#NSS個人 [聖帽輪] 我係一名中三14歲嘅學生 呢排有啲攰所以想寫下自己發洩吓 我阿媽係一個好暴躁又唔講道理嘅人 不過其實我已經習慣了 畢竟她從小開始已經打和罵我 每一次的反抗只會令事後有更悲慘的遭遇 不過最近發生了一些事情 我開始受不了 很累很累 學校又好愛情又好家庭又好 我發現好像從小到大也很少有順心的事情 學業方面 中三要選科了壓力開始大因為開始更多種類不同種類的科目 也許是很基礎簡單但學校有很多小測默書 愛情方面… 有一個我喜歡的女生和喜歡我的女生 最後選擇了喜歡我的女生但最近我選擇了分手 因為我發現我忘記不了我喜歡的女生 家庭方面是最主要的 老竇老母成日鬧交而且兩個都會又打又鬧 差別只係在於老竇喺鬧我同時會同我講錯喺邊 佢係人品上面係差啲但係人生經驗方面係真係豐富而且有一定嘅參考同埋幫助 而我老母…
#NSS學校 [Guest] 之前我哋學校整Music Festival 嗰日就要揀歌，老師就叫我哋投票 我一部份嘅friend係鏡粉，叫我頭俾One and All，之後老師又推薦咗好幾首歌俾我哋。聽咗之後，我自己覺得除咗one and all之外其他歌都幾好聽。去到投票時間，老師一講到one and all呢一個歌名，我同啲朋友即刻舉手。但係之後老師話我哋每個人有五個投票權，所以我順便頭埋比其他歌。結果one and all唔係最多票數嘅歌曲。啲friend喺度嬲我，話我冇投one and all。之後就同我絕交。我自己本身冇咩所謂嘅，起碼自己知道乜嘢係真朋友。 Sorry文筆太差/1999
#NSS家庭 [GUEST] 長文慎入 admin po ig thx 🙏🏻 小妹f2 近排屋企真係好亂，想上嚟發洩下 小妹同阿爸 阿媽 姑媽 嫲嫲同工人一齊住，屋企唔係好大400幾尺左右，個人覺得6個人住起嚟都唔算逼，甚至好舒服，但係阿媽成日覺得好細，成日話想買樓（呢個唔係重點 問題係，我嫲嫲已經90幾歲，行路要用兩隻手扶住喺前面嗰啲架（唔知你哋明唔明）聽嘢又聽唔到，要勁大聲講先聽到，仲有少少思覺失調 上面嗰啲都係正常老人家會有嘅嘢，我覺得冇乜問題，但問題係佢嘅態度 首先，一直以嚟佢覺得姑媽係佢個女所以要幫佢做哂所有嘢，所以乜都叫姑媽做，有工人唔叫，姑媽要返工，放工返嚟仲比人叫做呢樣做嗰樣，所以不嬲心情都唔太好 近排唔知咩事，嫲嫲突然變得好煩 食飯嗰陣工人會沖涼，近排我哋食完飯工人未出嚟，佢就自己喺度執碟，仲要攞佢用過嘅紙去抹碟（已經盡量講得冇咁核突）姑媽同阿爸叫過佢幾次唔好搞佢都唔聽 然後晚晚深夜佢都無啦啦起身行出嚟（冇攞到上面講嗰個架）之前有次冇攞架跌咗喺度 由於屋企唔夠位，姑媽瞓梳化床，嗰次（上面跌嗰次）差啲壓到佢，好彩冇事，但就搞到全家人醒哂去扶佢（佢好肥好重）連續幾晚都有起身，次次都深夜 仲有平時係工人幫佢沖涼，之前一直冇咩嘢，近排突然話咩工人想攞佢命，又話趁我哋唔喺度又打佢又鬧佢，但每次佢沖涼都係下晝，我都喺屋企，完全冇發生咩事（上面有講，佢係思覺失調） 近排發生咁多次姑媽已經好躁，佢態度仲要差過之前，真係當佢工人咁洗，有幾次姑媽仲嬲到喊出嚟 我同阿爸阿媽有傾過同佢大女傾下送佢入老人院（佢有三個女，同我住嗰個排第三，排第二嗰個住好遠所以基本上唔關佢事）但次次同佢大女講完佢都當冇聽過，由得佢住喺我哋到繼承煩我哋，又唔肯比佢搬去佢度住（佢間屋大過我哋） 阿媽近排可能返工嗰邊啱太順，心情本身躁，夜晚返到嚟又要繼續聽佢嘈，所以晚晚都留喺房，直到深夜先出嚟。仲有，佢成日話間屋細，想送嫲嫲去老人院咁間屋就大啲，姑媽就有房瞓，我之前覺得佢咁諗好有問題，但而家我只係有同感
#NSS學業 [Guest] 今年f4, 覺得數學好難🫂🥲 可能有人講，而家啲野已經覺得難 ，之後點算？ 我都想知😭 本身細到大數學唔好，一啲興趣都冇，睇到啲數就唔鐘意，唔想溫。但係我知道一定要操數，f1-3 其實臨考前溫都得，成績都接受到，（一定唔高分，）但係f4啲concept抽象啲，轉個彎就唔識做，唔知佢喺度做乜，更加唔使講難嗰啲題目。 而家每星期2次quiz ( 應該算少）但係準備時間唔多，溫唔到太多，冇動力溫書（我知我懶）何況係數學差嘅我。 如果叫我問人，其實我都唔知自己唔識啲咩，concept 可能ok, 但係題形真係好難捉摸呀😭😭
#NSS個人 [GUEST] 我喺我間教會好孤獨⋯⋯我應該點算？ 我之前報名參加咗我教會個宿營，參加嗰啲人大部份都係我識，但冇一個真係同我friend…裏面有兩個同我同年女仔，佢哋兩個係鄰居所以勁friend，但當中有一個曾經我都同佢好friend好friend，下稱佢A，當然而家唔係咁frd，之後佢個鄰居就叫佢B，有陣時教會成班人出去玩，搭車嘅時候就問A可唔可以一齊坐，本身佢應承咗，但係B好似唔係幾想我同佢玩，特登要攝喺我哋兩個中間…A就好似冇乜所謂咁，因為我都冇點樣講嘢，但係B成日做埋曬啲嘢想隔開我哋，遲吓就要去宿營，肯定會有啲分組嘅活動，我應該點樣先可以叫到A同我一組？仲有可能來回搭車嗰啲我都想同A一齊坐同佢傾吓計咁，咁你哋可能會問我點解唔揀B，因為佢份人粗魯爆曬粗鬧又無啦啦打人，我真係同唔慣佢一齊玩⋯⋯所以有咩辦法可以令到A肯揀我？同埋有咩方法可以令到B唔再挑撥離間⋯⋯
#NSS學校 [荃灣某中學] 我好慶幸自己同你絶左交～ 話說我之前已經有投過稿但標題就唔講啦 比個tag大家自己睇 #NSS210912F 主要就係一個仆街frd(下稱A)過往對我講過嘅甚至做過嘅事 我喺呢度回應返你喺學校同我講嘅嘢 我依家真係好慶幸同你絕咗交，唔係我都唔會識到更加多嘅朋友，更加唔會好似你咁活係自己嘅圈子。雖然咁講真係好賤格，但係我見到你冇朋友嘅嗰一刻真係好爽，自作自受，當果一刻你同我講嘅嘢，到依一刻自己承受返。 我好多謝你嗰一日同我講嘅嘢，因為你教識我，我唔使圍住你轉，亦都冇諗過嗰一刻同我講我冇朋友嘅人到最後冇朋友嘅原來係自己。依家日日小息見到你都係自己一個，真係想同你講一句，擴闊下自己嘅社交圈子啦好冇！唔撚好再活係自己圈子啦！ 因為呢件事，我要證明俾你睇，我嘅朋友多到數唔晒，唔似得你孤零零一個，就嚟孤獨終老😁我冇後悔過識過你，但係我後悔自己希望你原諒。 我知道你一定會睇呢個post，因為我就係要喺呢個post度屌返你轉頭☺️唔好再覺得自己有幾高尚喇，你根本就係地底泥嚟嘅咋～我亦都覺得自己好好彩識咗你一年就遠離左你，希望我嘅朋友都唔好黐埋去，費事惹禍上身就唔好啦😀 最後同大家講一句～ 大家真係要帶眼識人，知道冇朋友嘅人，你黐咗埋去你就將會變成冇朋友嘅人。所以如果有邊個朋友同你講叫你擴闊社交圈子，呢個人可以絕交，唔需要再信任佢☺️因為佢絕對唔值得你咁樣對待佢～ 呢篇野可能講到九唔搭八，但如果你睇咗之前嘅post你就知道呢個post究竟講乜嘢🙇🏻♀️