#NSS個人 [Guest] 想問吓大家有冇生暗瘡嘅煩惱？ 本人由中一開始生暗瘡，中途因為自己生暗瘡而喊過好多次。本來唔係好介懷，但係當你啲朋友全部都唔生暗瘡皮膚好好，影相嘅時候得你個額頭係紅咗一片，會感到好自卑！跟住而家食飯嗰時要除口罩，每次都係食飯前一刻先會除，然後想快啲食完帶返個口罩去避免俾人睇到啲暗瘡！ 仲有每一次見到啲家長佢哋又喺度講「哇又嚴重咗喎！我推介你去睇某某醫生/你用呢隻藥啦會好返啲㗎！」每一次表面上同佢講「多謝多謝」但內心其實好hurt囉 !其實嚴重咗都唔關你事啦係咪！你冇必要咁樣講出嚟好冇（生慣暗瘡嘅人都會明㗎啦）同埋最煩嘅係啲人成日都問我「點解你會生暗瘡嘅？」我都好想知呀唔好成日都問我啦！我點解生關你咩事姐！你估我好想㗎！重有生暗瘡嘅時候， 好多嘢都唔食得。想食辣野炸嘢嘅時候又要忍住口！特別係你啲朋友係你身邊食嘅時候，成日引誘你食！令到我成日忍唔住望到自己個樣就想喊！ 最後想問大家一個問題想知道男仔係點樣睇生瘡嘅女仔㗎？
#NSS學校 [黃大仙區清水灣道某名校] 啱先喺nss見到一篇投稿，冇記錯應該係 #NSS210928G，唔知點解好似見到曾經嘅自己，講真，睇到嗰篇文嘅時候我真係好緊張，好驚樓主遇到唔好嘅結局。 話說中一嗰陣時，入到精英班，裏面學嘅嘢深過普通班好多倍，我底子唔好，所以會比其他人辛苦更多。我係一個唔太識社交嘅人，全級淨係識到一個朋友，每次grp project我都係剩低嗰一個，其實依家諗返起，記憶已經有少少模糊，但係我好記得中一嘅我過得幾辛苦。 第一次pj，我同我唯一嘅frd嘅frd組埋一齊，但係嗰陣時唔知點解個個都好排斥我，pj要交嘅前一日，佢哋將所有工作推曬俾我，仲講到好似理所當然咁，當然我‘寡不敵眾’，最後差唔多都係我一個人做晒。之後我唔小心唔見咗另一個pj需要嘅工具，佢哋成組人一齊鬧9我，話我freerider，但係其實嗰個工具可以再問老師攞多個，而且唔係急住用，我唔明白點解可以將件事講到咁嚴重。 第二次pj，我又係剩低最後一個。話說我嗰陣時有個好憎我嘅人，但係我完全唔知道點解，我唯一知道嘅係佢同我唯一嘅frd好frd。因為搵組員嗰一日佢冇返學，所以我就焗住同佢一組，但係佢完全唔想同我溝通，我ig dm佢，第二朝我就聽到佢同另一個人講 ‘哇你睇下，我就專登唔理佢！’ 其實我有同佢喺現實中傾過，但係佢每次都係掉頭走咗去，我試過買嘢食俾佢希望同佢和解，但都係冇用。到咗pj要交嘅前幾日，佢突然之間同我講佢一個人做晒，話我係freerider，我當場問號。我承認我衰，我就應該直接自己做晒，做咩係都要等佢呢？ 後來班主任俾咗張紙仔我哋，俾我地寫向同佢講嘅嘢，我將我所有嘅怒氣發洩係張紙度，我鬧班主任點解唔好好教佢啲學生，後來佢搵我傾計，佢話我冇同同學好好溝通，我一時語塞，我唔知點解釋我遇過嘅事，就算我點講，老師都覺得係我嘅錯，到最後都係冇解決問題。 直到學期尾，我先至發現原來我嗰班咁憎我係因為我唔覺意開嘅玩笑。希望大家唔好屌我，我嗰陣同同學開玩笑話我真係靚女，然後擺咗個鬼臉，其實我平時都係咁同屋企人開玩笑，我完全冇諗過班同學會誤解我，覺得我好自戀，所以排斥我，冇人同我講過，亦冇人俾機會我解釋。當我知道真相嘅時候，我瞬間覺得我將我一年嘅時間浪費咗喺冇意義嘅嘢上，嗰一年，我成日係度諗我究竟做錯啲乜，我冇喊，但係我都唔開心。 我冇好似原po咁轉校，我留過一次班，因此我識到新朋友，直到今年中五，我搵到我鍾意嘅嘢，我發覺其實唔一定要讀書勁先開心，雖然讀書重要，但係我覺得搵到同確定未來想做嘅嘢會更加開心，我慢慢搵到同好，開始預備大學面試（我想入嘅大學中六學期頭就要報名）。我遇到我鍾意嘅人，我每日慢慢靠近佢，希望多啲了解佢，甚至開始期待下一日會發生啲咩。 俾個建議大家，希望大家唔好因為名校光環而入名校，我向我小學同學了解過，發現名校真係chur好多。當然唔係話所有學校都係咁，但最緊要係適合自己。 小妹文筆唔太好，希望大家都get到我想講咩，好多謝咁多位睇我講咁多嘢，真係好感謝♥️
#NSS學校 [赤柱嗰間好大嘅中學F5學生] 話說學校喺完咗assembly之後，將我哋form冇打針嘅人用PowerPoint列哂出嚟，冇打針嘅人要留哂喺個hall到，大家都知咩事。嗰吓真係好嬲，點可以將個人嘅私穩亂咁post哂出嚟，學校咁樣做完全冇尊重過學生嘅私穩。之後當然就開始逼針啦，原因一：可以上全日課；原因二：可以上全日課；原因三：可以上全日課。咁究竟打針係為咗上全日課定係為咗我哋嘅健康？依家隻疫苗技術咁新，面咗世唔夠二年，我打咗會對我長遠嘅健康有咩影響？同埋政府啲專家都話有機會會導致心肌炎，又話咩淨係需要打一針，減低患上心肌炎嘅機率，咁其實都已經證明咗有安全隱患。如果係學校因為想上全日課，而我走去打針，我最後出咗事，咁點算？我冇信心，同時都好驚。我本身喺學業方面都已經好大壓力，依家仲要搞埋啲咁嘅嘢，加上我老豆老母又係逼針專家，我依家想同屋企人分享同表達吓自己意見又唔得，返到學校，又係咁，我真係未試過咁大壓力。可能逼針嗰堆人可能真係想我哋好，但我都想表達嘅係，你心目中嘅好，唔一定係我心目中嘅好，我有我嘅選擇權去揀打唔打，選擇一個我認為最適合自己的決定，希望學校可以尊重返學生嘅選擇權同私穩。 圖Link: https://drive.google.com/file/d/1Mpoj5fCKQRg4r7nnfsvOFgmPvxNZh_HX/view?usp=drivesdk
#NSS愛情 [GUEST] Admin po ig please 🙏🏻 （長文慎入+第一次投稿要屌嘅屌細力啲😣）是咁的，小弟就鍾意咗自己個frd。 小弟今年中五，有個中四嗰陣先識嘅frd（下稱A），佢都係男仔嚟。初頭係因為frd都分咗去唔同班，我地又咁啱坐隔離位而熟咗，依家我最frd嗰個反而變咗係佢。 咁A之前八月中就要去美國讀書，佢出發之前我地都有約埋其他frd出去玩盡佢先。除此之外，離A出發日子越嚟越近嗰陣A就好似驚死我會唔記得佢咁成日話「我會好掛住你」，我有啲驚訝因為之前同佢相處佢絕對唔係呢種人，所以覺得佢好可愛。 佢去咗美國之後仲日日都同我講好掛住我，send到都慣晒，不過我都係覺得佢好可愛，所以每一次A咁message過嚟我都會好好咁覆返佢話我都好掛住佢。 跟住我地啲對話好似越嚟越曖昧，A除咗會同我講「掛住你」之外仲會同我講「好愛你」、「好想攬住你」、「好想你喺我身邊」，我完全冇諗過佢會咁主動（利申我全部都有好好咁覆！）。 有次我試下讚A好可愛，佢冇覺得我嘔心仲話好開心想我講多啲，佢呢個反差萌真係搞到我好心動，不過可能都只係好似我平時見到啲動漫老婆咁覺得萌嘅啫。 我就一直都係咁諗啦。直到中秋節嗰日見到啲（舊）同學po晒IG、FB拍拖嘅拍拖，約frd出去嘅約frd出去，我就得自己一條友冇訂去（屋企唔多慶祝中秋），沖涼嗰陣一諗到A唔喺香港我就喊咗出嚟，我就察覺原來自己應該係鍾意佢，見唔到佢真人好寂寞。 諗返起之前同普通frd傾幾句佢話唔知A依家點，同埋A去美國班機香港時間下晝三點到，點知一搭正三點佢就即刻影相過嚟比我，過咗兩三鐘佢先去我地啲frd個wts group度報平安，就發覺A好似咩都會同我講，而且都係淨係同我&第一時間同我講。 於是我就諗佢會唔會其實都鍾意我，不過我見啲frd有時po佢地close frd之間啲對話啲cap圖，入面都會間唔中見到「好愛你㗎啫」、「你好q㗎啫俾個熊抱你」bla bla bla咁樣樣嘅字眼。即係close frd之間會咁講其實都好普通下㗎啫，會唔會只係我諗多咗？ sorry for 1999