#NSS家庭 [GUEST] 我老豆正仆街。 小妹今年中五，住公屋，屋企人因為疫情搵唔到工，老豆已經六七十歲，成日借錢去賭，打麻將賭馬賭波，仲識咗一啲垃圾大叔朋友日日搵我老豆借錢，最蠢的係佢畀咗。我阿媽勸咗幾年，唔聽，唔理，一講就話阿媽煩，仲係出面朋友面前鬧媽媽，每次輸錢返屋企就黑口黑面。 就係今日我返屋企，阿媽話老豆將之前送畀佢的戒指，金鏈全部當曬，我問佢咁啲錢去咗邊，佢話老豆將啲錢攞曬去打麻雀，條仆街呢兩個月已經向我阿媽攞咗3萬幾， 冇一次話畀番曬阿媽，一問佢就話冇借過，正垃圾。 媽媽係我面喊，第一次喊，我幫唔到佢，乜都做唔到。我媽媽是外地落嚟， 亦都冇乜朋友，若離婚佢冇地方可以去，我唔知點算，阿媽的精神狀態亦越嚟越差， 成件事好絕望，好無力。 老豆，點解你仲唔去死？？ (可能放係呢個page唔太好， 但我唔知仲有邊度可以傾訴，影響到你心情，好抱歉。)
#NSS愛情 [guest] 即係咁，小妹今年中三，由幼稚園已經讀女校，唔知係一件好事定壞事呢🤔 好啦講返正題，就係我想知你哋男仔其實對女仔、拍拖、愛情戀愛依d嘢嘅睇法。即係例如你哋係咪一見到靚嘅女仔就會望多一眼？又或者你哋容唔容易一見鍾情/心動 ?? 又或者如果嗰個女仔睇落去唔吸引、唔靚你哋又會唔會因為咁而唔主動同佢傾偈 ? 你哋會係咩情況底下會鍾意一個人？ 我依排唔知點解好空虛，成日感覺到好想被人愛 ，好想同人有曖昧嘅感覺，但又唔係真係好想拍拖，話晒唔好為拍拖而拍拖:) 唔知你哋男仔會唔會有呢啲感覺呢？有冇話好想有女朋友咁？ 我好少同男仔有交往亦都冇乜男仔朋友，所以其實完全唔知道你哋男仔對依啲嘢有咩諗法。同埋你哋會唔會話見到鍾意嘅人會好怕羞😳，抑或會試吓同佢溝通？ And 讀男校嘅靚仔s ，你哋有冇好似我咁嘅感受？話晒你哋都應該比較少同女仔接觸，你哋係咪會更好奇我哋女仔對呢啲d嘢嘅睇法？你哋又會唔會話如果有個女仔同你企得近d又或者經常同某啲女仔不期而遇，會唔會好容易產生好感/心動/一見鍾情嘅感覺？ 定係vice versa, 完全唔渴望/期望愛情、戀愛？因為聽講你哋好dry 😂sor 因為其實小妹依排同一個男仔有陣時不期而遇😝 但自認我唔係靚，一d都唔吸引 😐 所以我依排特別對愛情同曖昧有好多幻想同思想😵💫，又成日聽啲好sad/ 失戀嘅歌。我應該點算好？我想開心d ，亦都唔想再諗埋呢啲無謂嘢，我想對依啲嘢順其自然同對自己多啲自愛
#NSS個人 [B1A] 小妹今年中二，最近發覺自己鍾意同男仔相處多過女仔，我幼稚園到而家都係讀男女校，小學嗰陣男女frd嘅比例差唔多，而家大家平時都係一齊玩咁，冇乜點分男定女 到而家中學，唔知係咪因為開始大，比較容易尷尬，喺男仔面前冇嘢，但係喺女仔面前就好似有層隔膜咁，淨係講好少嘢，心入邊雖然有好多嘢想講不過都講唔出口，男仔思想一般比較open，唔會太care啲小事，所以我同佢哋好frd, 其實我又唔係冇女仔frd嘅，不過最熟嘅兩個今年都唔同班 你話我同班男仔親密又唔係，只係我比較鍾意同佢哋玩，老實講我肯放唔放低面具，又唔係100%關性別事，我偏外向，只要我feel到嗰個同學係玩得起嘅，我就會肯一齊玩，就例如我今年同個女同學做咗frd, 佢細我一個學號，學期初跟學號坐嗰陣熟咗，喺某啲特別室會係跟學號坐，咁我哋就有機會傾偈，不過我哋而家喺課室個位都幾遠吓，加上唔係識咗幾耐，未叫關係疏遠不過我都係覺得唔會太frd，除咗佢之外我都有其他女仔frd, 不過就好少一齊玩，多數傾吓偈咁 其實同男定女做frd都唔問題，大家相處得開心咪得囉，班入邊都從來冇人笑過我同男仔做frd, 不過次次做project啲組員都係男仔，present嗰陣多少都有啲尷尬 我想問下可以點樣打破同大部分女仔嘅膈膜？我feel到佢哋好多其實都想同我做frd, 不過我又怕會尷尬
#NSS學校 [YWGS] Admin Pls po IG pls 小妹今年中三，女校，都有一班frd,同某一兩個比較熟。但係講野既時候喺人群總係被無視，完全冇存在感。呢個情況喺上年中二嗰陣時已經發生過，不過過去左就冇理過，但心裏面總係有啲唔開心。 入正題，大家都知道迪士尼有啲咩三人同行四人同行嘅優惠，前幾日聽到佢哋突然喺度討論，又邊個邊個嗰日得閒可唔可以轉第二啲日子，喺隔離聽到嘅我呆咗，點解唔叫埋我。同我比較熟嗰個(A)，仲好聲好氣走過來問我：「嗰日不如喺邊度邊度等啦！」我呆咗，即刻搵藉口走人。之後唔係同我幾熟嗰個就問A：「佢會唔會嚟？」「唔會。」我嗰下真係覺得呷醋呷得好勁，心諗：同你咁friend， IG都話大家係BFF，有冇諗過我嘅感受？你答嗰下有冇諗住叫埋我？ 我依家真係好嬲，「淨係用迪士尼啲門飛好貴」黎安慰自己，都唔知同唔同A繼續做friend好，有時好憎佢，有時又好覺得佢份人幾好。就係八卦咗啲，我其實而家班上面已經有其他friend，但係始終都係喺同一班，突然唔同佢哋玩又好似有啲奇怪， A又坐我隔離，真係會好尷尬。 唔該可唔可以幫下我，講啲實用小小嘅說話，我而家想要嘅就係一個抱抱，我諗住喺佢哋出去嗰個日子，約埋我而家班上面其他friend，等到放學嗰陣時佢哋一齊走咗，然後我自己一個走都冇咁尷尬 多謝Admin,辛苦晒
#NSS學業 [guest] 第一次投稿，如文筆格式等不通順，請見諒 小妹今年升中一，一開始還好，但宜家壓力好大。我所升上嘅學校係band 1C，後來變左band 2A和band 2B之間。我嘅小學可以算係教嘅嘢好快就教完，跟著就不停做練習，一星期差不多每日都有默書，功課都算多。我係小學四年級入左精英班，唔知係咪咁嘅關係我嗰時壓力過大，而令成績下降，加上我父母以及學校都冇做啲咩，只係可能找下學校啲社工同我講下嘢，我嗰時真係過得好辛苦。上到5、6年級，我都係入左精英班啲同學成績都好好，我就變左要好努力先可以追上佢哋，我嗰時係溫書溫到大約10點，因為我係啲要早瞓嘅人，所以平時我在9點半就會瞓。以及，我在小學5年級嘅時候開始被人欺凌，變到成個人成日都好唔開心，有過想死嘅念頭，同埋成日都自己一個人係啲冇人嘅地方喊。上左中學我本來可以相信自己有能力，但係欺凌我嗰個同學話過我係逼入去嗰個中學，所以每次我好想壓力好想死嘅時候都會念起呢句嘢。我曾經試過自殘，我都有諗過我係咪抑鬱症，但係抑鬱症唔會咁容易有，加上我曾經同過我父母講，但佢哋都唔信。我好驚我今次測驗會唔合格，我都好驚我會留班。請問大家我可以點做?
#NSS其他 [GUEST=TCGSS] 前幾日喺某討論區睇到個post 內容係講女校女仔嘅通病 真係好有共鳴 其中一part最認同嘅就係講女校女仔好容易鍾意一個人 的確 女校入面有一半人都好似未見過男仔咁 特別係f1-f3 有好多真係好主動識男仔 佢哋唔係淨係鍾意靚仔 基本上女校啲人一定有討論過附近學校啲男仔 只要你個樣正常 身高唔算矮 大部分女校女仔都會睇得上你 女校女仔比較少機會接觸男仔 而且渴望愛情 所以先會咁 佢哋喺網上同男仔傾計可能好多嘢講 但喺現實就唔敢同男仔講嘢 以上只係我觀察身邊同學得出嘅結果 純屬分享同感受 小妹文筆比較差 sorry for