—類投稿

#NSS個人 [Guest] 小妹中二，由中一開始夜瞓，小學嗰陣我阿媽都唔俾我夜瞓，不過嗰陣班入面唔少同學都夜瞓，阿媽又冇乜點理我，自然就越嚟越夜瞓，每朝早其實都要6:30起身，不過我大概1:00先瞓 其實我好鍾意瞓覺，如果嗰日冇功課要做，我放學返到屋企食完飯之後其實會瞓晏覺，咁瞓晏覺其實都只係為咗嗰種爽嘅感覺，老實講對於補眠係冇乜作用嘅 除咗因為同學都夜瞓之外，我夜瞓嘅另一個原因係因為要睇手機，其實我冇沉迷，只係因為晏晝嘅話我阿媽成日都喺屋企，睇得好唔自在，晏晝我好少睇手機，最多睇吓班grp, 夜晚睇嘅話，阿媽都瞓咗覺，好自在 我由中一10月夜瞓到而家，從來冇對我嘅生活或者學業造成影響，因為我測驗考試前會早瞓，話說中秋節喺婆婆屋企食飯同賞月，搞到好夜先返屋企，而且對比起平時，我又要應付同親戚講嘢，都幾攰，搭左成個幾鐘車，返到屋企沖完涼就即刻瞓咗，嗰陣大概12點，第二日我好晏先起身，好似11點先起身，正常來講瞓咗咁應該好精神，而我中秋節翌日的確幾精神，不過星期四夜晚9點左右，我突然好眼瞓，就喺張床度瞓着咗 星期五我喺學校好精神，不過喺屋企又係好早 (9:xx) 就覺得眼瞓 我想問我應唔應該早啲瞓？而我點解星期四嗰日會突然間咁眼瞓？ 文筆唔好嘅唔該唔好diu我 Sor for 1999 Admins我求吓你哋幫我post ig Thank you

#NSS個人 [GUEST] 今年15歲 打左第一針 究竟打唔打第二針好🙏🏻🙏🏻打咗第一針又唔打第二又好似有啲可惜，但係打咗又話有咩心肌炎😮‍💨

#NSS個人 [guest] 小女讀左六年女校，唔知係咪呢個原因搞到我好驚男仔，就算係條街見到有一段距離都會特登避開，就算食飯果陣隔離果台係男仔都覺得超級尷尬。啲frd成日叫我唔好咁驚，我有嘗試過克服但係都係唔夠膽望出人地。我知道雖然咁樣好有問題，但係我真係克服唔到，想問下有冇啲咩辦法可以解決到🙇🏻‍♀️sor for 1999 admin po ig pls🙏🏻 圖Link: https://ibb.co/tQ5rkT1

#NSS個人 [Guest] 大家身邊有冇啲特別姣嘅女仔，見仔就上 小妹f4，有個frd真係覺得佢好姣。個女仔叫A啦，A基本上朋友都係異性較多，咁咪當佢異性緣好冇乜問題其實，但係佢對住班仔真係好虛偽，為咗討好班仔同人keep frd，班仔叫佢做乜佢就做，考試自己唔溫書都要幫人地溫，仆心仆命嗰種，但係我地自己啲女仔frd搵佢幫手呢，一係就第二日先覆，一係就不讀不回，但係其實你喺學校都係要同我地內圍一堆㗎啦，咁樣其實真係好唔gur。 本來都諗住當唔關我事啦，但係佢成日開口埋口就係提佢班仔，可能係話邊個邊個男仔琴日同佢講咗啲乜，其實真係好瑣碎，同埋完全唔關我事亦都唔係啲咩八卦，但佢就係要不停講，聽到我都煩，但我冇理由當面拍枱㗎嘛。佢好自豪有嗰班男仔frd，因為基本上每個都算靚仔，高高大大咁，同埋班仔算風頭人物，但係佢地唔讀書，我都唔係針對佢地成績差，而係佢地諗嘅嘢根本同我地唔同，同佢地深交其實係0收益。我都唔知點樣勸A，佢真係做多咗，可以話係嘔心，做多到f5班人都開始喺背後討論佢，因為佢會ig成日po同班仔嘅互動，講曬愛你心心嗰啲，但係有啲係有女朋友㗎囉…… 最近佢同班仔就炒咗，原因係班仔同A唔鍾意嘅女仔玩得好埋冇點理A，A就嬲，又開始同我講班仔唔好嘅嘢，日日都屌佢地，但係班仔一搵佢呢，A又返埋去㗎喎，我都唔知講乜好 對住A真係好煩，純粹發洩文，實會有人屌我，但都講句sorry for 1999

#NSS愛情 [GUEST] 長文： 我今年form5，上年識咗個女朋友，細我兩年，讀間傳統女名校。我哋之前都未拍過拖，一直感情都好好，周不時會出下去玩，亦好少嘈交，見佢讀女校亦信任佢，唔覺得佢會出軌或者咩嘢。 不過唔知點解我呢幾個 weekend 揾親佢都唔多理我，成日話有 project 要做，但呢個講法已經由暑假嗰陣用到而家，我一個月前已經覺得怪怪地，不過冇當面話佢。 而家開咗學而我早放過佢，所以如果嗰日放學冇補課都會盡量趕去接佢。兩個禮拜前，我去到學校門口等佢，等咗佢一陣就出嚟，不過佢見到我之後第一時間就衝咗去揾另一個企咗喺門口嘅男仔。我當下真係 shock 咗，心諗wtf，然後我行過去問佢嗰個邊個嚟。 佢就話係佢個阿哥嚟，大佢三年，即係大我一年，但因為 repeat 過所以讀緊 form5。我即刻冇咁驚，咪一齊去食飯囉。我哋三個去咗間餐廳，我同女朋友坐一邊，然後佢阿哥就坐我哋對面。嗌完嘢食之後我去咗個廁所，點知返到嚟佢阿哥坐咗我女朋友隔離。我咪唯有坐對面囉，反正佢哋只係兄妹。 之後嚟咗嘢食啦，我食緊麵嗰陣突然聽到我女朋友嗌咗一聲。我問佢做咩嘢，佢只係擰頭話冇嘢，但又向下望。我就望下檯底有咩嘢，原來佢阿哥喺度摸緊阿妹大脾。係我睥住咗佢阿哥一陣之後先至冇再掂，但我返到屋企都覺得自己可能諗多咗，或者只係佢兩個算係比較熟嘅一對兄妹。 隔咗三日，襯放早又諗住接佢啦。我冇通知過佢，諗住畀個驚喜佢，咪衝去佢學校接佢囉，不過佢阿哥又喺嗰度。佢兩個傾緊偈，向緊我呢邊行過嚟。我女朋友見到我就好似好開心，仲衝過嚟除低我個口罩錫我嘴，話趕住兩點要去補數，陪唔到我。咁我都冇計，咪叫佢小心啲，然後自己去附近茶餐廳食自己囉。 不過呢個禮拜入面四日（禮拜三放假），我都想去接佢，咪 send 咗個 message 講話我係天后站個大堂，叫佢落嚟揾我。但佢每次都話補習，除咗今日佢miss 咗我個 message。我今日見佢唔覆我機，咪周圍揾佢囉，終於揾到佢嘅時候又係同佢阿哥一齊。佢哋入咗閘之後我就跟埋入閘，然後一直跟住佢哋落電梯。不過越嚟越覺奇怪，佢哋冇著到校服，換咗普通便服，而明明住筲箕灣，做咩搭咗去西區嗰邊嘅方向呢？

#NSS家庭 [可以點同屋企人講…] 小妹一直有自己一間房…已經有兩年…已經習慣咗 但係而家阿爸阿媽突然話要搬屋 有四間房但係唔會再有獨立房… 要同工人同房 請問點樣可以說服到佢哋可以俾一間房我？🙏🏻 sor for 1999

#NSS個人 [Guest] 麻煩Admin post IG, 感激不盡！ 雖然知道唔係好關secret事，但啱啱見到有人用投稿嚟搵書即刻有種衝動想做同樣嘅事。記得小學嗰陣睇過一本料理漫畫，書名同內容都唔係太記得，只有一幕特別深刻。嗰一幕係講緊主角團參加團體烹飪比賽（應該係）。佢哋太早將龍蝦煮完放埋一邊， 結果俾評審批評咁樣會破壞龍蝦嘅肉質。當成隊都好驚嘅時候，就發現主角喺下面擺咗堆薯蓉進行保暖，拯救嘅成碟餸。原諒我只可以提供如此情報。唔知各位會唔會咁啱知道本書叫咩？感謝你的閱讀，抱歉浪費了你的時間。 Sorry for 1999

#NSS學校 [GUEST] 是咁的,小妹中三,中一嗰陣識咗個frd,幾frd下,中二中三都係同班,但係我發覺佢講嘢好大聲,冇乜禮貌(我唔係好注重,但係我覺得基本嘅嘢要有返) 上堂嗰陣又係咁同人講嘢,好嘈,我知佢男仔頭,成日同男仔講嘢,有時同佢出街我都有啲失禮,我同佢講過呢啲問題,但佢似乎冇改過,亦都唔打算改, 好似失去個朋友又好可惜,我應該點做? Sor for 1999

#NSS愛情 [Guest] 小弟鍾意左一個女仔女耐，都有五年，同佢一直都幾fd 咁我一年前就同佢表左白係WhatsApp，個陣我見佢一直都冇覆，我就好驚同怕老尷（我A0…)，就話做住朋友先，估唔到佢都話好，唔知算唔算食咗檸檬？ 睇個次以後我哋氣氛都一直好尷尬，feel到佢應該唔鍾意我，雖然心入面係想同佢一齊，但係做返朋友可能仲好⋯但而家嘅關係就係好似連朋友都做唔到咁 不過呢排開咗學之後好似冇咁尷尬，都有約出嚟玩咁（唔係單獨），但係我唔知佢諗緊乜，定係我應唔應該放棄？ Thx admin 🙏🏻

#NSS愛情 [GUEST] 小妹f4 對一個男仔有好感 有個識佢嘅朋友話佢係中央暖爐 但我唔知佢同其他女仔fd係點相處 佢會講啲令人誤會嘅說話 例如佢提議話打電話陪我睇劇/動畫/youtube 所以個問題係：點樣分到佢係咪純粹當我fd 唔好叫我照鏡 認真答thx！ 唔該晒admin