—類投稿

#NSS學校 [GUEST] 標題：中三選科 小妹今年中三 依家覺得前路一片迷惘唔知點算 自己只係讀band2頭既中學 而我成績唔可以話好差 但真係唔係好突出 理科唔得 英文都唔算好 尤其係grammar真的唔掂…極需要人協助 我既興趣係文科 我鍾意中史 覺得有種奇妙嘅牽絆 但個個都話讀文科冇出路 我真係唔知點算 我既哥哥係過來人 佢用佢自己經驗同我講我可以揀中史 但同時要揀啲同商科有關 例如bafs 但講真其實我一啲興趣都冇 我知道讀自己冇興趣既科會好辛苦 但只選文科好似又真係有啲冒險。 你哋會揀科會選擇自己鍾意但出路少 定冇乜興趣但有好多出路既科？

#NSS愛情 [QESOSASS] 話說小弟今年F3,我由F1下學期開始就鐘意一個女同學,去到F2上學期有人見我成個望著個女同學,就知我鐘意佢,於是呢個消息傳到好多同學都知,我一直想開口同佢講嘢先(並唔係表白),但我冇勇氣,我應該點做,我係唔係應該大膽d開口同佢講嘢

#NSS學校 [師生戀？] 話說我F5 因為某啲原因 我留咗兩年級 係上年嘅時候我男朋友出嚟教書 我識咗佢至少五年，咁好彩佢入咗我間學校做埋我班主任(冇人知我同佢咩關係 但係琴晚佢做咗啲野搞到我嬲咗佢 今日上第二堂係佢課 但係我唔想見到佢 所以瞓。跟住佢叫我出班房門口 講咗啲嘢。有個主任過嚟問咩事，之後佢話我唔尊重老師 我即刻黑晒面 個主任叫咗我寫口供紙 我返到課室係到喊 佢就話叫我D閨蜜安慰我 到底而家點好

#NSS個人 [GUEST] 我表達能力唔太好 有啲亂勿怪 成日見到評論區啲人成日都話 原來一個人都可以盡興 其實你哋有冇諗過 每個人都希望有人陪 就算一個都好 嗰啲人可能係因為以前經歷咗啲事 唔敢再去識人 唔敢面對社會 佢哋只不過係時間耐咗 習慣咗嗰種孤獨嘅感覺 所以先會產生一種一個人都幾開心嘅假象 每個人都係需要陪伴 關心嘅 希望大家唔好將呢個term攞嚟當玩笑 最後多謝大家睇到呢度！

#NSS學校 [灣仔區band 1 中學] 有冇人知灣仔區女官校 國旗 區旗 發生咩事 今日見到有人 po 但係唔知發生咩事

#NSS愛情 [GUEST] 小弟今次第一次投稿 sor for 1999 我知道你一直有fol呢個page 所以想將我一直唔敢同你講既野講出黎 識左你都6年啦 時間過得好快好快 然後我真係好鍾意好鍾意你 知道你一直都好內向 冇乜朋友 好靜 識左你之後覺得你真係好溫柔 相處得好舒服 就算你係班上面最邊緣 我都可以係角落到搵到你 每次聽到你講既：唔緊要啦 你好好啊 聽到個下真係好想喊 個心好暖 直到從你把口得知你屋企既情況 比屋企人一直束縛住 比屋企人軟禁

#NSS學業 [GUEST] 小弟而家F3，讀緊band 1A-B嘅學校，全級130人排大約15到，自小對建築同設計好有興趣，不過對視藝就麻麻，唔會好鍾意。鍾意數理科同econ，小學中文數學科比較出色，但係而家成績同其他科都差唔多。 我希望大學可以讀到architecture或者surveying，知道呢兩科都幾高要求，先唔講第時入唔入到，但係我都想問下啲讀呢兩科嘅人，DSE選科應該揀邊幾科？個人比較想喺phy chem bio geog econ入面揀三個，但係邊啲科會比較幫到我入大學？或者有冇網站可以比啲唔同大學嘅課程入面唔同科目嘅入學門檻同佔比？ 多謝🙏

#NSS學校 [HKBUAS] 老師為咗我哋好啲背十二篇 就叫咗同學錄低十二篇,俾我哋loop住聽去背 目前就只係錄咗論語 老師聽完之後就問我可唔可以整個Rap版 咁我又覺得幾有趣,就噏頭話ok 雖然噏左頭,但係我完全冇頭緒 所以喺度問吓各位,有冇任何推薦嘅歌/如何切割歌詞,集思廣益下🙇🏻‍♂️

#NSS愛情 [GUEST] 是咁的，小妹今年f5，讀緊女校，覺得自己嘅性取向就應該係異性戀嘅。 事情要從f4講起，因為疫情導致面授課好少，但係喺班裏面我都識咗新朋友，以下稱佢為A。除咗A，仲有一個由f2玩到宜家嘅女仔，以下稱佢為B。f4升f5嘅暑假我哋三個成日玩埋一齊，f5開學之後我哋三個同班，關係變得更加密切。 兩位朋友都好大方咁同我講佢哋嘅性取向，A係les，B係bi，而佢哋兩個而家鍾意嘅人都係女仔。一開始我冇為意，但係喺前幾日，B趁A唔喺度嘅時候，同我講其實A鍾意嘅女仔係我，我嗰下好驚愕，唔知比咩反應。我自認對A淨係有友情嘅鍾意，但愛情方面完全無感。 宜家A應該仲唔知道我知道佢鍾意我，但係我唔知點樣繼續同佢相處，我係唔係應該直接拒絕佢呢？定係扮乜都唔知，繼續好似之前咁相處？希望各位巴絲們可以比啲意見我，唔該晒！ (admin plz post ig thankqqq

#NSS社會 [Guest] 我好奇大家平時食嘢之前，不論黃藍店都好，大家會掃安心出行、填紙（or 做google form)定直接入去