#NSS個人 [Guest] 小妹中五，有啲嘢想問下你地… 班上面有個男仔同我熟咗之後就做啲曖昧嘅行為，成日摸我個頭又成日整我, WhatsApp 問佢嘢又秒回，之後啲frd問我嗰個男仔係咪鍾意我，我話我點知，但佢地話好明顯係鐘意我啦，之後呢唔知點解我個frd痴咗線大大聲問我係咪鐘意咗嗰個男仔，我話冇呀痴線！因為個男仔其實喺我後面，真係好尷尬，之後其他人同返我講話當我個frd大大聲問我係咪鐘意佢嗰陣時，個男仔笑得好開心，所以佢地又開始話個男仔係鐘意我… 之後呢都冇嘢嘅，佢依舊都成日整我，成日摸我個頭，但唔知點解過多咗幾日佢開始疏遠我，面對面問佢嘢嘅時候佢好似好唔耐煩咁，平時上堂係同我一齊坐，但佢呢幾日開始唔同我坐，搵個人隔開我地兩個，WhatsApp 又唔係點覆我，又開始唔整我，我完全唔知發生咩事，有冇人話可以俾我知個男仔其實係想點？我可以點做？
#NSS個人 [GUEST] admin請 po ig 唔該！ 小妺有野想問下 有個男仔日日都同我傾偈，我地今年開始ok熟敢la，佢大我幾年，我地日日傾參唔多成兩個月，就算講到冇野好講佢都死要搵d野講，早晨晚安日日都講，佢而家仲要唔知係咪同我講得野多，學足我send 野既style 同emoji，最好笑佢又唔知咩料做乜都同我報到敢，行開多一陣又即刻同我講求先做乜做物，仲講埋sorry添⋯咩料，明明我從來都唔會敢😅，問過其他人，佢對其他人亦唔係敢，而且佢又唔係成日好得閒，不過點都全日會keep 住同我講野， 所以究竟係咩事？請問有冇人有類似經驗？ 小妹第一次投稿 sorry for 1999
#NSS社會 [GUEST] 大家好,小妹想講下一啲關於LGBTQ+ community嘅嘢: 想講下gender expression(性別表達); 意思係無論本身嗰個人係咩性別,同佢嘅外觀表達係冇關係,亦唔會影響本身嘅性別認同。例如有個人,佢有短頭髮,鐘意着褲/比較masculine嘅衣着,但係佢係個女仔。我覺得香港呢個社會上真係太多性別定型, 仲係覺得男仔係要陽剛,女仔係要陰柔,其實唔一定。男仔都可以着裙,女仔都可以着西裝。 小妹仲想講講性別認同(gender identity); 其實除咗男女兩性以外仲有trans men(跨男), trans women(跨女), non-binary(非二元性別), intersex(變性人), genderfluid(性別流動),應該仲有好多好多我未數齊。我自己認為其實好多人都唔知其實係有咁多唔同嘅性別認同,仲會歧視同嘲笑,所以我投稿主要嘅目的係希望大家可以知道更多關於呢個課題嘅知識。 最後想討論下pronouns呢一樣嘢; pronouns即係代名詞。香港人最日常用嘅pronouns有「佢」、「佢哋」,但係英文上就有差別。最多人用嘅有he、she、they。由於性別認同嘅關係,有人嘅pronouns會同佢本身嘅生理性別嘅唔同。例如: 我嘅生理性別係男性,但係我嘅性別認同係trans women,咁我嘅pronouns就係she/her而唔係he/him。順帶一提,non-binary嘅人嘅pronouns 通常係they/them(唔一定), 雖然同平時學嘅grammar唔一樣, 但係用於呢度嘅時候就可以用they/them嚟refer to一個人(singular)。[如果想知道當時人嘅pronouns記得有禮貌咁問佢哋!]
#NSS其他 [GUEST] 最近發現咗個（都幾frnd?）同學鎅手 有個同學由開學到而家風雨不改日曬雨淋都會著住件褸重點係大熱天時上體育堂都著住件冷衫 到最近先知原來佢永遠都著件褸係因為想遮住鎅手嘅傷痕 我想知點樣先可以幫到佢 因為我曾經都試過同佢一樣有好大壓力同好唔開心嘅時候 但係因為怕痛先至冇做任何傷害自己嘅嘢 所以我好想幫佢渡過呢段時期 但係我又冇理由無啦啦走埋去同佢：講唔好鎅手呀 唔好傷害自己呀 有咩唔開心就搵人傾計啦 因為咁樣實在太奇怪 十足十社工啲宣傳 而且我知道當一個人好大壓力好唔開心嘅時候 講埋啲咁嘅嘢仲難聽過粗口 想問咁多位ching點樣先可以幫到佢 Thx🙏🏻
#NSS個人 [GUEST] 辛苦哂admin 處理我哋既投搞🙇🙇 是咁的。小妹今年f3，有個問題困擾咗我好耐。 我一直都唔擅長同異性有交往，每次有D男同學望著我、同我傾偈(正常交談係ok, 但暢談就會好驚) 或唔小心有D身體接觸，我都會好驚好驚，然後心跳不斷加速。最後，我就會對佢產生特別既情感，成日都有種我好似鐘意左佢既心情，然後開始在意佢，影響學習。唔知呢D係咪吊穚效應引發既生理歸因錯誤？所以我都好避忌同異性有接觸或做 friend 例如上星期，因為小組報告，識咗班入面既一個男仔(稱佢B) B份人好熱情，好鐘意同人傾偈。放學之後，我去搭MTR ，咁啱B又係東鐵綫，咁佢就搭我搏頭:「原來你都係搭呢條綫架」然後 B 就開始一輪嘴咁講嘢，講功課，講老師，講屯馬綫，講社會，總之佢乜都講。就如上面咁講，我真係應付唔到同男仔暢談，而且佢講既時候，可能喺車廂有D逼，所以靠得埋。令我超級驚，我好想保持距離，好想逃離現場，但奈何又唔得。最後個惡性循環又開始。 呢個問題一直俾咗壓力我，我唔想呢D野影響我既學業。而且當我要出社會工作既時候，必然會同異性接觸。我應點樣改善呢個問題？點樣可以同異性正常相處？ 表達欠佳，多謝大家睇到呢度，祝大家每天都美好! sor for 1999
#NSS其他 [藍田較有名的學校] 我係一名初中學生、亦都係一名急救員、某救護機構的少青團成員之一。我本身對醫學都好有興趣，夢想都係做救護員、醫生嗰類。報咗唔同機構嘅護理課程、急救… 原本只係喺學校入邊一啲校隊、旅行嗰陣時做下急救！有一次我去單車場踩單車，我見到好幾個小朋友整親，我當時叫場地職員拎急救箱來，入邊居然剩係得幾塊膠布… 咁大個急救箱剩係得幾塊膠布…正當我嘆氣嘅時候， 我就有去單車場做急救嘅諗法，於是我買齊裝備，於是我每星期六日，都去單車場做急救，嗰度啲職員、市民都好感謝我，因為減輕左佢哋好多嘅負擔、踩單車踩得更放心！直到有一次我親眼目睹一位人兄炒車，胸口下巴有擦傷、紅腫&瘀血，我怕有骨折，我便請求該名傷者去較人少的地方做檢查，我發現該名傷者呼吸速率較快，於是我同佢做一個身體檢查量度維生指數！指數已經出咗嚟，血含氧量較低，我見懷疑係氣胸。我決定量度更多指數，正當我量度更多指數嘅時候，突然有一位「主管」出咗嚟，佢問我點解要同佢做呢啲咁嘅所謂檢查！？我同佢解釋得好清楚，佢反而同我講如果你再做呢啲咁嘅嘢，我會報警並要求你離開呢個場地，我當時以為自己可能違反咗場地規例，我只好服從！後尾見傷者回復正常＆迫於「主管」嘅壓力便叫傷病者自行去睇醫生或回家休息。經過呢一次嘅事件之後有陣時我都喺度諗：其實佢後尾點啊？會唔會因為我放佢走嘅呢個決定而造成左更嚴重嘅傷害呢？… 同時發現咗另外一個問題：我發現咗自從我去咗做急救之後就變得好窮,食飯都食平啲!只為再去買更多嘅器材用品，同時屋企人較反對：點解要用自己啲錢去幫一啲陌生人呢？呢個時候我已經有啲啲想放棄，因為都幾大壓力&搞到自己都幾窮。所以我想問大家我應唔應該繼續落去呢？希望大家俾啲意見！PS：我只係一個急救員，如果我有講錯或者做錯嘅地方歡迎大家指證我，我會努力改善！