—類投稿

#NSS愛情 [真光] 先簡單介紹一下我自己先，小妹今年F3，讀女校，有女朋友，並且已經一齊左有一段時候既。是咁的，我發現我同學好似對我有意思，尤其係我發現她最近動態 po 出左一d我同她平時係學校既日常，內容入面她有提到「希望可以同xx起埋一齊」之類既話。小妹唔擅長社交，希望可以同她繼續當朋友，但只限於朋友，我想請問一下我到底要點樣開口同她講，可以拒絕她但是依舊當朋友。 sor for 1999

#NSS學校 [［Guest］] 小妹F.4 近來多咗d測驗默書所以有時抱怨一下 但係老母好鍾意串我 我成日講「唉好多嘢做」都會俾人話「唔好讀啦出去做嘢啦」「咁都受唔住就唔好讀啦，我幫你退學出去做嘢啦」 其實我都係想抱怨啫…… 我知道讀書係辛苦但係我又唔係唔温書唔讀書 使唔使咁啫……

#NSS愛情 [小弟] 小弟 form 2, 一直都鐘意同女仔溝通同玩，更加想拍拖。但係我讀男校，真係冇乜機會識女仔，都唔好講話要咩條件。 我而家其實好孤單同寂寞。雖然我都有幾個 best frd, 但係已經識咗 5-6 年，已經唔會話成日頃計，加上佢地玩嘅 game 我都唔玩，所以都去到冇咩話題。 仲有佢地有D 都開始拍拖，但佢地都幼稚園轉情侶，而我都冇哂幼稚園女仔 contact. 我想拍拖無非都係因為我想有人可以聽下我傾訴，出街放鬆有人陪咁啫 。 但係而家最大問題我其實唔識搵女仔，而唔係溝通有問題。可唔可以話我聽各位師兄係點搵女仔。

#NSS個人 [Guest] 第一次投稿，如有錯字或寫得199請見諒 Hello! 小弟今年14歲 從form 2開始有個問題困擾住我，就係社交能力差，太怕羞 點差法？我唔敢喺全班都focus喺projector嗰時走去老師度交嘢，因為我好唔鍾意全班嘅目光都落喺我度(其實可能唔會望住我，但我自己會諗) 仲有我喺form 2 wts group 成年都冇send過message 基本上我喺成年都冇識過任何新朋友，而家只得返form 1識落嘅frd (我form 1果時冇社交困難) 有社交困難嘅我生活上有啲咩不愉快? 首先，同學唔記得我嘅名同我嘅存在係經常性發生嘅事 然後到分組做project，屌你滷味我最撚憎group project因為我係次次都係剩低冇組嘅人 其實呢個感覺真係好撚難受…. 我係想改左佢，我有試過改但係我都係衝破唔到自己嘅心理關口 不過好彩，我的社交困難唔係日日都想宅而係困難喺主要係唔太熟識嘅人，平時同朋友都係玩得癲嘅 做個綜結，我係知道自己因為喺青春期，自我意識強左，自己較care人地對我嘅睇法和評價，加上我一直抱住講多錯多的睇法，所以我一直都唔係喺班wts

#NSS愛情 [九龍區某band1中學] 小妹今年F4 ex=M ex嘅前女=N ex 而家鍾意嗰條女=Y (佢哋嘅英文名開頭嘅字 – 之前就同M一齊咗，之後因為人際關係而散咗，散咗之後佢就同N勁close，而N係我個陣最frd嘅同學，亦都係造成我同M散嘅人物(個陣N應該鍾意M,理論上可以講係情敵)，但我個陣細膽唔敢講出嚟(我知我衰喺呢度) 唔夠一個月之後佢就同N一齊咗，過多排又散咗 跟住我就同返M開始講野，我哋再討論返之前散嘅原因係因為邊個，開始曖昧起來，之後就再一齊返。 一齊咗之後，佢間唔中都會講下之前N同佢講嘅嘢，但係我唔鍾意，咁樣認為佢好似未放低佢咁，佢亦都有要求我做我唔想做嘅嘢，唔做嘅話佢會feel sad，但係我愛佢，所以就如佢所願做咗，一開頭其實我都冇乜嘢間唔中就算，但係佢成日咁，都會不厭其煩，因為始終我都唔想做，就唔講嗰樣嘢係乜嘢啦。可能就係因為呢啲嘢，令到我對佢嘅感情越嚟越淡，始終我第一次拍拖，冇經驗。會開始去搵藉口唔同佢call(嗰陣佢因為一啲野唔喺香港，所以淨係可以靠call 去交流)，之後佢都有搵我溝通過，但係我都係好敷衍咁去完咗件事，之後因為我衝動而分咗… 之後佢返到香港啦，就成日都同Y call，亦都同佢講好多好曖昧嘅說話，行為都好似一齊咗咁，仲要Y都係我嘅bff，一日一日咁樣累積落嚟，M鍾意咗Y，而Y都鍾意咗M，仲一齊咗。 最後我同Y同N都反晒面，我就真係唔明，你哋明明知道我同佢嘅事，點解仲要咁樣做？我知道分咗手我都唔可以理，但係始終嗰兩個女仔都係我嘅bff，都希望佢哋可以有少少距離？ 而M點解可以咁快就放低到上一任？ 我依家仲好鍾意M，我應該繼續等定係放棄 同埋點樣可以放低佢 Sorry for 1999👵🏻 求鬧輕啲,希望各位比意見

#NSS學校 [HKS] 自己對心理學有少少興趣 有諗過大學報讀心理學 唔知有冇過來人可以分享一下經驗? 例如你讀邊間U同埋啲功課嗰d係點樣?伏唔伏? sorry for 1999 and thx admin

#NSS愛情 [Guest] Admin post ig thx! 小妹今年f2，舊年f1嗰陣鐘意咗個男仔(下稱A)，咁舊年喺唔同渠道/同學之下就知道咗原來A都鐘意我。所以其實雙方都知道大家都鐘意對方，但係到而家都一直扮唔知。 f1嗰陣知道到咗之後其實A同我都好似無野發生過咁同以前冇分別，跟住f2唔同班，我成日見到A嗰陣會特別唔望A/避開A，唔想理A，但當我同d frd玩既時候見到A出現嗰陣又會心裏好雀躍變得成日笑。 平時如果我ig/wts覆A既story嗰陣又成日傾到好耐計，會成日串對方，就算有時d野有d難聽我都會好開心。 可能好多人都話互相鐘意就最好表白唔好錯過，但係我又冇咁既勇氣，而且我唔想咁快心智未成熟就拍拖，但真係好希望真正咁互相確認雙方既意思…

#NSS個人 [Guest] Sorry that I say this in English cuz it makes me more comfortable to say what I’m feeling right now. I’m not trying

#NSS愛情 [GUEST] 是咁的, 小女今年識咗個男朋友, 同校嘅, 但係我best frd 成日都好自然同我男朋友玩埋一齊, d igstory 成日都係我男朋友, 有咩睇法🥲

#NSS個人 [GUEST] 麻煩admin po ig ！！！ 是咁的 小妹想來搵返童年嘅個本書😖 琴日發夢返到小學，去左學校圖書館，然後搵到我小學最鍾意睇嘅個本書。未睇到個名就已經醒左。我真係好想搵返個本書再睇多次，但好可惜係已經過左6年，我除左內容之外書名作者都唔記得。希望大家可以比d線索比我搵返本書！ 以下係關於書嘅封面： 書嘅封面係一個跳芭蕾舞嘅女仔，佢著綠色芭蕾舞裙，做緊半腳尖企嘅動作。 小說嘅主角： 兩個讀國際學校嘅女仔（以下簡稱A）同佢朋友（B）個故事。 A屋企好有錢，但係佢老豆好忙，冇咩時間陪佢，仲幫A搵左個後母，生埋個仔。後母同A關係唔好。B屋企唔有錢，但係（好似係因為佢媽咪係國際學校做校工 B先可以入去讀？）同埋佢地一家人嘅關係好好。A好羡慕佢地嘅關係。佢地兩個都係一間學校學芭蕾舞的。仲有一個人係佢地嘅芭蕾舞老師，我記得係一個中英混血兒，呢個好似係衰人？佢為左做芭蕾舞劇嘅主角，陷害左佢朋友，最後搞到佢朋友意外死左。 故事內容： A放學之後見到佢後母來接佢，然後佢地去雪糕店食雪糕，（我唔記得左後母同佢講咩）然後A就好嬲，自己一個人離家出走。去左B屋企，然後B同佢屋企人就帶佢返屋企，B同佢介紹屋企仲有佢隻啤啤熊，又帶佢去公園玩。又煮飯比佢食，我記得好似有雞翼，牛丸同埋無添加嘅菜！A係自己屋企嘅時候想食幾多雞翼都冇問題，但係B屋企只可以食3隻，但A覺得好開心，因為起碼可以一家人一起食。最後食完飯B屋企人就送A搭巴士返屋企。係巴士上面A好似喊左。但後面嘅內容真係唔太記得！我只係記得A同B聽佢地嘅芭蕾舞老師話佢後生嘅時候做左錯事，搞到自己嘅朋友死左，見到A同B咁fd，佢覺得好後悔。我記得好似係去差館自首？然後好似係舉辦左芭蕾舞話劇比賽？A同B去參加選拔，最後好似係B做左主角。然後A同B嘅家人去睇演出，A雖然唔係主角，但A同佢屋企人都覺得表現得好好，最後A同後母和好。 本書嘅內容就係呢度！好多謝大家睇到呢度，呢本書嘅文筆其實同馬翠蘿或者利倚恩嘅feel差唔多（因為我小學就係睇呢幾個作者）但呢本真係我心目中覺得最好睇嘅小說！希望大家可以比小小線索我去搵書！我真係好想搵返我嘅童年回憶！ sor for 1999 感謝大家睇到呢！