—類投稿

#NSS學業 [Guest] 麻煩admin出post thx🥺 小妹今年17歲，自己出咗去加拿大讀書接近兩年，我上年喺學校識咗一班八婆，佢哋全部都係大陸人，原本諗住今年開學會冇事，結果我完全食晒屎💩 我今年喺學校識咗兩個男仔，一個香港人，一個孟加拉人，兩個最開頭嗰陣都對我好好。不過近呢一個星期佢哋兩個對我好怪，開始排我，直接無視我 到星期五放學嗰日，個孟加拉仔（我叫佢S先生）佢當住全校學生同老師面前鬧我係 “fake ass bitch liar” 再話係因為我搞到佢喺學校識唔到人，佢當住全校面前鬧足我15分鐘，之後我再迫問佢，我先知道班八婆話我周圍去搶人仔，唔俾佢識人，話我有男朋友。 S先生就同香港仔仔（我叫佢L先生）一直講我有幾八婆，我有幾賤, 但係佢哋兩個一直冇fact check, 只係一直冷漠我 我琴日去dm L先生，我直接問佢「我對你哋做咗啲咩」佢已讀不回都算，佢而家block咗我 我明白佢想撐自己兄弟，但係可唔可以fact check咗先⋯⋯ 我真心好hurt, 我喺學校最緊張，最care佢哋兩個，結果我而家好似畀人背叛咗，我同佢兩個每日都一齊，結果佢哋選擇咗去信一個你哋連佢係咩人品都唔知嘅bitch 我星期二返學應唔應該問清楚⋯⋯ 真心好hurt

#NSS愛情 [GUEST] (sor4 1999) 小妹今年f3，有個女朋友，同我唔同校。之前喺Commenters講過，但係仲想要意見。 – 入返正題先，今日我同我阿爸講我下年想轉校，之後佢答我：「邊條女又叫你轉校呀?上年我同你阿媽講到口水乾埋叫你下年轉校又唔轉。」雖然，我其中一個想轉校嘅原因真係為咗我條女，但係我都話唔係，係想自己轉。佢答返我:「你唔好當我乜都唔知先得㗎，你唔係為咗你條女，咁為咗咩？」 – 我嗰陣呆咗一呆，因為我冇一次拍拖係同過我阿爸阿媽講。 – 之後，我就同咗我條女同埋某個friend講。我個friend就同我講話：「其實佢好明顯知你拍緊拖。咁點你仲要講唔係？」 – 雖然由p6開始，我阿爸阿媽覺得我係同性戀，我之前問我阿爸：「如果我真係同性戀你同阿媽會點諗？」佢就答返我：「你個性取向我確定唔到，得你自己先得。」 – 雖然，我聽到呢句有啲安慰，但係你叫我點講出口？ – 我講咗出口，我會唔會連一粒飯都冇我份食？我阿爸阿媽會唔會逼我同我條女分手？就算我真係講咗，佢哋會唔會憎我條女？ – 所以，我應唔應該同我阿爸阿媽講好……

#NSS家庭 [。。。] 其實冇錢養可唔可以唔好生 小妹今年13，但阿爸阿媽已經五十幾六十歲，阿爸仲就嚟退休，阿哥都同我相差成十幾二十歲，有時出街仲會畀人當咗做佢係我阿爸。 但其實我哋屋企唔算有錢，我連想買件衫都要猶豫半年， 所以搞到成日出街都係嗰幾件t-shirt襯牛仔褲，有啲friend都忍唔住問我點解你成日都係著呢幾件衫出街， 我都好想好似其他家庭咁，想買咩就買咩。 雖然我哋屋企唔算有錢，但係阿爸就成日出去賭馬， 每個星期都差唔多輸成千幾蚊，之前有一次阿哥畀錢我買演唱會飛，但我讓咗張飛畀人，將嗰一千蚊擺落自己櫃桶， 唔夠幾個星期我再去搵返張一千蚊發現唔見咗，一問先知原來我阿爸又攞咗個千蚊去賭馬，我仲要催咗佢成個月先畀返我。 種種原因都令到我好想放棄學業 出去搵錢 但我知道呢個係唔明智嘅選擇 有冇人可以同我講我可以點做 sor for 1999

#NSS社會 [遇到變態] 10月11號 86k 由沙田開往錦英苑 14：20開出 大概14：35-40 有個男人係富安花園上車 本人著校裙 到膝 我坐係上層最後排左邊角落 架車冇乜人 佢一上嚟就坐係右邊角落 即刻拎張紙巾出嚟 一路坐一路瞄到佢喺度望住我 直接轉個頭望我 我轉一轉個頭望去嗰邊佢又轉返返去 之後我轉位 見到佢拎住張紙巾 係打開嘅 見到我落車仲即刻想拎紙巾遮住啲嘢 個位係佢個下體位 大家小心 麻煩快啲出

#NSS社會 [遇到變態] 10月11號 86k 由沙田開往錦英苑 14：20開出 大概14：35-40 有個男人係富安花園上車 本人著校裙 到膝 我坐係上層最後排左邊角落 架車冇乜人 佢一上嚟就坐係右邊角落 即刻拎張紙巾出嚟 一路坐一路瞄到佢喺度望住我 直接轉個頭望我 我轉一轉個頭望去嗰邊佢又轉返返去 之後我轉位 見到佢拎住張紙巾 係打開嘅 見到我落車仲即刻想拎紙巾遮住啲嘢 個位係佢個下體位 大家小心 麻煩快啲出

#NSS愛情 [荃灣區冇中學] 請求admin po ig please🙏 thanks 今年中六 小妹有個女仔frd鐘意咗個男仔 佢愛得低微 咩都試過做 送嘢、主動問候關心 甚至為個男仔犧牲友情 但係個男仔對呢啲事完全冇向我frd表達過自己嘅想法 厭煩定係接受 完全冇同過我個frd講 但係好肯定嘅係佢本人知我frd鐘意佢嘅 本身個frd鐘意個男仔我都覺得冇所謂 個男仔都幾受歡迎 感覺上幾好 見到佢有鐘意嘅男仔又肯主動追求都真心想佢幸福 但係冇耐前我知道個男仔喺背後成日笑佢 笑我frd嘅付出、笑我frd對佢嘅愛、將我frd嘅秘密周圍講攞出嚟笑 仲同埋成班兄弟一齊笑佢、寸佢 仲要唔只一次。

#NSS個人 [GUEST] 是咁的 小妹其實以前都唔會咁嘅 但係自從生活環境轉咗 日日都好唔習慣 好容易緊張 開始成日出手汗or腳汗etc. 總之就係一緊張就出汗 尤其是係隻手 一緊張就濕晒 有時quiz/test緊張嗰陣一出手汗就搞到成支筆濕晒🤦🏻‍♀️由於真係好困擾 所以小妹就想問問大家有咩方法可以解決呢個問題🙏🏻Sor for 1999🙏🏻

#NSS家庭 [GUEST] 小妹今年讀中三， 成日都同屋企人嗌交， 而大部分原因都係因為我細佬。 我由細到大都缺乏安全感，又成日驚驚青青咁， 細佬細我7年，嗲哋媽咪成日話佢係我細佬，所以我要讓佢。 佢見我買咗啲咩嘢食返嚟，話要食乜，我就要讓啲俾佢，即管嗰樣嘢食係我最鍾意食嘅。 我唔讓俾佢，媽咪就會鬧我自私，跟住又話我係家姐嚟，要錫細佬。 我話想學鋼琴，想去補習，佢哋就話太貴，又話我一定會三分鐘熱度⋯但我係真係想學 而細佬話想學跆拳道、乒乓波，佢哋就俾佢去學。 但係細佬又唔係聽話嘅人，成日鬧完講完都仲係做埋人黑人憎嘅野。 可能係我容易呷醋，覺得佢哋對細佬好過我，所以我有陣時都幾唔鍾意我細佬⋯ 但媽咪就因為咁就覺得我心入面係冇屋企人，係冷漠嘅，所以就成日同我嗌交。 但我哋全家人都係死要面嘅人，就算有錯都唔會肯主動去認錯，所以當我同我屋企人鬧交，冇人肯各讓一步，情況就越嚟越嚴重，關係越嚟越差。 搞到我成日玻璃心，情緒化到爆，次次鬧完交都匿埋喺度喊 真係想出街同啲朋友一齊多過同屋企人一齊，雖然知道朋友唔會好似屋企人咁為我付出咁多。 真心唔想再咁落去，遲早同屋企人關係破裂 有冇啲建議可以俾到我🥲 Thx🙏🏻Sor for1999 麻煩admin🙏🏻

#NSS家庭 [GUEST] 屋企人唔俾生活費 小妹year2，媽媽一早小學過身，剩下爸爸和我，爸爸性格粗魯，成日屋企飲酒，一工作唔開心就發脾氣，成日話我係垃圾，無用。 中一爸爸娶左個女人翻黎，個女人有一個女，大我6年有多，佢地成日排擠我，生日，食飯，出街都唔會叫我，過年無新衫著，無利是🧧錢，病左叫佢地帶我睇醫生，仲鬧我。 記得有次中學交學費書簿費，屋企人唔俾，班主任話我平時懶，成日拖到最後先交，累全班。有次報名jupas，又唔肯俾500蚊，我問親戚借先交，好彩dse報名唔洗錢。 之後入左u，屋企人又係唔肯俾學費，我向政府借錢交，政府又話要擔保人，入息審查，最後搵社工幫手先搞掂。 我year1已經離開屋企，佢地就話養到我咁大，俾飯我食，你一句唔講就走左去，之後仲去u裡面搵我翻屋企，痴線。 依家佢地唔俾生活費，唔幫我交學費，我唔養佢地，有咩問題。 最憎係中學個班主任，下下聽我屋企人講，唔聽我講，係到夾埋我屋企人蝦我。班主任仲話我唔生性，要聽父母教導。

#NSS愛情 [Guest] 我係一個正常樣嘅男仔，身高都有18幾。 自問讀書唔太好，所以留咗一年班。 今年冇考好到個試又留咗一年。 派到同一個暗戀左差唔多兩年嘅女仔一班。（下稱A) 一開始識佢 佢對感情好認真。見過佢拍過幾次拖，都好認真。 但唔知點解今年同佢一班佢個人變咗好多，佢開始亂拍拖（我覺得）拍兩三日又分，之後又同地二個一齊。不過佢都冇同我講，我之後問佢啲fd先知， 佢話唔想我唔開心先唔同我講 其實我年半之前已經同佢表過白，不過嗰時佢冇受到，話唔想拍拖住。之後都冇再同佢表明心意。去到今時今日我只可以自己一個喊。問自己究竟輸啲咩。 能成為你密友是最沒有用寶座…… 佢話佢真係當我好朋友唔想我為咗佢唔開心，我真係唔明點解唔可以比次機會我…我真係會對你好好。 Po 只係發洩下不過都希望揀我…