—類投稿

#NSS個人 [Guest] 我依家讀緊大二，自從考DSE嗰年，我嘅睡眠質素越嚟越差。中學嘅時候我可以11點幾就瞓，但依家唔到兩點之後都唔會瞓得著。我本身屬於容易緊張嘅類型，唔鐘意瞓覺嘅時候聽到人為嘅聲音，就好似細細聲講嘢嘅氣音，或者係屋企人未瞓佢地做緊某啲嘢發出嘅聲音。 我有個好鐘意夜晚12點幾先返屋企嘅家姐，因為我冇自己嘅房，所以佢返到嚟整緊啲乜嘢，甚至係沖涼嘅花灑聲、沖完涼護理皮膚搽cream、吹頭嘅風筒聲，我都聽得一清二楚。而佢就沖涼沖至少半個鐘，由做哂皮膚護理之類嘅嘢到吹完頭又至少半個鐘，拜佢所賜我完全瞓唔著，可以話佢唔瞓我都唔使瞓。而我聽到呢啲煩人嘅聲音會變得緊張，心跳都會快咗，而最近我就開始穩定11點幾接近12點莫名緊張起嚟，如果佢去到接近1點都仲未返到屋企，我嘅緊張程度就會增加，嗰種感覺超唔舒服，個心好似跳得唔正常，而且明明我眼瞓都唔會瞓到。 為咗解決我瞓唔著嘅問題，我有試過喺佢返到屋企之前就上床。但呢個方法其實係虐待緊自己。我會因為佢仲未返而變得緊張，自然唔會瞓得著，然後我就可以享受喺床上心跳跳得好快，點換姿勢都唔會舒緩，明明有睡意，差唔多就快瞓著都會緊張醒，直到佢返到屋企。但因為佢真係好黑人憎，返到屋企就會重複我上面提過嘅一系列嘈音，所以冇咁緊張又會緊張返，直到佢肯瞓為止。到依家我已經放棄咗早瞓，每日都1點幾上床，所以喺床度會失眠到至少兩點幾，最高紀錄係3點都未入睡。 因為佢我已經有一年冇試過12點前瞓，但好彩依家仲係online lesson 所以我唔需要早起身，而且唔使返campus 我都會有時間可以下晝補下眠。而精彩嘅係，我就連補眠都會心跳加速，1個鐘可以醒兩三次，每次醒咗都會覺得個心跳得好快，所以無論日間定夜晚我都唔會瞓得好。 我覺得我咁樣瞓返應該會好短命，但又冇改善方法，我依家夜晚1點幾打緊呢篇文，都係因為我瞓唔著。唔知大家又係咪失眠呢？

#NSS愛情 [［港島］] ［文長慎入］［恐同慎入］ 如果性取向可以選擇，我也好想喜歡女生哦…… – 小弟今年F.6，愛上了一個男生已經4年。雖則我知道我和他根本波有可能，但是我真的放不下他，所以想問各位大大，究竟我可以怎麼辦😭。 – 我第一次認識他的時候，大概是在中二上學期。那時候時我們也並不是很相熟（一句話也沒聊過那種）直到上年才比較熟稔。雖說我們身高並不高（大家也沒有170🥺），不過他除了成績名列前茅外，還是籃球校隊，更會拉二胡和彈鋼琴，在我認識他後沒多久，我便不知不覺地喜歡上他。可能你們會覺得170cm以下的男生沒什麼市場，不過正所謂「情人眼中出西施」（雖然他根本從來沒視我是他的情人），我依然情不自禁地愛上了他。 – 我向來慢熱且被動，因此我第一次和他談天的時候，也是他主動來找我的。雖然我當時表現得好冷漠，但係內心簡直開心極了👼🏻：我終於成功和他打開到話題了。自此之後，我便開始慢慢主動找他聊天（雖然我可能一、兩個月才找他一次那種），不過佢皆表現得很冷漠：WhatsApp 回覆我的訊息，不是回覆表情符號，便是只回覆數隻字；面對面談天時，從來不會超過三句；Snapchat 傳 snap給他時，他更不會看（可是是他要求我陪他玩Snapchat 的）。每次看見他上線之後，還沒看我的message便已經下線，我的心真的好痛💔：感覺我跟他的聊天記錄，一直以來也只是我的獨角戲。 – 我奢望我可以以「問功課」之名 ，可以與他促進關係，但倒頭來又覺得自己好傻😵：明知道他只是視我為他的普通同學，更不會喜歡我，那麼我心存那麼多期望，去做這些時情，又有什麼意思呢？我每天也在憎恨自己為什麼不可以好好的放下他，但每當我看見他的樣貌，看見他的笑容，我便選擇放棄放下他。最終就不斷陷入循環🔄，無法自拔。 – 可能我就是這麼犯賤。明知道他不會愛上我，但理性終敵不過感性：那怕只有0.1%的可能，我仍然放不下佢，繼續默默喜歡着他：當他不開心的時候，我總會第一時間傳一些安慰的說話給佢（不過佢也不會看的🥲）；每當他跟自己的朋友一起玩的時候，心裏總是揪着揪着的；平時上堂的時候，我總會不自覺地偷望着他的臉，心想着：假如你也是同性戀，那該多好…… – 我也不知道我到底做錯了什麼，而讓他憎恨我（我認為啦），不過我真的好辛苦😢，由中二時一句話也沒聊過，到現在還算是有少少交流過，我真的不想放棄這一切。我每星期也就因為他而哭兩、三次，心想着為什麼他不可以喜歡我（其實原因心裏早知道了，只是我那可悲的自尊心不肯接受而已）。不過我哭完又有甚麼用？到頭來他還是不會可憐我啊😭！可能在他眼中，我只是一名可有可無的過路人🤷🏻‍♂️。 – 後來，我和他的朋友，不知道為什麼（可是我沒有跟任何人講過這件事啊😵‍💫），也撮合我和他成為CP。雖說他並不是很介意啦，可是我內心難免感到很失落：可惜我們只是一對被撮合的CP，終卻不能修成正果。「不甘做朋友，不敢做戀人」，這大概便是我倆之間的概論吧。 – 自從我愛上直男的那一刻起，就注定喜怒哀樂也只是我一個人的事。那怕我曾經為他付出了多少，流過多少淚，他也不會在意，更不曾在意。我真的好噁心哦🤢，愛上一個直男四年了，還沒有勇氣放手，像個跟屁蟲似的🐛。若有來世，我一定要當一名直男，彩虹真的很辛苦😭😭😭……

#NSS個人 [cccmyc] 小弟近排好迷惘，好想去死，覺得生存係呢個世界無意義，而家每日渾渾噩噩咁就過左，想去自殺，但係又感覺好不負責任，畢竟老豆老母養左我咁多年，可唔可以俾意見我搵返對生活嘅熱誠 sor for 1999

#NSS個人 [GUEST] 我最近移咗民讀咗high school個幾月左右，讀書方面冇咩問題，但係我冇朋友囉。 喺high school識咗兩個close啲嘅人，但係一個已經本身喺一個squad裏面，我唔係好同佢哋frd到，另一個日日lunch都同我食嘅人最近又揾咗另一個人同我哋食lunch, 通常我都join唔到佢哋啲話題。 香港本身我都兩個圈子，但係一個圈子已經慢慢疏遠，同佢哋facetime都唔知講咩好，另一個圈子又識咗啲新frd, 好驚佢哋會唔理我… 而且呢度勁多我想體驗嘅活動係冇人會自己去囉，而且同屋企人講唔出口話自己冇朋友… 雖然話就話一個人都可以盡興，但係我都想喺呢邊可以揾到知心嘅frd… 有冇啲可以同人變frd啲嘅方法？

#NSS學校 [男校] 我真真真係好想轉校. 每一日見到同校同學（d高form)成日喺度食煙飲酒,其實真係好睇唔慣. 每一日同第二間中學啲人傾偈(佢哋Band 1)都覺得自己好廢,啲數學我唔識做,佢哋可能睇一眼就知道答案. 其實我想轉行好耐,但呢幾年成績都…😮‍💨 依家係咁操自己：）所以好大壓力🤣

#NSS學校 [Guest] 第一次投稿🙏🏻 咁小妺今年14歲，但係到而家得兩個guy frds…戴定頭盔先，我唔係想拍拖！但係由於由幼稚園到而家都讀女校所以都唔係好悉點同男仔傾偈，對住男仔就唔會好似平時咁顛，因為平時嘅我係直接問人攞ig嗰種女仔…而仲要嗰兩位guy frd唔係特別熟🥲唔知大家有冇啲咩高見🙏🏻sorry for 1999

#NSS個人 [guess] 著校服行街會唔會好奇怪😂

#NSS愛情 [GUEST] 大約係上年嘅時候有個男仔同我表白，我都對佢有feel，但係我當時拒絕咗。 我一直都有個問題，就係當我鍾意一個人嘅時候，發現嗰個人都鍾意我，我對佢嘅好感就會冇晒，上網查完先知有樣嘢叫性單戀，雖然冇俾啲專業人士承認過，但我覺得我啲行為好似性單戀。簡單咁講吓，性單戀即係對某人產生好感，但唔希望從對方獲得情感回應嘅人。 就喺上年，有個男仔同我表白，其實我對佢有feel，有幻想過之後一齊嘅畫面，但係嗰一刻有種感覺就係好唔想同佢一齊，唔想同佢接觸，之後就拒絕咗。我冇同佢講我係性單戀。 呢排都有好多人移民，佢都有表態過會移民，我突然覺得有啲傷心，好似自己其實仲鍾意佢，雖然知道再講都冇用，但係我想問吓大家應唔應該喺佢移民之前同佢講返清楚？ Sorry for 1999🙏🏻

#NSS家庭 [GUEST] Admin thx for posting on ig 中文差文筆唔通順請見諒 講返個背景先，我今年已經係高form，form 1嗰陣每個月零用錢1500蚊，但係因為屋企唔係有錢，所以有時我都會當唔記得零用錢件事唔問屋企人攞錢或者偷偷塞返d錢去阿媽度，平均計落嚟冇千五咁多。但係而家因為疫情少咗出街都喺屋企食飯，阿媽又話屋企冇錢，所以由form 2開始就唔再俾零用錢我，不過佢會煮飯俾我食，而且每個月交補習社嘅學費會剩一兩百蚊，佢都會俾咗我當零用錢，咁我都覺得返屋企食會比較好，最多唔同同學出街玩，所以我都冇再問要零用錢。 但係呢，近排我朋友生日，佢同我講話想要一樣三百幾蚊嘅嘢做生日禮物。我係個好慳嘅人，買十幾蚊嘅嘢食都嫌貴，d錢儲儲埋埋只係為咗買自己鍾意嘅書。而家三百幾蚊已經夠我買三本鍾意嘅書，我好心痛，唔想買，仲諗過要唔要為咗呢三百蚊同個朋友斷絕關係🙃講笑。 但係我始終都係買唔囉手。所以我問我阿媽意見，佢叫我買俾佢，仲話我點解咁孤寒呢d錢都介意（BTW嗰位朋友嘅家庭背景比我差，所以我阿媽成日想幫佢哋）但係我已經好耐冇攞到錢，銀包長期得散子，而家用嚟搭車買書學校交錢嘅錢，都係我又細到大儲囉嚟嘅利是錢，當初儲錢係為咗買豪宅俾阿媽住（雖然唔可能），結果而家冇錢，要喺入面抽出嚟用住先，睇住十幾年儲落d錢越來越少真係好心痛。 其實我想問我係咪真係太小氣，成件事嘅問題根本係我太孤寒？ Sor for 1999

#NSS愛情 [GUEST] 求po ig🙏🏻 小弟今年中四，想請教下大家點樣先可以同女仔friend啲😭我覺得佢啲動作都幾可愛，蠢蠢地又好好蝦咁，我真係好想同佢friend多啲，求各位兄弟幫下手，女仔都可以講下😭🙏🏻🙏🏻