—類投稿

#NSS家庭 [葵涌區某女校] 我依家中二，成績中等，屋企又唔係好有錢，啊媽就無乜逼我上補習班嘅，不過佢話如果我想補佢都會俾錢我去報，考衰咗又無乜話我，有時我出街問佢攞錢佢都會俾。但係唔知點解我好想佢好似其他老母咁會幫我安排好啲補習班同時間，同其他人講佢哋又會話我好自由，唔知點解我會咁諗。到底我係咪好奇怪？ Sor for 1999

#NSS愛情 [GUEST] admin plz po IG thx🙇🏻‍♀️ 話說小妹今年F6，鍾意左個男仔差唔多一年。本身我地兩個就識左5年幾，一直都係同班，所以都已經幾熟。自從我鐘意左佢之後，我有主動係Whatsapp搵佢傾計，佢都有搵我傾心事，咁就越黎越熟啦。到今年開學，佢同我講佢有鐘意嘅人，跟住就同我講佢鐘意嗰個女仔嘅特徵啦，點知我完全符合曬所有特徵，咁我驚我自己feel錯，所以一直都無表白。 依家最大嘅問題就係佢好鐘意扮型（？），成日話要等嗰個女仔向佢表白，但係已經就黎畢業，我唔想令自己後悔。大家覺得我應該可以點做？ Sor for 1999🙏🏻

#NSS個人 [GUEST] 「如果唔想睇篇文，可以睇最後個句，係重點！」是咁的，小弟好好彩咁入左校隊。我自知自己唔係叻頂多都係做後備個種（只不過我識打小小其他同學唔識打我先入選）而家學校話打針先可以放學訓練得阿媽想我係校隊入面，逼我打針。其實我係知道入選既時候都有一刻想打，但係⋯我身體唔好我自己係知道。我真係好驚打完會死。而家我都唔知點好，我唔敢反抗我阿媽，如果唔係我就無錢上丁。各位有咩方法可以令我可以逃避打針啊 sorry for 1999 辛苦admin了

#NSS學業 [Kyc] 想問下如果大個想做會計師，揀科嗰陣時使唔使揀番accounting？ 我哋間中學已經講話企業會計與財務概論唔會開accounting，好驚上到大學之後唔會教返中學嘅嘢。

#NSS個人 [GUEST] 小妺有幸可以同細佬分房，依家有兩間房可以俾我揀，不過唔知點揀，希望各位可以幫我揀邊間好啲🙏🏻 第一間房比第二間房面積大一倍，可以擺到幾個櫃，不過就要同啊婆share 住，阿婆平時10-11點就要瞓，如果要做嘢或者睇嘢就要出去廳睇，加上間房Wi-Fi收得唔係太好，多啲空間可以用 第二間房淨係擺到張碌架床，上層喺床，下層喺書枱，最多擺多個勁簿嘅櫃，啲衫一定要擺啲係第一間房，Wi-Fi收得比較好，可以有私人空間，但係隔音又唔係咁好，少啲空間可以用 我希望我嚟緊可以專心讀書，就諗住揀第二間房，但係第二間房又好似冇王管，冇嘢提醒我要溫書la……. 希望各位可以俾啲意見小妹🙇🏻‍♀️

#NSS個人 [GUEST] 是咁的，我一直俾屋企人逼住返教會 講下背景：我讀初中，由幼稚園開始已經返教會 咁其實細個返主日學都冇乜問題，但係而家出返去聽崇拜，真係好悶。我本身又有少少怕醜+社交恐懼，成日要企起身唱歌 互相問安，其實真係好痛苦。 之前返午堂(11:30)都好啲，而家要返早堂（10:00）真係會死。自己本身係起身困難戶，平時起碼12點打後先起，瞓得嗰幾個鐘真係好眼瞓。 想問下有咩方法可以拒絕返教會，btw屋企人好惡🥲

#NSS愛情 [[GUEST]] 小妹近排好似鍾意咗個男仔 我覺得佢好charm 性格好好 佢坐我對面 因為而家疫情嘅關係 啲枱都係分開 所以前後講嘢比較方便 佢有時候會問下我借notes或者文具 有時老師話可以同附近嘅人討論 佢都會主動搵我 但我同佢唔熟 除咗互相借嘢之外都冇乜其他嘅交流 就係有一次我終於鼓起勇氣問佢數學 佢好用心咁逐個逐個Step教我 我嗰陣緊張到個腦諗唔到野 唔敢同佢對望 仲有啲心動嘅感覺 佢同我講嘢 我就會好開心 就算係一句都好 我就知道我開始鍾意佢 我每日都諗起佢 佢好好人

#NSS個人 [guest] 可以點喺補習社識女仔?🤔 小弟鍾意左補習社一個女仔 佢同我唔同學校 每次上堂佢都坐我附近, 但係除左好耐之前佢問我借過一次notes之外無講過野 因為之後會調堂 可能唔會再見到面, 所以想趁最後機會識下佢🥲 請問可以點做? 點開話題會無咁尷尬… 我本人較內向唔擅長對話 所以很煩惱 有諗過follow佢IG, 雖然係public但佢版面除左頭像咩都無所以我又唔敢 就咁follow好似怪怪地… 有無人有識人成功嘅經驗可以分享下?🙇‍♂️

#NSS愛情 [SSC] 我地學校勁多人simp D女仔😏 笑L死 然後simp完又唔認 仲要係IG幫個女仔開Fanspage 笑🙃

#NSS社會 [GUEST] 大家點睇前排話ig會撤出香港，撤出又係咩意思？ 陣係撤走香港嘅Data Center 同埋Office？ 咁私隱專員即係北京🤥又會唔會讓步？ 如果北京唔讓步fb,google係咪就唔再提供服務比香港？ 如果真係嘅話大家會點做，到時香港人就要上vpn去外國，定係用其他social media？