#NSS個人 [GUEST] 是咁的，小妹屋企大廈住咗個黐黐地嘅人。聽屋企人講佢住咗好耐，但我都係最近先見到佢。 第一次見佢係放學，同佢搭同一架𨋢。我嗰陣仲未知佢係邊個。佢一見到我就問我係咪X生個女，因為好多鄰居都會咁問，吹吓水，所以我冇特別在意。答完佢之後佢又問我係X樓E定X樓D。我即時嚇到個心都離一離。但我又唔知點解咁蠢，好誠實咁答佢。 今日同完屋企人出去食完飯返屋企又見到佢。佢入大廈後去咗信箱攞信，望到我哋入大廈又掉頭行返出嚟。明明係夜晚佢同我哋講早晨。又係咁問我哋去邊。我哋成家即刻出返大廈，唔應佢。但佢一直跟喺我哋隔離，過咗陣先搭𨋢走。 雖然我知我咁樣做好似有啲歧視，但我真係好驚。想問吓大家如果下次我再見到佢應該點做。求其講嘢敷衍佢？定話唔理佢直接掉頭走？我驚應咗佢幾次後佢次次見到我都問我嘢。 唔該大家diu都diu得細力啲🙇🏻♀️ sor for 1999
#NSS愛情 [Guest] 講番少少背景先，話說小妹而家中一，而家都仲有同好多小學同學聯絡。咁有其中一個男仔同我算係好朋友嗰一種，咁佢以前鍾意過我嘅、亦同過我表白，但係嗰陣時我好絕情咁樣拒絕咗、block哂佢contact我嘅方法 （6月嘅時候）。但係其實我鍾意另一個男仔（鍾意咗兩年），但係佢拒絕咗我，我冇辦法啦，所以就用盡方法去唔記得佢、放低佢。之後之前嗰個男仔我就unblock 咗佢，同佢傾偈、變返好friend嗰種。但係我純粹想同佢做朋友，然後佢今日再一次同我講佢鍾意我，我認為同我做朋友先係最好嘅關係，但係我唔想拒絕佢，因為我好明白俾人拒絕嘅感覺。但係我而家同佢關係好尷尬，我只係想同佢做好好嘅朋友，我應該點做？ Sorry for 1999
#NSS學校 [CKMC] 我有個friend佢有男朋友嘅，簡稱I，同時佢有一個幾好傾嘅男性朋友，平時會傾功課，課外活動嗰d野，但比d「有心人」屈佢，將成件事誇大咁話比I知，I未經過分析就覺得係真，佢d frd又好奇怪咁唔信佢，一齊bully 佢，搞到佢係學校差唔多冇曬frd。I 話佢知道邊d真，邊d假但又攞唔出實質證據，衹係一味係度串佢同恐嚇佢要認自己同個男性朋友有野，如果唔係就令到佢冇曬朋友。問題係 I 嘅ig仲keep住tag 我個friend, 個WhatsApp background 仲係我個friend，又唔肯講分手，但I日日都係度串我個friend， 冇諗過要挽救呢段感情。 其實I 今年已經form 6, 我個friend 細過佢， 即係I 諗住佢走咗之後，留低返我個friend喺度承受一d佢唔應該承受嘅野，完全唔係一個男人，或者男朋友應做嘅野 #sorryfor1999
#NSS學校 [東區Band 2男校] 東區Band 2男校（其實大家都估到邊間la）。男神新head p！！！呢個投稿真係想畀多D人睇到。 新head prefect終於上任la，超興奮！我係佢嘅師弟，佢真係好好人同大方，矮矮地又超級可愛，讀書又勁，對我黎講佢係完美，所有野都同上年個head prefect相反。有次同佢出街嗰陣想買對鞋，佢知我帶唔夠錢，即刻諗都唔洗諗就畀咗$300我，佢仲話還唔還都冇所謂（最後畀番$100佢），佢幫過我、對我好嘅事真係多到唔記得，真係好鐘意佢，如果我係女就好，不過我係女就入唔到男校la，或者我寧願係gay嘅都想同佢一齊。佢呢一年真係變左好多，有時叫佢都唔應我，不過佢喺學校同出面真係兩個人黎，希望你地都可以體諒下佢la。btw，都唔知我應該當告白投稿定學校投稿好呢？❤❤❤❤❤
#NSS愛情 [guest] 小弟今年中五，同男朋友一齊1年八個月，感情算穩定。 我同男朋友同學校，前年同班一齊座，一見到佢就覺得佢好q好可愛💜，個人又細心，講野都好溫柔。幾個月後佢竟然同我表白，真係好surprised，冇諗過佢都鍾意我，我地都覺得好難得，所以好珍惜對方。 而家感情越來越穩定，我但地雙方家長都唔知我地拍拖，而家想同父母講清楚。😢 我係單親家庭，媽咪唔算保守，之前試探過佢應該係接受到，但話如果係bi，都會希望我同女仔一齊。但我男朋友父母好保守好嚴，佢試探過就俾人鬧左一大餐。。😭😭😭 而家我地都真係想同父母講，唔想再偷偷摸摸。我地雙方家長都識對方，佢地都覺得係好兄弟咁，完全唔知。 想請教有咩方法同父母講？我媽咪要接受應該比較容易，但佢爹哋媽咪就好難，基本上肯定會逼佢分手，最驚係斷絕關係或者趕佢出屋企。。 我真係好鍾意好鍾意佢，我地一齊打機，溫書，返學放學，一切進步，難得互相鍾意，我唔想分手。但要點樣令佢父母接受？😭🙏🏻🙏🏻
#NSS學校 [khss] 校長老師完全不負責任 包庇學生 PS.純粹路見不平，拔刀相助 背景：L屋企人係老師，L呈分試得二十七分，因為屋企人識校董所以託關係入咗呢間學校。 聖公會基孝中學有位中一男學生（下稱L）非禮（用左手渣受害人右胸）襲撃一名中一女學生，事發之後Y老師唔比喺案發現場報警，叫學生自己出去報警，擔心學校聲譽受損。家長報警後Y同警察講受害人有分裂症、思覺失調，誣衊L。喺非禮事件事發後另一日L威脅受害人同證人，受害人同H老師講，H帶受害人同證人寫口供，但H之後喺全班面前講受害人同證人誣衊L，最後L同學轉咗去隔離班😰。 補充：受害人與其家長曾約見H，H叫佢哋喺間房等佢，點知受害人等到夜晚六七點，先發現H一早走咗。 詳請可稍移玉步至 @k_k0070
#NSS家庭 [Guest] *長文慎入 有個仆街老竇嘅我應該點做？ 話說小妹啱啱喺八月移民，喺嗰邊二月鳩升中一，宜家暫住喺老竇朋友屋企，而我哋本身睇緊樓。 交代返背景，我宜家十二歲，一直都係同爸爸分居，同媽媽住，所以母女之間感情唔錯。 喺七歲前，我每個週末都會見老竇， 但係自從嗰次佢鬧我鬧到關係破裂，我哋就冇再見，就係咁過左四五年，佢甚少參與我嘅童年。 嗰次嘅衝突其實都令我好驚佢，記得嗰陣時我長髮及腰，佢就無啦啦睇唔順眼要我剪到及肩， 但我嗰陣時喺小學俾同學笑肥，於是就覺得長髮嘅形象可以蓋過「肥」，而且顯得塊面冇咁大， 以為咁樣就可以令班人收聲，唔再笑我。 但佢就係咁鬧我「姣婆」「想勾引男人」，嗰陣時嘅我真係承受唔住， 喊住跪低求佢唔好逼我剪頭髮，因為我好驚情況會變得更差，佢就點都聽唔入耳， 喺伯伯同老母嘅勸說下佢至停咗火。 留意返，我哋宜家都只係和好左幾個月。 身為一個老年「大男人」，佢絕對唔會聽其他人意見，如果質疑佢嘅睇法，就會俾佢屌都渣都冇得剩，正正因為咁，我哋兩母女同佢好多磨擦。 喺睇樓方面已經好明顯睇得出，大家追求嘅生活模式大相逕庭：老竇係一個守財奴，怕麻煩， 慳得好過火，係堅寒酸；老母都慳，不過就合理地慳。 舉個例子：我老竇覺得買咩都嘥錢， 老母買廁紙、沐浴露、潤唇膏呢啲必需品都比佢鬧， 而且佢唔止因為「嘥」而鬧人，乜都可以鬧一餐， 好似攞老婆黎出氣咁， 咁我媽日日比人鬧，梗係唔開心啦， 佢又唔想對老竇發脾氣，話搞大件事對大家都唔好 其實老母有抑鬱、偏頭痛同其他情緒病，移民逼使佢要減藥，我都幾擔心佢嘅病情加重。