#NSS個人 [GUEST] 事情是咁的，唔知點解班上面一個同學好鍾意我。 佢話無論我會唔會同佢喺埋一齊，只要我可以陪住佢，每日我同佢主動打招呼，佢就好滿足。呢啲嘢睇落去好似微不足道，但係佢喺人哋面前表現出對我嘅鐘意實在太過沉重。 我有明確咁同佢表示過我已經有鍾意嘅人，我哋兩個之間係冇可能，我亦都好謹慎我同佢講嘢嗰時候可能會出現嘅曖昧。但係佢都仲係話佢自己唔care呢啲嘢，只要見到我佢就會開心。 但係我覺得呢份感情實在太沉重，我冇辦法可以應承佢啲乜嘢、比唔到佢想要嘅嘢、更加冇能力去回報佢嘅付出。既然我畀唔到任何嘢佢嘅話， 我覺得我只可以以朋友嘅身份去對待佢。 我覺得呢份鍾意實在太過沉重，亦都好唔成熟，我承受唔到。 請問各位，我可以點樣去應對呢份感情？ 第一次投稿，Sorry for 1999！ 麻煩哂Admin！
#NSS學業 [GUEST] 唔好意思🙇🏻♀️🙇🏻♀️🙇🏻♀️，請各位花少少時間解答一下小妹一啲關於JUPAS Programmes 嘅一啲疑難（已google，但係仲有啲唔係好明） 首先想問Glaw（government and law）除咗contract, legal systems, law and society 嗰啲仲要讀咩（尤其係有關politics嘅嘢）（唔計social science d electives），同埋除左跟興趣揀social science electives，有冇邊啲特別伏？Social science 使唔使計數之類？ 另外想問讀BBA 使唔使自修翻M1M2 （I mean
#NSS個人 [GUEST] 由細到大都冇一個冇知己 小妹今年F3由細到大都冇知己，都冇一個真正嘅好朋友… 每一次學校分組做project 或者體育堂分組幾時都係剩低嗰個。 個體育Miss仲喺度話我肯定係人緣差先會咁，我唔開心咗好耐。 自己同班上大部份人都傾到，冇同人嗌交，冇同人有啲咩誤會或者拗撬 但係幾時都好似同其他人有一層隔膜， 大家都frd但又未到好frd咁 成日都得自己一個… 啲人成日話 一個人原來都可以盡興 但，我想試吓身邊有人嘅感覺 唔知有冇人同我一樣？ 好想試吓有一個知己，有一個真正嘅好朋友 而唔係得自己一個 多謝睇到呢度嘅你🙏 Sorry for 1999
#NSS家庭 [麻煩admin po ig :-)] 阿媽話遲啲會有個人搬過嚟一齊住… 話說小弟我本身係單親家庭淨係得阿媽 但係上年開始發現我阿媽晚晚都喺度傾電話傾到有講有笑咁 本身以為係佢啲friend 喺好奇心驅使之下偷睇咗佢嘅手機 發現佢哋啲對話非常曖昧…到咗近呢幾個月阿媽突然問我想唔想有個爸爸 咁突然問我我都心知不妙 然後阿媽就開始晚晚同佢FaceTime仲同我講佢係馬來西亞人 話遲啲會搬過嚟一齊住 仲話以後family day都會有佢嘅參與… 到咗呢個時候我開始越嚟越反感覺得好煩 但我又唔想同friend傾呢啲 所以唯有喺呢度抒發吓 Sorry for 1999🙇🏻♂️