#NSS愛情 [GUEST] 香港某間中學學生：係咁ge小弟今年中六 識左一個女仔五年 同佢都好熟下 係嗰種朋友之上戀人未到ge感覺(I think) 呢幾年都係做佢ge傾訴對象 知道其實佢呢幾年過的唔係幾開心 (家庭 愛情 友情都好多問題)真係想比佢一個幸福d ge生活 幾個月前 佢同佢ge BF分左手 我心諗我ge機會黎啦 之後我同去ge感情上升得好快 日日傾電話 會做d男女朋友先會做ge野(各位自己意會啦)我亦都feel到佢ge好感(應該) 係我覺得我同佢之間只差臨門一腳ge時候 佢問我其實男朋友究竟有咩用 想單身主義(因為佢第一任係渣男 其他嗰D都係毒L) 我唔知道點答佢好
#NSS愛情 [GUEST] 小妹今年中五， 話說今日同男朋友啱啱一個月，男朋友係我初戀黎，同佢係由同學變做男女朋友。同佢一齊嘅時候都幾開心，佢都好錫我對我唔差。 但係唔知道係因為我第一次拍拖唔知道應該點做，定係其他嘢，我好似唔係好習慣同佢有啲比較親密嘅行為。甚至有時候佢會話掛住我、愛我呢啲，我都會覺得好似有啲尷尬唔係好知應該點，要我同佢講愛佢掛住佢呢啲我都會有少少講唔出口。 我同男朋友雖然識咗幾年但係一路都係以朋友身分相處，係上個月曖昧咗一個星期就一齊，我唔知道係因為太快我未搞清楚自己係咪真係鍾意佢定係純粹因為第一次拍拖唔知點所以先咁⋯
#NSS學業 [某band 1 A-B 中學] 我今年啱啱升Form 1，喺新學校都識到新朋友。雖然老師幾好，但啲功課/tests 好多，我每日放學食埋lunch之後就要開始做功課，做完就溫書補習。除咗瞓覺食飯之外得大概半個鐘休息時間，覺得好辛苦，仲會影響到自己嘅情緒。想換間差啲嘅學校，但屋企人唔俾。想問下其實係咪中學就係咁？定我自己能力未夠？有冇方法可以冇咁辛苦？ Sor for 1999/my problems🙇🏻♀️🙇🏻♀️
#NSS個人 [Band1中學] 懷疑自己有抑鬱症，雖然你地唔係醫生，但係都想你地幫我睇下我係咪真係有病。如果有咁要去邊度睇精神科?使唔使家長陪同同埋貴唔貴，因為我比較窮冇錢睇私家。感謝 我唔清楚自己係幾時有負面嘅諗法，應該係由中學開始。以前小學唔勁所以我成績幾好，參加出面嘅比賽都有試過攞獎(雖然只有一次)，所以屋企人對我期望都幾大？但自從幾年前升上名校中學嘅時候，我開始發現其實自己係垃圾，根本冇其他人想像咁勁。我變到成日都唔讀書，搞到成績由以前小學全級頭幾變到中學全級尾20到。我知咁樣係正常但呢件事令當時嘅我越嚟越頹廢。我點解釋俾屋企人佢地都唔明我嘅感受，反而話係藉口。我達唔到佢地嘅期望，就開始出手打人。我知自己冇用，係累贅，拖累佢地，但咁就要打我咩？呀媽打我係冇傷口，不過佢會扯我頭髮、刮我塊面、大力扭我隻手等等，仲會用粗口鬧我、叫我去X，話打到我變植物人。我明我做錯事，但我更希望佢地會慢慢教返我，而唔係有錯就打落嚟QwQ我已經習慣咗佢鬧我，不過俾人打都幾痛下。最近我發現自己會成日出手打返佢轉頭，我都唔想咁做，但我次次都會冇思考過就出手，當然最尾俾人打得仲痛啦。我好怕自己會繼續傷害到佢地。 我成績又差，又冇長處，又樣衰，又垃圾，我已經變唔返以前嘅自己。腦入面一直話自己係垃圾，係冇價值嘅野，我試過想反駁但發現自己根本反駁唔到。睇心靈雞湯對我毫無幫助，反而仲衰。我唔清楚自己生存嘅意義，會唔會X咗去反而可以令到屋企人唔會再受苦。喺屋企我係一個廢人，喺學校我又冇乜朋友同好邊緣，連教過我3年嘅老師都唔記得我叫咩名。 雖然有想X嘅念頭，我都冇去做，因為我好怕痛，嬲同傷心嘅時候都只係不停喊同用手指刮大脾。我一直唔夠膽同人講呢啲事，因為我好怕自己係扮出嚟，係藉口。依家鼓起勇氣先嚟投稿問下，希望大家可以解答下我個投稿一開始問嘅問題。我都想過返正常、多姿多采嘅生活。 Sorry for 1999+文長少負面(同埋唔好鬧我屋企人，因為佢地會打我係因為我有問題)thanks
#NSS學業 [guest] 首先多謝admin出post 我主要只係想發洩，但如果有辦法幫到我就好多謝。我間學校話就話‘優質一條龍私校’，但我真係覺得我屋企人每個月交緊嗰萬幾蚊學費係抌咗落海。 首先就係老師質素，學校搵啲啱啱畢業既人教igcse甚至ib？然後某啲考試從未派返，我想問如果我唔知自己錯咩我下次考試點改善？第二樣嘢就係老師教得學生既學習態度好差，如果有人上堂舉手答問題就基本上一定係小息被人笑死（係bully嗰種笑）但係學校係大概form 4就會踢人出校（佢會搵老師好間接咁講被家長聽呢間學校唔適合你）。 好多人會話咁點解你唔轉校？我嘅成績係我學校算中上，但中文程度冇普通學校一般。但如果轉去國際學校就要讀外語。學校入面亦都有好多有錢人，有大量人嘅爸爸都係全港100位最有錢排行榜榜上有名（當然佢地有special treatment 而且佢地根本唔等錢洗）我自問都係中產家庭但係係學校全班最窮所以真係想大個搵到錢。 咁其實學校都真係有小量好老師，但我冇乜老師緣，所以以我依家嘅狀況，絕對唔可能係ib考到好成績，好擔心自己嘅將來。 sor for 1999 我寫作真係好差