#NSS學校 [Guest] 原來分左班真係冇以前咁friend 我地學校f1-2 一班，咁我就識左一般好好嘅朋友，每日都會一齊返學放學。但係今年重新分班，佢哋個個都一齊係一班，而我就自己一班。 一開始我地仲係每日一齊返學放學，但係因為兩班放學時間唔同，有時就要互相等對方。我因為要等哂所有同學放學先可以走，所以通常都係佢地等我。但係有時佢地放學就會直接一齊走，留返低我一個… 雖然佢地唔係日日都會等我，但一個星期都會有兩三日一齊放學。 我如果早過佢哋放學都會去佢哋課室等。今日我就一早係佢哋班房等，等左好耐佢哋都未走得。中途我就發現自己有野漏左係自己課室，咁我就返去攞，諗住之後再返過嚟等。但係當我返嚟嘅時候就只係見到佢哋嘅背影…… 因為我哋兩個課室一個喺走廊頭一個係走廊尾，兩邊都有樓梯，佢哋就自己係另外嗰邊走咗…… 其實行我呢邊樓梯反而仲快去到學校門口，點解佢哋唔行呢邊，或者有冇諗過經過我課室睇吓我仲喺唔喺度呢？嗰下其實我都好傷心…… 我知道唔一齊放學其實只係好小嘅事，我承認我玻璃心啦。但係我真係好希望日日都可以同朋友一齊放學，一齊傾偈…… 唔知大家有冇同感？
#NSS學業 [Guest] 我今年f2，因為學校係考IGcse所以年尾就會揀科，我一直以來成績都好麻麻。我自問某啲科天資唔差，但係之前真係好懶惰，我今年真係去認真讀書，咁開咗學冇幾耐暫時每份功課都唔錯。但係對比起其他一早就俾心機讀書嘅人，我用幾陪時間先至有可能做到佢哋做出嚟嘅成績。認真好大壓力，每晚搞到凌晨三點，有時朝頭早五點起身繼續做功課，都用埋學校啲小息同食飯時間去做功課同埋溫書，而且每次派番啲功課返嚟發現有啲錯嘅位係我根本識嘅就會好嬲自己之後我就會心情好差。呢個循環真係令到我同屋企人同朋友嘅關係差咗好多唔知點算好無奈。 Sorr 好1999 Admin 多謝晒