—類投稿

#NSS學業 [guest] 好驚中文寫作文 完全唔知點準備 每次寫啲句子都唔具體唔夠細緻 寫成日先寫到一篇 求各位大神指點 🧘🏻‍♀️

#NSS個人 [GUEST] 小妹今年13y ,f2,係一個好內向既人,個人好自卑,由小五六到開始對生活無咩興趣(? 成日係班上做分享既時候都好緊張,覺得自己把聲好難聽。 到中一二,覺得有好大既學業同社交壓力(? 平時上堂都係老師寫d咩我就跟住抄，所以成績一般般（我知道正常每個人都會有壓力）但係壓力越來越大,覺得好辛苦,覺得自己係一個無用既人,唔咁搵社工😢好驚會比人知道,亦都好驚比屋企人知道我原來係咁,平時喺屋企同喺出面既性格係唔同, 每日出街行街既時候都係底住個頭行,好似永遠都帶住個假既面具做人,好想死,亦都曾經祈禱希望自己可以係生日嗰日死.. （本文純粹發洩） 第一次投搞 錯字勿噴🙏🏻 sor for 1999 麻煩admin po ig 🙏🏻

#NSS學校 [Jccss] 救命，真心想知大家點處理扮乖扮忙扮熱心嘅人 話說小弟f.3，咁就做Pf，有個同級Pf扮乖扮忙 咁我哋下稱A，咁A同我同班，咁有一次F1家長日就點名啦 原本我都諗住做嘢，佢叫我揸住啲垃圾係咩事 然後我就同佢講不如我癡貼紙，A負責幫手點名 佢話唔使叫我揸垃圾，我就當住但form one面同A講咁自私嘅 然後佢鬧翻我轉頭 究竟依家邊個做錯野先，依家唔係我做錯野喎 救命我放棄呢種扮乖扮忙扮熱心嘅Pf

#NSS文化 [Guest] 話說小妹今年中三，係讀男女校嘅，身邊有唔少女仔friend 都好似有啲驚男仔，例如同男仔一組做project會好唔開心、唔同附近嘅男同學傾偈。唔知係咪因為我有幾個阿哥，所以其實我覺得性別唔係一樣特別重要嘅嘢，只要保持適當嘅距離，其實普通傾偈或者一班人一齊食飯係冇乜問題嘅。 喺呢度我想分享我見到嘅一個故事， A有一日想帶個男仔friend 同我哋一齊玩，B就話「可唔可以唔好帶男仔嚟阿，啲男仔好煩阿」 但我覺得煩唔煩係唔關性別事，女仔都可以好煩，男仔都可以好好相處。 出到嚟社會，始終都要面對異性，我覺得應該趁而家學生時期，學習同異性相處嘅方法，學習應該要有所避忌嘅地方，之後就可以好開心咁一齊相處。 *可能有錯字，但希望各位除咗捉錯字之外都可以講下你哋嘅睇法* Thanks admin

#NSS愛情 [Guest] (麻煩Admin po ig~唔該晒Admin) 是咁的小妹今年f3，最近有少少「懷疑」自己鍾意咗一個男仔friend（下稱A)，本身小妹都係一個好外向嘅人，一路都有好多男仔friend（兄弟）。 咁最近我有啲懷疑自己鍾意咗A（因為從來都未試過鍾意人，我唔係好知鍾意一個人係咩感覺）。咁我有上網查過啦，但感覺又唔係好似。A出Story嘅時候，我會莫名奇妙有啲開心嘅感覺。有陣時佢約我出街，我都會覺得開心（同普通friend都會，但同佢出街好似會開心啲同埋有少少緊張😓），而且有陣時story見到佢同其他女仔出街我會有少少唔開心嘅感覺（我都唔知點形容🥲）。咁但係網上講話，鍾意一個人嘅時候會心跳加速，可能想同佢有啲身體接觸，喺佢面前會變咗第二個人（可能係會變得特別溫柔），但係我呢啲都冇，所以我開始有啲懷疑我係咪真係鍾意咗佢。 我想問吓大家鍾意一個人究竟係點？我咁樣係唔係真係鍾意佢？ 唔該晒大家！！！！！ 仲有麻煩晒admin

#NSS個人 [GUEST] 小妹13歲，今年暑假移左民。最近發現自己越來越妥…… 是咁的，我對事物失去曬興趣，又孤獨，覺得自己無生存意義。我上網search左點解會咁，然後我發現全部都係抑鬱症症狀。我唔想啊媽同其他家人擔心所以無話比佢地知，我平時係香港係一個大家都話我係開心果、成日笑嘅女仔。我應該點做。我變左好多…. 有諗過係唔係唔適應嘅問題，但係已經移左民2個月。小妹應該點做，麻煩各位大佬比啲意見！！thanks ! Admin plz po ig thx

#NSS愛情 [GUEST] 小弟有個好靚好可愛, 把聲超好聽, 仲要成績勁好既女仔bff。我一直都好鍾意佢, 但見到佢拒絕其他人既理由都係唔想拍拖住, 所以就唔夠膽表白, 打算一直陪喺佢身邊。但佢身邊仲有幾個好玩得既男仔frd, 有時見佢地一齊出街玩, 笑得好開心既時候我會喺咁胡思亂想, 諗好多跟住唔開心。 我好想知佢究竟有冇鍾意我😭 佢做過好多好似鍾意我嘅舉動但佢咁單純, 究竟係有心定無心之舉… 佢成日秒回我, 我功課唔識做佢會好耐心咁教我, 又肯同我單獨出街玩…但係佢又成日同其他人打機, 又會借功課比其他人抄, 又有好多人同佢玩… 若近若遠既感覺真係好辛苦, 究竟我應該點做? 我真係唔夠膽問佢關於愛情既野😭

#NSS學校 [Guest] 平時返學，都係屋企人車我返學。 去到學校落車之後，屋企人就會u turn(掉頭)。 因為再沿路向前行就會好塞車。 一直返左x年都係咁， 其他家長車學生返學都係咁， 雖然起香港道路法例黎講係違法嘅， 但係我地完全冇塞住學校嘅校巴或者校門口， 亦冇試過令條路嘅交通系統癱瘓。 反而有時有啲工程車泊起學校附近， 塞住搞到學生冇位落車(唔知係咪同學校工程有關) 但係呢排就有學校職員(男)起度拍片，影住啲車，然後報警。 警就打比屋企人話要扣分、罰錢。 連累屋企人我當然有罪惡感。 但係最令我髮指嘅係學校職員拍嘅片， 學校冇宣布過會拍片比警察呢樣嘢， 而企出黎拍片嘅學校職員係男性， 有時候都會有女同學著裙返學， 落車嘅時候走光都係常事， 如果呢啲畫面被拍攝呢？ 係咪都係會為左證據充足而會被保存同send比警察？ 同埋學校職員咁樣拍片真係冇侵犯到學生同家長嘅私隱？ 影片被保存、轉發比唔同嘅人等等嘅情況我地學生家長都無能為力。

#NSS學校 [Jccssyl] 求 1C /1D 185 師弟ig （09弟弟）🥺 救命 佢真係好高 又好靚仔❗️

#NSS學校 [Iiiou] 唔通怕羞嘅人就要比人歧視？ 唔知睇緊依篇文嘅大家係social嘅人定怕羞嘅人。都開咗學一排，我依然識唔到朋友，個原因正正就係因為我怕羞。慢慢我就聽到有人講我，話我個人好難相處，其實我只係比較怕羞，講嘢比較細聲，有冇需要咁樣講嘢？有冇諗過其實你太social反而會嚇親我？一嚟就好似識咗十幾年咁好熱情似火咁，其實我會驚。一諗起仲要對多班同學4年(今年中二)就覺得好辛苦。唔通怕羞嘅人就要比人歧視？怕羞嘅人就只可以做邊緣人？以前都聽過一句說話：依個世界係對social嘅人比較友善。以前都唔覺，今年開學終於都覺🙂 Sorry for 1999