#NSS個人 [LFC] 近排喺學校有人搞我可以點處理？ 是咁的,早排我就篤咗個人冇做功課,之後佢嘅朋友得罪咗我,之後佢嘅朋友就成日喺學校踢我都算啦,但係嗰個人就用咗我嘅電話號碼,名,同埋電郵上網亂咁申請美容療程,健身課程,幼稚園面試,補習,同埋試車,跟住嗰啲sales係咁打過嚟,已經嚴重影響到我嘅正常生活,因為我唔理佢哋,佢哋就係咁奪命追魂call,好,咁我咪同佢哋周璇下囉,但係嗰條友已經亂咁申請咗無數個課程,面試,試車,搞到我一日至少收十個嗰啲話我登記咗嘅電話,真係好煩,原本我以為係我平時出去食嘢寫紙仔畀人攞咗嚟亂咁登記啦,但係早幾日突然間有個佢嘅朋友走過嚟串我,問我試完tesla,補完習未,咁我個下就知道係邊個搞我,之後我同咗學校老師講,學校老師話冇證據,最多話佢兩句就完,我心諗：咁既然學校老師都冇佢符,咁我可以點算,之後我同咗屋企人講,佢哋話唔好理嗰啲電話就算,但係如果再係咁樣落去,每日收十幾個呢啲咁嘅騷擾電話,我做唔到功課,溫唔到書,咁我又可以點算？究竟有冇人有冇同我有相同嘅經歷？同埋點樣處理呢？ Sor for 1999
#NSS個人 [guest] 我覺得自己比best friend感情勒索 是咁的，小妹有個識五年嘅friend，平時都好親密。佢成日都好癡我，我去到邊佢都成隻跟屁蟲咁，曾經仲問我可唔可以對我扮可愛(結果佢成日比D嗯嗯聲又愛你愛你好核突🌚，好後悔…)，又成日攬我， 雖然我知呢D女仔之間好正常，有時離譜D就係我同其他friend傾計拉走我，其實個人覺得好煩，但為咗唔hurt佢我都忍下🌚🌚 最近開始覺得有D比佢感情勒索，數落佢成日都講：「我為你付出咁多你唔係唔記得啊嘛」「我之前…你依家…?!!!」 其實我都冇要求佢D咩但佢死都要做，佢關心我時好似仲緊張過我但我一有野拒絕就開聲話以前為你點點點，總之覺得好假，好想知點唔hurt佢又叫佢少做呢D野，依家唯有冷落下佢
#NSS愛情 [Guest] 小妹15歲，好似鍾意咗2x歲嘅經理 係咁嘅，我趁15歲夠歲數就去返工啦，都算係新crew，未係好熟手唔太夠經驗咁啦。有一晚返工嗰陣，我係做緊cashier，通常都係得一個人嘅，然後有個人點餐搞咗好耐，條隊又長，排佢後面嘅男人突然起曬粗口鬧嗰個客，勁大聲嗰種，我第一次遇到呢種情況，都幾驚，嗰陣我經理喺我隔離，我就手震震咁繼續收錢，然後細細聲同佢講咗句：我好驚啊點算。我係真係驚，驚嗰男人鬧我。然後我經理同我講：我開多個counter幫你，嗰個男人我幫你搞掂。 當刻我好緊張，聽到佢咁講直頭當佢救世主，瞬間覺得佢好man，好似被保護咁，唔知係咪算吊橋效應（即係人喺驚嘅時候會心跳加速，然後誤以為係鍾意咗喺你隔離嘅人。）但呢件事之後，諗返起總係忍唔住痴笑，覺得男人比起男仔魅力大好多，嗰經理仲要勁斯文又溫柔，真係好charm。事後佢行埋嚟同我傾計，同我講話，乜而家啲人咁躁底㗎咩，然後傾咗幾句咁，我全程都勁緊張，唔係驚嗰陣，似係怕醜。之前都有同呢個係經理吹水但都好自然唔會緊張，經過今次之後真係唔同了 我知道咁樣聽落去好有病，佢只不過係盡返佢作為經理嘅責任，但我真係控制唔住我嘅腦袋，開心過見到10萬個靚仔，真係好心動，成晚個腦都暈陀陀，好期待下次返工見到佢😭😭 Sorry for 1999唔好屌得太勁