—類投稿

#NSS愛情 [GUEST=]] “朋友同情侶究竟有咩分別” Hello各位你哋好,小妹form2,最近有啲懷疑我個friend(女)(下稱A)鍾意咗我… 小妹自己本身男同女都ok,但係同啲friend不嬲就會講話淨係鍾意男仔或者話未試過唔知道,但係每次講呢啲話題,A都會望住我,我起初都唔覺有啲咩特別,但係而家諗返起就… 之前疫情冇得返學,A都會同我一齊打機,傾計咁樣,有時會傾到凌晨一兩點先瞓。 有次我哋約出去行街食飯,A一見到我就對住我狂笑仲要攬住我話好耐冇見呀,我就笑兩笑當應咗佢咁啦(因為佢之前都唔會咁樣,覺得有啲奇怪) 最近A問我你有冇試過鍾意一個人？”我就好正常咁樣答咗佢冇,但係其實我都有少少鍾意佢,呢個時候問題嚟啦,我究竟要唔要同佢講,定係其實我feel錯,同埋係咪其實我未知道朋友同情侶有咩分別呢？ 多謝你哋睇到呢度,仲有唔該admin幫我po出嚟🙏🏻🙏🏻🙏🏻🙏🏻🙏🏻🙏🏻

#NSS社會 [GUEST] 今日想解釋下「動態清零」 既然我地嘅政府唔願意講 就等鄙人用學術嘅角度去分析下 首先清零 相信大家都明 即係以新增0確診作為目標 至於動態 其實就係指不斷調整嘅抗疫力度 如果確診暴增而抗疫力度調整唔設就會爆煲 簡單嚟講即係將全世界（以前）做緊嘅抗疫手法戴頂帽 此文不代表本人對政府抗疫政策的意見 sorry for 1999

#NSS個人 [Guest] 小妺上到中學就比人笑好肥 小妹小學嗰陣運動方面唔差，有代表過學校出去比賽，所以啲同學對自己身形都冇咩特別歧視自己。（可能都係因為細個唔識？） 但係今年F.2 啱啱轉校去一間新嘅中學，本身同同學相處得幾OK。但係停課之後因為啲本身唔係好關佢事嘅嘢而有啲爭執。 本身過咗一段時間，當我都以為對方都冇再介意，之後無意中發現咗佢同佢嘅朋友原來仲有暗中討論緊自己身形等等嘅嘢。知道咗之後真係好唔開心，冇諗過佢會咁記仇，仲要幫自己改花名。 所以想問吓大家有冇啲方法可以瘦到，但係又真係唔好比屋企人知。因為之前都同屋企人講過想減肥，但係佢哋驚自己唔健康咁樣減，所以一路都唔支持。 Sor for 1999

#NSS個人 [Guest] 大家好啊，小妹穿耳洞穿咗半年多少少。一路都載著售貨員一開始釘在我耳仔我嘅耳環。 但係我轉幾下耳環就很痛同埋會出血，同埋隔幾日就有乾左嘅血黏喺我耳仔度。 另一隻耳就腫起左一嚿，仲好痛，隻耳仲紅曬。 我想問可以點做😖😖

#NSS個人 [個人] 小弟就黎會去英國，一方面好慶幸可以去英國讀書，但係另一方面就係驚會有啲預計唔到嘅情況。所以有少少問題想係到問🙏🏻 想請問其實英國啲中學一般有無歧視華人，特別係香港學生? 你地係個到識嘅朋友多數會係香港人定係啲British? 啲British係學校其實歡唔歡迎啲香港人 願唔願意同香港人做朋友？ 唔該曬各位嘅解答 🙏🏻 sorry for 1999🙏🏻🙇🏻‍♂️

#NSS社會 [Ps] 我覺得聖經入面啲嘢真係好反智，耶穌行神蹟嗰陣時，將死人復活，咁復活咗之後，咁嗰個人又幾時死呢？我覺得生死有命，就算救番佢終歸都係要死。 同埋關於耶穌誕生呢度，明明馬利亞係童貞女，讀過實物就知道係冇可能發生嘅事，同埋明明約瑟先係耶穌嘅阿爸，咁約瑟係咪畀上帝帶咗綠帽？ 同埋我唔明點解要成日敬拜讚美上帝，就算佢創造你出嚟，你係咪要咁瘋狂地崇拜佢先。你老豆老母生你出嚟，唔見你歌頌佢讚美佢？ 關於什一奉獻呢度，係極度斂財的工具，教會已經好有錢，仲要攞你人工入面十分一，如果你賺十萬蚊，咁你咪畀成一萬，我呢啲錢去供養父母，做善事好過啦，做咩要畀教會？ 再講到同性戀呢度，上帝反對同性戀，咁點解呢個世界上有同性戀的出現？嗰啲神父點解會性侵男仔？係咪上帝的旨意？ 而且而家呢個世界咁多劫難，如果上帝真係存在，基督徒祈禱咁多，點解一啲用都冇？又有戰爭、瘟疫、有人餓死。如果神真係愛我哋，佢會忍心咩？ 同埋最後一個問題就係，點解信咗耶穌就可以上天堂，唔信就落地獄?點解可以咁霸道?十惡不赦的罪人信咗耶穌都可以上天堂，一生行善的好人唔信就落地獄 ，有冇公義，有冇天理?咁我哋東亞呢度係佛教道教儒教為多，咁我哋啲祖先係咪落曬地獄?孔子，釋迦牟尼，老子呢啲聖人都落曬? 同埋有啲教徒真係好討厭，成日都係將自己嘅諗法套用喺人哋身上，拉人哋入教。又冇諗過人哋嘅感受，一味就係批評其他宗教，完全容不下他人。我從來未見過佛教、道教會係咁傳道，你有緣就信，係自願性質。亦都唔會去話耶穌係假神。基督徒成日都覺得自己企喺道德高點，佢話人哋違背咗神嘅旨意，係迷途羔羊。耶L真係好討厭 Sorry for1999

#NSS個人 [人類] 想問各位覺得朋友以上戀人未滿呢種關係係點？ 曾經同一個男仔好frd，日日傾唔停乜都會分享，好曖昧，咁當然個時我都真係鍾意佢。我哋當時冇話不說會send下❤️,總之每日傾偈都好開心啦。 但係過咗一排就完全冇晒聯繫，雖然冇一齊過，但係突然之間好似同佢失晒聯絡咁勁sad🥲好掛住果種日日傾偈傾唔停， 完全唔擔心同佢講自己啲秘密，會冇嘢分享自己想同對方講嘅嘢。 全件事覺得好遺憾，如果當時我主動啲會唔會其實最後一齊到🥲，依家諗返起雖然佢已經有新鍾意嘅女仔，但真係好後悔當初主動啲，係咪錯過咗就真係連朋友都做唔到

#NSS家庭 [Cyc] 想問咁多位以我中二人仔對住D「把刀硬過條脛」嘅老豆應該點做至好🧐 以今日個case為例:老豆打完工返黎見到我打機,佢問我做哂假期功課未,我話做哂,佢又問我補習D做哂未,我又話做哂,唯獨數學果part補習老師叫我地試做(即佢教左果D部份)亦可面授先做,佢又問我點解唔試做,我話我已做左佢教個D part,其餘唔識 講完呢句佢就係咁鬧,等於開大和號個三個主炮,鬧我廢柴垃圾(由於成日都聽到,對我嚟講已經不管用)又鬧我考全班尾4(實際係精英班嘅尾4)用上堂唔聽書(事實上我有聽,係佢唔理三七廿一咁鬧)等等好撚多野係咁費我,幸好佢準備開會所以先唔哂繼續受佢支「大和主炮」 其實比住我係小學生個時以呢個情況佢肯定打鳩我,幸好我上左f2鐘意睇李小龍,自己有自學少少中外武術+平日都train自己+揼過glass(大多因為佢)知我超火時出手會幾重手下,佢先唔敢亂打我。我忍耐力高,但容忍會有爆嘅一日,所以想睇下各位有乜方法唔用武力對付我個哎吔老豆 圖Link: #nee search

#NSS個人 [GUEST] 我完全冇諗過自己會被搭訕 本人17歲 咁啦 有一日我同個fd行完街就搭輕鐵返屋企 咁我個fd就落車先 而我就要過多幾個站先落 咁我個fd落車前幾個站我同佢睇手機睇左有啲耐 就想扭下條頸放鬆下 跟住當我另條頸去右邊嗰陣 我就唔覺意同左一個企係後邊窗嘅男仔對眼（個樣文文青青 戴眼鏡 運動裝 好似有180咁高） 咁另下條頸唔覺意同其他人對到眼好正常呀係咪先 咁fd落車之後 我就想唉住個窗咁企（行左成日好攰 ）我就行左去後面窗邊 點知同我對眼嗰個男仔同我say hi 跟住我心諗 「我識你？」個男仔就問我係咪00後 我答係 呢時我就以為係咪做訪問or做問卷

#NSS個人 [guest] 想問問如果學歷淨係去到中四，以後會有咩做到？ 如題// 講下這邊，因為個人原因不適合現在間學校，如果轉校又會比起本來既同級遲一年畢業，加上個人原因，不適合轉校。 所以想問下如果唔讀落去，自己自學，但因為自學唔計落學歷，又唔會考到d咩試嚟證明。咁遲d出去做嘢就比較難有份好工，加上自己冇特别強項/夢想目標。以後除咗比較低薪既工會有咩其他好小小既//？ 謝謝🙇🏻‍♀️