#NSS愛情 [GUEST] 是咁的 小弟有個煩惱，希望各位大大可以幫下手🥲 我個女朋友有個好好嘅朋友（係女仔嚟 唔係bi/les）（下稱A），但A啱啱喺上年轉咗校，唔再同我女朋友讀同一間學校。 我女朋友因為咁一直都勁唔開心，好掛住A，甚至成日都會因為A而喊。佢成日都同我提起A，話A對佢嚟講好重要，成日喺story提及佢，話好掛住A。 但係就因為咁，我會因為咁而呷A嘅醋。覺得自己女朋友好似俾佢搶咁，成日會因為佢咁樣講A而唔開心。但係明明佢掛住A好正常，我就因為咁而唔開心，搞到我好似好小氣咁。究竟係我問題定點？唔該大家幫幫小弟🥲🙇🏻♂️ – btw唔該admin可唔可以俾我po ig🥲 辛苦晒🙇🏻♂️🙇🏻♂️
#NSS愛情 [GUEST] 小妹中五，有個阿哥，阿哥就25歲，咁由於我bio+chem就比較差，阿哥已經放棄咗教我🥲於是佢就搵咗個frd嚟教我 佢個frd就28歲嘅，做老師，咁佢都肯抽時間教我，咁我成績都明顯地好大進步 Okay入返正題🥲近排上佢屋企補習，我唔知點解我係異常地開心，明明已經夠鐘走人，我仲唔想走，我好想留喺度見佢qq，同埋佢性格好暖男，都幾靚仔！數學又好，又識彈琴🥺有日補到晏晝兩點，佢話：唔好餓親肚仔 陣間落去一齊食嘢><哩句令到我對佢好感上升好多🤤 佢之前仲問我有冇男朋友，有冇拍拖之類，我答冇 雖然唔知問嚟做咩，但我已經FF好多野qq… 據我所知佢冇女朋友，同埋我哋只係差12年，唔知有冇機會呢🥲
#NSS個人 [GUEST] 希望admin揀中🙇🏻♀️🙇🏻♀️ 小妹今年16 小學到f3都係讀女校 好少同男仔相處😅f3中段轉左去國際學校 讀左兩年發覺自己一個男性朋友都冇(全部都係hi bye friend 只係單純知道對方叫咩名)唔係好識同男仔相處🤧 試過傾到一兩句 但係真係只限於此 開始覺得咁落去唔係辦法😓 身邊只有女性朋友好似唔係好平衡 但係當想嘗試同啲男仔傾計 又唔知講咩 就算本來已經有話題 都好快俾我搞到冇嘢講……🥲 想請問下可以點樣同男仔打開話題 同埋男仔會覺得點樣嘅女仔會容易啲相處🙇🏻♀️(利申只係想識多啲唔同嘅朋友) 第一次投稿 sorry for 1999 and
#NSS社會 [guest] 今日我放學嘅時候搭輕鐵（ps.我係屯門牛🐮） 係輕鐵有一個男仔係到圍住支扶手柱轉 目測應該係小一二 而佢工人姐姐就係隔離坐係到玩手機 當時車裏面得番幾個人（因為差兩個站就到終點站） 而個嗰男仔又冇嘈到人 於是都冇人出聲話佢 然後就有一個五十幾歲嘅女人上咗輕鐵 佢一上車就黑口黑面咁 佢本身係車頭上車 個男仔喺車尾 佢見到個男仔玩緊就特登走埋嚟車尾 篤住佢額頭講晒粗口鬧佢 話佢冇家教，係車上面玩影響其他人 話佢再玩就打電話去佢間學校投訴佢 個男仔嚇到即刻郁都唔郁，粒聲唔出 佢工人姐姐又好似唔係好聽得明佢講乜咁 結果係下個站就拉埋個就嚟喊嘅男仔急急腳就落車 其實我覺得使唔使做到咁盡呢？ 個男仔咁細，車上面又冇乜人 使唔使搞到要有肢體接觸同不斷問候人地老母？ 個人認為嗰個女人真係做多咗👻
#NSS學校 [Guest ] Admin pls po thx🙏🏻 *長文慎入* 係咁嘅，小妹今年f1，學校嚟咗啲新老師，其中一個就做咗我哋班主任 (下稱A 話說有一日呀A就突然發脾氣，一入到課室就好大力關門，之後用一啲好惡嘅語氣教書，仲將啲嘢好大力咁丟喺張枱度 佢以前係好溫柔完全唔敢鬧人，連冇交功課都只係話聽日記住交返。 俾A抽中咗答問題嗰啲同學，答咗三次，A都話聽唔到(但係全班都聽到)，就咁樣俾A鬧 A就用英文講：我完全聽唔到，唔好浪費我啲時間！ 就算答啱條問題都俾A鬧😥 但係唔知點解隔離班嗰啲人話佢完全冇鬧過佢哋仲對佢哋好溫柔 而家唔知點解無啦啦佢變得咁惡，佢已經發咗兩日脾氣 唔知點算好，大家覺得點😰
#NSS愛情 [GUEST] 各位，我就嚟畢業啦。估唔到時間咁快，我有啲嘢想同各位講。 唸返起中一嗰陣時，曾經講過「上到中學一定要拍拖」。究竟係樣子問題定係能力問題？ 留言一定有人話我「唔好為拍拖而拍拖」 我要澄清下，每個人嘅對愛情嘅見解都有自己一套理論，我唔希望有人批評。 有幾多晚，你會時時刻刻覺得寂寞丶覺得凍？我想去愛同時間被愛，我希望有一個人我想守護。 我試過改變自己，例如：減肥所以做運動節食丶皮膚唔好所以搽藥膏敷面膜丶冇個人興趣所以多嘗試新嘢丶少講嘢所以多咗同人傾偈。 我試過喺ig度或者喺交友app度嘗試下。dm佢哋傾下偈，不過去到show相嗰part就即刻block咗我。 我突然唸起一句說話： 「宵夜都咁多選擇啦，何況係男朋友」 ～重慶森林。 人哋大把選擇，點解要揀我。 我差唔多到畢業嗰時都仲未有，應該係我一生中最大嘅污點同遺憾，我覺得好羞恥，我已經放棄想得到愛情，我呢世唔會拍拖，我已經做好咗一世「魔法師」慨覺悟。自己無條件，追求愛情非常浪費時間，我依家淨係專注我要做嘅事情上。 以下係我想同「未試過」的人講嘅說話： 生得靚生得樣衰，無話公唔公平，因為每個人都冇得揀，唔好仇視比你好嘅人。 人生有好多嘢，都係靠自己。就算開心、唔開心，都係同自己分享。有問題嘅時候，由自己承擔。因為冇人會陪你走到最後，自己嘅路自己行。唔好為愛情煩惱，放低佢，將時間專注在「自己想做」嘅事情裏面。 我嘅忠告： 「太渴望得到愛情，係非常危險」 「當你以為佢對你有好感嗰時，其實佢只係想從你身上得到利益」 「被人笑或者睇低嗰陣，唔好理佢哋」