，想問有冇人同我一樣好唔鐘意自己既野比人搞比人掂？唔係話咩唔想比人搞亂或者亂用啲野，係任何人掂到都要即刻清潔嗰種。我有咁既諗法已經持續左好耐，比人掂到嗰身或者啲野就要清潔，清潔唔到就直接丟左去，唔清潔既話會覺得嗰身或者啲野好似被人感染左咁，周身唔舒服，同埋會想嘔同喊。 之前試過屋企人借左張被去瞓，瞓完之後比返我張被我超唔想掂張野，屋企人就話我好嬌貴乜乜乜咁，之後嗰晚都係要冚返張被，但係成晚瞓唔着，覺得自己好污槽，好似被人強奸咁，成身都係人地嗰陣氣味。第二朝起身沖完涼洗完被都覺得好核突，然後就直接將張被收埋去唔用。 啲知情既朋友屋企人親戚老師全部都淨係叫我唔好搞咁多野，唔好理佢咪得囉咁，我同我老母講想去見吓社工甚至睇吓醫生，佢都笑住咁話我係咪中二病發作，搞埋啲咁樣既野不如去讀書，仲話我成日浪費佢啲 錢。 其實有時候我都唔想咁，但係見親其他人掂到自 己的野，都會有種奇怪既感覺想將樣野整爛，或者清埋 乾淨曬佢，如果唔清理嘅話就會一直有嗰種奇怪嘅感覺，周身唔對路，嗰人好衝動，甚至會想自殘。要到清理乾淨之後嗰種感覺先會消失。有時嚴重到會影響正常社交同生活。 想問吓各位有冇同我相似既經歷/情況？或者有冇啲咩方法抑制住呢種諗法？🙏🙏
#NSS家庭 [Guest] 大家可唔可以俾啲意見我點樣幫下我個妹。 我妹今年五年班，年年成績都係中下游，但係今年五年班開始計啲分重。話佢懶又唔係，佢係會溫不過需要迫。平時就算普通默書都可能會漏字或者啲筆劃寫到好奇怪，你可能會覺得好正常但係佢犯呢個錯嘅頻率好高。數學成日都理解唔到，我講咗好多次佢都聽唔入腦。曾經覺得佢係咪有讀寫障礙，但係如果好認真好認真咁樣溫其實佢係可以攞到俾佢而家嘅分高。但係現今社會好多嘢都係要鬥，佢嗰屆同學全部都好癲，讀書好叻，但係佢就比人哋輸蝕。有同佢傾過計，問過佢讀書有咩困難，但係佢都冇好直接咁回應我嘅問題。今年開始就嚟要呈分試我真係好擔心我個妹，好想幫佢但係每一次都無能為力，雖然我唔應該將佢同其他人比較，而且求學真係唔係求分數。但係佢而家呢一個社會又點可能呢？希望大家都可以比到啲意見我幫下我個妹。thx admin Sorry for 1999