—類投稿

#NSS學校 [Guest] *長文慎入*⚠️ 話說係今年1月，我就同我個frd (簡稱B)係自修室識左個男仔，本身只係諗住識個朋友，點知嗰個男仔就誤會咗，以為我地鍾意佢。 _ 由呢度開始件事就好尷尬，首先我對佢冇feel，第二就係佢下年要考DSE，我係咁諗過同佢發展落去，費事對佢嘅未來有啲咩唔好嘅影響。 _ 我由一開始就講咗我淨係同佢做friend，同佢傾咗兩三日計之後發覺我同佢真係好唔夾，咁所以我就做咗一個好錯嘅決定，我咩都冇講就block咗佢，咁佢嗰一日放學我即刻見到就打咗俾我，咁我梗係嚇親啦，我就同佢解釋返，係真係好清楚嘅嗰種解釋，咁佢本身都話OK嘅。 但係由第二日起佢就一直同B傾偈，但B對佢有冇感覺，但係又唔識拒絕，咁所以佢哋兩個就莫名其妙咁樣變咗一個friend（？咁之後自修室閂門，就冇去到啦。 _ 但就係琴日凌晨12點嘅時候佢無啦啦打咗俾我，係用佢唔知第幾個電話號碼打咗俾我，咁我梗係嚇親啦，過咗咁多個月我以為呢件事已經過去咗，點知原來佢誤會咗我喺B，就一直喺度話可唔可以同佢聯絡，咁我哋兩個就互相誤會咗對方啦，就鬧交鬧咗勁耐，佢又話咩要舉報我哋學校（something like that)咁我當下梗係驚㗎啦，就冇問清楚佢。 雖然我哋結果係有講清楚原來誤會左對方，但係佢又話要繼續同我做friend，咁我就應承佢可以喺圖書館同佢傾偈。 _ 但係問題就嚟啦，我而家好驚佢又無理啦間咁樣又喺度搵我同B，但我又唔知點樣同佢講我唔想同佢聯絡，(係同佢溝通嘅過程中都知道佢係唔會聽人講嘢)搞到而家好困擾⋯⋯ 🙇🏻‍♀️唔知大家有冇啲咩方法可以提議吓（？ Thx for 1999 （拜託各位屌細力啲🙇🏻‍♀️)

#NSS愛情 [Guest] I like someone but he seems gay?? (我係女仔) He=A 一開始因為以前成日話自己同某男性XX(fake)佢 所以比人打 我唔知發生咩事所以幫咗A 久而久之,我哋之後成日傾偈 我鐘意咗佢(我好易動情) 但係,佢好似係gay 救命呀 似家每日每夜都想佢 救命救命 有冇人可以同我講我應該追佢定放棄:(

#NSS其他 [dbs] 發現自己有時候傻傻地，好似未瞓醒咁， 有一日諗住煮嘢食，要攞一隻碗嚟打蛋，唔知點解自己就開始喺度發呆，攞咗五隻碗放喺面前，之後先發現自己傻咗， 又有一次係食飯之前，本來諗住去廁所洗手，無啦啦開始喺度刷牙，刷完牙之後都唔知道，直到食嘢嘅時候發現口有一浸牙膏味，先突然諗起自己啱啱喺度刷牙， 有一次想整綠茶，其實我日日都會整綠茶，加咗粉之後要加熱水，嗰日我加咗凍水，自己都唔知，一直喺度諗緊點解啲粉唔融，仲一直諗緊自己係加咗熱水，仲諗住包綠茶過咗期，諗住扔包綠茶嘅時候，先發現自己用咗凍水 唔知有冇人都同我一樣?奇奇怪怪

#NSS個人 [GUEST] 小弟係身高165 嘅小矮人，已經好耐冇高過。面對高過自己嘅人，尤其係異性，成日感到自卑。 當我意識到冇得再高嘅時候，我心諗我冇身高啫，但係我仲有其他地方可以進步。於是我開始增值自己，開始做gym、減肥、打波、保養皮膚、整理髮型、學影相，唔再係淨係識得打機嘅小毒毒。但依然覺得冇自信。 於是朋友推薦我玩ig 交友page ，佢話識下朋友可以提升自信喎，咁我自問樣生得都ok 咪試吓囉。但係佢又再次提醒我身高嘅重要性。 咁我就開始咗喺交友page開post識人，分數都有7.5-8.5，都識到幾多異性。一開始傾偈都傾得好好，但係當佢哋知道我嘅身高，佢哋就開始唔主動搵我、hea 覆、已讀不回。 我想問吓各位女仔，其實你哋點睇矮嘅男仔？冇魅力？俾唔到安全感？有冇比身高更重要嘅嘢？ Admin pls post ig 🙏🙏🙏

#NSS個人 [［GUEST]] 有冇人同小妹一樣因為疫情長期喺屋企而肥咗好多呢？ 小妹身高大概168-170， 由1月最輕54kg升到而家61kg，成個人望落去好腫，好想瘦啲着衫好睇啲，所以打算減肥，用咩方法可以瘦到？ 之前返學試過用168或者204間歇性斷食，再加上嗰陣每日有做下HIIT同跑步，每日淨係限住自己食1200-1500卡，瘦咗好多，但係返學成日冇精神，個人好易攰，感覺好唔健康。

#NSS個人 [HLC] 我個best friend 最近比佢個friend背叛咗。我地就叫個位背叛者做B。 我唔清楚B同我個friend之間發生咗咩事，但係B都唔應該不斷係自己學校嘅ig secret page 度鬧我個friend同我個friend D朋友八婆同Bitch（當然都包括我）。仲有，你古個個人都做到我個friend嘅閨蜜啊？你曾經做到佢嘅閨蜜，肯定係你前幾百世都做咗好事啊！仲要話我個friend唔理人扮清高？我由小學識佢，佢不嬲都係唔鍾意同D唔熟嘅人講野ga la!何況係你呢D佢曾經真心對待過，但係又背叛佢嘅人？你自己叫我個friend返到學校都要同你扮friend，你仲要返轉頭話係我個friend叫你同佢扮friend?我都唔明點解佢要為你呢D小人傷心！在此誠心祝福你惡人有惡報！ 圖Link: https://drive.google.com/file/d/1ahz5aEavJa4arg-0UsFmBht_RtioMvPr/view?usp=drivesdk

#NSS愛情 [Guest ] 好唔想承認對方已經係我個ex。 小妹今年F3，幾個月前係網上識左一個男仔。因為傾得好埋同埋好多共同點，好快就一齊左 一齊嘅嗰段時光雖然因為彼此確診而無法見面，但係仍然好開心好幸福，好想真係有一日可以f2f陪到對方 但係後來有一日我同佢call個陣俾我阿媽聽到我講粗口 同少少黃色笑話咁 我阿媽本身又係好傳統個啲 佢覺得我咁樣同人傾計係放蕩，不守婦道 一邊喊一邊講自己有幾自責冇將我教好 一邊話要打俾個男仔鬧佢etc 我承認講粗口係我唔啱在先 但係洗唔洗咁… 我唔想連累到對方就提左分手 其實真係好唔想咁樣 好自責 點解自己乜都做唔好 又成日連累身邊嘅人 同時覺得自己好對唔住阿媽 覺得自己好噁心 但係又同時好唔捨得個男仔 依然好愛好鍾意佢 真係好難得搵到一個真正錫我 愛我

#NSS文化 [GUEST] 我係#NSS220418C 嘅樓主，對於我之前一d唔尊重嘅言語同稱呼，我講返聲sorry，可能之前講得唔清楚，咁我都想補充返一d嘢。希望基督教既人可以認真睇下。😊（事先聲明我只係唔鍾意我教會d人，並冇憎呢個宗教。 冇可否認有d教會係好好，聽過有d教會甚至會到自己社區派飯等。講真呢d教會我自己我都好欣賞。但都有一d真係唔係有部份基督徒想像中咁好，可能有一部份人都有發生過我經歷緊嘅嘢。 而我好大機會都會離開我個間教會，原因係我唔想成為一個「偽信徒」，以我對聖經認知，我如果成為一個僞信徒嘅罪名大過唔信好多。希望信基督教嘅每一位都明白。 我明白每一個宗教都有自己嘅困難，唔會十全十美。但係相信好多人都會發現基督教係比人「討論」得最多，其實唔係冇原因。好多信徒會用「自以為正確」嘅方式去傳教。希望信徒都明白正確去傳福音嘅方法係要實踐聖經所帶出嚟嘅道理同埋做好自己去到感化其他人。唔好好似人地口中所講嘅「耶L」，一直淨係將耶蘇掛係口邊，但d行為就背道而馳。 雖然我唔知係咪真係有耶蘇存在，但我都欣賞聖經一d金句 1.愛是不加害與人的，所以愛就完全了律法。（羅馬書13:10) 2.凡你們所做的都要憑愛心而做。（林前16:14） 3.恨能挑啟爭端；愛能遮掩一切過錯。（箴言10:12） 無論睇緊我呢篇文章嘅你有冇信教，都希望將「愛」實踐。香港呢幾年經歷左咁多嘢，呢個地方真係好需要「愛」🥲🥲。希望信徒都以「愛人如己」方法去做好自己，改變基督教形象。我都好希望可以見到基督教有良好嘅改變。😊😊 最後祝大家係亂世下平安！！ Thx admin post 出嚟解決我嘅問題🙏🏻🙏🏻

#NSS愛情 [Guest] 小妹今年f.3 la,咁係學校識咗個男仔 之前同佢&frd 有出去玩過，我覺得佢好nice所以就開始係ig同佢傾計咁。 之後佢就同我表咗白，我哋就一齊左。不過我哋係學校相處都係好尷尬，大部分都係ig 傾計，基本上係學校只係講過一兩句嘢。咁我哋一齊咗呢件事佢叫我唔好公開，只可以同比較熟嘅frd講。我雖然有啲不解但都照做咗。 咁我有個frd la，簡稱C,,佢就知道我哋一齊咗嘅，但係出奇地佢唔係特別支持 但係佢係嗰啲好鐘意食花生講好多野嘅嗰啲人 咁個時我冇乜特別在意呢樣野嘅，到後未。。 佢係ig同我講分手啦，話我哋冇乜共同話題，但係其實係有好多囉🤣 不過我就話ok la, 祝你遇到更好嗰啲嘢 我以為我唔係特別在意呢啲嘢，但係一打完字就喊咗 到第二日，我返到學校，C同我講話佢有咗新女朋友，我嗰下呆咗，問佢點知，原來佢新女朋友係C嘅frd,佢哋係同我分手之後30分鐘就係同人表咗白。。。個新女朋友仲要係我哋级好多人識嘅一個人，不過份人好bitch,好鐘意係背後話人嘅一個人。咁佢係知我哋一齊咗但都接受左佢。我終於明白點解佢唔公開，可能佢覺得唔想人哋話佢渣男？ 我唔知係我做錯啲咩，同埋先分手完30 分鐘就同另外一個人表白係咪正常？🫤🫤

#NSS個人 [GUEST] 中學三年，不過乜朋友都冇 小弟今年中三，有一個問題，大家都知，係2020年開始，因為有肺炎所以就成日停課，冇得返學，所以基本上冇乜時間識其他人。 2019年中一開學嗰陣，就係因為社會事件，如果想識人，就一定要係課室唱願榮光先會有人理你（唔好問我點解）不過我就開學下一日先背到，嗰陣時大部份人已經搵到friend，不過我仲未搵到一個… 不過我就覺得，個開頭衰咗，仲有一年時間比我識人。可能我慢熱啲，到12月就快考試先有第一個friend。我覺得之後仲有機會嘅！ 不過之後就開始疫情，全港停課，我又唔識潮流野，又冇ig（我當時唔知ig係乜）所以6月返返學就見到基本上全班已經好熟，除咗我。7月有日上堂，有同學問我係邊個，係咪新同學。我直接呆咗，大佬，我吔同班咗就快一年啦，竟然唔識我？ 冇錯，我係比人無視咗，甚至連自己班嘅WhatsApp group都唔記得加我（因為WhatsApp group係1月宣布停課嗰日先開，不過我到2020年暑假先知） 中一就失敗左啦，我就希望中二可以識到朋友。不過好唔好彩，中二係10月先可以第一次返學校見新同學，不過佢哋已經係ig傾到好熟，所以就冇人理我。於是我就走去開ig，睇吓可唔可以同啲同學傾下偈。 唔知個天係咪玩我，我開咗ig兩個禮拜，就因為有半班同學上堂自拍post相上ig，然後又比老師發現。之後有一個同學竟然話我係二五仔同老師講。吓，我同你都唔熟，做乜老屈我？我仲要係未follow哂全班嘅ig喎，點出賣你地呀？不過當然冇人信我，之後我ig同WhatsApp就比大半班同學block咗，大部分仲要係冇講過野添。我係令人識我，不過佢哋係覺得我係壞人、二五仔。中一識嗰個同學都唔再理我，仲要block我添。之後佢哋自己開咗個冇我嘅班group，然後排擠我。 好快就中三，我希望有個全新嘅開始，但係中一同中二要friend嘅就friend咗，佢哋仲愈來愈close。而我就愈來愈邊懸。見到佢哋可以有十幾個朋友係暑假度一齊出街玩，而我就自己一個係屋企冇野做。我真係好羨慕佢哋呀。 聽日就復課，我只希望我初中可以識到一個朋友就好滿足，多謝。