#NSS個人 [GUEST] 其實宜家有禮貌對人仲有冇用？ 咁我平時埋單 叫嘢食都會講句唔該 都好閒姐 大家互相尊重 但我樓下間七仔啲收銀真係好乞人憎 我以為會係我尊重你 你都會尊重返我 但點都會有人鐘意人鬧佢 有次朝早趕返學就去七仔想買個飯團叮熱佢食 點知兩架微波爐都冇開總制 本身我已經買完單 我就走返去排多次 想叫人幫我開一下 因為我朝早食凍野會嘔 我排隊之前有問另外一個唔係收緊銀嘅員工可唔可以幫我開一下微波爐 但佢好串咁答我：我唔識開微波爐㗎喎 （喎係高音嗰隻）咁等到排到我 我又好有禮貌咁問唔該可唔可以幫我開一個微波爐？咁佢問我係咪要叮嘢 我就話係 咁本身已經冇問題 但個收銀特登經過啱啱串我嗰個員工 話我麻煩…..但佢開完微波爐我都有講多次唔該
#NSS愛情 [GUEST] 是咁的, 小弟上年打機識左個女仔frd, 果陣第一下聽到佢把聲已經比佢吸引左, 勁好聽(￣▽￣)~* 之後我地成日一齊打機仲日日傾計, 越黎越鍾意佢。後來我地成班打機frd約左出黎玩, 佢真人好靚好得意, 跟住走果陣有個男仔喺我地面前同佢表白 但係佢拒絕左, 話暫時唔想拍拖住, 自此之後我就唔夠膽表白… 跟住今年小弟去左外國讀書, 時差唔一樣, 少左好多同佢玩(TдT), 佢亦識左好多新朋好受歡迎, 但係我地依然keep住聯絡, 佢又會關心下我, 肯聽我講廢話, 我數學唔識佢又會教我, 每次聽到佢錄音教我都會心動一次(*´∀`)~❤️ 有時無聊掛住佢就會聽下佢把聲 之後就會有好大動力做野(๑•̀ω•́)ノ 多謝佢,
#NSS學校 [guest] admin pls post ig🙏🏻 我有個識咗七年嘅frd（下稱R) 而佢爆咗我哋班grp+close frd grp conversation 俾我哋班主任 其實封email係上年12月寫，R 呢封email主要係同我哋班主任講我係班grp同埋公眾場合爆粗+話我屈佢，佢同我哋班主任話，見到我wts name咗佢「成日跌親同埋爆粗口嘅R」我係因為同佢close所以先咁寫，我亦都淨係會改close friend花名，佢就同我班主任講，話佢唔係成日爆粗口（其實佢有），又喺度話我係巴士上面着住校服爆粗口，佢驚我影響學校聲譽，認真嗰陣時巴士上面，係得我哋啲師姐同埋同學，最當咪一個巴士司機。 佢仲要send我哋班group WhatsApp傾偈嗰啲內容，大部份都係關於我爆粗口埋怨下學校（認真好正常）呢樣嘢（e.g.:屌、仆街、wtf)認真我又唔係爆粗口鬧佢，佢點解要同班主任講？ 封email最尾仲要寫住 驚我向佢報仇，叫我班主任唔好爆係佢講出嚟，問題係第二日班主任都淨係叫我哋盡量唔好喺班grp爆粗口,從來都冇搵過我鬧（認真我覺得係我班主任見到我同R好熟，知道係R出賣左我先至唔鬧） 之後喺21年六月，我請咗三個同學（包括R）一齊去迪士尼玩慶祝我生日（下稱T,A)，本身其實諗住約第二個去，不過見到我同R只係爭三日,咁就諗住請埋佢去（嗰陣時完全唔知有呢封email），再加上佢未去過迪士尼，成日流流長，T請晒我哋所有人食lunch，T、A兩個夾錢送咗個鎖匙扣俾我做生日禮物，而R，佢完全冇俾個錢，就算係我生日嗰日，佢都冇同我講聲Happy birthday，但係調返轉，喺佢生日嗰日，我喺佢一入課室嗰陣， 就大大聲咁同佢講生日快樂。 其實唔係個個人都要同我講Happy birthday，但係我請埋你去迪士尼，正常應該送返份禮物或者講句Happy
#NSS學校 [GUEST] [認真]點樣安全補充咖啡因（5 hour energy） 我14歲，女，form 3，唔想咁快死住 – 最近手痕買咗支5 hour energy（第一次買，啱啱先留意到我買咗extra strength） 但係上網check到有人飲完死咗，少驚，始終冇飲開能量飲品。 支野有around 60mL，開封3日就要揼咗佢/飲哂佢，但支野好貴。（都唔知點解會買得落手😂）上面寫每日份量不可多於兩支。 背景資料： 我最近上堂係咁瞌眼瞓，第1-2堂好冇精神，有食早餐，11點瞓，試過10點瞓，但頭兩堂都係冇精神，所以上堂要不斷飲水，平時返學會帶兩支500mL純水 如果早返到學校再由3樓衝上5樓再衝返落嚟（即係行得快嘅意思） 重複幾個圈，上堂就會超精神，不過隻腳會痛，始終係着黑鞋。提早返學仲會唔夠時間食早餐，淨係食到大約五分一個 – 如果我將佢分成6份，每份10mL，溝落水樽度，每個水樽一份，用啲水嚟稀釋佢，飲嗰日唔好一次過飲咁多水，會唔會可以降低風險？ 求建議😭 sor for 1999
#NSS學校 [某英中] 一段友誼只有我一個人努力去維繫，即使我幾真心，換來嘅只係漠視。 小妹今年F3，有一個由小學到中學都同校嘅bff。 自問我對佢都好真心，而我一直都以為佢都真心對我。 以下你哋睇到我寫嘅嘢，可能會覺得好小事，但都因為日積月累嘅小事，先令我察覺到佢唔係真心對我，完全冇一個bff嘅特徵。 我漸漸發現佢對我係忽冷忽熱 。一直以來只有我扶持同安慰佢，佢唔開心嘅時候，我第一下反應係想令佢開心啲，努力安慰佢，但我唔開心嘅時候，佢淨係好curt咁覆我。識咗佢咁多年，我記得佢好似一句鼓勵說話都冇同我講過，真心嘅祝福同讚賞都冇，都係得我講同佢講支持嘅說話，喺其他人嘅面前會讚佢。 喺學校， 我成日都想同佢一齊玩同傾計，但佢就係同其他frd一齊玩(佢哋都係我嘅frd)，傾得勁開心，每次都係我自己走去融入佢哋，問佢哋傾乜嘢， 有搞笑/八掛嘢第一時間係同其他frd分享，每次都係我自己去問佢，佢先同我講發生過咩事，同時間我都好hurt (我勁易呷醋)。好多時要排隊落禮堂或者上體育堂，佢都係自己同其他frd走先，唔會等埋我。有時我哋兩個人一齊嘅時候，我無拘無束咁同佢講好多嘢，但有時佢都冇咩點答我， 淨係「嗯」一個字，唔會好似同其他人咁咁癲。平時ig有特別嘅post，佢都唔會send俾我同我share，只有我會send俾佢同佢share。 喺學業方面，佢勁鍾意同人比較分數(好著重名利？)，尤其係驚我考好過佢，凡係對佢成績有利嘅嘢都唔會益人，每次派卷都一定周圍問人考幾多分，又試過攞我同其他frd張成績表同佢比較，如果人哋考好過佢，佢又會好唔甘心。好朋友之間唔係應該互相鼓勵對方要努力架咩？其實好奇人哋考幾多分冇咩問題，但bff之間一味只驚你考好過佢，過於計較大家嘅成績，呢樣嘢我真係頂唔順，勁反感。但我忍，因為佢係我bff。 佢成日話我係佢bff，講好愛我嗰啲肉麻說話，但佢一時同呢個玩一時又同嗰個玩，極少單獨約過我，好多時同我地圈子班frd去食飯又唔約我去，唔知佢想點。如果佢真係有當我係bff，就冇咩問題啦。但我feel唔到，我只係feel到我努力咁maintain緊呢段友誼，好想佢理下我！ 我有諗過係咪我唔夠真心，佢先咁對我，但諗深啲真係唔關我事。 我知道一段友誼得一個人去maintain係係冇可能發展落去，但我唔捨得失去佢，因為我真心當佢係我好姐妹， 咁多人之中，只有佢一個係大家一齊有dead air都完全唔kam。加上失去佢，我就真係冇bff，得返普通/ hi bye frd，佢哋已經有固定嘅圈子，平日我哋都較少傾計。 最近我喺學校少咗搵佢傾計，而我發現到我唔去搵佢，佢都唔會主動嚟搵我。 我哋喺手機都少咗傾計， 之前問佢嘢佢都已讀不回。