—類投稿

#NSS家庭 [Guest] 小妹今年16歲，我想講我老母真係好L煩。次次我一唔講野，佢就鬧我同埋用體罰呢樣野黎威脅我，但係我次次講野，又唔知邊忽得罪佢又開口鬧我。之前去醫院覆診，個醫生要安排我去抽血，佢一口就話星期六去抽，明明佢都知我每逢星期六就仲忙過平日返學，仲要我一早起身抽血，咁我本身都好聲好氣咁同佢講我星期六好忙喎，佢就搭咗句關我咩事，當時聽到呢句我都已經好嬲，咁咪西面囉，佢見到我西面之後又開始鬧我。仲有我係有學結他嘅，佢呢就成日話我唔練習，唔認真，嘥佢啲錢，我同佢講次次我練緊嘅時候，你都返緊工，你放工嘅時候我又要做功課，你見唔到我練習就代表我冇努力過？真係好好笑，因為我成日冇表情就代表我西面，就話要打我，又話我咁樣點揾到人生嘅樂趣。我真心想同佢講有佢呢啲老母，揾到人生樂趣先奇啦。 Sorry for1999

#NSS愛情 [GUEST] Admin plz po ig🙏🏽tks 我成日覺得自己係bi，甚至係les。 其實我覺得冇乜問題嘅，因為自己身邊都有les嘅friend，但因為之前鍾意過男仔，所以有啲迷惘。 事關我最近同女仔friend玩嗰陣唔小心對視咗，之後就有啲心跳加速，成個人勁緊張同有啲興奮，但我哋之前都係純友誼⋯⋯我唔想因為呢啲莫名奇妙嘅感覺而喺不知不覺間疏遠個friend，但又好想知咩事，希望有人可以解答到我，tks🙏🏽

#NSS愛情 [GUEST] 話說小妹今年form 3，咁我嗰班有一個男仔，就係form2都係同我同班嘅。 同其他男仔相處我通常都唔係好習慣，但唯獨是同佢相處得好自然，亦都好鍾意同佢獨處，而且對佢有一種特別嘅感覺(?)，可能係我上年同佢同班所以熟識少少？定還是係我對佢有少少好感？ BTW我唔係因為佢個樣，坦白講佢真係唔靚仔，仲有啲肥添(冇惡意)，我哋班公認最靚仔嘅嗰個我都冇呢種感覺。同埋我150，佢高我10cm，所以同佢相處到唔洗趷高腳hahaha~ 我記得我冇同佢講過我嘅生日， 但係佢喺我生日嗰日同我講咗句生日快樂，之後送咗一疊我最鍾意嘅卡通人物(多啦A夢) memo紙做生日禮物。 佢最近就暗示佢鍾意我，佢成日問我「你鍾意咩類型嘅男仔」「如果我係你男朋友你會點呀」「你想唔想我做你男朋友啊」但我都只係一笑置之，佢啲friend都有話佢鍾意我…… 但坦白講我覺得呢種好感唔會長久，佢再問起我嘅時候，我都唔知點答佢。如果我話「好」嘅話，第日我唔鍾意佢嘅話，好似又好對佢唔住。 我應該點算好啊(*’へ’*) Sorry for 1999

#NSS愛情 [GUEST] 小妹今年F4 有個都幾熟吓嘅男仔frd 我地F3同班識一直frd到依家 日日都有keep住傾計 過咗一排（一兩個月前）佢開始會無端端話我好得意好靚女呢啲.. 我就reply咗 ”🤣🙈thxxx” 扮無聽過 因為果陣真係唔知點回應又無呢啲經驗)? 我當時都明佢意思但就hea覆咗😂 上個禮拜佢就用text同我表白（我個人唔係太鍾意呢種表白方式..）佢表白咗之後我就話「唔係呀嘛 認真咩 你講笑咋」類似咁嘅嘢 不過當然無咁串啦 佢之後就狂send「i love you❤️」呢啲俾我 講真其實有啲反胃.. 佢唔係算靚仔但係我都算啦 佢仲要係到spam我愛你呢啲嘢 話真係好想我做佢女朋友😀 大佬呀 你唔洗咁呀

#NSS愛情 [Guest] 🙇‍♀️本人今年form one 暑假嘅時候識咗一位男性朋友 佢好細粒幾得意,當正式開學嗰陣 咁啱我同佢一班,佢喺whatsapp嘅時候成日搵我 無論大小事情,例如:每朝都會同我係whatsapp講聲 “早晨” 有時我都唔知點回應佢… 學校小息嘅時候佢又會成日搵我 其實我對佢只係好似弟弟咁… 唔知佢係唔係鍾意我？ (請各位唔好覺得我自戀) 🙏請各位畀啲意見

#NSS社會 [GUEST] 其實性格平等呢樣野真係冇咩可能，至少20年內冇咩可能，一個例子可以證明： 喺性取向正常嘅情況下， 女人欣賞大波妹，正常 男人欣賞大屌，死變態

#NSS個人 [Guest] Admin plzzzz po ig 小妹今年轉校，好彩地識咗班好姐妹，亦都識到一位男仔朋友(下稱E) 但係問題就嚟啦，我啲姐妹成日都ship我同E，咁如果我同E唔係鍾意對方(which this is the truth)、或者係鍾意對方嘅話，咁呢件事只係一個玩笑，無傷大雅 然而現實總係令人煩惱嘅，E同我班姐妹都以為我鍾意E，班姐妹成日喺E面前扮細聲講嘢，實情好大聲咁ship我哋兩個🙄 咁E當我只係friend㗎嘛，每次同佢傾偈佢就成極力暗示佢依家唔想拍拖，拍拖都要揀過適合嘅女仔先得，又bro bro聲咁叫我，其實我完全get到E嘅暗示，我都順著佢意表示贊同，但係E就係唔get我get到佢嘅暗示，亦唔get我唔係鍾意佢🤦🏻‍♀️ 我真係好煩惱，一方面唔知點話俾我班姐妹聽我唔係鍾意E(我又唔可以直接講：「其實我淨係當E係friend」，咁樣就好似掩飾咁)另一方面我唔知點同E暗示我唔係鍾意佢(理由同上，而且好尷好自作多情咁) 我完全冇同男仔friend相處嘅經驗，之前嘗試識過一個，但係可能因為我哋都好被動，完全係會deadair(雖然依家同E有時都會，但係我會極力唸啲嘢講) 之後就同嗰個男仔又變返陌生人咁，所以我識E嘅時候表現得好似好興奮咁，係咁搵話題講，可能我班姐妹同E就係咁以為我鍾意E，但係我咁做係因為我唔想又冇咗個異性朋友，我想講我以前淨係同同性做朋友，就算讀男女校都一個男仔朋友都冇，依家好想跳出comfort zone試下識異性朋友，點知變成咁委屈又尷尬嘅處境，究竟可以點算？ 有冇人有俾人屈鍾意某某某，然後順利解開誤會嘅人可以指點下小妹？同埋有冇同異性相處得好好嘅人可以指導下小妹？🙏🏻🙏🏻 Sor for 1999

#NSS愛情 [Guest] 大家會唔會介意另一半係黃 但佢父母係popo?

#NSS個人 [GUEST] 小妹係bi，想識多啲同樣係LGBTQ+嘅朋友，身邊又咁岩冇朋友係。大家不妨係comment留低少少基本資料或者興趣等等俾大家互相交流認識下。都歡迎各位stright嘅朋友留低comment，識多啲朋友冇壞～ Btw點解註冊唔到commenters？一直顯示載入中。

#NSS學業 [沙田某補習社] 可能篇文比較長，但都希望大家可以睇晒佢🙇🏻‍♀️🙏🏻 小妺今年form4，平時都會補習嘅。話說最近個補習老師由full time轉part time，咁我依舊照補啦，但係有啲嘢要我就佢，例如時間嗰d，都唔緊要啦。問題來啦，佢好似成日都唔理我，只係我有問題我問佢佢先理我，平時俾份練習我就算。另外有個form6嘅人，佢成日問個老師問題，個老師又成日企喺佢隔離理佢，忽略晒所有人尤其係我🙂，我知佢DSE會比較緊張，我明。但係都唔代表佢要成日問，當然啦，佢可以問多啲啦，但係唔好似住自己就嚟考DSE，係咁問搞到其他人冇得學嘢。 之後我已經俾晒面色個補習老師睇，又做到好苦惱咁，佢都係視而不見，甚至我問佢野，佢都可以答咗其他人先(講明先我冇插嘴)，係我俾晒說話佢聽佢先係咁咦應我幾句。有啲嘢我真係唔識，咁我預咗佢會嚟教我㗎嘛我俾得錢佢補喎。 記得前嗰幾日，更加因為咁而嬲到走，之後我都冇再去過補習社。可能我自己本身都有問題，我啲脾氣比較暴躁，我冇鬧佢，但係點都會俾返啲面色佢睇。 叧外，我有個細佬，都喺嗰間補習社補，真心覺得佢對我細佬好啲囉。佢得閒嘅時候都會去睇吓佢做嘢做成點。我呢，真係甚少囉！連佢轉part time咁大件事佢都唔事先同我講清楚，係我中四第一日去補習社先知。我仲記得佢去補習之前嗰日同我講，話佢自己唔會主動約學生補習，嗰句聽到真係無言.… 而家我細佬就冇補啦，因為佢唔想補，原因只係因為佢唔鍾意讀書，咁都唔係重點。問題係我form4第一日去到，佢就問我關於我細佬嘅嘢，果下真係火都嚟，人都未坐定你係咪應該focus喺我身上咩，邊有學生一入嚟都未坐定就講啲唔係關於佢自己嘅事呀！我即刻同佢講話，既然你咁想知道佢嘅嘢不如你自己問佢啦！之後佢都醒，冇再問落去⋯ 我咁樣同佢講，唔係因為我憎我細佬，同佢關係唔好(我同佢關係其實都幾好)，係因為我唔鋸佢一入嚟就問關於佢嘅嘢 咁我而家就諗到兩個方案，一係呢就等個中六唔嚟嘅時候先去補，一係就直頭唔補，轉第二間補習社，問題係唔知邊度有(如果各位有推介，歡迎留言話我聽🥰不過想補小型或中型多d)，其實點解我要急於補習呢？係因為我今年個阿Sir教得唔係幾好。其實我喺呢間補習社都補咗好多年，只係今年先發生啱啱所講嘅所有問題，之前冇嘅，可能係因為之前個阿Sir教得好好所以去補習只係為咗溫故知新，咁各位我應該點做？ 麻煩admin幫我po上ig,thx🙇🏻‍♀️